← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62002: P Ex

Click on a word for lexical analysis
Click on a red-colored coordinate for comments and/or translations of the line

previous chapter


25:01 ܘܡܠܠ ܡܪܝܐ ܥܡ ܡܘܫܐ ܘܐܡ݂ܪ ܠܗ܂
25:02 ܐܡ݂ܪ ܠܕܒܝܬ ܐܝܣܪܝܠ܂ ܘܢܦܪܫܘܢ ܠܝ ܦܘܪܫܢܐ ܡܢ ܟܠ ܓܒܪܐ ܕܐܬܚܫܒ ܒܠܒܗ ܬܣܒܘܢ ܦܘܪܫܢܐ܂
25:03 ܘܗܢܐ ܦܘܪܫܢܐ ܕܬܣܒܘܢ ܡܢܗܘܢ܂ ܕܗܒܐ ܘܣܐܡܐ/ܘܟܣܦܐ#3#/ ܘܢܚܫܐ܂
25:04 ܘܬܟܠܬܐ ܘܐܪܓܘܢܐ܂ ܘܙܚܘܪܝܬܐ ܘܒܘܨܐ܂ ܘܣܥܪܐ ܕܥܙ̈ܐ܂
25:05 ܘܡܫ̈ܟܐ ܕܕܟܪ̈ܐ ܕܐܣܦܝܢܝܩܐ ܘܡܫ̈ܟܐ ܕܣܣܓܘܢܐ܂ ܘܩܝܣ̈ܐ ܕܐܫܟܪܥܐ܂
25:06 ܘܡܫܚܐ ܠܡܢܗܪܘ܂ ܘܒܣ̈ܡܐ ܠܡܫܚܐ ܕܡܫܝܚܘܬܐ ܘܠܥܛܪܐ ܕܒܣ̈ܡܐ܂
25:07 ܘܟܐ̈ܦܐ ܕܒܪܘܠܐ܂ ܘܟܐ̈ܦܐ ܛܒܬ̈ܐ܂ ܠܦܕܬܐ ܘܠܦܪܝܣܐ܂
25:08 ܘܢܥܒܕܘܢ ܠܝ ܡܩܕܫܐ ܘܐܫܪܐ ܒܝܢܬܗܘܢ܂
25:09 ܟܠ ܡܕܡ ܕܡܚܘܐ ܐܢܐ ܠܟ܂ ܕܡܘܬܐ ܕܡܫܟܢܐ ܘܕܟܠܗܘܢ ܡܐ̈ܢܘܗܝ ܗܟܢܐ ܢܥܒܕܘܢ܂
25:10 ܘܢܥܒܕܘܢ ܩܒܘܬܐ ܕܩܝܣܐ ܕܐܫܟܪܥܐ܂ ܬܪ̈ܬܝܢ ܐܡ̈ܝܢ ܘܦ݂ܠܓ ܐܘܪܟܗ݀܂ ܘܐܡܐ ܘܦܠܓ ܦܬܝܗ݀܂ ܘܐܡܐ ܘܦ݂ܠܓ ܪܘܡܗ݀܂
25:11 ܘܩܪܘܡܝܗ݀ ܕܗܒܐ ܕܟܝܐ܂ ܡܢ ܠܒܪ ܘܡܢ ܠܓܘ ܬܩܪܡܝܗ݀܂ ܘܬܥ݁ܒܕ ܠܗ݀ ܟܠܝܠܐ ܕܕܗܒܐ ܟܕ ܚܕܪܐ܂
25:12 ‍<‍ܘܬܥܒܕ#3#‍>‍ ܘܬܚܫܘܠ/ܘܬܥܒܕ#3#/ ܠܗ݀ ܐܪ̈ܒܥ ܙܩܙܩ̈ܢ ܕܕܗܒܐ܂ ܘܬܬܠ ܒܐܪ̈ܒܥ ܙܘܝܬ̈ܗ݀܂ ܬܪ̈ܬܝܢ ܙܩܙܩ̈ܢ ܒܣܛܪܐ ܚܕ܂ ܘܬܪ̈ܬܝܢ ܙܩܙܩ̈ܢ ܥܠ ܣܛܪܗ݀ ܐܚܪܢܐ܂
25:13 ܘܬܥܒ݁ܕ ܩܘ̈ܦܐ ܕܩܝܣܐ ܕܐܫܟܪܥܐ܂ ܘܬܩܪܘܡ ܐܢܘܢ ܕܗܒܐ܂
25:14 ܘܬ݁ܥܠ ܩܘ̈ܦܐ ܒܙܩ̈ܙܩܬܐ܂ ܥܠ ܣܛܪ̈ܝܗ݀ ܕܩܒܘܬܐ܂ ܕܬܫܬܩܠ ܒܗܘܢ ܩܒܘܬܐ܂
25:15 ܒܙܩ̈ܙܩܬܐ ܕܩܒܘܬܐ ܢܗܘܘܢ ܩܘ̈ܦܐ܂ ܘܠܐ ܢܥܢܕܘܢ ܡܢܗܝܢ܂
25:16 ܘܬܣܝܡ ܒܩܒܘܬܐ ܣܗܕܘܬܐ \ܕܐܬܠ ܠܟ /ܕܐܬܠܟ#3#/܂
25:17 ܘܥܒ݁ܕ ܚܘܣܝܐ ܕܕܗܒܐ ܕܟܝܐ܂ ܬܪ̈ܬܝܢ ܐܡ̈ܝܢ ܘܦ݂ܠܓ ܐܘܪܟܗ܂ ܘܐܡܐ ܘܦ݂ܠܓ ܦܬܝܗ/ܪܘܡܗ#3#/ ‍<‍ܘܐܡܐ ܘܦܠܓ ܪܘܡܗ#3#‍>‍܂
25:18 ܘܥܒ݁ܕ ܬܪ̈ܝܢ ܟܪ̈ܘܒܐ ܕܕܗܒܐ܂ ܕܢܣܟܬܐ ܥܒ݁ܕ ܐܢܘܢ ܡܢ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
25:19 ܘܥܒ݁ܕ ܟܪܘܒܐ ܚܕ ܡܢ ܣܛܪܗ ܡܟܐ܂ ܘܟܪܘܒܐ ܐܚܪܢܐ ܡܢ ܣܛܪܗ ܐܚܪܢܐ ܕܚܘܣܝܐ܂ ܬܥ݁ܒܕ ܬܪ̈ܝܢ ܟܪ̈ܘܒܐ ܥܠ ܬܪ̈ܝܢ ܣܛܪ̈ܘܗܝ܂
25:20 ܘܢܗܘܘܢ ܟܪ̈ܘܒܐ \ܦܪ̈ܝܣܝܢ ܓܦܝܗ̈ܘܢ /ܦܪ̈ܝܣܢ ܟܢ̈ܦܝܗܘܢ#3#/ ܠܥܠ܂ ܘܡܟܣܝܢ ܒܟܢ̈ܦܝܗܘܢ ܥܠ ܚܘܣܝܐ܂ ܘܐ̈ܦܝܗܘܢ ܚܕ ܠܘܩܒܠ ܚܕ܂ ܠܥܠ ܡܢ ܚܘܣܝܐ ܢܗ̈ܘܝܢ ܐ̈ܦܝ݁ܗܘܢ ܕܟܪ̈ܘܒܐ܂
25:21 ܘܬܣܝܡ ܚܘܣܝܐ ܥܠ/ܠܥܠ ܡܢ#3#/ ܩܒܘܬܐ ܡܢ ܠܥܠ܂ ܘܬܣܝܡ ܒܩܒܘܬܐ ܣܗܕܘܬܐ ܕܐܬܠ ܠܟ܂
25:22 ܘܐܬܘܥܕ ܠܟ ܬܡ݁ܢ܂ ܘܐܡܠܠ ܥܡܟ ܡܢ ܠܥܠ ܡܢ ܚܘܣܝܐ܂ ܡܢ ܒܝܢܬ/ܒܝܢܝ#3#/ ܬܪ̈ܝܢ ܟܪ̈ܘܒܐ ܕܐܝܬ ܠܥܠ ܡܢ ܩܒܘܬܐ ܕܣܗܕܘܬܐ܂ ܟܠ ܡܕܡ ܕܡܦܩܕ ܐܢܐ ܠܟ ܥܠ ܒܢ̈ܝ ܐܝܣܪܝܠ܂
25:23 ܘܥܒ݁ܕ ܦܬܘܪܐ ܕܩܝܣܐ ܕܐܫܟܪܥܐ܂ ܬܪ̈ܬܝܢ ܐܡ̈ܝܢ ܐܘܪܟܗ܂ ܘܐܡܐ ‍<‍ܘܦܠܓ#3#‍>‍ ܦܬܝܗ܂ ܘܐܡܐ ܘܦ݂ܠܓ ܪܘܡܗ܂
25:24 ܘܩܪܘܡܝܗܝ ܕܗܒܐ ܕܟܝܐ܂ ܘܥܒ݁ܕ ܠܗ ܟܠܝܠܐ ܕܕܗܒܐ ܟܕ ܚܕܪ܂
25:25 ܘܥܒ݁ܕ ܠܗ ܣܦܬܐ ܕܬܗܘܐ ܪܡܐ ܦܫܟ ܟܕ ܚ݁ܕܪ܂ ܘܥܒ݁ܕ ‍<‍ܠܗ#3#‍>‍ ܟܠܝܠܐ ܕܕܗܒܐ ܥܠ ܣܦܬܗ ܟܕ ܚܕܪ܂
25:26 ܘܥܒ݁ܕ ܠܗ ܐܪ̈ܒܥ ܙܩܙܩ̈ܢ ܕܕܗܒܐ܂ ܘܬܥܒܕ ܙܩܙ̈ܩܬܐ ܐܪ̈ܒܥ ܕܕܗܒܐ܂ ܥܠ ܐܪ̈ܒܥ ܙܘܝܬ̈ܗ܂ ܠܥܠ ܡܢ ܐܪ̈ܒܥ ܪ̈ܓܠܘܗܝ܂
25:27 ܠܘܩܒܠ ܣܦܬܗ ܢܗܘܝܢ ܙܩ̈ܙܩܬܗ܂ ܐܬܪܐ ܠܩ̈ܘܦܐ ܠܡܫܩܠܗ ܠܦܬܘܪܐ܂
25:28 ܘܥܒ݁ܕ ܩܘ̈ܦܐ ܕܩܝܣܐ ܕܐܫܟܪܥܐ܂ ܘܩܪܘܡ ܐܢܘܢ ܕܗܒܐ܂ ܕܢܗܘܘܢ ܫܩܠܝܢ ܒܗܘܢ ܦܬܘܪܐ܂
25:29 ܘܥܒ݁ܕ ܦܝ̈ܠܣܐ ܘܟ̈ܦܐ ܘܙܒܘܪ̈ܐ܂ ܘܡܢܩܝ̈ܬܐ ܕܡ݁ܬܢܩܐ ܒܗܝܢ܂ ܕܕܗܒܐ/ܕܗܒܐ#3#/ ܕܟܝܐ ܬܥܒ݁ܕ ܐܢܝ̈ܢ܂
25:30 ܘܬܣܝܡ ܥܠ ܦܬܘܪܐ \ܠܚܡ ܐ̈ܦܐ /ܠܚܡܐ ܕܐ̈ܦܐ#3#/ ܩܕܡܝ ܐܡܝܢܐܝܬ܂
25:31 ܘܥܒ݁ܕ ܡܢܪܬܐ ܕܕܗܒܐ ܕܟܝܐ܂ ܕܢܣܟܬܐ ܬܥܒ݁ܕܝܗ݀ ܠܡܢܪܬܐ܂ ܒܣܣ ܕܝܠܗ݀ ܘܩ̈ܢܝܗ݀ ܘܐܣ̈ܩܦܝܗ݀܂ ܘܚܙܘܪ̈ܝܗ݀ ܘܫܘ̈ܫܢܝܗ݀ ܡܢܗ݀ ܢܗܘܘܢ܂
25:32 ܘܫܬܐ ܩ̈ܢܝܢ ܕܢܦܩܝܢ ܡܢ ܣܛܪ̈ܝܗ݀܂ ܬܠܬܐ ܩ̈ܢܝܢ ܡܢ ܣܛܪܗ݀ ܚܕ ܕܡܢܪܬܐ܂ ܘܬܠܬܐ ܩܢ̈ܝܢ ܡܢ ܣܛܪܗ݀ ܐܚܪܢܐ܂
25:33 ܬܠܬܐ ܐܣ̈ܩܦܝܢ ܩܒܝܥܝܢ ܒܩܢܝܐ ܚܕ ܘܚܙܘܪ̈ܐ ܘܫ̈ܘܫܢܐ܂ ܘܬܠܬܐ ܐܣܩ̈ܦܝܢ ܩܒܝܥܝܢ ܒܩܢܝܐ ܚܕ ܘܚܙܘܪ̈ܐ ܘܫ̈ܘܫܢܐ܂ ܗܟܢܐ ܒܫܬܐ ܩܢܝ̈ܢ ܕܢܦܩܝܢ ܡܢܗ݀ ܡܢ ܡܢܪܬܐ܂
25:34 ܘܒܡܢܪܬܐ ܢܗܘܘܢ ܐܪ̈ܒܥܐ ܐܣ̈ܩܦܝܢ܂ ܘܚܙܘܪ̈ܐ ܘܫ̈ܘܫܢܐ܂
25:35 ܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗ݀܂ ܘܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗ݀܂ ܘܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗ݀܂ ܗܟܢܐ ܒܫܬܐ ܩ̈ܢܝܢ ܕܢܦܩܝܢ ܡܢܗ݀ ܡܢ ܡܢܪܬܐ܂
25:36 ܘܚܙܘܪ̈ܝܗ݀ ܘܩ̈ܢܝܗ݀ ܡܢܗ݀ ܢܗܘܘܢ܂ ܟܘܠܗ݀ ܕܢܣܟܬܐ ܚܕܐ ܕܕܗܒܐ ܕܟܝܐ܂
25:37 ܘܥܒ݁ܕ ܫܪ̈ܓܝܗ݀ ܫܒܥܐ܂ ܘܐܢܗܪ ܫܪ̈ܓܝܗ݀ ܕܢܗܘܘܢ ܡܢܗܪ̈ܝܢ/ܢܗܪ̈ܝܢ#3#/ ܠܘܩܒܠ ܐ̈ܦܝܗ݀܂
25:38 \ܘܥܒ݁ܕ ܡ̈ܠܩܛܝܗ݀ /ܕܡ̈ܠܩܛܝܗ݀#3#/ ܘܡܙܡ̈ܟܝܗ݀ ܕܕܗܒܐ ܕܟܝܐ܂
25:39 ܡܢ ܟܟܪܐ ܕܕܗܒܐ ܕܟܝܐ ܬܥܒܕܝܗ݀܂ ܠܗ݀ ܘܠܟܠܗܘܢ ܡܐ̈ܢܐ ܗܠܝܢ܂
25:40 ܘܚܙܝ ܘܥܒ݁ܕ ܒܕܡܘܬܐ ܗܝ݁ ܕܡ݁ܚܘܐ ܐܢܐ ܠܟ ܒܛܘܪܐ܂

next chapter