The Comprehensive Aramaic Lexicon

27:01	ܘܥܒ݁ܕ ܡܕܒܚܐ ܕܩܝܣܐ ܕܐܫܟܪܥܐ ܚܡܫ ܐܡ̈ܝܢ ܐܘܪܟܗ܂ ܘܚܡܫ ܐܡ̈ܝܢ ܦܬܝܗ܂ ܡܪܒܥ ܢܗܘܐ ܡܕܒܚܐ܂ ܘܬܠܬ ܐܡ̈ܝܢ ܪܘܡܗ܂
27:02	ܘܥܒ݁ܕ ܩܪ̈ܢܬܗ ܥܠ ܐܪ̈ܒܥ ܙܘܝ̈ܬܗ܂ ܡܢܗ ܢܗ̈ܘܝܢ ܩܪ̈ܢܬܗ܂ ܘܩܪܘܡܝܗܝ ܢܚܫܐ܂
27:03	ܘܥܒ݁ܕ ܩ̈ܕܣܘܗܝ ܠܬܫܡܫܬܗ܂ ܘܐܝܪ̈ܘܗܝ ܘܩܪ̈ܕܠܘܗܝ ܘܡܫ̈ܠܘܬܗ ܘܦܝܪ̈ܡܘܗܝ܂ ܘܟܠܗܘܢ ܡܐ̈ܢܘܗܝ ܬܥܒ݁ܕ ܕܢܚܫܐ܂
27:04	ܘܥܒ݂ܕ ܩܪܩܠ ܐܝܟ ܥܒ݁ܕܐ ܕܡܨܝܕܬܐ ܕܢܚܫܐ܂ ܘܥܒ݁ܕ ܥܠ ܩܪܩ݂ܠ܂ ܐܪ̈ܒܥ ܙܩ̈ܙܩܢ ܕܢܚܫܐ ܥܠ ܐܪ̈ܒܥܐ ܣܛܪ̈ܘܗܝ܂
27:05	ܗܒܝܗܝ܂ ܬܚܝܬ/ܥܠ#3#/ ܫ̈ܦܘܠܘܗܝ ܕܡܕܒܚܐ ܡܢ ܠܬܚܬ܂ ܘܬܗܘܐ ܩܪܩܠ ܥܕܡܐ ܠܦܠܓܗ ܕܡܕܒܚܐ܂
27:06	ܘܥܒ݁ܕ ܩ̈ܘܦܐ ܠܡܕܒܚܐ ܩܘ̈ܦܐ ܕܩܝܣܐ ܕܐܫܟܪܥܐ܂ ܘܩܪܘܡ ܐܢܘܢ ܢܚܫܐ܂
27:07	ܘܐܥܠ ܩ̈ܘܦܐ ܒ̈ܙܩܙܩܬܐ܂ ܘܢܗܘܘܢ ‍<‍ܩܘܦ̈ܐ#3#‍>‍ ܥܠ ܬܪ̈ܝܢ ܣܛܪ̈ܘܗܝ ܕܡܕܒܚܐ܂ ܡܐ ܕܫܩܠܝܢ ܠܗ܂
27:08	ܚܠܝܠܐ ܕܕ̈ܦܐ ܬܥܒܕܝܘܗܝ܂ ܐܝܟ ܕܚܘܝܬܟ ܒܛܘܪܐ܂ ܗܟܢܐ ܢܥܒܕܘܢ܂

27:09	ܘܥܒ݁ܕ ܕܪܬܐ ܠܡܫܟܢܐ/ܕܡܫܟܢܐ#3#/܂ ܠܣܛܪ ܪܘܚܐ ܕܬܝܡܢܐ܂ ܣܕܪ̈ܐ ܕܕܪܬܐ ܕܒܘܨܐ ܥܙܝܠܐ܂ ܡܐܐ ܐܡ̈ܝܢ ܐܘܪܟܗ ܕܣܕܪܐ ܚܕ܂

27:10	ܘܥܡ̈ܘܕܘܗܝ ܥܣܪ̈ܝܢ ܘܣܡܟܝ̈ܗܘܢ ܥܣܪ̈ܝܢ ܕܢܚܫܐ܂ ܘܩ̈ܘܒܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂
27:11	ܘܗܟܢܐ ܠܣܛܪܐ ܕܓܪܒܝܐ܂ ܒܐܘܪܟܐ ܣܕܪ̈ܐ ܡܐܐ ܐܡ̈ܝܢ܂ ܘܥܡ̈ܘܕܘܗܝ ܥܣܪ̈ܝܢ ܘܣܡ̈ܟܝܗܘܢ ܥܣܪ̈ܝܢ ܕܢܚܫܐ܂ ܘܩܘܒ̈ܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂
27:12	ܘܦܬܝܗ݀ ܕܕܪܬܐ ܠܣܛܪܐ ܕܡܥܪܒܐ܂ ܣܕܪ̈ܐ ܚܡܫܝܢ ܐ̈ܡܝܢ܂ ܥܡ̈ܘܕܝܗܘܢ ܥܣܪܐ ܘܣܡ̈ܟܝܗܘܢ ܥܣܪܐ܂
27:13	ܘܦܬܝܗ݀ ܕܕܪܬܐ \ܠܣܛܪܐ ܕܪܘܚܐ ܕܡܕܢܚܐ /ܠܣܛܪ ܪܘܚ ܡܕܢܚܐ#3#/ ܠܣܛܪ ܪܘܚܐ ܕܡܕܢܚܐ#3#/܂ ܚܡܫܝܢ ܐܡ̈ܝܢ܂
27:14	ܘܚܡܫܥܣܪܐ ܐ̈ܡܝܢ ܣܕܪ̈ܐ/ܠܣܕܪ̈ܐ#3#/ ܕܣܛܪܐ/ܒܣܛܪܐ#3#/܂ ܥܡ̈ܘܕܝܗܘܢ ܬܠܬܐ ܘܣܡ̈ܟܝܗܘܢ ܬܠܬܐ܂
27:15	ܘܠܣܛܪܐ ܬܢܝܢܐ ܚܡܫܬܥܣܪ ܣܕܪ̈ܝܢ܂ ܥܡ̈ܘܕܝܗܘܢ ܬܠܬܐ ܘܣܡ̈ܟܝܗܘܢ ܬܠܬܐ܂
27:16	ܘܠܬܪܥܐ ܕܕܪܬܐ ܦܪܣܐ ܥܣܪ̈ܝܢ ܐܡ̈ܝܢ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒ݁ܕܐ ܕܨܘܪܬܐ ܥܡ̈ܘܕܝܗܘܢ ܐܪ̈ܒܥܐ ܘܣܡ̈ܟܝܗܘܢ ܐܪ̈ܒܥܐ܂
27:17	ܟܠܗܘܢ ܥܡ̈ܘܕܐ ܕܕܪܬܐ ܟܕ ܚܕܪܐ ܩܪ̈ܝܡܝܢ ܣܐܡܐ/ܟܣܦܐ#3#/܂ ܘܩ̈ܘܒܥܝܗܘܢ ܕܣܐܡܐ/ܕܟܣܦܐ#3#/ ܘܣܡ̈ܟܝܗܘܢ ܕܢܚܫܐ܂
27:18	ܘܐܘܪܟܗ݀ ܕܕܪܬܐ ܡܐܐ ܐܡ̈ܝܢ܂ ܘܦܬܝܗ݀ ܚܡܫܝܢ܂ ܒܚܡܫܝܢ ܘܪܘܡܗ݀ ܚܡܫ ܐܡ̈ܝܢ ܕܒܘܨܐ ܥܙܝܠܐ܂ ܘܣܡ̈ܟܝܗܘܢ ܕܢܚܫܐ܂
27:19	ܟܠܗܘܢ ܡܐ̈ܢܐ ܕܡܫܟܢܐ ܘܟܠܗ ܦܘܠܚܢܗ܂ ܘܟܠܗܝܢ ܣܟ̈ܘܗܝ ܘܟܠܗܝܢ ܣܟ̈ܐ ܕܕܪܬܐ ܕܢܚܫܐ܂
27:20	ܘܐܢܬ ܦܩ݁ܕ ܠܒܢ̈ܝ ܐܝܣܪܝܠ܂ ܘܢܣܒܘܢ/ܘܢܝܬܘܢ#3#/ ܠܟ ܡܫܚܐ ܕܟܝܐ ܕܙܝܬܐ ܥܨܝܪܐ܂ ܠܡܢܗܪܘ ܫܪ̈ܓܐ ܐܡܝܢܐܝܬ܂
27:21	ܒܡܫܟܢ ܙܒܢܐ܂ ܠܒܪ ܡܢ ܦܪܣܐ ܕܥܠ ܣܗܕܘܬܐ܂ ܘܢܣܕܘܪ/ܘܢܣܕܪ#3#/ ܐܢܘܢ ܐܗܪܘܢ ܘܒܢ̈ܘܗܝ܂ ܡܢ ܪܡܫܐ ܘܥܕܡܐ ܠܨܦܪܐ ܩܕܡ ܡܪܝܐ܂ ܢܡܘܣܐ ܠܥܠܡ ܠܕܪ̈ܝܟܘܢ ܡܢ ܠܘܬ ܒܢ̈ܝ ܐܝܣܪܐܝܠ܂