The Comprehensive Aramaic Lexicon

29:01	ܘܗܟܢܐ ܥܒ݁ܕ ܠܗܘܢ ܘܩ݁ܕܫ ܐܢܘܢ ܠܝ ܠܟܗܢܘܬܐ܂ ܘܣܒ ܬܘܪܐ ܚܕ ܒܪ ܒܩܪܐ܂ ܘܕܟܪ̈ܐ ܬܪ̈ܝܢ \ܕܠܐ ܡܘܡ /ܕܠܝܬ ܒܗܘܢ ܡܘܡܐ#3#/܂
29:02	ܘܠܚܡܐ ܦܛܝܪܐ܂ ܚܚܪ̈ܬܐ ܦܛܝܪ̈ܬܐ ܕܦܝܠܢ ܒܡܫܚܐ܂ ܘ̈ܠܓܢܐ ܦܛܝܪ̈ܐ ܕܦܝܠܝܢ/ܕܡܫ̈ܝܚܝܢ#3#/ ܒܡܫܚܐ܂ ܕܢܫܝܦܐ ܕܚ̈ܛܐ ܬܥܒ݁ܕ ܐܢܘܢ܂
29:03	ܘܬܣܝܡ ܐܢܘܢ ܒܣܠܐ ܚܕ ܘܬܩ݁ܪܒ ܐܢܘܢ ܒܣܠܐ܂ ܘܠܬܘܪܐ ܘܠܬܪ̈ܝܢ ܕܟܪ̈ܝܢ܂
29:04	ܘܠܐܗܪܘܢ ܘܠܒܢ̈ܘܗܝ ܩ݁ܪܒ ܠܬܪܥܐ ܕܡܫܟܢܙܒܢܐ܂ ܘܐܣܚ݁ܐ ܐܢܘܢ ܒܡ̈ܝܐ܂
29:05	ܘܣܒ ܠܒ̈ܘܫܐ ܘܐܠܒܫ ܠܐܗܪܘܢ܂ ܟܘܬܝܢܐ ܘܦܪܙܘܡܐ ܘܡܨܢܦܬܐ/ܕܦܕܬܐ#3#/܂ ܘܦܕܬܐ ܘܦܪܝܣܐ܂ ܘܬܩܢܝܗܝ ܒܗܡܝܢܐ ܕܦܕܬܐ܂
29:06	ܘܣܝܡ ܡܨܢܦܬܐ ܒܪܫܗ܂ ܘܣܝܡ ܟܠܝܠܐ ܕܩܘܕܫܐ ܥܠ ܡܨܢܦܬܐ܂
29:07	ܘܣܒ ܡܫܚܐ ܕܡܫܝܚܘܬܐ܂ ܘܣܘܟ ܒܪܫܗ ܘܡܫܘܚܝܗܝ܂
29:08	ܘܩ݁ܪܒ ܠܒ̈ܢܘܗܝ ܘܐܠܒܫ ܐܢܘܢ ܟܘܬ̈ܝܢܝܬܐ܂
29:09	ܘܐܣܘܪ ܐܢܘܢ ܗܡܝ̈ܢܐ ܠܐܗܪܘܢ ܘܠܒܢ̈ܘܗܝ܂ ܘܣܝܡ ܠܗܘܢ ܟ̈ܠܘܐ܂ ܘܬܗܘܐ ܠܗܘܢ ܟܗܢܘܬܗܘܢ ܠܩܝܡܐ ܕܠܥܠܡ܂ ܘܬܫܡܠܐ ܐܝܕܗ ܕܐܗܪܘܢ ܘܐܝ̈ܕܐ ܕܒܢ̈ܘܗܝ܂
29:10	ܘܩ݁ܪܒ ܬܘܪܐ ܩܕܡ ܡܫܟܢܙܒܢܐ܂ ܘܢܣܡܟܘܢ ܐܗܪܘܢ ܘܒܢ̈ܘܗܝ܂ ܐܝ̈ܕܝܗܘܢ ܥܠ ܪܫܗ ܕܬܘܪܐ܂
29:11	ܘܟܘܣܝܗܝ ܠܬܘܪܐ ܩܕܡ ܡܪܝܐ ܒܬܪܥܐ ܕܡܫܟܢܙܒܢܐ܂
29:12	ܘܣܒ ܡܢ ܕܡܗ ܕܬܘܪܐ܂ ܘܪܘܣ/ܘܐܪܙܦ#3#/ ܥܠ ܩܪ̈ܢܬܗ ܕܡܕܒܚܐ ܒܨܒܥܟ܂ ܘܟܠܗ ܕܡܐ ܐܫܘܕ ܥܠ ܫ̈ܦܘܠܝ ܡܕܒܚܐ܂
29:13	ܘܣܒ ܟܠܗ ܚܠܒܐ ܕܩܪܝܡ ܠܓܘܝܐ܂ ܘܚܨܪ ܟܒܕܐ ܘܬܪ̈ܬܝܢ ܟܘ̈ܠܝܢ ܘܬܪܒܗܝܢ܂ ܘܐܣܩ ܠܡܕܒܚܐ܂
29:14	ܘܒܣܪܗ ܕܬܘܪܐ ܘܡܫܟܗ ܘܦܪܬܗ܂ ܬܘܩܕ ܒܢܘܪܐ ܠܒܪ ܡܢ ܡܫܪܝܬܐ܂ ܚܛܗܐ ܗܘ܂
29:15	ܘܕܟܪܐ ܚܕ ܬܣܒ܂ ܘܢܣܡܟܘܢ ܐܗܪܘܢ ܘܒܢ̈ܘܗܝ ܐ̈ܝܕܝܗܘܢ ܥܠ ܪܫܗ ܕܕܟܪܐ܂
29:16	ܘܟܘܣܝܗܝ ܠܕܟܪܐ܂ ܘܣܒ ܡܢ ܕܡܗ܂ ܘܪܘܣ/ܘܐܪܙܦ#3#/ ܥܠ ܡܕܒܚܐ ܟܕ ܚܕܪ܂
29:17	ܘܕܟܪܐ ܦܫ݁ܚ ܗ̈ܕܡܘܗܝ܂ ܘܐܫܝܓ ܓܘܝܗ ܘܟܪ̈ܥܘܗܝ܂ ܘܬܬܠ ܥܠ ܗ̈ܕܡܘܗܝ ܘܥܠ ܪܫܗ܂
29:18	ܘܬ݁ܣܩ ܟܠܗ ܕܟܪܐ ܠܡܕܒܚܐ/ܥܠ ܡܕܒܚܐ#3#/܂ ܥܠܬܐ ܗܘ ܠܡܪܝܐ ܠܪܝܚ ܢܝܚܐ ܩܘܪܒܢܐ ܠܡܪܝܐ܂
29:19	ܘܬܣܒ ܕܟܪܐ ܬܢܝܢܐ܂ ܘܢܣܡܘܟ ܐܗܪܘܢ ܘܒܢ̈ܘܗܝ ܐ̈ܝܕܝܗܘܢ ܥܠ ܪܫܗ ܕܕܟܪܐ܂
29:20	ܘܟܘܣܝܗܝ ܠܕܟܪܐ܂ ܘܣܒ/ܘܗܒ#3#/ ܡܢ ܕܡܗ܂ ܘܪܘܣ/ܘܐܪܙܦ#3#/ ܥܠ ܛܪܦܐ ܕܐܕܢܗ ܕܐܗܪܘܢ ܕܝܡܝܢܐ܂ ܘܥܠ ܛܪ̈ܦܐ ܕܐ̈ܕܢܐ ܕܒܢ̈ܘܗܝ ܕܝܡܝܢܐ܂ ܘܥܠ ܟܪ̈ܘܬܐ ܕܐ̈ܝܕܝܗܘܢ ܕܝܡܝܢܐ܂ ܘܥܠ ܟܪ̈ܘܬܐ ܕܪ̈ܓܠܝܗܘܢ ܕܝܡܝܢܐ܂ ܘܬܪܘܣ/ܘܐܪܙܦ#3#/ ܕܡܐ ܥܠ ܡܕܒܚܐ ܟܕ ܚ݁ܕܪ܂
29:21	ܘܬܣܒ ܡܢ ܕܡܐ ܕܥܠ ܡܕܒܚܐ܂ ܘܡܢ ܡܫܚܐ ܕܡܫܝܚܘܬܐ܂ ܘܬܪܘܣ ܥܠ ܐܗܪܘܢ ܘܥܠ ܠܒ̈ܘܫܘܗܝ܂ ܘܥܠ ܒܢ̈ܘܗܝ܂ ܘܥܠ ܠܒ̈ܘܫܐ ܕܒܢ̈ܘܗܝ ܥܡܗ܂ ܘܢܬܩܕܫ ܗ݂ܘ ܘܠܒ̈ܘܫܘܗܝ܂ ܘܒܢ̈ܘܗܝ ܘܠܒ̈ܘܫܐ ܕܒܢ̈ܘܗܝ ܥܡܗ܂
29:22	ܘܣܒ ܡܢ ܕܟܪܐ ܬܪܒܐ/ܚܠܒܐ#3#/ ܘܐܠܝܬܐ܂ ܘܚܠܒܐ ܕܩܪܝܡ ܠܓܘܝܐ܂ ܘܚܨܪ ܟܒܕܐ܂ ܘܬܪ̈ܬܝܢ ܟܘ̈ܠܝܢ ܘܬܪܒܐ ܕܥܠܝܗܝܢ܂ ܘܫ݁ܩܐ ܕܝܡܝܢܐ܂ ܡܛܠ ܕܕܟܪܐ ܗܘ ܕܫܘܡܠܝܐ܂
29:23	ܘܓܪܝܨܬܐ ܚܕܐ ܕܠܚܡܐ܂ ܘܓܪܝܨܬܐ ܚܕܐ ܕܠܚܡܐ ܕܡܫܚܐ܂ ܘܠܓܢܐ ܚܕ ܡܢ ܣܠܐ ܕܦܛܝܪܐ ܕܩܕܡ ܡܪܝܐ܂
29:24	ܘܬܣܝܡ ܟܠܗܘܢ ‍<‍ܗܠܝܢ#3#‍>‍ ܥܠ ܐܝܕܐ ܕܐܗܪܘܢ ܘܥܠ ܐܝ̈ܕܐ ܕܒܢ̈ܘܗܝ܂ ܘܬܦܪܘܫ ܐܢܘܢ ܦܘܪܫܢܐ ܩܕܡ ܡܪܝܐ܂
29:25	ܘܬܣܒ ܡܢ ܐ̈ܝܕܝܗܘܢ܂ ܘܬܣ݁ܩ ܚܕܝܐ ܡܢ ܕܟܪܐ ܠܡܕܒܚܐ/ܥܠ ܡܕܒܚܐ#3#/ ܠܥܠܬܐ܂ ܠܪܝܚ ܢܝܚܐ ܩܕܡ ܡܪܝܐ܂ ܩܘܪܒܢܐ ܗܘ ܠܡܪܝܐ܂
29:26	ܘܬܣܒ ܚܕܝܐ ܡܢ ܕܟܪܐ ܕܫܘܡܠܝܐ ܕܐܗܪܘܢ܂ ܘܬ݂ܦܪܫܝܘܗܝ ܦܘܪܫܢܐ ܩܕܡ ܡܪܝܐ܂ ܘܬܗܘܐ ܠܟ ܡܢܬܐ/ܠܡܢܬܐ#3#/܂
29:27	ܘܩ݁ܕܫ ܚܕܝܐ ܕܦܘܪܫܢܐ ܘܫܩܐ ܕܦܘܪܫܢܐ܂ ܕܐܬܦܪܫ ܘܐܬܬܪܝܡ ܡܢ ܕܟܪܐ ܕܫܘܡܠܝܐ܂ ܡܢ ܕܐܗܪܘܢ ܘܡܢ ܕܒܢ̈ܘܗܝ܂
29:28	ܘܢܗܘܐ ܠܐܗܪܘܢ ܘܠܒܢ̈ܘܗܝ ܩܝ݁ܡܐ ܠܥܠܡ ܡܢ ܠܘܬ ܒܢ̈ܝ ܐܝܣܪܝܠ܂ ܡܛܠ ܕܦܘܪܫܢܐ ܗܘ ܘܦܘܪܫܢܐ ܢܗܘܐ ܡܢ ‍<‍ܠܘܬ#3#‍>‍ ܒܢ̈ܝ ܐܝܣܪܝܠ܂ ܡܢ \ܕܒܚ̈ܝ ܫ̈ܠܡܝܗܘܢ /ܕܒ̈ܚܝܗܘܢ ܫ̈ܠܡܐ#3#/ ܕܒܚ̈ܝ ܫܠܡܘܬܗܘܢ#3#/܂ ܦܘܪܫܢܐ ܠܡܪܝܐ܂
29:29	ܘܠܒ̈ܘܫܝ ܩܘܕܫܐ ܕܐܗܪܘܢ ܢܗܘܘܢ ܠܒܢ̈ܘܗܝ ܡܢ ܒܬܪܗ ܠܡܡܫܚ ܒܗܘܢ ܘܠܡܫܡܠܝܘ ܒܗܘܢ ܐ̈ܝܕܝܗܘܢ܂
29:30	ܫܒܥܐ ܝܘܡ̈ܝܢ ܢܠܒܫ ܐܢܘܢ ܟܗܢܐ ܒܬܪܗ ܡܢ ܒܢ̈ܘܗܝ܂ ܕܢܥܘܠ ܠܡܫܟܢܙܒܢܐ ܠܡܫܡܫܘ ܒܩܘܕܫܐ܂
29:31	ܘܕܟܪܐ ܕܫܘܡܠܝܐ ܬܣܒ܂ ܘܬܒܫܠ ܒܣܪܗ ܒܐܬܪܐ ܩܕܝܫܐ܂
29:32	ܘܢܐܟܘܠ ܐܗܪܘܢ ܘܒܢ̈ܘܗܝ ܒܣܪܐ ܕܕܟܪܐ܂ ܘܠܚܡܐ ܕܒܣܠܐ ܒܬܪܥܐ ܕܡܫܟܢܙܒܢܐ܂
29:33	ܘܢܐܟܠܘܢ ܐܢܘܢ ܕܡܬܚܣܝܢ ܒܗܘܢ܂ ܠܡܫܡܠܝܘ ܐܝ̈ܕܝܗܘܢ ܘܠܡܩܕܫܘ ܐܢܘܢ܂ ܘܢܘܟܪܝܐ ܠܐ ܢܐܟܘܠ܂ ܡܛܠ ܕܩܘܕܫܐ ܐܢܘܢ܂
29:34	ܘܐܢ ܢܫܬܚܪ/ܢܫܬܘܚܪ#3#/ ܡܢ ܒܣܪܐ ܕܫܘܡܠܝܐ ܘܡܢ ܠܚܡܐ ܥܕܡܐ ܠܨܦܪܐ܂ ܐܘܩܕܘ ܡܕܡ ܕܡܫܬܚܪ ܒܢܘܪܐ ܘܠܐ ܢܬܐܟܠ܂ ܡܛܠ ܕܩܘܕܫܐ ܐܢܘܢ܂
29:35	ܘܥܒ݁ܕ ܠܐܗܪܘܢ ܘܠܒܢ̈ܘܗܝ ܗܟܢܐ ܐܝܟܢܐ ܕܦܩܕܬܟ܂ ܫܒܥܐ ܝܘܡ̈ܝܢ ܬܫܡܠ݂ܐ ܐ̈ܝܕܝܗܘܢ܂
29:36	ܘܬܘܪܐ ܕܚܛܗܐ ܬܥܒ݁ܕ ܒܝܘܡܐ ܥܠ ܚܘܣܝܐ܂ ܘܬܪܘܣ ܥܠ ܡܕܒܚܐ ܡܐ ܕܡܚܣܐ ܐܢܬ ܥܠܘܗܝ܂ ܘܬܡܫܚܝܘܗܝ ܠܡܩܕܫܘܬܗ܂
29:37	ܫܒܥܐ ܝܘܡ̈ܝܢ ܬܚܣܐ ܥܠ ܡܕܒܚܐ ܘܬܩܕܫܝܘܗܝ܂ ܘܢܗܘܐ ܡܕܒܚܐ ܩܕܘܫ ܩ̈ܘܕܫܝܢ܂ ܘܟܠ ܕܢܩܪܘܒ ܠܡܕܒܚܐ ܢܬܩܕܫ܂
29:38	ܘܗܟܢܐ ܬܥܒ݁ܕ ܥܠ ܡܕܒܚܐ܂ ܐܡܪ̈ܐ ܒܢ̈ܝ ܫܢܬܐ ܬܪ̈ܝܢ ܐܡܝܢܐܝܬ ܒܝܘܡܐ܂
29:39	ܐܡܪܐ ܚܕ ܥܒ݁ܕ ܒܨܦܪܐ܂ ܘܐܡܪܐ ܐܚܪܢܐ ܬܥܒ݁ܕ ܥܕܢ ܪܡܫܐ܂

29:40	ܘܥܣܪܘܢܐ ܕܢܫܝܦܐ ܕܦܝܠ ܒܡܫܚܐ ܥܨܝܪܐ ܪܘܒܥܗ ܕܗܡܝܢܐ܂ ܘܢܘܩܝܐ ܪܘܒܥܗ ܕܗܡܝܢܐ ܕܚܡܪܐ/ܚܡܪܐ#3#/ ܠܐܡܪܐ ܚܕ܂

29:41	ܘܐܡܪܐ ܬܢܝܢܐ ܬܥܒ݁ܕ ܥܕܢ ܪܡܫܐ܂ ܐܝܟ ܩܘܪܒܢܐ ܕܨܦܪܐ ܘܐܝܟ ܢܘܩܝܗ ܬܥܒ݁ܕ ܠܗ܂ ܠܪܝܚ ܢܝܚܐ ܩܘܪܒܢܐ ܠܡܪܝܐ܂
29:42	ܥ݁ܠܬܐ ܐܡܝܢܐܝܬ ܠܕܪ̈ܝܟܘܢ ܒܬܪܥܐ ܕܡܫܟܢܙܒܢܐ ܩܕܡ ܡܪܝܐ܂ ܕܐܬܘܥܕ ܠܟܘܢ ܬܡܢ ܠܡܡܠܠܘ ܥܡܟܘܢ ‍<‍ܬܡܢ#3#‍>‍܂
29:43	ܘܐܬܘܥܕ ܬܡܢ ܠܒܢ̈ܝ ܐܝܣܪܝܠ܂ ܘܐܬܩܕܫ ܒܐܝܩܪܝ܂
29:44	ܘܐ݁ܩܕܫ ܡܫܟܢܙܒܢܐ ܘܡܕܒܚܐ܂ ܘܠܐܗܪܘܢ ܘܠܒܢ̈ܘܗܝ ܐ݁ܩܕܫ ܠܝ ܠܟܗܢܘܬܐ܂
29:45	ܘܐܫܪܐ ܒܓܘ ܒ̈ܢܝ ܐܝܣܪܝܠ܂ ܘܗܘܐ ܠܗܘܢ ܐܠܗܐ܂
29:46	ܘܢܕܥܘܢ ܕܐܢܐ ܐܢܐ ܡܪܝܐ ܐܠܗܗܘܢ ܕܐܦ݁ܩܬ ܐܢܘܢ ܡܢ ܐܪܥܐ ܕܡܨܪܝܢ ܘܐܫܪܐ ܒܝܢܬܗܘܢ݁ ܐܢܐ ܐܢܐ ܡܪܝܐ ܐܠܗܗܘܢ܂