The Comprehensive Aramaic Lexicon

31:01	ܘܡܠܠ ܡܪܝܐ ܥܡ ܡܘܫܐ ܘܐܡ݂ܪ ܠܗ܂
31:02	ܚܙܝ ܕܩܪܝܬ ܒܫܡ ܠܒܨܠܝܐܝܠ ܒܪ ܐܘܪܝ ܒܪ ܚܘܪ ܡܢ ܫܒܛܐ ܕܝܗܘܕܐ/ܕܒܢ̈ܝ ܝܗܘܕܐ#3#/܂

31:03	ܘܡܠܝܬܗ ܪܘܚܐ ܕܐܠܗܐ܂ ܒܚܟܡܬܐ ܘܒܒܘܝܢܐ ܘܒܐܝܕܥܬܐ܂ ܘܒܟܠ ܥܒ݁ܕ܂

31:04	ܠܡܠܦܘ ܐܘܡܢܘܬܐ/ܒܐܘܡܢܘܬܐ#3#/ ܠܡܥܒ݁ܕ ܒܕܗܒܐ ܘܒܣܐܡܐ/ܘܒܟܣܦܐ#3#/ ܘܒܢܚܫܐ܂
31:05	ܘܒܐܘܡܢܘܬܐ ܕܟܐ̈ܦܐ ܠܡܫ݁ܠܡܘ܂ ܘܒܢܓܪܘܬܐ ܕܩܝܣ̈ܐ ܠܡܥܒ݁ܕ ܟܠ ܥܒ݁ܕ܂
31:06	ܘܐܢܐ ܗܐ ܝܗ݀ܒܬ ܥܡܗ܂ ܠܐܠܝܗܒ ܒܪ ܐܚܝܣܡܟ ܡܢ ܫܒܛܐ ܕܕܢ ܘܒܠܒܐ ܕܟܠ ܚ̈ܟܝܡܝ ܠܒܐ ܝܗ݀ܒܬ ܚܟܡܬܐ܂ ܘܢܥܒ݁ܕܘܢ ܟܠܡܕܡ/ܟܠ ܡܐ#3#/ ܕܦܩܕܬܟ܂
31:07	ܡܫܟܢܙܒܢܐ/ܒܡܫܟܢܙܒܢܐ#3#/ ܘܩܒܘܬܐ/ܘܒܩܒܘܬܐ#3#/ ܕܣܗܕܘܬܐ܂ ܘܚܘܣܝܐ ܕܥܠܝܗ݀ ܘܟܠ ܡܐ̈ܢܝ ܡܫܟܢܐ܂
31:08	ܘܦܬܘܪܐ ܘܟܠ ܡܐ̈ܢܘܗܝ܂ ܘܡܢܪܬܐ ܕܟܝܬܐ ܘܟܠܗܘܢ ܡܐ̈ܢܝܗ݀܂ ܘܡܕܒܚܐ ܕܥܛܪܐ܂
31:09	ܘܡܕܒܚܐ ܕܥ݁ܠܬܐ ܘܟܠ ܡܐ̈ܢܘܗܝ܂ ܘܠܩܢܐ ܘܟܢܗ݀܂
31:10	ܘܠܒܘ̈ܫܝ ܬܫܡܫܬܐ܂ ܘܠܒܘܫ̈ܝ ܩܘܕܫܐ ܠܐܗܪܘܢ ܟܗܢܐ܂ ܘܠܒܘ̈ܫܐ ܠܒܢ̈ܘܗܝ ܠܡܟܗ݀ܢܘ ܠܝ܂
31:11	ܘܡܫܚܐ ܕܡܫܝܚܘܬܐ ܘܥܛܪܐ ܕܒܣ̈ܡܐ ܠܩܘܕܫܐ܂ ܟܠܡܕܡ/ܟܠ ܡܐ#3#/ ܕܦܩܕܬܟ ‍<‍ܗܟܢܐ#3#‍>‍ ܢܥܒܕܘܢ܂
31:12	ܘܐܡ݂ܪ ܡܪܝܐ ܠܡܘܫܐ܂
31:13	ܐܢܬ ܐܡ݂ܪ ܠܒ̈ܢܝ ܐܝܣܪܝܠ܂ ܫ̈ܒܐ ܗܘܝܬܘܢ ܢܛܪܝܢ܂ ܡܛܠ ܕܐܬܐ ܗܝ ܒܝܢ̈ܝ ܘܠܟܘܢ܂ ܠܕܪ̈ܝܟܘܢ܂ ܕܬܕܥܘܢ ܕܐܢܐ ܐܢܐ ܡܪܝܐ ‍<‍ܐܠܗܟܘܢ#3#‍>‍ ܕܡܩܕܫ ܐܢܐ ܠܟܘܢ܂
31:14	ܛܪܘ ܫܒܬܐ ܡܛܠ ܕܩܘܕܫܐ/ܕܩܕܝܫܐ#3#/ ܗܝ ܠܟܘܢ܂ ܟܠ ܡ݁ܢ ܕܢܚܠܝܗ݀ ܡܬܩܛܠܘ ܢܬܩܛܠ܂ ܘܟܠ ܡ݁ܢ ܕܢܥܒ݁ܕ ܒܗ݀ ܥܒ݁ܕܐ ܢܐܒܕ ܐܢܫܐ ܗ݀ܘ ܡܢ ܥܡܗ܂
31:15	ܫܬܐ ܝܘܡ̈ܝܢ ܬܥܒ݁ܕܘܢ ܥܒ݁ܕܐ܂ ܘܒܝܘܡܐ ܫܒܝܥܝܐ ܫܒܬܐ ‍<‍ܗܝ#3#‍>‍ ܢܝܚܐ ܩܘܕܫܐ ܗܝ ܠܡܪܝܐ܂ ܟܠ ܡ݁ܢ ܕܢܥܒܕ ܥܒ݁ܕܐ ܒܝܘܡܐ ܕܫܒܬܐ ܡܬܩܛܠܘ ܢܬܩܛܠ܂
31:16	ܘܢܛܪܘܢ ܒܢ̈ܝ ܐܝܣܪܝܠ ܫܒܬܐ ܠܡܪܝܐ܂ ܠܡܥܒܕ ܫܒܬܐ ܠܕܪ̈ܝܗܘܢ܂ ܩܝܡܐ ܠܥܠܡ/ܕܠܥܠܡ#3#/܂
31:17	ܒܝܢ̈ܝ ܠܕܒܝܬ ܐܝܣܪܝܠ܂ ܐܬܐ ܗܝ ܠܥܠܡ܂ ܡܛܘܠ ܕܠܫܬܐ ܝܘܡ̈ܝܢ ܥܒ݂ܕ ܡܪܝܐ ܫܡܝܐ ܘܐܪܥܐ܂ ܘܝܡ̈ܡܐ ܘܟܠ ܕܐܝܬ ܒܗܘܢ܂ ܘܒܝܘܡܐ ܫܒܝܥܝܐ ܫܠܝ ܘܐܬܬܢܝܚ܂
31:18	ܘܝܗ݂ܒ ܠܡܘܫܐ ܟܕ ܫ݁ܠܡ/ܓܡܪ#3#/ ܠܡܡܠܠܘ ܥܡܗ ܒܛܘܪܐ ܕܣܝܢܝ܂ ܬܪ̈ܬܝܢ ܠܘܚ̈ܐ ܕܣܗܕܘܬܐ܂ ܠܘܚ̈ܐ ܕܟܐܦܐ ܕܟܬ̈ܝܒܢ ܒܨܒܥܗ ܕܐܠܗܐ܂