The Comprehensive Aramaic Lexicon

34:01	ܘܐܡ݂ܪ ܡܪܝܐ ܠܡܘܫܐ܂ ܦܣܘܠ ܠܟ ܬܪ̈ܬܝܢ ܠܘܚ̈ܐ ܕܟܐܦܐ܂ ܐܝܟ ‍<‍ܠܘܚ̈ܐ#3#‍>‍ ܩܕܡܝ̈ܬܐ܂ ܘܐܟܬܘܒ ܥܠ ܠܘܚ̈ܐ ܦܬ̈ܓܡܐ ܕܐܝܬ ܗܘܘ ܥܠ ܠܘܚ̈ܐ ܩܕܡܝ̈ܬܐ ܕܬܒ݂ܪܬ܂
34:02	ܘܗ݂ܘܝ ܡܛܝܒ ܒܨܦܪܐ܂ ܘܣܩ ܒܨܦܪܐ ܠܛܘܪܐ ܕܣܝܢܝ܂ ܘܩܘܡ ܬܡ݁ܢ ܒܪܝܫ ܛܘܪܐ܂
34:03	ܘܐܢܫ ܠܐ ܢܣܩ ܥܡܟ܂ ܘܐܢܫ ܠܐ ܢܬܚܙܐ ܒܟܠܗ ܛܘܪܐ܂ ܐܦ ܠܐ ܥܢܐ ܘܬܘܪ̈ܐ ܢܪܥܘܢ ܠܩܘܒܠܗ ܕܛܘܪܐ ܗ݀ܘ܂
34:04	ܘܦܣ݂ܠ/ܘܦܣܘܠ ܠܟ#3#/ ܬܪ̈ܬܝܢ ܠܘܚ̈ܐ ܕܟܐܦܐ ܐܝܟ ܩܕܡܝ̈ܬܐ܂ ܘܩ݁ܕܡ/ܘܩܡ#3#/ ܡܘܫܐ ܒܨܦܪܐ܂ ܘܣܠ݂ܩ ܠܛܘܪܐ ܕܣܝܢܝ ܐܝܟܢܐ/ܐܝܟ#3#/ ܕܦܩܕܗ ܡܪܝܐ܂ ܘܢܣܒ݂ ܬܪ̈ܬܝܢ ܠܘܚ̈ܐ ܕܟܐܦܐ ܒܐܝܕܗ܂
34:05	ܘܢܚ݂ܬ ܡܪܝܐ ܒܥܢܢܐ/ܒܥܡܘܕܐ#3#/܂ ܘܩܡ ܥܡܗ ܬܡܢ܂ ܘܩ݂ܪܐ ܒܫܡܐ ܡܪܝܐ/ܒܡܪܝܐ#3#/܂
34:06	ܘܥܒ݂ܪ ܡܪܝܐ ܩܕܡܘܗܝ܂ ܘܩ݂ܪܐ ܡܪܝܐ ܡܪܝܐ܂ ܐܠܗܐ ܡܪܚܡܢܐ ܘܡܪܚܦܢܐ܂ ܕܢܓܝܪܐ ܪܘܚܗ ܘܣܓܝܐܐ ܛܝܒܘܬܗ ܘܩܘܫܬܗ܂
34:07	ܢ݁ܛܪ ܛܝܒܘܬܐ \ܠܐ̈ܠܦܝ ܕܪ̈ܐ /ܠܐ̈ܠܦܐ ܕܕܪ̈ܐ#3#/܂ ܘܫܒ݁ܩ ܚ̈ܛܗܐ ܘܚ̈ܘܒܐ܂ \ܘܡܙܟܝܘ ܠܐ ܡܙܟܐ /ܘܡܙܕܟܝܘ ܠܐ ܡܙܕܟܐ#3#/܂ ܦܩ݁ܕ ܚ̈ܘܒܐ ܕܐ̈ܒܗܐ ܥܠ ܒܢ̈ܝܐ ܘܥܠ ܒܢ̈ܝ ܒ̈ܢܝܐ܂ ܥܠ ܬܠܬܐ ܘܥܠ ܐܪ̈ܒܥܐ ܕܪ̈ܝܢ܂
34:08	ܘܐܣܬܪܗܒ ܡܘܫܐ ܘܢܦ݂ܠ/ܘܩܥܕ#3#/ ܥܠ ܐܪܥܐ ܘܣܓܕ݂܂
34:09	ܘܐܡ݂ܪ ܐܢ/ܕܐܢ#3#/ ܐ݁ܫܟܚܬ ܪ̈ܚܡܐ ܒܥܝܢ̈ܝܟ ܡܪܝ܂ ܢܐܙܠ ܗܫܐ ܡܪܝ ܒܝܢܬܢ܂ ܡܛܠ ܕܥܡܐ ܐܢܘܢ ܩܫܐ ܩܕܠܐ܂ ܘܫܒܘܩ ܠܚ̈ܘܒܝܢ ܘܠܚ̈ܛܗܝܢ ܘܬܐܪܬܢ܂
34:10	ܘܐܡ݂ܪ܂ ܗܐ ܡܩܝܡ ܐܢܐ ܩܝܡܐ ܠܘܩܒܠ ܟܠܗ ܥܡܟ܂ ܘܐܥܒ݁ܕ/ܐܬܒܪܝ#3#/ ‍<‍ܐܟܘܬܗܝܢ#3#‍>‍ ܦܪ̈ܝܫܬܐ ܕܠܐ ܐܬܥ݂ܒܕ ܒܟܠܗ݀ ܐܪܥܐ ܘܒܟܠܗܘܢ ܥܡ̈ܡܐ܂ ܘܢܚܙܐ ܟܠܗ ܥܡܐ ܗܢܐ ܕܐܢܬ ܒܓܘܗ܂ ܥܒ݁ܕܗ ܕܡܪܝܐ ܕܕܚܝܠ ܗܘ܂ ܕܥܒ݁ܕ ܐܢܐ ܥܡܟ܂
34:11	ܛܪ ܡܕܡ ܕܡܦܩܕ ܐܢܐ ܠܟ ܝܘܡܢܐ܂ ܗܐ ܚ݁ܪܒ ܐܢܐ ܡܢ ܩܕܡܝܟ܂ ܟܢ̈ܥܢܝܐ ܘܐܡܘܪ̈ܝܐ܂ ܘܚ̈ܬܝܐ܂ ܘܦܪ̈ܙܝܐ܂ ܘܚ̈ܘܝܐ ܘܝܒ̈ܘܣܝܐ܂
34:12	ܐܙܕܗܪ ܠܐ ܬܩܝܡ ܩܝ݁ܡܐ ܠܝܬ̈ܒܝ ܐܪܥܐ ܕܐ݁ܙܠ ܐܢܬ ܠܘܬܗܘܢ܂ ܕܠܐ ܢܗܘܘܢ ܠܟ ܬܘܩܠܬܐ/ܠܬܘܩܠܬܐ#3#/܂

34:13	ܡ̈ܕܒܚܝܗܘܢ ܥܩ݁ܪ܂ ܘܩܝ̈ܡܬܗܘܢ ܬܒ݁ܪ܂ ܘܕܚ̈ܠܬܗܘܢ ܦܣ݁ܩ܂

34:14	ܠܐ ܬܣܓܘܕ ܠܐܠܗ ܐܚܪܝܢ܂ ܡܛܠ ܕܡܪܝܐ ܛܢܢܐ ܫܡܗ܂ ܐܠܗܐ ܗܘ ܛܢܢܐ܂
34:15	ܠܐ ܬܩܝܡ ܩܝ݁ܡܐ ܥܡ ܝܬܒ̈ܝ ܐܪܥܐ܂ ܕܠܐ ܢܛܥܘܢ ܒܬܪ ܕܚ̈ܠܬܗܘܢ܂ ܘܢ݁ܕܒܚܘܢ ܠܐ̈ܠܗܝܗܘܢ܂ ܘܢܩܪܘܢܟ ܘܬܐܟܘܠ ܡܢ ܕܒܚܝ̈ܗܘܢ܂
34:16	ܘܬܣܒ ܡܢ ܒܢ̈ܬܗܘܢ ܠܒܢ̈ܝܟ܂ ܘܒܢ̈ܬܟ ܬܬܠ ܠܒ̈ܢܝܗܘܢ܂ ܘܢ݂ܛܥܝܢ ܒܢ̈ܬܟܘܢ ܒܬܪ ܐ̈ܠܗܝܗܘܢ܂ ܘܢ݁ܛܥܝܢ ܠܒ̈ܢܝܟ ܒܬܪ ܐ̈ܠܗܝܗܝܢ܂
34:17	ܐ̈ܠܗܐ ܕܢܣܟܬܐ ܠܐ ܬܥܒ݁ܕ ܠܟ܂
34:18	ܥܕܥܐܕܐ ܕܦܛܝܪ̈ܐ ܬܛܪ/ܬܥܒܕ#3#/܂ ܫܒܥܐ ܝܘܡ̈ܝܢ ܬܐܟܘܠ ܦܛܝܪܐ܂ ܐܝܟ ܕܦܩܕܬܟ ܒܙܒܢܐ ܕܝܪܚܐ ܕܗ̈ܒܒܐ܂ ܡܛܠ ܕܒܝܪܚܐ ܕܗ̈ܒܒܐ ܢܦܩܬ ܡܢ ܡܨܪܝܢ܂
34:19	ܟܠ ܦܬ݁ܚ ܟܠ ܦܬ݁ܚ ܪ̈ܚܡܐ ܠܝ܂ ܘܟܠ ܒܘܟܪ̈ܐ ܕܒܥܝܪ̈ܟ܂ ܕܬܘܪ̈ܐ ܘܕܐܡܪ̈ܐ/ܘܢܩ̈ܘܬܐ#3#/܂
34:20	ܘܒܘܟܪ̈ܐ/ܘܟܠ ܒܘܟܪܐ#3#/ ܕܒܥܝܪ̈ܐ ܬܦܪܘܩ ܒܐܡܪܐ܂ ܘܐܢ ܠܐ ܬܦܪܩܝܘܗܝ ܬܩܛܠܝܘܗܝ܂ ܘܟܠ ܒܘܟܪ̈ܐ ܕܒ̈ܢܝܟ ܬܦܪܘܩ܂ ܘܠܐ ܬܬܚܙܘܢ ܩܕܡܝ ܣܪܝܩܐܝܬ܂
34:21	ܫܬܐ ܝܘܡ̈ܝܢ ܬܦܠܘܚ܂ ܘܒܝܘܡܐ ܫܒܝܥܝܐ ܬܬܢܝܚ܂ ܒܙܪܥܐ ܘܒܚܨܕܐ ܬܬܢܝܚ܂
34:22	ܘܥܕܥܐܕܐ/ܒܥܕܥܐܕܐ#3#/ ܕܫܒ̈ܘܥܐ ܬܥܒ݁ܕ ܠܟ ܪܝܫ ܚܨܕܐ ܕܚ̈ܛܐ܂ ܘܚܓܐ ܕܚܡܠܐ ܒܡܦܩܗ݀ ܕܫܢܬܐ܂
34:23	ܬܠܬ ܙܒ̈ܢܝܢ ܒܫܢܬܐ ܢܬܚܙܐ ܟܠ ܕܘܟܪܢܟ ܩܕܡ ܡܪܝܐ ܐܠܗܐ ܕܐܝܣܪܝܠ܂
34:24	ܡܛܠ ܕܐܚܪܘܒ ܥܡ̈ܡܐ ܡܢ ܩܕܡܝܟ ܘܐܦܬܐ ܬܚܘܡܟ܂ ܘܠܐ ܢܪܓ ܐܢܫ ܐܪܥܟ܂ ܡܐ ܕܣ݁ܠܩ ܐܢܬ ܠܡܬܚܙܝܘ ܩܕܡ ܡܪܝܐ ܐܠܗܟ܂ ܬܠܬ ܙܒ̈ܢܝܢ ܒܫܢܬܐ܂
34:25	ܠܐ ܬܟܘܣ ܥܠ ܚܡܝܥܐ ܕܡܐ ܕܕܒܚܬܐ܂ ܘܠܐ ܢܒܘܬ ܠܨܦܪܐ ܕܒܚܐ ܕܥܕܥܐܕܐ ܕܦܨܚܐ܂
34:26	ܪܝܫ \ܥܠܠܬ̈ܗ݀ ܕܐܪܥܟ /ܥ̈ܠܠܬܗ ܕܐܕܪܟ#3#/ ܬܝܬܐ \ܠܒܝܬܗ ܕܡܪܝܐ /ܠܡܪܝܐ#3#/ ܐܠܗܟ܂ ܠܐ ܬܒܫܠ ܓܕܝܐ ܒܚܠܒܐ ܕܐܡܗ܂
34:27	ܘܐܡ݂ܪ ܡܪܝܐ ܠܡܘܫܐ܂ ܟܬܘܒ ܠܟ ܗܠܝܢ ܦܬ̈ܓܡܐ܂ ܕܡܛܠ ܗܠܝܢ ܦܬ̈ܓܡܐ ܐ݁ܩܝܡܬ ܥܡܟ ܩܝ݁ܡܐ ܘܥܡ ܟܠܗ ܐܝܣܪܝܠ܂
34:28	ܘܗܘ݂ܐ ܬܡܢ ܥܡ ܡܪܝܐ܂ ܐܪ̈ܒܥܝܢ ܐܝܡܡ̈ܝܢ ܘܐܪ̈ܒܥܝܢ ܠܝ̈ܠܘܢ܂ ܠܚܡܐ ܠܐ ܐܟ݂ܠ܂ ܘܡ̈ܝܐ ܠܐ ܐܫܬܝ܂ ܘܟܬܒ݂ ܥܠ ܠܘܚ̈ܐ ܕܟܐܦܐ ܡ̈ܠܝ ܩܝ݁ܡܐ ܥܣܪܐ ܦܬ̈ܓܡܝܢ܂
34:29	ܘܟܕ ܢܚ݂ܬ ܡܘܫܐ ܡܢ ܛܘܪܐ ܕܣܝܢܝ܂ ܬܪ̈ܬܝܢ ܠܘܚ̈ܐ ܕܣܗܕܘܬܐ ܒܐܝܕܗ ܕܡܘܫܐ܂ ܟܕ ܢܚ݂ܬ ܡܢ ܛܘܪܐ܂ ܘܡܘܫܐ ܠܐ ܝܕܥ݂ ܕܐܙܕܗܝ ܡܫܟܐ ܕܐ̈ܦܘܗܝ܂ ܟܕ ܡܠܠ ܥܡܗ ܐܠܗܐ܂
34:30	ܘܚ݂ܙܐ ܐܗܪܘܢ ܘܟܠܗ ܐܝܣܪܝܠ ‍<‍ܐܦܘ̈ܗܝ ܕܡܘܫܐ#3#‍>‍܂ ܕܐܙܕܗܝ ܡܫܟܐ ܕܐ̈ܦܘܗܝ ܕܡܘܫܐ܂ ܘܕܚܠܘ ܠܡܩܪܒ ܠܘܬܗ܂
34:31	ܘܩ݂ܪܐ ܐܢܘܢ ܡܘܫܐ ܘܐܬܘ ܠܘܬܗ܂ ܐܗܪܘܢ ܘܟܠܗܘܢ ܪ̈ܘܪܒܢܐ ܕܟܢܘܫܬܐ܂ ܘܡܠܠ ܡܘܫܐ ܥܡܗܘܢ܂
34:32	ܘܗܝܕܝܢ ܩܪܒܘ ܠܘܬܗ ܟܠܗܘܢ ܒܢ̈ܝ ܐܝܣܪܝܠ܂ ܘܦܩ݁ܕ ܐܢܘܢ ܟܠܡܕܡ ܕܡܠܠ ܡܪܝܐ ܥܡܗ ܒܛܘܪܐ ܕܣܝܢܝ܂
34:33	ܘܟܕ ܫ݁ܠܡ/ܓܡܪ#3#/ ܡܘܫܐ ܕܢܡܠܠ ܥܡܗܘܢ܂ ܐܪܡܝ ܥܠ ܐ̈ܦܘܗܝ ܫܘܫܦܐ܂
34:34	ܘܟܕ ܥܐ݁ܠ ܗܘܐ ܡܘܫܐ ܩܕܡ ܡܪܝܐ ܕܢܡܠܠ ܥܡܗ܂ ܫ݁ܩܠ ܗܘܐ ܠܗ݀ ܠܫܘܫܦܐ ܥܕܡܐ ܕܢ݁ܦܩ ‍<‍ܗܘܐ#3#‍>‍܂ ܘܢ݁ܦܩ/ܘܟܕ ܢܦܩ#3#/ ܗܘܐ ܐܡ݁ܪ \ܠܕܒܝܬ ܐܝܣܪܝܠ /ܠܐܝܣܪܐܝܠ#3#/ ܡܕܡ ܕܡ݁ܬܦܩܕ܂
34:35	ܘܚ݁ܙܝܢ ܗܘܘ ܒܢ̈ܝ ܐܝܣܪܝܠ ܐ̈ܦܘܗܝ/ܡܫܟܐ ܕܐ̈ܦܘܗܝ#3#/ ܕܡܘܫܐ܂ ܕܐܙܕܗܝ ܡܫܟܐ ܕܐ̈ܦܘܗܝ ܕܡܘܫܐ܂ ܘܫܩ݁ܠ ܗܘܐ ܡܘܫܐ ܫܘܫܦܐ ܡܢ ܐ̈ܦܘܗܝ܂ ܡܐ ܕܥܐ݁ܠ ܗܘܐ ܕܢܡܠܠ ܥܡܗ܂