← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62002: P Ex

Click on a word for lexical analysis
Click on a red-colored coordinate for comments and/or translations of the line

previous chapter


36:01 ܘܥܒ݂ܕܘ ܒܨܠܝܐܝܠ ܘܐܠܝܗܒ܂ ܘܟܠ ܓܒܪ ܚܟܝܡ ܠܒܐ ܕܝܗ݂ܒ ܡܪܝܐ ܚܟܡܬܐ ܘܣܘܟܠܐ ܒܗܘܢ܂ ܠܡܕܥ ܘܠܡܥܒܕ ܥܒ݁ܕܐ ܕܦܘܠܚܢܐ ܕܩܘܕܫܐ܂ ܐܝܟ ܡܐ ܕܦܩ݁ܕ ܡܪܝܐ܂
36:02 ܘܩ݂ܪܐ ܡܘܫܐ ܠܒܨܠܝܐܝܠ ܘܠܐܠܝܗܒ܂ ܘܠܟܠ ܓܒܪ ܚܟܝܡ ܠܒܐ ܕܝܗ݂ܒ ܡܪܝܐ ܚܟܡܬܐ ܒܠܒܗ܂ ܟܠ ܕܐܬܚܫܒ ܒܠܒܗ ܠܡܩܪܒ ܠܥܒ݁ܕܐ ܠܡܥܒܕܗ܂
36:03 ܘܢܣܒܘ ܡܢ ܩܕܡ ܡܘܫܐ܂ ܟܠܗ ܦܘܪܫܢܐ ܕܐܝܬܝܘ ܒ̈ܢܝ ܐܝܣܪܝܠ ܠܥܒ݁ܕܐ ܕܡܫܟܢܙܒܢܐ ܠܡܥܒܕܗ܂ ܘܗ݂ܢܘܢ ܡܝܬܝܢ ܗܘܘ ܠܗ ܬܘܒ ܦܘܪܫܢܐ ܡܢ ܨܦܪ ܠܨܦܪ܂
36:04 ܘܐܝܬܝܘ ܟܠܗܘܢ ܚ̈ܟܝܡܐ ‍<‍ܠܒܐ#3#‍>‍ ܕܥ݁ܒܕܝܢ ܥܒ݁ܕܐ ܕܩܘܕܫܐ ܐܢܫ ܐܢܫ ܡܢ ܥܒ݁ܕܐ ܕܗ݂ܢܘܢ ܥܒ݁ܕܝܢ܂
36:05 ܘܐܡܪܘ ܠܡܘܫܐ܂ ܡܣܓܐ ܥܡܐ ܠܡܝܬܝܘ܂ ܟܕܘ ܥܒ݁ܕܐ ܠܥܒܝܕܬܐ ܕܦܩ݁ܕ ܡܪܝܐ ܠܡܥܒ݂ܕ܂
36:06 ܘܦܩ݂ܕ ܡܘܫܐ܂ ܘܩܪܘ ܟܪ̈ܘܙܐ ܒܡܫܪܝܬܐ ܘܐܡܪܘ܂ ܓܒܪܐ ܐܘ ܐܢܬܬܐ܂ ܠܐ ܢܥܒܕܘܢ ܬܘܒ ܥܒ݁ܕܐ ܠܦܘܪܫܢܐ ܕܩܘܕܫܐ܂ ܘܐܬܟܠܝܘ ܥܡܐ \ܡܢ ܕܠܡܝܬܝܘ /ܠܡܝܬܝܘ#3#/܂
36:07 ܘܥܒ݁ܕܐ ܗܘܐ ܡܣܬ ܟܠܗ ܥܒ݁ܕܐ ܠܡܥܒܕܗ ܘܐܘܬܪܘ/ܘܝܬܪ#3#/܂
36:08 ܘܥܒ݂ܕܘ ܟܘܠ ܚ̈ܟܝܡܝ ܠܒܐ ܘܥܒ̈ܕܝ ܥܒ݁ܕܐ܂ ܡܫܟܢܐ ܕܥܣܪ̈ ܝܪ̈ܝܥܢ ܕܒܘܨܐ ܥܙܝܠܐ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܟܪܘܒܐ ܥܒ݁ܕܐ ܕܐܘܡܢܐ܂ ܥܒ݂ܕܘ ܐ̈ܢܝܢ܂
36:09 ܐܘܪܟܗ݀ ܕܝܪܝܥܬܐ ܚܕܐ ܥܣܪ̈ܝܢ ܘܬܡܢܐ ܐ̈ܡܝܢ܂ ܘܦܬܝܗ݀ ܐܪ̈ܒܥ ܐ̈ܡܝܢ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܟܠܗܝܢ ܝܪ̈ܝܥܬܐ܂
36:10 ܘܕܒ݁ܩܘ ܚܡܫ ܝܪ̈ܝܥܢ ܐܟܚܕܐ܂ ܘܚܡܫ ܝܪ̈ܝܥܢ ܕܒܩ݁ܘ ܚܕܐ ܒܚܕܐ܂
36:11 ܘܥܒ݂ܕܘ ܬܐ̈ܢܬܐ ܕܬܟܠܬܐ܂ ܥܠ ܣܦܬܗ݀ ܕܝܪܝܥܬܐ ܚܕܐ ܡܢ ܣܛܪܐ/ܣܦܬܐ#3#/ ܕܕܒܩܐ܂ ܘܗܟܢܐ ܥܒ݂ܕܘ ܒܣܦܬܗ݀ ܕܝܪܝܥܬܐ ܡܢ ܣܛܪܐ ܕܕܒܩܐ ܐܚܪܢܐ܂
36:12 ܚܡܫܝܢ ܬܢܐܢ ܥܒ݂ܕܘ ܠܝܪܝܥܬܐ ܚܕܐ܂ ܘܚܡܫܝܢ ܬܢܐܢ ܥܒ݂ܕܘ ܒܣܛܪܗ݀/ܒܣܦܬܗ݀#3#/ ܕܝܪܝܥܬܐ ܚܕܐ ܒܕܒܩܐ ܐܚܪܢܐ܂ ܡܩ̈ܒܠܢ ܬܐ̈ܢܬܐ ܚܕܐ ܠܘܩܒܠ ܚܕܐ܂
36:13 ܘܥܒ݂ܕܘ ܚܡܫܝܢ ܩܘܪ̈ܩܣܐ ܕܕܗܒܐ܂ ܘܕܒܩܘ ܝܪ̈ܝܥܬܐ ܚܕܐ ܒܚܕܐ ܒܩܘܪ̈ܩܣܐ܂ ܘܗܘ݂ܐ ܡܫܟܢܐ ܚܕ܂
36:14 ܘܥܒ݂ܕܘ ܝܪ̈ܝܥܬܐ ܕܣܥܪܐ ܠܡܦܪܣ ܥܠ ܡܫܟܢܐ܂ ܚܕܥܣܪܐ ܝܪ̈ܝܥܢ ܥܒ݂ܕܘ ܐܢܝ̈ܢ܂
36:15 ܐܘܪܟܗ݀ ܕܝܪܝܥܬܐ ܗܕܐ ܬܠܬܝܢ ܐ̈ܡܝܢ܂ ܘܦܬܝܗ݀ ܐܪ̈ܒܥ ܐܡ̈ܝܢ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܚܕܥܣܪܐ ܝܪ̈ܝܥܢ܂
36:16 ܘܕܒܩܘ ܚܡܫ ܝܪ̈ܝܥܢ ܐܟܚܕܐ܂ ܘܫܬ ܝܪ̈ܝܥܢ ܐܝܟ ܚܕܐ܂
36:17 ܘܥܒ݂ܕܘ ܬܐ̈ܢܬܐ܂ ܚܡܫܝܢ ܬܢܐܢ \ܥܠ ܣܦܬܗ݀ /ܡܢ ܣܛܪܗ݀#3#/ ܕܝܪܝܥܬܐ ‍<‍ܚܕܐ#3#‍>‍ ܡܢ ܣܛܪܐ ܕܕܒܩܐ܂ ܘܚܡܫܝܢ ܬܢܐ̈ܢ ܥܒ݂ܕܘ ܥܠ ܣܦܬܗ݀ ܕܝܪܝܥܬܐ ܒܕܒܩܐ/ܕܕܒܩܐ#3#/ ܐܚܪܢܐ܂
36:18 ܘܥܒ݂ܕܘ ܩܘܪ̈ܩܣܐ ܕܢܚܫܐ ܚܡܫܝܢ܂ ܠܡܕܒܩܘܬܗ ܠܡܫܟܢܐ܂ ܕܢܗܘܐ ܚܕ܂
36:19 ܘܥܒ݂ܕܘ ܦܪܣܐ ܠܡܫܟܢܐ܂ ܡܫ̈ܟܐ ܕܕܟܪ̈ܐ ܕܐܣܦܝܢܝܩܐ܂ ܘܩܪܡܐ ܕܡܫ̈ܟܐ ܕܣܣܓܘܢܐ ܡܢ ܠܥܠ܂
36:20 ܘܥܒ݂ܕܘ ܕ̈ܦܐ ܠܡܫܟܢܐ/ܕܡܫܟܢܐ#3#/ ܕܩܝܣܐ ܕܐܫܟܪܥܐ ܩܝ̈ܡܐ܂
36:21 ܥܣܪ̈ ܐܡ̈ܝܢ ܐܘܪܟܗ ܕܕܦܐ ܚܕ܂ ܘܐܡܐ ܘܦܠܓܘܬ ܐܡܐ ܦܬܝܗ ܕܕܦܐ ܚܕ܂
36:22 ܬܪ̈ܬܝܢ ܨܝܪ̈ܢ ܠܕܦܐ ܚܕ܂ ܘܬܪ̈ܬܝܢ ܨܝܪ̈ܢ ܠܕܦܐ ܚܕ/ܐܚܪܢܐ#3#/܂ ܬܪ̈ܝܨܢ ܚܕܐ ܠܘܩܒܠ ܚܕܐ܂ ܗܟܢܐ ܥܒ݂ܕܘ ܠܟܠܗܘܢ ܕ̈ܦܐ ܕܡܫܟܢܐ܂
36:23 ܘܥܒ݂ܕܘ ܕ̈ܦܐ ܠܡܫܟܢܐ܂ ܥܣܪ̈ܝܢ ܕܦܝ̈ܢ ܕܪܘܚܐ ܕܬܝܡܢܐ܂
36:24 ܘܐܪ̈ܒܥܝܢ ܣܡ̈ܟܐ ܕܣܐܡܐ/ܕܟܣܦܐ#3#/ ܥܒ݂ܕܘ ܬܚܝܬ ܥܣܪ̈ܝܢ ܕܦܝ̈ܢ܂ ܬܪ̈ܝܢ ܠܣܛܪܐ ܣܡ̈ܟܝܢ ܬܚܝܬ ܕܦܐ ܚܕ ܠܬܪ̈ܬܝܢ ܨܝܪ̈ܬܗ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ/ܐܚܪܢܐ#3#/ ܠܬܪ̈ܬܝܢ ܨܝܪ̈ܬܗ܂
36:25 ܘܠܣܛܪܐ ܐܚܪܢܐ ܕܡܫܟܢܐ܂ ܠܣܛܪܐ ܕܪܘܚܐ ܕܓܪܒܝܐ܂ ܥܒ݂ܕܘ ܥܣܪ̈ܝܢ ܕܦܝ̈ܢ܂
36:26 ܘܐܪ̈ܒܥܝܢ ܣܡ̈ܟܐ ܕܣܐܡܐ/ܕܟܣܦܐ#3#/܂ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
36:27 ܘܠܫ̈ܦܘܠܝ ܡܫܟܢܐ ܡܢ ܡܥܪܒܐ܂ ܥܒ݂ܕܘ ܫܬܐ ܕܦܝ̈ܢ܂
36:28 ܘܬܪ̈ܝܢ ܕܦܝ̈ܢ ܥܒ݂ܕܘ ܠܙܘܝܬܐ ܕܡܫܟܢܐ ܒܫ̈ܦܘܠܝܗܘܢ܂
36:29 ܘܗܘܘ ܡܬܐܡܝܢ ܡܢ ܠܬܚܬ܂ ܘܐܟܚܕܐ ܓܦܝ̈ܢ ܪ̈ܫܝܗܘܢ ܥܠ ܙܩܙܩܬܐ ܚܕܐ܂ ܗܟܢܐ ܥܒ݂ܕܘ ܠܬܪ̈ܝܗܘܢ ܠܬܪ̈ܬܝܢ ܙܘܝ̈ܢ܂
36:30 ܘܗܘܘ ܬܡܢܝܐ ܕܦܝ̈ܢ܂ ܘܣܡ̈ܟܝܗܘܢ ܕܣܐܡܐ/ܕܟܣܦܐ#3#/ ܫܬܬܥܣܪ̈܂ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
36:31 ܘܥܒ݂ܕܘ ܡܘܟ̈ܠܐ ܕܩܝܣܐ ܕܐܫܟܪܥܐ܂ ܚܡܫܐ ܠܕ̈ܦܝ ܣܛܪܗ ܚܕ ܕܡܫܟܢܐ܂
36:32 ܘܚܡܫܐ ܡ̈ܘܟܠܝܢ ܠܕ̈ܦܝ ܣܛܪܗ ܐܚܪܢܐ ܕܡܫܟܢܐ܂ ܘܚܡܫܐ ܡܘܟ̈ܠܝܢ ܠܕܦܘ̈ܗܝ ܕܡܫܟܢܐ ܠܫ̈ܦܘܠܝܗܘܢ ܡܢ ܡܥܪܒܐ܂
36:33 ܘܥܒ݂ܕܘ ܡܘܟܠܐ ܡܨܥܝܐ ܠܡܥܒܪܘ ܒܓܘ ܕ̈ܦܐ܂ ܡܢ ܗܢܐ ܣܛܪܐ/ܓܒܐ#3#/ ܠܗܢܐ܂
36:34 ܘܕ̈ܦܐ ܩܪܡܘ ܕܗܒܐ܂ ܘܙܩ̈ܙܩܬܗܘܢ ܥܒ݂ܕܘ ܕܕܗܒܐ܂ ܐܬܪܐ ܠܡܘ̈ܟܠܐ܂ ܘܩܪܡܘ ܐܢܘܢ ܠܡܘܟ̈ܠܐ ܕܗܒܐ܂
36:35 ܘܥܒ݂ܕܘ ܦܪܣܐ ܕܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒ݁ܕܐ ܕܐܘܡܢܐ ܥܒ݂ܕܗ ܟܪܘܒܐ܂
36:36 ܘܥܒ݂ܕܘ ܠܗ ܐܪ̈ܒܥܐ ܥܡ̈ܘܕܐ ܕܐܫܟܪܥܐ܂ ܘܩܪܡܘ ܐܢܘܢ ܕܗܒܐ܂ ܘܠܩܘܒ̈ܥܝܗܘܢ ܕܗܒܐ܂ ܘܥܒ݂ܕܘ ܠܗܘܢ ܐܪ̈ܒܥܐ ܣܡ̈ܟܝܢ ܕܣܐܡܐ/ܕܟܣܦܐ#3#/܂
36:37 ܘܥܒ݂ܕܘ ܦܪܣܐ ܠܬܪܥܐ ܕܡܫܟܢܐ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒ݁ܕܐ ܕܨܘܪܬܐ܂
36:38 ܥܡ̈ܘܕܘܗܝ ܚܡܫܐ܂ ܘܩܘܒ̈ܥܝܗܘܢ ܚܡܫܐ܂ ܘܩܪܡܐ ܕܪ̈ܫܝܗܘܢ ܘܩܪܡܗܘܢ ܕܕܗܒܐ܂ ܘܣܡ̈ܟܝܗܘܢ ܚܡܫܐ ܕܢܚܫܐ܂

next chapter