← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62002: P Ex

Click on a word for lexical analysis
Click on a red-colored coordinate for comments and/or translations of the line

previous chapter


38:01 ܘܥܒ݂ܕ ܡܕܒܚܐ ܕܝܩܕܐ ܕܩܝܣܐ ܕܐܫܟܪܥܐ܂ ܚܡܫ ܐ̈ܡܝܢ ܐܘܪܟܗ܂ ܘܚܡܫ ܐ̈ܡܝܢ ܦܬܝܗ ܡܪ݂ܒܥ܂ ܘܬܠܬ ܐܡ̈ܝܢ ܪܘܡܗ܂
38:02 ܥܒ݂ܕܘ ܩܪ̈ܢܬܗ ܥܠ ܐܪ̈ܒܥ ܙܘܝ̈ܬܗ܂ ܡܢܗ ܗ̈ܘܝ ܩܪ̈ܢܬܗ܂ ܘܩܪܡܗ ܢܚܫܐ܂
38:03 ܥܒ݂ܕܘ ܟܠܗܘܢ ܡܐ̈ܢܘܗܝ ܕܡܕܒܚܐ ‍<‍ܕܕܗܒܐ#3#‍>‍܂ ܩܕܣ̈ܐ ܘܐܝܪ̈ܐ ܘܩܪ̈ܕܠܐ܂ ܘܫܚ̈ܠܐ ܘܡܫ̈ܠܘܬܐ ܘܦܝܪ̈ܡܐ܂ ܘܟܠܗܘܢ ܡܐ̈ܢܘܗܝ ܥܒ݂ܕ ܕܢܚܫܐ܂
38:04 ܘܥܒ݂ܕ ܠܡܕܒܚܐ ܩܪܩܠ܂ ܥܒ݁ܕܐ ܕܡܨܝܕܬܐ ܕܢܚܫܐ ܬܚܝܬ ܫܦܘ̈ܠܘܗܝ ܡܢ ܠܬܚܬ܂ ܥܕܡܐ ܠܦܠܓܗ܂
38:05 ܘܚܫ݂ܠ ܠܗ ܐܪ̈ܒܥ ܙܩ̈ܙܩܢ ‍<‍ܕܕܗܒܐ#3#‍>‍ ܒܐܪ̈ܒܥ ܙܘܝ̈ܬܗ܂ ܠܒܣܣ ܕܢܚܫܐ܂ ܕܘܟܬܐ ܠܩ̈ܘܦܐ܂
38:06 ܘܥܒ݂ܕ ܩ̈ܘܦܐ ܕܩܝܣܐ ܕܐܫܟܪܥܐ܂ ܘܩܪܡ ܐܢܘܢ ܢܚܫܐ܂
38:07 ܘܐܥܠ ܩܘ̈ܦܐ ܒܙܩ̈ܙܩܬܐ܂ ܥܠ ܣܛܪ̈ܘܗܝ ܕܡܕܒܚܐ ܠܡܫܩܠܗ ܒܗܘܢ܂ ܚܠܝܠܐ ܕܕ̈ܦܐ ܥܒ݂ܕܗ܂
38:08 ܘܥܒ݂ܕ ܠܩܢܐ ܕܢܚܫܐ܂ ܘܟܢܐ ܕܝܠܗ݀ ܕܢܚܫܐ܂ ܒܝܬ ܡܚܙܝܐ ܕܢܫ̈ܐ ܕܐܬ̈ܝܢ ܠܡܨܠܝܘ ܒܬܪܥܐ ܕܡܫܟܢ ܙܒܢܐ܂
38:09 ܘܥܒ݂ܕ ܕܪܬܐ \ܠܣܛܪܐ ܕܪܘܚܐ ܕܬܝܡܢܐ /ܠܣܛܪ ܪܘܚ ܬܝܡܢܐ#3#/܂ ܣܕܪ̈ܐ ܕܕܪܬܐ ܕܒܘܨܐ ܥܙܝܠܐ ܡܐܐ ܐ̈ܡܝܢ܂
38:10 ܥܡ̈ܘܕܝܗܘܢ ܥܣܪ̈ܝܢ ܘܣܡܟܝ̈ܗܘܢ ܥܣܪ̈ܝܢ ܕܢܚܫܐ܂ ܘܩܘܒ̈ܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂
38:11 ܘܠܣܛܪܐ ܕܓܪܒܝܐ ܡܐܐ ܐܡ̈ܝܢ܂ ܥܡ̈ܘܕܝܗܘܢ ܥܣܪ̈ܝܢ ܘܣܡ̈ܟܝܗܘܢ ܥܣܪ̈ܝܢ ܕܢܚܫܐ܂ ܘܩܘܒ̈ܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂
38:12 ܘܠܣܛܪܐ ‍<‍ܕܪܘܚܐ#3#‍>‍ ܕܡܥܪܒܐ܂ ܣܕܪ̈ܐ ܚܡܫܝܢ ܐܡ̈ܝܢ܂ ܥܡ̈ܘܕܝܗܘܢ ܥܣܪܐ܂ ܘܣܡ̈ܟܝܗܘܢ ܥܣܪܐ ܘܩ̈ܘܒܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂
38:13 ܘܠܣܛܪܐ ܕܪܘܚܐ ܕܡܕܢܚܐ܂ ܚܡܫܝܢ ܐܡ̈ܝܢ܂
38:14 ܣܕܪ̈ܐ ܘܚܡܫܥܣܪܐ ܐܡ̈ܝܢ ܠܣܛܪܐ܂ ܥܡ̈ܘܕܝܗܘܢ ܬܠܬܐ ܘܣܡ̈ܟܝܗܘܢ ܬܠܬܐ܂
38:15 ܘܠܣܛܪܐ ܐܚܪܢܐ ܡܟܐ ܘܡܟܐ ܠܬܪܥܐ ܕܕܪܬܐ܂ ܣܕܪ̈ܐ ܚܡܫܥܣܪ̈ܐ ܐܡ̈ܝܢ ܠܣܛܪܐ܂ ܥܡ̈ܘܕܝܗܘܢ ܬܠܬܐ ܘܣܡ̈ܟܝܗܘܢ ܬܠܬܐ܂
38:16 ܟܠܗܘܢ ܣܕܪ̈ܐ ܕܕܪܬܐ ܟܕ ܚܕܪܐ ܕܒܘܨܐ ܥܙܝܠܐ܂
38:17 ܘܣ̈ܡܟܐ ܠܥܡ̈ܘܕܐ ܕܢܚܫܐ܂ ܘܩ̈ܘܒܥܝܗܘܢ ܕܥܡ̈ܘܕܐ ܘܩܪܡܗܘܢ ܕܣܐܡܐ/ܕܟܣܦܐ#3#/܂ ܘܩܪܡܐ ܕܪ̈ܫܝܗܘܢ ܕܣܐܡܐ/ܕܟܣܦܐ#3#܂ ܘܗ݂ܢܘܢ ܩܪܝܡܝܢ ܣܐܡܐ/ܟܣܦܐ#3#/܂ ܟܠܗܘܢ ܥܡ̈ܘܕܐ ܕܕܪܬܐ܂
38:18 ܘܦܪܣܐ ܕܬܪܥܐ ܕܕܪܬܐ܂ ܥܒ݁ܕܐ ܕܨܝܪܐ/ܕܨܘܪܬܐ#3#/܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܣܪ̈ܝܢ ܐ̈ܡܝܢ ܐܘܪܟܐ܂ ܘܪܘܡܐ ܘܦܬܝܐ ܚܡܫ ܐܡ̈ܝܢ܂ ܠܘܩܒܠ ܣܕܪ̈ܐ ܕܕܪܬܐ܂
38:19 ܥܡ̈ܘܕܝܗܘܢ ܐܪ̈ܒܥܐ ܘܣܡ̈ܟܝܗܘܢ ܐܪ̈ܒܥܐ ܕܢܚܫܐ܂ ܘܩ̈ܘܒܥܝܗܘܢ ܕܣܐܡܐ/ܕܟܣܦܐ#3#/܂ ܘܩܪܡܐ ܕܪ̈ܫܝܗܘܢ ܘܩܪܡܗܘܢ ܕܣܐܡܐ/ܟܣܦܐ#3#/܂
38:20 ܘܟܠܗܝܢ ܣ̈ܟܐ ܕܡܫܟܢܐ ܘܕܕܪܬܐ ܟܕ ܚܕܪܐ ܕܢܚܫܐ܂
38:21 ܗܠܝܢ ܡܢܝ̈ܢܐ ܕܡܫܟܢܐ܂ ܡܫܟܢܐ ܕܣܗܕܘܬܐ܂ ܕܐܬܡܢܝܘ ܥܠ ܡܠܬ ܦܘܡܗ ܕܡܘܫܐ܂ ܦܘܠܚܢܐ ܕܠܘ̈ܝܐ ܒܐܝܕܐ ܕܐܝܬܡܪ ܒܪܗ ܕܐܗܪܘܢ ܟܗܢܐ܂
38:22 ܘܒܨܠܝܐܝܠ ܒܪ ܐܘܪܝ ܒܪ ܚܘܪ ܡܢ ܫܒܛܐ ܕܝܗܘܕܐ܂ ܥܒ݂ܕ ܟܠ ܡܕܡ ܕܦܩ݁ܕ ܡܪܝܐ ܠܡܘܫܐ܂
38:23 ܘܥܡܗ ܐܠܝܗܒ ܒܪ ܐܚܝܣܡܟ ܡܢ ܫܒܛܐ ܕܕܢ܂ ܢܓܪ ܘܐܘܡܢ ܘܨܝܪ܂ ܒܬܟܠܬܐ ܘܒܐܪܓܘܢܐ܂ ܘܒܨܘܒܥܐ ‍<‍ܥܙܝܠܐ#3#‍>‍ ܕܙܚܘܪܝܬܐ ܘܒܒܘܨܐ܂
38:24 ܟܠܗ ܕܗܒܐ/ܥܒܕܐ#3#/ ܕܐܬܥܒ݂ܕ ܠܥܒ݁ܕܐ ܒܟܠܗ ܥܒ݁ܕܐ ܕܩܘܕܫܐ܂ ܗ݀ܘܐ ܕܗܒܐ ܕܦܘܪܫܢܐ܂ ܥܣܪ̈ܝܢ ܘܬܫܥ ܟܟܪ̈ܝܢ܂ ܘܐܪ̈ܒܥܡܐܐ/ܘܫܒܥܡܐܐ#3#/ ܘܬܠܬܝܢ ܡܬܩ̈ܠܝܢ ܒܡܬܩܠܐ ܕܩܘܕܫܐ܂
38:25 ܘܣܐܡܐ/ܘܟܣܦܐ#3#/ ܕܡܢܝ̈ܢܐ ܕܟܢܘܫܬܐ܂ ܡܐܐ ܟܟܪ̈ܝܢ܂ ܘܐܠܦ ܘܫܒܥܡܐܐ ܘܫܒܥܝܢ ܘܚܡܫܐ ܡܬܩ̈ܠܝܢ ܒܡܬܩܠܐ ܕܩܘܕܫܐ܂
38:26 ܡܬܩܠܐ ܠܪܫܐ ܦܠܓܘܬ ܡܬܩܠܐ ܒܡܬܩ̈ܠܝ ܩܘܕܫܐ܂ ܟܠ ܕܥܒ݁ܪ ܒܡܢܝܢܐ܂ ܡܢ ܒܪ ܥܣܪ̈ܝܢ ܫ̈ܢܝܢ ܘܠܥܠ܂ ܫܬܡܐܐ ܐ̈ܠܦܝܢ ܘܬܠܬܐ ܐ̈ܠܦܝܢ ܘܚܡܫܡܐܐ ܘܚܡܫܝܢ܂
38:27 ܘܗ̈ܘܝ ܡܐܐ ܟܟܪ̈ܝܢ ܕܣܐܡܐ/ܕܟܣܦܐ#3#/܂ ܠܡܚܫܠ ܣܡ̈ܟܐ ܕܩܘܕܫܐ ܘܣܡ̈ܟܐ ܕܦܪܣܐ܂ ܡܐܐ ܣܡ̈ܟܝܢ ܡܢ ܡܐܐ ܟܟܪ̈ܝܢ܂ ܟܟܪܐ ܠܣܡܟܐ܂
38:28 ܘܐܠܦ ܘܫܒܥܡܐܐ ܘܫܒܥܝܢ ܘܚܡܫܐ܂ ܥܒ݂ܕ ܩ̈ܘܒܥܐ ܠܥܡ̈ܘܕܐ܂ ܘܩܪܡܐ ܕܪ̈ܫܝܗܘܢ/ܠܪ̈ܝܫܝܗܘܢ#3#/܂ ܘܩܪܡ ܐܢܘܢ ܣܐܡܐ/#3#/܂
38:29 \ܟܠܗ ܢܚܫܐ /ܘܢܚܫܐ#3#/ ܕܦܘܪܫܢܐ ܫܒܥܝܢ ܟܟܪ̈ܝܢ܂ ܘܬܪ̈ܝܢ ܐ̈ܠܦܝܢ ܘܐܪ̈ܒܥܡܐܐ ܡܬܩ̈ܠܝܢ܂
38:30 ܘܥܒ݂ܕ ܒܗ ܣܡ̈ܟܐ ܕܬܪܥܐ ܕܡܫܟܢܙܒܢܐ܂ ܘܡܕܒܚܐ ܕܢܚܫܐ܂ ܘܩܪܩܠ ܕܝܠܗ ܕܢܚܫܐ܂ ܘܟܠܗܘܢ ܡܐ̈ܢܐ ܕܡܕܒܚܐ܂
38:31 ܘܣܡ̈ܟܐ ܕܕܪܬܐ ܟܕ ܚܕܪܐ܂ ܘܣܡ̈ܟܐ ܕܬܪܥܐ ܕܕܪܬܐ܂ ܘܟܠܗܝܢ ܣ̈ܟܐ ܕܡܫܟܢܐ܂ ܘܟܠܗ݀ܝܢ ܣ̈ܟܐ ܕܕܪܬܐ ܟܕ ܚܕܪܐ܂

next chapter