The Comprehensive Aramaic Lexicon

39:01	ܘܡܢ ܬܟܠܬܐ ܘܡܢ ܐܪܓܘܢܐ ܘܡܢ ܨܘܒܥܐ ܕܙܚܘܪܝܬܐ܂ ܥܒ݂ܕܘ ܠܒܘܫ̈ܝ ܬܫܡܫܬܐ ܠܡܫܡܫܘ ܒܩܘܕܫܐ܂ ܘܥܒ݂ܕܘ ܠܒ̈ܘܫܝ ܩܘܕܫܐ ܠܐܗܪܘܢ ܐܝܟ ܕܦܩ݁ܕ ܡܪܝܐ ܠܡܘܫܐ܂
39:02	ܘܥܒ݂ܕܘ ܦܕܬܐ ܕܕܗܒܐ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:03	ܘܐܪܩܘ ܛܣ̈ܐ ܕܕܗܒܐ܂ ܘܦܣܩܘ ܚܘܛܐ ܠܡܥܒܪܘ ܒܓܘ ܬܟܠܬܐ ܘܒܓܘ ܐܪܓܘܢܐ܂ ܘܒܓܘ ܨܘܒܥܐ ܕܙܚܘܪܝܬܐ ܘܒܓܘ ܒܘܨܐ܂ ܥܒ݁ܕܐ ܕܐܘܡܢܐ܂
39:04	ܟܬ̈ܦܬܐ ܥܒ݂ܕܘ ܠܗ݀ ܡܕܒܩ̈ܬܐ ܥܠ ܬܪ̈ܝܢ ܣܛܪ̈ܝܗ݀ ܡܕܒܩܐ܂
39:05	ܘܗܡܝܢܐ ܕܦܕܬܐ ܡܢܗ݀ ܗܘܐ ܐܝܟ ܥܒ݁ܕܗ݀܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܐܝܟ ܕܦܩ݁ܕ ܡܪܝܐ ܠܡܘܫܐ܂

39:06	ܘܥܒ݂ܕܘ ܟܐ̈ܦܐ ܕܒܪܘܠܐ܂ ܡܘܚܕܢ ܘܡܫܪ̈ܢ ܒܕܗܒܐ܂ ܓ̈ܠܝܦܢ ܓܠܦ̈ܐ ܕܚܬܡܐ܂ ܥܠ ܫܡ̈ܗܐ ܕܒܢ̈ܝ ܐܝܣܪܝܠ܂

39:07	ܘܣܡܘ ܐ̈ܢܝܢ ܥܠ ܟܬ̈ܦܬܗ݀ ܕܦܕܬܐ܂ ܟܐ̈ܦܐ ܕܕܘܟܪܢܐ ܠܒܢ̈ܝ ܐܝܣܪܝܠ܂ ܐܝܟ ܕܦܩ݁ܕ ܡܪܝܐ ܠܡܘܫܐ܂
39:08	ܘܥܒ݂ܕܘ ܦܪܝܣܐ/ܦܪܣܐ#3#/ ܥܒ݁ܕܐ ܕܐܘܡܢܐ܂ ܐܝܟ ܥܒ݁ܕܐ ܕܦܕܬܐ܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:09	ܡܪܒܥ ܗܘܐ ܘܐܥܝܦ܂ ܘܥܒ݂ܕܘ ܚܘܣܝܐ/ܠܦܪܝܣܐ#3#/ ܙܪܬ ܐܘܪܟܗ ܘܙܪܬ ܦܬܝܗ܂ ܟܕ ܐܥܝܦ܂
39:10	ܘܫܠܡܘ ܒܗ ܐܪ̈ܒܥܐ ܣܕܪ̈ܝܢ ܕܟܐ̈ܦܐ܂ ܣܕܪܐ ܩܕܡܝܐ ܣܘܡܩܐ ܘܙܪܓܐ ܘܒܪܩܐ ܣܕܪܐ ܚܕ܂
39:11	ܘܣܕܪܐ ܐܚܪܢܐ܂ ܨܕܝܕܐ ܘܣܦܝܠܐ ܘܢܩܥܬܐ܂
39:12	ܘܣܕܪܐ ܬܠܝܬܝܐ/ܐܚܪܢܐ#3#/܂ ܩܢܟܝܢܘܢ ܘܩܪܟܕܢܐ ܘܥܝܢ ܥܓܠܐ܂
39:13	ܘܣܕܪܐ ܐܪ̈ܒܝܥܝܐ܂ ܬܪܫܝܫ ܘܒܪܘܠܐ ܘܝܫܦܗ܂ ܡܘܚܕܢ ܘܡܫܪܢ ܒܕܗܒܐ ܒܫܠܡܘܬܗܝܢ܂
39:14	ܘܟܐ̈ܦܐ ܥܠ ܫ̈ܡܗܐ ܐ̈ܢܝܢ ܕܒܢ̈ܝ ܐܝܣܪܝܠ܂ ܬܪ̈ܬܥܣܪܐ ܥܠ ܫ̈ܡܗܝܗܘܢ ܓ̈ܠܝܦܢ ܓܠܦ̈ܐ ܕܚܬܡܐ܂ ܓܒܪ ܥܠ ܫܡܗ ܗ̈ܘܝ ܠܬܪ̈ܥܣܪ ܫ̈ܒܛܝܢ܂
39:15	ܘܥܒ݂ܕܘ ܥܠ ܚܘܣܝܐ ܫ̈ܫܠܬܐ ܡܬܐ̈ܡܬܐ܂ ܥܒ݁ܕܐ ܓܕܝܠܐ ܕܕܗܒܐ ܕܟܝܐ܂
39:16	ܘܥܒܕܘ ܬܪ̈ܬܝܢ ܡܘܚ̈ܕܬܐ ܕܕܗܒܐ܂ ܘܬܪ̈ܬܝܢ ܙܩ̈ܙܩܬܐ ܕܕܗܒܐ܂ ܘܝܗܒܘ ܬܪ̈ܬܝܢ ܙܩ̈ܙܩܬܐ ‍<‍ܕܕܗܒܐ#3#‍>‍ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
39:17	ܘܝܗ݂ܒܘ ܬܪ̈ܬܝܢ ܓܕܝ̈ܠܬܐ ܕܕܗܒܐ܂ ܥܠ ܬܪ̈ܬܝܢ ܙܩ̈ܙܩܢ ܕܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
39:18	ܘܬܪ̈ܬܝܢ ܓܕܝ̈ܠܢ ܕܥܠ ܬܪ̈ܝܢ ܣܛܪ̈ܝܢ܂ ܝܗܒܘ ܥܠ ܬܪ̈ܬܝܢ ܡܘܚ̈ܕܢ܂ ܘܝܗܒܘ ܐ̈ܢܝܢ ܥܠ ‍<‍ܬܪ̈ܬܝܢ#3#‍>‍ ܟܬ̈ܦܬܗ݀ ܕܦܕܬܐ ܠܘܩܒܠ ܐ̈ܦܝܗ݀܂
39:19	ܘܥܒ݂ܕܘ ܬܪ̈ܬܝܢ ܙܩ̈ܙܩܢ ܕܕܗܒܐ܂ ܘܣܡܘ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂ ܥܠ ܣܦܬܐ ܕܥܠ ܣܛܪܐ ܕܦܕܬܐ ܡܢ ܠܓܘ܂
39:20	ܘܥܒ݂ܕܘ ܬܪ̈ܬܝܢ ܙܩܙ̈ܩܢ ܕܕܗܒܐ܂ ܘܝܗܒܘ ܐܢܝ̈ܢ ܥܠ ܬܪ̈ܬܝܢ ܟܬܦܬ̈ܗ݀ ܕܦܕܬܐ ܡܢ ܠܓܘ/ܠܬܚܬ#3#/܂ ܡܢ ܠܘܩܒܠ ܐ̈ܦܝܗ݀ ܠܘܩܒܠ ܕܒܩܗ݀܂ ܡܢ ܠܥܠ ܡܢ ܗܡܝܢܐ ܕܦܕܬܐ܂
39:21	ܘܕܒ݁ܩܘ/ܘܝܗܒܘ#3#/ ܚܘܣܝܐ ܡܢ ܙܩ̈ܙܩܬܗ ܠܙܩ̈ܙܩܬܗ݀ ܕܦܕܬܐ܂ ܒܚܘܛܐ ܕܬܟܠܬܐ݁ ܠܡܗܘܐ ܥܠ/ܥܡ#3#/ ܗܡܝܢܐ ܕܦܕܬܐ܂ ܘܠܐ ܦܪܩ݁ ܗܘܐ ܚܘܣܝܐ ܡܢ ܥܠܘܝ ܦܕܬܐ܂ ܐܝܟ ܕܦܩ݁ܕ ܡܪܝܐ ܠܡܘܫܐ܂
39:22	ܘܥܒ݂ܕܘ ܦܪܙܘܡܐ ܕܦܕܬܐ ܥܒ݁ܕܐ ܙܩܝܪܐ ܓܡܝܪܐ ܕܬܟܠܬܐ܂
39:23	ܘܦܘܡܗ ܕܦܪܙܘܡܐ ܒܓܘܗ܂ ܐܝܟ ܦܘܡ ܣܝܪܣ܂ ܣܦܬܐ ܡܣܩܐ ܠܦܘܡܗ ܟܕ ܚܕܪ܂ ܕܠܐ ܢܨܛܪܐ܂
39:24	ܘܥܒ݂ܕܘ ܥܠ ܫ̈ܦܘܠܘܗܝ ܕܦܪܙܘܡܐ܂ ܪ̈ܘܡܢܐ ܕܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:25	ܘܥܒ݂ܕܘ ܙ̈ܓܐ ܕܕܗܒܐ ܕܟܝܐ܂ ܘܩܒܥܘ ܙ̈ܓܐ ܒܓܘ ܪ̈ܘܡܢܐ܂ ܥܠ ܫ̈ܦܘܠܘܗܝ ܕܦܪܙܘܡܐ ܟܕ ܚܕܪ܂ ܒܓܘ ܪ̈ܘܡܢܐ܂
39:26	ܙ̈ܓܐ ܕܕܗܒܐ܂ ܘܪ̈ܘܡܢܐ ܥܠ ܫ̈ܦܘܠܘܗܝ ܕܦܪܙܘܡܐ ܟܕ ܚܕܪ܂ ܠܡܫܡܫܘ ܐܝܟ ܕܦܩ݁ܕ ܡܪܝܐ ܠܡܘܫܐ܂
39:27	ܘܥܒ݂ܕܘ ܟܘܬܝܢܐ ܕܒܘܨܐ܂ ܥܒ݂ܕܐ ܙܩܝܪܐ ܠܐܗܪܘܢ ܘܠܒ̈ܢܘܗܝ܂
39:28	ܘܡܨܢܦܬܐ ܕܒܘܨܐ܂ ܘܫܘܒܚܐ ܕܟ̈ܠܘܐ ܕܒܘܨܐ ܘܦܪܙܘܡܐ ܕܒܘܨܐ ܥܙܝܠܐ܂
39:29	ܘܗܡܝܢܐ/ܘܗܡܢܝܟܐ#3#/ ܕܒܘܨܐ ܥܙܝܠܐ܂ ܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒ݁ܕܐ ܕܨܝܪܐ܂ ܐܝܟ/ܐܝܟܢܐ#3#/ ܕܦܩ݁ܕ ܡܪܝܐ ܠܡܘܫܐ܂
39:30	ܘܥܒ݂ܕܘ ܟܠܝܠܐ ܕܢܙܝܪܘܬܐ/ܟܠܝܠ#3#/ ܕܩܘܕܫܐ/ܩܘܕܫܐ#3#/ ܕܕܗܒܐ ܕܟܝܐ܂ ܘܟܬܒܘ ܥܠܘܗܝ ܟܬܒܐ܂ ܓܠܦ̈ܐ ܕܚܬܡܐ ܩܘܕܫܐ ܠܡܪܝܐ܂
39:31	ܘܐܪܡܝܘ ܒܗ ܚܘܛܐ ܕܬܟܠܬܐ܂ ܠܡܗܘܐ ܥܠ ܡܨܢܦܬܐ ܡܢ ܠܥܠ܂ ܐܝܟ ܕܦܩ݁ܕ ܡܪܝܐ ܠܡܘܫܐ܂
39:32	ܘܫܠܡ ܟܠܗ ܥܒ݁ܕܐ ܕܡܫܟܢܙܒܢܐ܂ ܘܥܒ݂ܕܘ ܒܢ̈ܝ ܐܝܣܪܝܠ ܟܠ/ܐܝܟ#3#/ ܕܦܩ݁ܕ ܡܪܝܐ ܠܡܘܫܐ ܗܟܢܐ ܥܒ݂ܕܘ܂
39:33	ܘܐܝܬܝܘܗܝ ܠܡܫܟܢܐ/ܠܡܫܟܢܙܒܢܐ#3#/ ܠܘܬ ܡܘܫܐ܂ ܡܫܟܢܐ ܘܟܠ ܡܐ̈ܢܘܗܝ܂ ܘܙܩ̈ܙܩܬܗ ܘܩܘܪ̈ܩܣܘܗܝ܂ ܘܕܦܘ̈ܗܝ ܘܣܟ̈ܘܗܝ/ܘܣܡ̈ܟܘܗܝ#3#/܂ ܘܡܘܟ̈ܠܘܗܝ ܘܥܡ̈ܘܕܘܗܝ ܘܣܡ̈ܟܘܗܝ/ܘܣܟ̈ܘܗܝ#3#/܂
39:34	ܘܦܪܣܐ ܕܡܫ̈ܟܐ ܕܕܟܪ̈ܐ ܕܐܣܦܝܢܝܩܐ܂ ܘܦܪܣܐ ܕܡܫ̈ܟܐ ܕܕܟܪ̈ܐ ܕܣܣܓܘܢܐ܂ ܘܐ̈ܦܝ ܬܪܥܐ ܕܦܪܣܐ܂
39:35	ܘܩܒܘܬܐ ܕܣܗܕܘܬܐ ܘܩ̈ܘܦܝܗ݀܂ ܘܚܘܣܝܐ܂
39:36	ܘܦܬܘܪܐ ܘܟܠ ܡܐ̈ܢܘܗܝ܂ ܘܠܚܡܐ ܕܐ̈ܦܐ܂
39:37	ܘܡܢܪܬܐ ܕܟܝܬܐ ܘܫܪ̈ܓܝܗ݀܂ ܘܫܪ̈ܓܐ ܕܣܕܪ̈ܝܗ݀ ܘܟܠܗܘܢ ܡܐ̈ܢܝܗ݀܂ ܘܡܫܚܐ ܕܡܢܗܪܝܢ܂
39:38	ܘܡܕܒܚܐ ܕܕܗܒܐ/ܕܥܛܪܐ#3#/܂ ܘܡܫܚܐ ܕܡܫܝܚܘܬܐ ܘܥܛܪܐ ܕܒܣ̈ܡܐ܂ ܘܦܪܣܐ ܕܬܪܥܐ ܕܡܫܟܢܐ܂
39:39	ܘܡܕܒܚܐ ܕܢܚܫܐ܂ ܘܩܪܩܠ ܕܝܠܗ ܕܢܚܫܐ܂ ܘܩ̈ܘܦܘܗܝ ܘܟܠܗܘܢ ܡܐ̈ܢܘܗܝ܂ ܘܠܩܢܐ ‍<‍ܘܟܢܗ݀#3#‍>‍ ܘܒܣܣ ܕܝܠܗ݀܂
39:40	ܘܣܕܪ̈ܐ ܕܕܪܬܐ܂ ܘܥܡ̈ܘܕܝܗ݀/ܘܚ̈ܒܠܝܗ݀#3#/ ܘܣܡ̈ܟܝܗ݀܂ ܘܦܪܣܐ ܕܬܪܥܐ ܕܕܪܬܐ܂ ܘܚ̈ܒܠܝܗ݀ ܘܣܟ̈ܝܗ݀܂ ܘܟܠܗܘܢ ܡܐ̈ܢܐ ܕܦܘܠܚܢܐ ܕܡܫܟܢ ܙܒܢܐ܂
39:41	ܘܠܒ̈ܘܫܝ ܬܫܡܫܬܐ ܠܡܫܡܫܘ ܒܩܘܕܫܐ܂ ܘܠܒܘܫ̈ܝ ܩܘܕܫܐ ܠܐܗܪܘܢ ܟܗܢܐ܂ ܘܠܒ̈ܘܫܐ ܠܒܢ̈ܘܗܝ/ܕܒܢ̈ܘܗܝ#3#/ ܠܟܗܢܘܬܐ܂
39:42	ܐܝܟ ܕܦܩ݁ܕ ܡܪܝܐ ܠܡܘܫܐ܂ ܗܟܢܐ ܥܒ݂ܕܘ ܒܢ̈ܝ ܐܝܣܪܝܠ ܟܠܗ ܦܘܠܚܢܐ܂
39:43	ܘܚ݂ܙܐ ܡܘܫܐ ܟܠܗ ܥܒ݁ܕܐ܂ ܘܗܐ ܥܒ݂ܕܘܗܝ/ܥܒ݁ܕܘܗܝ#2#/܂ ܐܝܟ ܕܦܩ݁ܕ ܡܪܝܐ ܠܡܘܫܐ܂ ܗܟܢܐ ܥܒ݂ܕܘ܂ ܘܒܪܟ ܐܢܘܢ ܡܘܫܐ܂