The Comprehensive Aramaic Lexicon

02:01	ܘܢܦܫܐ ܟܕ ܬܩܪܒ ܩܘܪܒܢܐ ܕܣܡܝܕܐ ܠܡܪܝܐ܂ ܢܫܝܦܐ ܢܗܘܐ ܩܘܪܒܢܗ/#3#/܂ ܘܢܣܘܟ ܥܠܘܗܝ ܡܫܚܐ܂ ܘܢܣܝܡ ܥܠܘܗܝ ܠܒܘܢܬܐ܂
02:02	ܘܢܝܬܝܘܗܝ ܠܘܬ ܟܗܢܐ ܒܪ ܐܗܪܘܢ܂ ܘܢܙܘܪ ܡܢ ܬܡܢ ܡܠܐ ܙܘܪܗ܂ ܡܢ ܢܫܝܦܐ ܘܡܢ ܡܫܚܐ܂ ܕܥܠ ܟܠܗ݀ ܠܒܘܢܬܐ܂ ܘܢܣܩ ܟܗܢܐ ܕܘܟܪܢܗ \ܥܠ ܡܕܒܚܐ /ܠܡܕܒܚܐ#1##2#/ ܩܘܪܒܢܐ ܠܪܝܚ ܣܘܬܐ/ܢܝܚܐ#2#/ ܠܡܪܝܐ܂
02:03	ܘܕܡܫܬܚܪ ܡܢ ܣܡܝܕܐ ܠܐܗܪܘܢ ܘܠܒܢ̈ܘܗܝ܂ ܩܕܘܫ ܩܘܕܫܝܢ ܗܘ/#2#/ ܡܢ ܩܘܪ̈ܒܢܘܗܝ ܕܡܪܝܐ܂
02:04	ܘܟܕ ܬܩܪܒ ܩܘܪܒܢܐ ܕܣܡܝܕܐ ܕܡܬܐܦܐ ܒܬܢܘܪܐ܂ ܢܫܝܦܐ ܚܚܪ̈ܬܐ ܦܛܝܪ̈ܬܐ ܕܦܝ̈ܠܢ ܒܡܫܚܐ܂ ܘܠܓܢ̈ܐ ܦܛܝܪ̈ܐ ܕܦܝܠܝܢ ܒܡܫܚܐ܂
02:05	ܘܐܢ ܣܡܝܕܐ ܕܥܠ ܛܐܓܢܐ ܩܘܪܒܢܟ܂ ܢܫܝܦܐ ܦܛܝܪܐ ܕܦܝܠ ܒܡܫܚܐ ܢܗܘܐ/ܩܪܒܝܗܝ#2#/ܥܒܕܝܗܝ#3#/܂
02:06	ܘܦܘܬܝܗܝ ܦܬ̈ܐ܂ ܘܣܘܟ ܥܠܘܗܝ ܡܫܚܐ ܥܠ ܣܡܝܕܐ ܗ݀ܘ܂
02:07	ܘܐܢ ܣܡܝܕܐ ܗܘ ܕܛܪܛܩܠ ܩܘܪܒܢܟ܂ ܣܡܝܕܐ ܢܫܝܦܐ ܒܡܫܚܐ ܢܬܥܒܕ܂
02:08	ܘܬܝܬܐ ܣܡܝܕܐ ܕܡܬܥܒܕ ܡܢ ܗܠܝܢ ܠܡܪܝܐ܂ ܘܬܩܪܒܝܘܗܝ ܠܟܗܢܐ܂ ܘܢܣܩܝܘܗܝ ܠܡܕܒܚܐ ܠܡܪܝܐ܂
02:09	ܘܢܦܪܘܫ ܟܗܢܐ ܡܢ ܣܡܝܕܐ ܕܘܟܪܢܗ܂ ܘܢܣܩ ܠܡܕܒܚܐ/ܥܠ ܡܕܒܚܐ#3#/܂ ܩܘܪܒܢܐ ܠܪܝܚ ܣܘܬܐ/ܢܝܚܐ#2#/ ܠܡܪܝܐ܂
02:10	ܘܕܡܫܬܚܪ ܡܢ ܣܡܝܕܐ ܠܐܗܪܘܢ ܘܠܒ̈ܢܘܗܝ ܩܕܘܫ ܩܘ̈ܕܫܝܢ ‍<‍ܗܘ#3#‍>‍ ܡܢ ܩܘܪ̈ܒܢܘܗܝ ܕܡܪܝܐ܂
02:11	ܟܠ ܣܡܝܕܐ ܕܬܩܪܒܘܢ ܠܡܪܝܐ܂ ܠܐ ܢܬܥܒܕ ܚܡܝܥܐ܂ ܡܛܠ ܕܟܠ ܚܡܝܪ ܘܟܠ ܕܒܫ܂ ܠܐ ܬܣܩܘܢ ܡܢܗ ܩܘܪܒܢܐ ܠܡܪܝܐ܂
02:12	ܩܘܪ̈ܒܢܐ ܪ̈ܝܫܝܬܐ ܬܩܪܒܘܢ ܐܢܘܢ ܠܡܪܝܐ܂ ܘܥܠ ܡܕܒܚܐ ܠܐ ܢܣܩܘܢ ܠܪܝܚ ܣܘܬܐ/ܢܝܚܐ#1##2#/܂
02:13	ܘܟܠܗ ܩܘܪܒܢܐ ܕܣܡܝܕܟ ܒܡܠܚܐ ܬܡܠܘܚ܂ ܘܠܐ ܬܒܛܠ ܡܠܚܐ ܕܩܝܡܗ ܕܐܠܗܟ ܡܢ ܣܡܝܕܟ܂ ܥܠ ܟܠ ܩܘܪ̈ܒܢܝܟ ܬܩܪܒ ܡܠܚܐ܂

02:14	ܘܐܢ ܬܩܪܒ ܩܘܪܒܢܐ ܕܒܟܪ̈ܐ ܠܡܪܝܐ܂ ܟܦܐ ܕܡܚܪܟܐ ܒܢܘܪܐ܂ ܦܪ̈ܝܟܬܐ ܡܕܟܝ̈ܬܐ ܬܩܪܒ ܩܘܪܒܢܐ ܕܒܟܪ̈ܝܟ܂

02:15	ܘܬܬܠ ܡܫܚܐ ܥܠܘܗܝ ܘܠܒܘܢܬܐ ܩܘܪܒܢܐ ܗܘ܂
02:16	ܘܢܣܩ ܟܗܢܐ ܕܘܟܪܢܗ ܡܢ ܦܪܝ̈ܟܬܐ ܘܡܢ ܡܫܚܐ܂ ܥܠ ܟܠܗ݀ ܠܒܘܢܬܐ ܩܘܪܒܢܐ ܠܡܪܝܐ܂