← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


05:01 ܘܢܦܫܐ ܟܕ ܬܚܛܐ ܘܬܫܡܥ ܩܠܐ ܕܡ̈ܘܡܬܐ܂ ܘܗܘ ܣܗܕ ܐܘ ܚܙܐ ܐܘ ܝܕܥ܂ ܐܠܐ ܢܚܘܐ ܢܩܒܠ ܚܛܗܗ܂
05:02 ܐܘ ܢܦܫܐ ܕܬܩܪܘܒ ܒܟܠ ܡܕܡ ܕܛܡܐ ܐܘ ܒܦܓܪܐ ܕܚܝܘܬܐ ܛܡܐܬܐ܂ ܐܘ ܒܦܓܪܐ ܕܒܥܝܪ̈ܐ ܛܡܐ̈ܬܐ܂ ܐܘ ܒܦܓܪܐ ܕܪܚܫܐ ܛܡܐܐ܂ ܘܢܗܡܐ ܡܢܗ܂ ܘܗܘ ܐܬܛܡܐ ܘܚܛܐ܂
05:03 ܐܘ ܐܢ ܢܩܪܘܒ/ܢܩܪܒ#3#/܂ ܒܛܡܐܘܬܐ ܕܐܢܫܐ܂ ܠܟܠ ܛܡܐܘܬܐ ܕܢܬܛܡܐ ܒܗ݀܂ ܘܢܗܡܐ ܡܢܗ݀܂ ܘܗܘ ܝܕܥ ܕܚܛܐ܂
05:04 ܐܘ ܢܦܫܐ ܟܕ ܬܐܡܐ ܒܦܘܪܫܢܐ ܕܣ̈ܦܘܬܐ ܠܡܒܐܫܘ ܐܘ ܠܡܛܐܒܘ܂ ܒܟܠ ܕܦܪܫ ܐܢܫܐ/ܒܪܢܫܐ#3#/ ܒܡ̈ܘܡܬܐ ܘܢܗܡܐ ܡܢܗ݀܂ ܘܗܘ ܝܕܥ ܕܚܛܐ ܒܚܕܐ ܡܢ ܗܠܝܢ܂
05:05 ܘܢܗܘܐ ܟܕ ܢܚܛܐ ܒܚܕܐ ܡܢ ܗܠܝܢ܂ ܘܢܘܕܐ ܕܚܛܐ ܥܠܝܗ݀܂
05:06 ܢܝܬܐ ܩܘܪܒܢܗ ܠܡܪܝܐ ܥܠ ܚܛܗܐ ܕܚܛܐ܂ ܢܩܒܬܐ ܦܪܬܐ ܡܢ ܥܢܐ܂ ܐܘ ܨܦܪܝܬܐ ܕܥ̈ܙܐ ܠܚܛܗܗ܂ ܘܢܚܣܐ ܥܠܘܗܝ ܟܗܢܐ ܡܢ ܚܛܗܗ܂
05:07 ܘܐܠܐ ܡ݁ܛܐ ܒܐ̈ܝܕܘܗܝ ܕܢܝܬܐ ܦܪܬܐ܂ ܢܝܬܐ ܩܘܪܒܢܐ ܕܚܛܗܗ ܬܪ̈ܝܢ ܫ̈ܘܦܢܝܢܝܢ ܐܘ ܬܪ̈ܝܢ ܒܢ̈ܝ ܝܘܢܐ܂ ܚܕ ܠܚܛܗܐ ܘܚܕ ܠܥܠܬܐ܂
05:08 ܘܢܝܬܐ ܐܢܘܢ ܠܟܗܢܐ܂ ܘܢܩܪܒ ܕܥܠ ܚܛܗܐ ܩܕܡܝܬ܂ ܘܢܡܠܘܓ ܪܫܗ ܡܢ ܠܘܩܒܠ ܩܕܠܗ܂ ܘܠܐ ܢܦܪܫ܂
05:09 ܘܢܪܘܣ ܡܢ ܕܡܐ ܕܚܛܗܐ ܥܠ ܐܣܬܐ ܕܡܕܒܚܐ܂ ܘܕܝܬܪ ܡܢ ܕܡܐ ܢܡܨܐ ܥܠ ܫ̈ܦܘܠܝ ܡܕܒܚܐ܂ ܚܛܗܐ ܗܘ܂
05:10 ܘܐܚܪܢܐ ܢܥܒܕ ܠܥܠܬܐ ܐܝܟ ܙܕܩܗ܂ ܘܢܚܣܐ ܥܠܘܗܝ ܟܗܢܐ ܥܠ ܚܛܗܐ ܕܚܛܐ ܘܢܫܬܒܩ ܠܗ܂
05:11 ܘܐܠܐ ܡ݁ܛܐ ܒܐ̈ܝܕܘܗܝ ܬܪ̈ܝܢ ܫܘ̈ܦܢܝܢܝܢ ܐܘ ܬܪ̈ܝܢ ܒܢ̈ܝ ܝܘܢܐ܂ ܢܝܬܐ ܩܘܪܒܢܗ ܕܚܛܗܐ ܕܚܛܐ܂ ܚܕ ܡܢ ܥܣܪܐ ܠܣܐܬܐ ܢܫܝܦܐ ܠܚܛܗܐ܂ ܘܠܐ ܢܣܘܟ ܥܠܘܗܝ ܡܫܚܐ܂ ܘܠܐ ܢܣܝܡ ܥܠܘܗܝ ܠܒܘܢܬܐ܂ ܡܛܠ ܕܚܛܗܐ ܗܘ܂
05:12 ܘܢܝܬܝܘܗܝ ܠܟܗܢܐ܂ ܘܢܙܘܪ ܟܗܢܐ ܡܢܗ/#3#/ ܡܠܐ ܙܘܪܗ ܕܘܟܪܢܐ܂ ܘܢܣܩ ܠܡܕܒܚܐ ܥܠ ܩܘܪ̈ܒܢܘܗܝ ܕܡܪܝܐ ܚܛܗܐ ܗܘ܂
05:13 ܘܢܚܣܐ ܥܠܘܗܝ ܟܗܢܐ ܥܠ ܚܛܗܐ ܕܚܛܐ ܒܚܕܐ ܡܢ ܗܠܝܢ ܘܢܫܬܒܩ ܠܗ܂ ܘܬܗܘܐ ܠܟܗܢܐ ܐܝܟ ܣܡܝܕܐ܂
05:14 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
05:15 ܢܦܫܐ ܟܕ ܬܥܠܐ ܥܘܠܐ܂ ܘܬܚܛܐ ܒܛܘܥܝܝ ܡܢ ܩ̈ܘܕܫܘܗܝ/ܩܘܪ̈ܒܢܘܗܝ#3#/ ܕܡܪܝܐ܂ ܢܝܬܐ ܩܘܪܒܢܗ ܠܡܪܝܐ܂ ܕܟܪܐ ܕܠܐ ܡܘܡ ܡܢ ܥܢܐ ܒܕܡ̈ܝܐ܂ ܟܣܦ ܡܬܩ̈ܠܝܢ ܒܡܬܩܠܐ ܕܩܘܕܫܐ ܠܩܘܪܒܢܐ܂
05:16 ܘܕܚܛܐ ܡܢ ܩܘܕܫܐ ܢܦܪܘܥ܂ ܘܚܘܡܫܗ ܢܘܣܦ ܥܠܘܗܝ܂ ܘܢܬܠܝܘܗܝ/ܘܢܝܬܝܘܗܝ#3#/ ܠܟܗܢܐ܂ ܘܟܗܢܐ ܢܚܣܐ ܥܠܘܗܝ ܒܕܟܪܐ ܕܩܘܪܒܢܐ ܘܢܫܬܒܩ ܠܗ܂
05:17 ܘܐܢ ܢܦܫܐ ܬܚܛܐ܂ ܘܬܥܒܕ/ܘܬܥܒܪ#3#/ ܚܕ ܡܢ ܟܠ/#3#/ ܦܘܩ̈ܕܢܘܗܝ ܕܡܪܝܐ ܕܠܐ ܡܬܥܒܕܝܢ܂ ܘܠܐ ܝܕܥ ܕܚܛܐ܂ ܢܩܒܠ ܚܛܗܗ܂
05:18 ܘܢܝܬܐ ܕܟܪܐ ܕܠܐ ܡܘܡ ܡܢ ܥܢܐ ܒܕܡ̈ܝܐ ܩܘܪܒܢܐ ܠܟܗܢܐ܂ ܘܢܚܣܐ ܥܠܘܗܝ ܟܗܢܐ ܥܠ ܛܘܥܝܝ ܕܛܥܐ܂ ܘܗܘ ܠܐ ܝܕܥ ܘܢܫܬܒܩ ܠܗ܂
05:19 ܩܘܪܒܢܐ ܗܘ ܚܠܦ ܚܛܗܐ ܢܝܬܐ ܩܘܪܒܢܐ ܠܡܪܝܐ܂
05:20 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
05:21 ܢܦܫܐ ܟܕ ܬܚܛܐ ܘܬܥܠܐ ܥܘܠܐ ܒܡܪܝܐ܂ ܘܢܕܓܠ ܒܚܒܪܗ ܒܓܘܥܠܢܐ ܐܘ ܒܫܘܬܦܘܬܐ ܕܐܝܕܐ ܐܘ ܒܩܛܝܪܐ ܐܘ ܛܠܡ ܠܚܒܪܗ܂
05:22 ܐܘ ܐܫܟܚ ܐܒܕܬܐ ܘܢܕܓܠ ܒܗ݀܂ ܘܢܐܡܐ ܒܕܓܠܘܬܐ ܥܠ ‍<‍ܟܠ#2#‍>‍ ܚܕܐ ܡܢ ܟܠ/ܗܠܝܢ#3#/ ܕܥܒ݁ܕ ܐܢܫܐ ܠܡܚܛܐ ܒܗܝܢ܂
05:23 ܘܢܗܘܐ ܟܕ ܢܚܛܐ ܘܢܬܚܝܒ܂ ܢܦܢܐ ܡܕܡ ܕܫܩܠ ܒܩܛܝܪܐ܂ ܐܘ ܛܠܘܡܝܐ ܕܛܠܡ܂ ܐܘ ܓܘܥܠܢܐ ܕܐܓܥܠܘܗܝ܂ ܐܘ ܐܒܕܬܐ ܕܐܫܟܚ܂
05:24 ܐܘ ܡܢ/#3#/ ܟܠܡܕܡ ܕܢܐܡܐ ܥܠܘܗܝ ܒܕܓܠܘܬܐ܂ ܢܦܪܥܝܘܗܝ ܒܩܪܢܗ ܘܚܘܡܫܗ ܢܘܣܦ ܥܠܘܗܝ܂ ܠܡ݁ܢ ܕܕܝܠܗ ܗܘ ܢܬܠܝܘܗܝ ܒܝܘܡܐ ܕܩܘܪܒܢܗ܂
05:25 ܘܩܘܪܒܢܗ ܢܝܬܐ ܠܡܪܝܐ܂ ܕܟܪܐ ܕܠܐ ܡܘܡ \ܡܢ ܥܢܐ /#3#/ ܒܕ̈ܡܝܐ܂ ܩܘܪܒܢܐ ܠܟܗܢܐ/ܠܡܪܝܐ#3#/܂
05:26 ܘܢܚܣܐ ܥܠܘܗܝ ܟܗܢܐ ܩܕܡ ܡܪܝܐ܂ ܘܢܫܬܒܩ ܠܗ ܥܠ ܚܕܐ ܡܢ ܟܠ ܕܥܒ݁ܕ ܐܢܫܐ ܠܡܚܛܐ ܒܗܝܢ܂ ܥܠ ܢܘܪܐ ܕܩܘܕܫܐ ܕܠܐ ܬܕܥܟ܂

next chapter