The Comprehensive Aramaic Lexicon

06:01	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:02	ܦܩܕ ܠܐܗܪܘܢ ܘܠܒܢ̈ܘܗܝ ܘܐܡܪ ܠܗܘܢ܂ ܗܢܘ ܢܡܘܣܐ ܕܥܠܬܐ܂ ܗ݀ܝ ܥܠܬܐ ܕܝܩܕܐ ܥܠ ܡܕܒܚܐ ܟܠܗ ܠܠܝܐ ܥܕܡܐ ܠܨܦܪܐ/ܠܫܦܪܐ#3#/܂ ܘܢܘܪܐ ܕܡܕܒܚܐ ܬܗܘܐ ܝܩܕܐ ܒܗ܂
06:03	ܘܢܠܒܫ ܟܗܢܐ ܠܒ̈ܘܫܐ ܕܒܘܨܐ ܘܡܐ̈ܢܐ ܕܒܘܨܐ܂ ܢܠܒܫ ܥܠ ܒܣܪܗ܂ ܘܢܦܪܘܫ ܩܛܡܐ ܕܐܟܠܬ ܢܘܪܐ ܠܥܠܬܐ ܕܥܠ ܡܕܒܚܐ܂ ܘܢܣܝܡܝܘܗܝ ܥܠ ܓܢܒ ܡܕܒܚܐ܂
06:04	ܘܢܫܠܚ/ܘܢܫܠܘܚ#3#/ ܟܗܢܐ ܡܐ̈ܢܘܗܝ ܘܢܠܒܫ ܡܐ̈ܢܐ ܐܚܪ̈ܢܐ܂ ܘܢܦܩ ܩܛܡܐ ܠܒܪ ܡܢ ܡܫܪܝܬܐ܂ ܠܕܘܟܬܐ ܕܕܟܝܐ܂
06:05	ܘܢܘܪܐ ܬܗܘܐ ܝܩ݁ܕܐ ܥܠ ܡܕܒܚܐ܂ ܘܠܐ ܬܕܥܟ܂ ܘܢܟܫܐ ܥܠܘܗܝ ܟܗܢܐ ܩܝ̈ܣܐ ܡܢ ܨܦܪ ܠܨܦܪ܂ ܘܢܣܕܘܪ ܥܠܘܗܝ ܥܠܬܐ܂ ܘܢܣܩ ܥܠܘܗܝ ܬܪܒܐ ܕܫ̈ܠܡܐ܂
06:06	ܘܢܘܪܐ ܐܡܝܢܐܝܬ ܬܗܘܐ ܝܩ݁ܕܐ ܥܠ ܡܕܒܚܐ ܘܠܐ ܬܕܥܟ܂
06:07	ܘܗܢܐ ܢܡܘܣܐ ܕܣܡܝܕܐ܂ ܢܩܪܒܘܢܗ ܒ̈ܢܝ ܐܗܪܘܢ ܩܕܡ ܡܪܝܐ ܩܕܡ ܡܕܒܚܐ܂
06:08	ܘܢܦܪܘܫ ܡܢܗ ܡܠܐ ܙܘܪܗ ܡܢ ܢܫܝܦܐ ܕܣܡܝܕܐ ܘܡܢ ܡܫܚܐ܂ ܘܡܢ ܟܠܗ݀ ܠܒܘܢܬܐ ܕܥܠ ܣܡܝܕܐ܂ ܘܢܣܩ \ܥܠ ܡܕܒܚܐ /ܠܡܕܒܚܐ#3#/ ܠܪܝܚ ܢܝܚܐ ܕܘܟܪܢܐ ܠܡܪܝܐ܂
06:09	ܘܕܡܫܬܚܪ ܡܢܗ ܢܐܟܠܘܢ ܐܗܪܘܢ ܘܒܢ̈ܘܗܝ܂ ܦܛܝܪܐ ܢܬܐܟܠ/ܢܐܟܘܠ#3#/܂ ܒܐܬܪܐ ܩܕܝܫܐ ܒܕܪܬܐ ܕܡܫܟܢ ܙܒܢܐ ܢܐܟܠܘܢܗ܂
06:10	ܠܐ ܢܬܐܦܐ ܚܡܝܥ ܡܢܬܗܘܢ ܝܗ݀ܒܬܗ ܡܢ ܩܘܪ̈ܒܢܝ ܩܕܘܫ ܩܘܕܫ̈ܝܢ ܗܘ܂ ܐܝܟ ܚܛܗܐ ܘܐܝܟ ܩܘܪܒܢܐ܂
06:11	ܟܠ ܕܟܪ̈ܐ ܕܒܢ̈ܝ ܐܗܪܘܢ ܢܐܟܠܘܢܗ܂ ܩܝܡܐ ܗܘ/#3#/ ܠܥܠܡ ܠܕܪ̈ܝܟܘܢ܂ ܡܢ ܩܘܪ̈ܒܢܘܗܝ ܡܪܝܐ܂ ܟܠ ܕܢܩܪܘܒ ܠܗܘܢ ܢܬܩܕܫ܂
06:12	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:13	ܗܢܘ/ܗܢܐ#3#/ ܩܘܪܒܢܐ ܕܐܗܪܘܢ ܘܕܒ̈ܢܘܗܝ܂ ܕܢܩܪܒܘܢ ܠܡܪܝܐ ܒܝܘܡܐ ܕܡܬܡܫܚ܂ ܚܕ ܡܢ ܥܣܪ̈ܐ ܠܣܐܬܐ܂ ܢܫܝܦܐ ܣܡܝܕܐ ܐܡܝܢܐܝܬ܂ ܦܠܓܗ ܒܨܦܪܐ ܘܦܠܓܗ ܒܪܡܫܐ ܐܡܝܢܐܝܬ܂
06:14	ܥܠ ܛܐܓܢܐ ܒܡܫܚܐ ܢܬܥܒܕ܂ ܡܪܥܕܐ ܢܥܒܕܝܘܗܝ܂ ܘܦܘܬܝܗܝ ܠܣܡܝܕܐ ܦܬ̈ܝܢ ܦܬ̈ܝܢ܂ ܘܩܪܒ ܪܝܚ ܣܘܬܐ/ܢܝܚܐ#3#/ ܠܡܪܝܐ܂
06:15	ܘܟܗܢܐ ܕܡܬܡܫܚ ‍<‍ܡܢ#6ܒ1#‍>‍ ܒܬܪܗ ܡܢ ܒܢ̈ܘܗܝ ܢܥܒܕܝܘܗܝ܂ ܩܝܡܐ ܠܥܠܡ/ܕܥܠܡ#3#/ ܠܡܪܝܐ ܡܫܡܠܝܐܝܬ ܬܣܩ܂
06:16	ܘܟܠܗ ܣܡܝܕܐ ܕܟܗܢܐ܂ ܡܫܡܠܝܐܝܬ ܢܗܘܐ/ܬܣܩ#2#/ ܘܠܐ ܢܬܐܟܠ܂
06:17	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:18	ܡܠܠ ܥܡ ܐܗܪܘܢ ܘܥܡ ܒ̈ܢܘܗܝ ܘܐܡܪ ܠܗܘܢ܂ ܗܢܘ ܢܡܘܣܐ ܕܚܛܗܐ܂ ܒܐܬܪܐ ܕܡܬܢܟܣܐ ܥܠܬܐ ܢܬܢܟܣ ܚܛܗܐ ܩܕܡ ܡܪܝܐ܂ ܩܕܘܫ ܩܘܕܫ̈ܝܢ ܗܘ܂
06:19	ܘܟܗܢܐ ܕܡܕܟܐ ܠܗ ܢܐܟܠܝܘܗܝ܂ ܒܐܬܪܐ ܩܕܝܫܐ ܢܬܐܟܠ܂ ܒܕܪܬܐ ܕܡܫܟܢܙܒܢܐ܂
06:20	ܟܠ ܕܢܩܪܘܒ ܠܒܣܪܗ ܢܬܩܕܫ܂ ܘܕܢܪܘܣ ܡܢ ܕܡܗ ܥܠ ܡܐܢܐ܂ ܡܐܢܐ ܕܡܬܪܣܣ ܥܠܘܗܝ܂ ܢܬܚܠܠ ܒܐܬܪܐ ܩܕܝܫܐ܂

06:21	ܘܡܐܢܐ ܕܦܚܪܐ ܐܝܢܐ ܕܡܬܒܫܠ ܒܗ ܢܬܬܒܪ܂ ܘܐܢ ܒܡܐܢܐ ܕܢܚܫܐ ܢܬܒܫܠ܂ ܢܬܡܪܩ ܘܢܬܬܫܝܓ ܒܡ̈ܝܐ܂

06:22	ܟܠ ܕܟܪ̈ܐ ܕܒܢ̈ܝ ܐܗܪܘܢ ܢܐܟܠܘܢܗ܂ ܡܛܠ ܕܩܕܘܫ ܩܘ̈ܕܫܝܢ ܗܘ܂
06:23	ܘܟܘܠ ܚܛܗܐ ܕܥܐ݁ܠ ܡܢ ܕܡܗ ܠܡܫܟܢܙܒܢܐ܂ ܠܡܚܣܝܘ ܒܩܘܕܫܐ ܠܐ ܢܬܐܟܠ܂ ܐܠܐ ܒܢܘܪܐ ܢܐܩܕ܂