← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


07:01 ܗܢܘ ܢܡܘܣܐ ܕܩܘܪܒܢܐ܂ ܩܘܕܫ ܩܘܕܫܝ̈ܢ ܗܘ܂
07:02 ܒܐܬܪܐ ܕܢܟܣܝܢ ܝܩܕܐ ܫܠܡܐ܂ ܢܟܣܘܢ ܩܘܪܒܢܐ܂ ܘܕܡܗ ܢܪܣܘܢ ܥܠ ܡܕܒܚܐ ܟܕ ܚܕܪ܂
07:03 ܘܟܠܗ ܬܪܒܗ ܢܩܪܒ ܡܢܗ܂ ܐܠܝܬܐ ܘܚܠܒܐ/ܘܬܪܒܐ#3#/ ܕܩܪܝܡ ܠܓܘܝܐ܂
07:04 ܘܬܪܬܝ̈ܢ ܟܘܠܝ̈ܢ ܘܬܪܒܗܘܢ܂ ܘܚܨܪ ܟܒܕܐ ܥܡ ܟܘܠܝ̈ܬܐ ܢܥܒܕܝܗ܂
07:05 ܘܢܣܩ ܐܢܘܢ ܟܗܢܐ ܠܡܕܒܚܐ ܩܘܪܒܢܐ ܠܡܪܝܐ܂ ܚܛܗܐ ܗܘ܂
07:06 ܟܠ ܕܟܪܐ \ܕܒܢ̈ܝ ܐܗܪܘܢ /ܕܟܗܢܐ#3#/ ܢܐܟܠܘܢܗ܂ ܒܐܬܪܐ ܩܕܝܫܐ ܢܬܐܟܠ܂ ܩܕܘܫ ܩܘܕܫܝ̈ܢ ܗܘ܂
07:07 ܐܝܟ ܚܛܗܐ ܗܟܢܐ ܩܘܪܒܢܐ܂ ܢܡܘܣܐ ܚܕ ܢܗܘܐ ܠܟܘܢ܂ ܘܟܗܢܐ ܕܡܚܣܐ ܒܗ ܠܗ ܢܗܘܐ܂
07:08 ܘܟܗܢܐ ܕܡܩܪܒ ܚܠܦ ܚܛܗܗ ܕܓܒܪܐ ܝܩܕܐ ܫܠܡܐ܂ ܡܫܟܗ ܕܝܩܕܐ ܫܠܡܐ ܕܡܩܪܒ ܠܟܗܢܐ ܢܗܘܐ܂
07:09 ܘܟܠܗ ܣܡܝܕܐ ܕܡܬܐܦܐ ܒܬܢܘܪܐ ܘܟܠ ܕܡܬܥܒܕ ܒܛܪܛܩܠ ܘܥܠ ܛܐܓܢܐ܂ ܠܟܗܢܐ ܕܡܩܪܒ ܠܗ ܢܗܘܐ܂
07:10 ܘܟܠ ܣܡܝܕܐ ܕܡܬܬܦܝܠ ܒܡܫܚܐ ܘܕܝܒܝܫ܂ ܠܟܠܗܘܢ ܒܢ̈ܝ ܐܗܪܘܢ ܢܗܘܐ܂ ܠܐܢܫ ܐܝܟ ܕܡܛܐ ܠܗ܂
07:11 ܗܢܘ ܢܡܘܣܐ ܕܕܒܚܐ ܕܥܠܬܐ܂ ܕܡܬܩܪܒ ܠܡܪܝܐ܂
07:12 ܐܢ ܥܠ ܬܘܕܝܬܐ ܢܩܪܒܝܘܗܝ܂ ܢܩܪܒ ܥܠ ܕܒܚܐ ܕܬܘܕܝܬܗ܂ ܚܚ̈ܪܬܐ ܦܛܝ̈ܪܬܐ ܕܦܝ̈ܠܢ ܒܡܫܚܐ܂ ܘܠܓ̈ܢܐ ܦܛܝ̈ܪܐ ܕܡܫܝܚ̈ܢ/ܕܦܝܠܝܢ#3#/ ܒܡܫܚܐ܂ ܢܫܝܦܐ ܕܡܪܥܕ ܚܚ̈ܪܬܐ ܕܦܝ̈ܠܝܢ ܒܡܫܚܐ܂
07:13 ܥܠ ܚܚܘܪܬܐ ܕܠܚܡܐ܂ ܚܡܝܥܐ ܢܩܪܒ ܩܘܪܒܢܗ ܥܠ ܕܒܚܐ ܕܥܠܬܐ ܕܬܘܕܝܬܗ܂
07:14 ܘܕܢܩܪܒ/ܘܕܢܩܪܘܒ#3#/ ܚܕ ܡܢ ܗܠܝܢ ܟܠܗܘܢ ܩܘܪ̈ܒܢܐ ܦܘܪ̈ܫܢܐ ܠܡܪܝܐ܂ ܠܟܗܢܐ ܕܪܐ݁ܣ ܕܡܐ ܕܥܠܬܐ ܠܗ ܢܗܘܐ܂
07:15 ܘܒܣܪܐ ܕܕܒܚܐ ܕܥܠܬܐ ܕܬܘܕܝܬܗ܂ ܒܝܘܡܐ ܕܡܩܪܒ ܠܗ ܢܬܐܟܠ܂ ܘܠܐ ܢܫܬܒܩ ܡܢܗ ܡܕܡ ܠܨܦܪܐ/ܠܫܦܪܐ#3#/܂
07:16 ܘܐܢ ܢܕܪܐ ܗܘ/#3#/ ܐܘ ܦܘܪܫܢܐ ܕܒܚܐ ܕܩܘܪܒܢܗ ܒܝܘܡܐ ܕܡܬܩܪܒ ܕܒܚܐ ܢܬܐܟܠ܂ ܘܐܦ ܠܝܘܡܐ ܐܚܪܢܐ ܡܕܡ ܕܝ݁ܬܪ ܡܢܗ ܬܘܒ ܢܬܐܟܠ܂
07:17 ܘܡܕܡ ܕܡܫܬܚܪ ܡܢ ܒܣܪܐ ܕܕܒܚܐ ܠܝܘܡܐ ܕܬܠܬܐ ܒܢܘܪܐ ܢܐܩܕ܂
07:18 ܘܐܢ ܡܬܐܟܠܘ ܢܬܐܟܠ ܡܢ ܒܣܪܐ ܕܕܒܚܐ ܕܥܠܬܐ ܠܝܘܡܐ ܕܬܠܬܐ ܠܐ ܢܬܩܒܠ܂ ܘܡ݁ܢ ܕܡܩܪܒ ܠܗ܂ ܠܐ ܢܬܚܫܒ ܠܗ܂ ܐܠܐ ܢܗܘܐ ܡܣܠܝܐ܂ ܘܢܦܫܐ ܕܬܐܟܘܠܝ ܡܢܗ܂ ܚܛܝܬܐ ܬܩܒܠܝ܂
07:19 ܘܒܣܪܐ ܕܢܩܪܘܒ ܠܟܠܡܕܡ ܕܛܡܐ ܠܐ ܢܬܐܟܠ܂ ܐܠܐ ܒܢܘܪܐ ܢܐܩܕ܂ ܘܟܠ ܕܕܟܐ ܢܐܟܘܠ ܒܣܪܐ܂
07:20 ܘܢܦܫܐ ܕܬܐܟܘܠܝ ܡܢ ܒܣܪܐ ܕܕܒܚܐ܂ ܫܠܡܐ ܕܡܪܝܐ/#3#/ ܟܕ ܛܡܐܘܬܗ ܥܠܘܗܝ܂ ܬܐܒܕ ܢܦܫܐ ܗ݀ܝ ܡܢ ܥܡܗ݀܂
07:21 ܘܢܦܫܐ ܟܕ ܬܩܪܘܒܝ ܒܟܠܗ݀ ܛܡܐܘܬܐ ܕܐܢܫܐ܂ ܐܘ ܒܒܥܝܪ̈ܐ ܛܡܐܬܐ܂ ܐܘ ܒܟܠ ܪܚܫܐ ܛܡܐܐ܂ ܘܢܐܟܘܠ ܡܢ ܒܣܪܐ ܕܕܒܚܐ ܕܥܠܬܐ ܕܡܪܝܐ܂ ܬܐܒܕ ܢܦܫܐ ܗ݀ܝ ܡܢ ܥܡܗ݀܂
07:22 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
07:23 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܟܠ ܬܪܒܐ ܕܬܘܪ̈ܐ ܘܕܐܡܪ̈ܐ ܘܕܥܙ̈ܐ ܠܐ ܬܐܟܠܘܢ܂
07:24 ܘܬܪܒܐ ܕܦܓܪܐ ܘܬܪܒܐ ܕܐܝܕܐ ܕܐܟܝܠܐ ܠܚܝܘܬܐ܂ ܢܬܥܒܕ ܠܟܠ ܥܒܕ ܘܡܐܟܠ ܠܐ ܬܐܟܠܘܢܗ܂
07:25 ܡܛܠ ܕܟܠ \ܡ݁ܢ ܕܢܐܟܘܠ /ܕܐ݁ܟܠ#2#/ ܬܪܒܐ ܡܢ ܒܥܝܪܐ ܕܡܬܩܪܒ ܡܢܗ݀ ܩܘܪܒܢܐ ܠܡܪܝܐ܂ ܬܐܒܕ ܢܦܫܐ ܗ݀ܝ ܕܐܟܠܐ ܡܢ ܥܡܗ݀܂
07:26 ܘܟܠ ܕܡܐ ܠܐ ܬܐܟܠܘܢ ܒܟܠܗ ܒܝܬ ܡܥܡܪܟܘܢ܂ ܕܦܪܚܬܐ ܘܕܒܥܝܪ̈ܐ܂
07:27 ܟܠ ܢܦܫܐ ܕܬܐܟܘܠܝ ܕܡܐ܂ ܬܐܒܕ ܢܦܫܐ ܗ݀ܝ ܡܢ ܥܡܗ݀܂
07:28 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
07:29 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܡ݁ܢ ܕܡܩܪܒ ܕܒܚܐ ܫܠܡܐ ܠܡܪܝܐ܂ ܢܝܬܐ ܩܘܪܒܢܗ ܠܡܪܝܐ ܡܢ ܕܒܚܐ ܕܥܠܬܐ܂
07:30 ܐ̈ܝܕܘܗܝ ܢܝ̈ܬܝܢ ܩܘܪܒܢܗ ܕܡܪܝܐ܂ ܘܬܪܒܐ ܕܥܠ ܚܕܝܐ ܢܝܬܐ܂ ܘܢܥܐ ܕܡܬܦܪܫ ܦܘܪܫܢܗ ܩܕܡ ܡܪܝܐ܂
07:31 ܘܢܣܩ ܟܗܢܐ ܬܪܒܐ ܠܡܕܒܚܐ܂ ܘܢܗܘܐ ܢܥܐ ܠܐܗܪܘܢ ܘܠܒܢ̈ܘܗܝ܂
07:32 ܘܫܩܐ ܕܝܡܝܢܐ ܬܬܠܘܢ ܦܘܪܫܢܐ ܠܡܪܝܐ܂ ܡܢ ܕܒܚܝ̈ܟܘܢ ܫ̈ܠܡܐ/ܕܥܠܬܐ#3#/܂
07:33 ܕܡܩܪܒ ܕܡܐ ܘܬܪܒܐ ܕܥܠܬܐ ܡܢ ܒܢ̈ܝ ܐܗܪܘܢ ܠܗ ܬܗܘܐ ܡܢܬܐ/#2#/ ܫܩܐ ܕܝܡܝܢܐ܂
07:34 ܡܛܠ ܕܚܕܝܐ ܕܦܘܪܫܢܐ ܘܫܩܐ ܕܦܘܪܫܢܐ܂ ܢܣ݁ܒܬ ܡܢ ܒܢ̈ܝ ܐܝܣܪܐܝܠ ܡܢ ܕܒܚܝ̈ܗܘܢ ܫ̈ܠܡܐ܂ ܘܝܗ݀ܒܬ ܐܢܘܢ ܠܐܗܪܘܢ ܟܗܢܐ ܘܠܒܢ̈ܘܗܝ܂ ܩܝܡܐ ܠܥܠܡ ܡܢ ܠܘܬ ܒܢ̈ܝ ܐܝܣܪܝܠ܂
07:35 ܗܕܐ ܗܝ ܡܫܝܚܘܬܐ ܕܐܗܪܘܢ ܘܡܫܝܚܘܬܐ ܕܒܢ̈ܘܗܝ ܡܢ ܩܘܪ̈ܒܢܘܗܝ ܕܡܪܝܐ܂ ܒܝܘܡܐ ܕܡܬܩܪܒ ܠܡܫܡܫܘ ܠܡܪܝܐ܂
07:36 ‍<‍ܐܝܟ#3#‍>‍ ܕܦܩܕ ܡܪܝܐ ܠܡܬܠ ܠܗܘܢ ܡܢ ܒܢ̈ܝ ܐܝܣܪܝܠ܂ ܒܝܘܡܐ ܕܡܫܚ ܐܢܘܢ ܩܝܡܐ ܠܥܠܡ ܠܕܪ̈ܝܗܘܢ܂
07:37 ܗܢܐ ܢܡܘܣܐ ܕܝܩܕܐ ܕܥܠܬܐ܂ ܘܠܣܡܝܕܐ ܘܠܚܛܗܐ ܘܠܩܘܪܒܢܐ܂ ܘܠܫܘܡܠܝܐ ܘܠܕܒܚܐ ܕܥܠܬܐ܂
07:38 ܕܦܩܕ ܡܪܝܐ ܠܡܘܫܐ ܒܛܘܪܐ ܕܣܝܢܝ܂ ܒܝܘܡܐ ܕܦܩܕܗ ‍<‍ܡܪܝܐ#3#‍>‍ ܥܠ ܒܢ̈ܝ ܐܝܣܪܝܠ܂ ܕܢܩܪܒ ܩܘܪ̈ܒܢܝܗܘܢ ܠܡܪܝܐ ܒܡܕܒܚܐ ܕܣܝܢܝ܂

next chapter