← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


11:01 ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
11:02 ܡܠܠܘ ܥܡ ܒܢ̈ܝ ܐܝܣܪܐܝܠ ܘܐܡܪܘ ܠܗܘܢ܂ ܗܕܐ ‍<‍ܗܝ#3#‍>‍ ܚܝܘܬܐ ܗܘܝܬܘܢ ܐܟܠܝܢ܂ ܡܢ ܟܠ ܒܥܝܪ̈ܐ ܕܒܐܪܥܐ܂
11:03 ܟܠ ܕܨܪܝܐ ܦܪܣܬܗ݀ ܘܦܠܝܓܐ ܠܬܪ̈ܝܢ ܘܡܬܓܘܪܪܐ ܠܗ݀ ܐܟܘܠܘ܂
11:04 ܘܗܠܝܢ ܠܐ ܬܐܟܠܘܢ ܡܢ ܐܝܠܝܢ ܕܡܬܓܘܪܪܝܢ ܘܡܢ ܐܝܠܝܢ ܕܨܪ̈ܝܢ ܦܪ̈ܣܬܗܘܢ܂ ܓܡܠܐ ܕܡܬܓܘܪܪ ܘܦܪ̈ܣܬܗ ܠܐ ܨܪܝܐ ܛܡܐ ܗܘ ܠܟܘܢ܂
11:05 ܘܚܓܣܐ ܕܡܬܓܘܪܪ ܘܦܪܣܬܗ ܠܐ ܨܪܝܐ ܛܡܐ ܗܘ ܠܟܘܢ܂
11:06 ܘܐܪܢܒܐ ܕܡܬܓܘܪܪܐ ܘܦܪܣܬܗ݀ ܠܐ ܨܪܝܐ ܛܡܐܐ ܗܝ ܠܟܘܢ܂
11:07 ܘܚܙܝܪܐ ܕܨܪܝܐ ܦܪܣܬܗ ܘܦܠܝܓܐ ܠܬܪ̈ܝܢ ܘܠܐ ܡܬܓܘܪܪ ܛܡܐ ܗܘ ܠܟܘܢ܂
11:08 ܡܢ ܒܣܪܗܘܢ ܠܐ ܬܐܟܠܘܢ܂ ܘܠܦܓܪ̈ܝܗܘܢ ܠܐ ܬܬܩܪܒܘܢ܂ ܛܡܐܝܢ ܐܢܘܢ ܠܟܘܢ܂
11:09 ܘܗܠܝܢ ܬܐܟܠܘܢ ܡܢ ܟܠ ܕܐܝܬ ܒܡ̈ܝ݁ܐ ܟܠ ܕܐܝܬ ܠܗ ܓ̈ܦܐ ܘܩ̈ܠܦܐ ܒܡ̈ܝܐ ܒܝܡ̈ܡܐ ܘܒܪ̈ܓܠܬܐ ܐܟܘܠܘ܂
11:10 ܘܟܘܠ ܕܠܝܬ ܠܗ ܓܦ̈ܐ ܘܩ̈ܠܦܐ ܒܝܡ̈ܡܐ ܘܒܪ̈ܓܠܬܐ܂ ܒܟܠܗ ܪܚܫܐ ܕܡ̈ܝܐ ܘܒܟܠܗ݀ ܢܦܫܐ ܚܝܬܐ ܕܒܡ̈ܝܐ܂ ܛܡܐܝܢ ܐܢܘܢ ܠܟܘܢ܂
11:11 ܡܢ ܒܣܪܗܘܢ ܠܐ ܬܐܟܠܘܢ܂ ܘܠܦܓܪ̈ܝܗܘܢ ܬܛܡܐܘܢ܂
11:12 ܘܟܠ ܕܠܝܬ ܠܗ ܓܦ̈ܐ ܘܩ̈ܠܦܐ ܒܡ̈ܝܐ ܛܡܐ ܗܘ ܠܟܘܢ܂
11:13 ܘܗܠܝܢ ܐܣܠܘ ܡܢ ܦܪ̈ܚܬܐ ܘܠܐ ܢܬܐܟܠܘܢ܂ ܡܛܠ ܕܛܡܐܝܢ ܐܢܘܢ ܢܫܪܐ܂
11:14 ܘܕܝܬܐ܂
11:15 ܘܢܥܒܐ ܒܓܢܣܝ̈ܗܘܢ/ܠܓܢܣ̈ܝܗܘܢ#1##2#/܂
11:16 ܘܢܥܡܐ ܘܢܨܐ ܠܓܢܣ̈ܝܗܘܢ܂
11:17 ܘܥܘܕܐ ܘܫ݁ܠܐ ܢܘ̈ܢܐ ܘܩܦܘܦܐ܂
11:18 ܘܟܘܟܒܝ ܘܩܩܐ ܘܫܪܩܪܩܐ܂
11:19 ܘܚܘܪܒܐ ܘܐܢܦܐ ܠܓܢ̈ܣܝܗܘܢ܂ ܘܬܪܢܓܘܠ ܒܪܐ ܘܛܘܣܐ/ܘܦܪܚܕܘܕܐ#3#/܂
11:20 ܘܟܠܗ ܝܠܕܐ ܕܦܪܚܬܐ ܕܡܗܠܟܐ/ܕܡܗܠܟ#3#/ ܥܠ ܐܪ̈ܒܥ \ܛܡܐܐ ܗܝ /ܛܡܐ ܗܘ#3#/ ܠܟܘܢ܂
11:21 ܘܗܠܝܢ ܐܟܘܠܘ ܡܢ ܟܠܗ ܝܠܕܐ ܕܦܪܚܬܐ܂ ܕܡܗܠܟ ܥܠ ܐܪ̈ܒܥ܂ ܕܐܝܬ ܠܗ ܛܦܪ̈ܐ ܠܥܠ ܡܢ ܪ̈ܓܠܝܘܗܝ܂ ܕܢܒ݁ܪ/ܕܢܥܒܪ#3#/ ܒܗܝܢ ܒܐܪܥܐ܂
11:22 ܗܠܝܢ ܐܟܘܠܘ ܡܢܗܘܢ܂ ܩܡܨܐ ܠܓܢܣܗ܂ ܘܚܪܓܠܐ ܠܓܢܣܗ܂
11:23 ܘܟܠܗ ܝܠܕܐ ܕܦܪܚܬܐ ܕܐܝܬ ܠܗ ܐܪ̈ܒܥ ܪ̈ܓܠܝܢ ܛܡܐ ܗܘ ܠܟܘܢ܂
11:24 ܘܒܗܠܝܢ ܬܬܛܡܐܘܢ܂ ܟܠ ܕܩ݁ܪܒ ܠܦܓܪ̈ܝܗܘܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:25 ܘܟܠ ܕܫ݁ܩܠ ܦܓܪ̈ܝܗܘܢ ܢܚܠܠ ܡܐ̈ܢܘܗܝ ܘܢܗܘܐ ܛܡܐ ܥܕܡܐ ܠܪܡܫܐ܂
11:26 ܘܟܠܗ݀ ܒܥܝܪ̈ܐ ܕܨܪܝܐ ܦܪܣܬܗ݀܂ ܘܠܐ ܗܘܬ ܦܠܝܓܐ ܠܬܪ̈ܝܢ܂ ܘܠܐ ܡܬܓܘܪܪܐ ܛܡܐܐ ܗܝ ܠܟܘܢ܂ ܘܟܠ ܕܢܩܪܘܒ ܠܗܘܢ/ܠܗܝܢ#1##2#/ ܢܗܘܐ ܛܡܐ ܥܕܡܐ ܠܪܡܫܐ܂
11:27 ܘܟܠ ܕܡܗܠܟ ܥܠ ܐ̈ܝܕܘܗܝ܂ ܘܟܠܗ݀ ܚܝܘܬܐ ܕܡܗܠܟܐ ܥܠ ܐܪ̈ܒܥ ܛܡܐ ܗܝ ܠܟܘܢ܂ ܘܟܠ ܕܩ݁ܪܒ ܠܦܓܪ̈ܝܗܘܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:28 ܘܡ݁ܢ ܕܫ݁ܩܠ ܦܓܪ̈ܝܗܘܢ܂ ܢܚܠܠ ܡܐ̈ܢܘܗܝ ܘܢܗܘܐ ܛܡܐܐ ܥܕܡܐ ܠܪܡܫܐ܂ ܡܛܠ ܕܛܡܐܝܢ ܐܢܘܢ ܠܟܘܢ܂
11:29 ܘܗܠܝܢ ܛܡܐܝܢ/ܕܛܡܐܝܢ#3#/ \ܒܟܠܗ݀ ܪܚܫܐ /ܒܪܚܫܐ#3#/ ܕܪܚܫ݁ ܥܠ ܐܪܥܐ܂ ܟܟܘܫܬܐ ܘܥܘܩܒܪܐ ܘܚܪܕܢܐ܂ ܠܓܢܣ̈ܝܗܘܢ܂
11:30 ܘܐܡܩܬܐ ܘܚܘܠܕܐ ܘܨܪܘܪܝܬܐ ܘܚܘܠܡܛܐ ܘܝܕܝܕܐ܂
11:31 ܗܠܝܢ ܛܡܐܝܢ ܒܟܠܗ ܪܚܫܐ܂ ܟܠ ܕܩ݁ܪܒ ܠܗܘܢ ܟܕ ܡܝܬܝܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:32 ܘܟܠ ܕܢ݁ܦܠ ܥܠܘܗܝ ܡܢܗܘܢ ܟܕ ܡܝܬ ܢܬܛܡܐ܂ ܘܟܠ ܡܐܢܐ ܕܩܝܣܐ܂ ܐܘ ܠܒܘܫܐ ܐܘ ܡܫܟܐ ܐܘ ܣܩܐ܂ ܐܘ ܟܘܠ ܡܐܢ/ܡܘܢ#3#/ ܕܡܬܥܒܕ ܒܗܘܢ ܥܒ݁ܕܐ܂ ܒܡ̈ܝܐ ܢܨܒܥܘܢ ܐܢܘܢ܂ ܘܢܗܘܘܢ ܛܡܐܝܢ ܥܕܡܐ ܠܪܡܫܐ ܘܢܬܕܟܘܢ܂
11:33 ܘܟܠ ܡܐܢܐ ܕܦܚܪܐ ܕܢ݁ܦܠ ܡܢܗܘܢ ܒܓܘܗ܂ ܟܠ ܕܒܓܘܗ ܢܗܘܐ ܛܡܐ ܘܠܗ ܬܒ݁ܪܘ܂
11:34 ܘܡܢ ܟܠ ܡܐܟܘܠܬܐ ܕܡܬܐܟܠܐ ܕܢ݁ܦܠܝܢ ܥܠܝܗ݀ ܡ̈ܝܐ ܬܬܛܡܐ܂ ܘܟܠ ܡܫܬܝܐ ܕܡܫܬܬܐ ܒܟܠ ܡܐܢ ܢܬܛܡܐ܂
11:35 ܘܟܠ ܕܢ݁ܦܠ ܡܢ ܦܓܪ̈ܝܗܘܢ ܥܠܘܗܝ ܢܗܘܐ ܛܡܐ܂ ܬܢܘܪܐ ܘܒܝܬ ܬ̈ܦܝܐ ܢܬܥܩܪܘܢ܂ ܛܡܐܝܢ ܐܢܘܢ ܘܛܡܐܝܢ ܢܗܘܘܢ ܠܟܘܢ܂
11:36 ܒܪܡ ܡܥܝ̈ܢܐ ܘܓܘ̈ܒܐ ܘܩܒܝ̈ܬܐ ܕܡ̈ܝܐ ܢܗܘܘܢ ܕܟܝܢ܂ ܘܡ݁ܢ ܕܢܩܪܘܒ ܠܦܓܪ̈ܝܗܘܢ ܢܗܘܐ ܛܡܐ܂
11:37 ܘܐܢ ܢܦܠ ܡܢ ܦܓܪ̈ܝܗܘܢ ܥܠ ܟܠ ܒܪ ܙܪܥܐ ܕܙܪܥܐ ܕܡܙܕܪܥ ܕܟܐ ܗܘ܂
11:38 ܘܐܢ ܢܦܠܘ ܡ̈ܝܐ ܥܠ ܒܪ ܙܪܥܐ ܘܢܦܠܘ ܡܢ ܦܓܪ̈ܝܗܘܢ ܥܠܘܗܝ܂ ܛܡܐ ܗܘ ܠܟܘܢ܂
11:39 ܘܐܢ ܢܡܘܬ ܡܢ ܒܥܝܪ̈ܐ ܕܕܟܝܐ ܠܟܘܢ ܠܡܐܟܠ܂ ܟܠ ܕܢܩܪܘܒ ܠܦܓܪܗ݀܂ ܢܗܘܐ ܛܡܐ ܥܕܡܐ ܠܪܡܫܐ܂
11:40 ܘܕܢܫܩܘܠ ܡܢ ܦܓܪܗ݀ ܢܚܠܠ ܡܐ̈ܢܘܗܝ ܘܢܗܘܐ ܛܡܐ ܥܕܡܐ ܠܪܡܫܐ܂
11:41 ܘܟܠ ܪܚܫܐ ܕܪܚ݁ܫ ܥܠ ܐܪܥܐ ܛܢܦܐ ܗܘ ܠܟܘܢ܂
11:42 ܠܐ ܬܐܟܠܘܢ܂
11:41x ܘܟܠ ܕܫܐ݁ܦ ܥܠ ܟܪܣܗ܂
11:42x ܘܟܠ ܕܡܗܠܟ ܥܠ ܐܪ̈ܒܥ ܘܟܠ ܣܘܓܐܐ ܕܪ̈ܓܠܐ܂ ܡܢ ܟܠ ܪܚܫܐ ܕܪܚ݁ܫ ܥܠ ܐܪܥܐ܂ ܠܐ ܬܐܟܠܘܢ ܡܢܗܘܢ܂ ܡܛܠ ܕܛܡܐܝܢ ܐܢܘܢ܂
11:43 ܠܐ ܬܛܡܐܘܢ ‍<‍ܒܗܘܢ#3#‍>‍ ܢܦܫ̈ܬܟܘܢ ܒܟܠܗ ܪܚܫܐ ܕܪܚ݁ܫ ܥܠ ܐܪܥܐ܂ ܕܠܐ ܬܬܛܡܐܘܢ ܒܗܘܢ܂ ܠܐ ܬܬܛܡܐܘܢ ܒܗܘܢ܂
11:44 ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂ ܘܬܬܩܕܫܘܢ ܘܬܗܘܘܢ ܩܕܝܫ̈ܝܢ܂ ܡܛܠ ܕܩܕܝܫ ܐܢܐ܂ ܠܐ ܬܛܡܐܘܢ ܢܦܫ̈ܬܟܘܢ ܒܟܠܗ ܪܚܫܐ ܕܪܚ݁ܫ ܥܠ ܐܪܥܐ܂
11:45 ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂ ܕܐܣܩ݁ܬܟܘܢ ܡܢ ܐܪܥܐ ܕܡܨܪܝܢ ܕܐܗܘܐ ܠܟܘܢ ܐܠܗܐ܂ ܘܬܗܘܘܢ ܩܕܝܫ̈ܝܢ ܡܛܠ ܕܩܕܝܫ ܐܢܐ܂
11:46 ܗܢܘ/ܗܢܐ#3#/ ܢܡܘܣܐ ܕܒܥܝܪ̈ܐ ܘܕܦܪܚܬܐ܂ ܘܕܟܠ ܢܦܫܐ ܚܝܬܐ ܕܪܚ݁ܫܐ ܒܡ̈ܝܐ܂ ܘܕܟܠ ܢܦܫܐ ܕܪܚ݁ܫܐ ܒܐܪܥܐ܂
11:47 ܘܠܡܦܪܫ ܒܝܬ ܛܡܐܐ ܠܕܟܝܐ܂ ܘܒܝܬ ܚܝܘܬܐ ܕܡܬܐܟܠܐ ܠܒܝܬ ܚܝܘܬܐ ܕܠܐ ܡܬܐܟܠܐ܂

next chapter