The Comprehensive Aramaic Lexicon

13:01	ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
13:02	ܐܢܫܐ ܟܕ ܬܗܘܐ ܒܡܫܟܐ ܕܒܣܪܗ ܫܘܡܬܐ ܐܘ ܩܠܦܝܬܐ ܐܘ ܒܗܩܝܬܐ܂ ܘܬܗܘܐ ܒܡܫܟܐ ܕܒܣܪܗ ܫܘܡܬܐ ܕܡܚܘܬܐ ܕܓܪܒܐ܂ ܢܝܬܘܢܗ ܠܘܬ ܐܗܪܘܢ ܟܗܢܐ܂ ܐܘ ܠܘܬ ܚܕ ܡܢ ܒܢ̈ܘܗܝ ܟܗ̈ܢܐ܂
13:03	ܘܢܚܙܝܗ݀ ܟܗܢܐ ܠܡܚܘܬܐ ܒܡܫܟܐ ܕܒܣܪܗ܂ ܐܢ ܗܠܟܬ ܡܚܘܬܐ ܒܡܫܟܐ ܕܒܣܪܗ܂ ܘܣܥܪܐ ܕܡܚܘܬܐ/ܕܒܡܚܘܬܐ#1##2#/ ܐܬܗܦܟ ܠܡܚܘܪ/ܕܢܚܘܪ#3#/܂ ܘܚܙܘܗ݀ ܕܡܚܘܬܐ ܥܡܝܩ ܗܘ ܡܢ ܡܫܟܐ ܕܒܣܪܗ܂ ܡܚܘܬܐ ܗܝ ܕܓܪܒܐ܂ ܢܚܙܝܗ݀ ܟܗܢܐ ܘܢܛܡܐܝܗ܂

13:04	ܘܐܢ ܒܗܩܝܬܐ ܚܘܪܬ ܒܡܫܟܐ ܕܒܣܪܗ܂ ܘܥܡܝܩܐ ܘܠܐ ܡܬܚܙܝܐ ܡܢ ܡܫܟܐ܂ ܘܣܥܪܐ ܠܐ ܐܬܗܦܟ ܕܢܚܘܪ/ܠܡܚܘܪ#3#/܂ ܢܣܓܪܝܗ݀ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ܂

13:05	ܘܢܚܙܝܗ݀ ܟܗܢܐ ܒܝܘܡܐ ܕܫܒܥܐ܂ ܐܢ ܩܡܬ ܡܚܘܬܐ ܒܕܘܟܬܗ݀܂ ܘܠܐ ܗܠܟܬ ܡܚܘܬܐ ܒܡܫܟܐ܂ ܢܣܓܪܝܗ݀/ܢܙܓܪܝܗ݀#3#/ ܟܗܢܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:06	ܘܢܚܙܝܗ݀ ܟܗܢܐ ‍<‍ܡܢ#3#‍>‍ ܒܬܪ ܫܒܥܐ ܝܘܡ̈ܝܢ ܐܚܪ̈ܢܝܢ܂ ܐܢ ܕܥܟܬ ܡܚܘܬܐ ܘܠܐ ܗܠܟܬ ܡܚܘܬܐ ܗܝ ܒܡܫܟܐ/ܕܡܫܟܐ#3#/܂ ܢܕܟܝܗ݀ ܟܗܢܐ ܡܛܠ ܕܚܙܙܝܬܐ ܗܝ܂ ܘܢܚܠܠ ܡܐ̈ܢܘܗܝ ܘܢܬܕܟܐ܂
13:07	ܘܐܢ ܡܗܠܟܘ ܬܗܠܟ ܒܗܩܝܬܐ/ܡܚܘܬܐ#3#/ ܒܡܫܟܐ܂ ܡܢ ܒܬܪ ܕܚܙܗ݀ ܟܗܢܐ ܘܕܟܝܗ݀܂ ܢܚܘܘܢܗ݀ ܬܘܒ ܠܟܗܢܐ܂
13:08	ܘܢܚܙܐ ܟܗܢܐ ܐܢ ܗܠܟܬ ܒܗܩܝܬܐ ܒܡܫܟܐ܂ ܢܛܡܐܝܗ݀ ܟܗܢܐ ܡܛܘܠ ܕܓܪܒܐ ܗܘ܂
13:09	ܘܡܚܘܬܐ ܕܓܪܒܐ ܟܕ ܬܗܘܐ ܒܐܢܫܐ܂ ܢܝܬܘܢܗ ܠܘܬ ܟܗܢܐ܂
13:10	ܘܢܚܙܐ ܟܗܢܐ܂ ܐܢ ܫܘܡܬܐ ܚܘܪܬܐ ܒܡܫܟܐ܂ ܘܗܝ ܗܦܟܬ ܣܥܪܗ݀ ܠܡܚܘܪ܂ ܘܪܘܫܡܐ ܕܒܣܪܐ ܚܝܐ ܒܫܘܡܬܐ܂
13:11	ܓܪܒܐ ܗܘ ܥܬܝܩܐ ܒܡܫܟܐ ܕܒܣܪܗ܂ ܢܛܡܐܝܘܗܝ ܟܗܢܐ ܘܠܐ ܢܣܓܪܝܘܗܝ/ܢܙܓܪܝܘܗܝ#3#/܂ ܡܛܠ ܕܛܡܐ ܗܘ܂
13:12	ܘܐܢ ܡܦܪܚ ܢܦܪܚ ܓܪܒܐ ܒܡܫܟܗ܂ ܘܢܟܣܝܘܗܝ ܓܪܒܐ ܠܟܠܗ ܡܫܟܗ܂ ܡܢ ܪܫܗ ܘܥܕܡܐ ܠܪ̈ܓܠܘܗܝ ܟܠ ܕܚ̈ܙܝܢ ܥܝܢ̈ܘܗܝ ܕܟܗܢܐ܂
13:13	ܢܚܙܐ ܟܗܢܐ܂ ܐܢ ܟܣܝ ܓܪܒܐ ܠܟܠܗ ܒܣܪܗ܂ ܢܕܟܝܗ݀ ‍<‍ܟܗܢܐ#3#‍>‍ ܠܡܚܘܬܐ܂ ܟܠܗ ܓܝܪ ܐܬܗܦܟ ܠܡܚܘܪ܂ ܡܛܠ ܕܕܟܐ ܗܘ܂
13:14	ܘܒܝܘܡܐ ܕܢܬܚܙܐ ܒܗ ܒܣܪܐ ܚܝܐ܂ ܢܗܘܐ ܛܡܐ܂
13:15	ܘܢܚܙܐ ܟܗܢܐ ܒܣܪܐ/ܠܒܣܪܐ#3#/ ܚܝܐ܂ ܘܢܛܡܐܝܘܗܝ ܠܒܣܪܐ ܚܝܐ܂ ܛܡܐ ܗܘ܂ ܡܛܠ ܕܓܪܒܐ ܗܘ܂
13:16	ܘܐܢ ܗܘ ܕܐܬܗܦܟ ܒܣܪܐ ܚܝܐ ܠܡܚܘܪ/ܕܢܚܘܪ#1##2#/ܠܡܚܘܪܘ#3#/ ܢܝܬܘܢܗ ܠܘܬ ܟܗܢܐ܂
13:17	ܘܢܚܙܐ ܟܗܢܐ܂ ܐܢ ܐܬܗܦܟܬ ܡܚܘܬܐ ܠܡܚܘܪ܂ ܢܕܟܝܗ݀ ܟܗܢܐ ܠܡܚܘܬܐ ܡܛܠ ܕܕܟܝܐ ܗܝ܂
13:18	ܘܒܣܪܐ ܐܢ ܢܗܘܐ ܫܘܚܢܐ ܒܡܫܟܗ ܘܢܬܐܣܐ܂
13:19	ܘܬܗܘܐ ܒܕܘܟܬܗ ܕܫܘܚܢܐ ܫܘܡܬܐ ܚܘܪܬܐ ܐܘ ܒܗܩܝܬܐ ܕܚܘܪܐ ܐܘ ܕܣܘܡܩܐ܂ ܢܚܘܘܢܗ݀ ܠܟܗܢܐ܂
13:20	ܘܢܚܙܐ ܟܗܢܐ ܐܢ ܚܙܘܗ݀ ܡܟܝܟ ܡܢ ܡܫܟܐ܂ ܘܣܥܪܗ݀ ܐܬܗܦܟ ܠܡܚܘܪ/ܕܢܚܘܪ#3#/ܠܡܚܘܪܘ#3#/܂ ܢܛܡܐܝܗ݀ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂ ܘܒܫܘܚܢܐ ܣܓܝܬ܂
13:21	ܘܐܢ ܢܚܙܐ ܟܗܢܐ ܕܠܝܬ ܒܗ݀ ܣܥܪܐ ܚܘܪܐ܂ ܘܠܐ ܗܘܬ ܡܟܝܟܐ ܡܢ ܡܫܟܐ ܐܠܐ ܫܘܝܐ/ܫܘܚܢܐ#3#/ ܗܝ܂ ܢܣܓܪܝܗ݀ ܟܗܢܐ ܫܒܥܐ ܝܘܡ̈ܝܢ܂
13:22	ܘܐܢ ܡܗܠܟܘ ܬܗܠܟ ܒܡܫܟܐ܂ ܢܛܡܐܝܗ݀ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂
13:23	ܘܐܢ ܒܕܘܟܬܗ݀ ܩܡܬ ܒܗܩܝܬܐ ܘܠܐ ܗܠܟܬ܂ ܫܘܡܬܐ ܗܝ ܕܫܘܚܢܐ܂ ܢܕܟܝܗ݀ ܟܗܢܐ܂
13:24	ܘܒܣܪܐ ܐܢ ܢܗܘܐ ܒܡܫܟܗ ܟܘܝܐ ܕܢܘܪܐ܂ ܘܬܗܘܐ ܒܫܘܡܬܐ ܕܟܘܝܐ܂ ܒܗܩܝܬܐ ܕܚܘܪܐ ܐܘ ܕܣܘܡܩܐ ܐܘ ܕܡܚܘܪܐ܂
13:25	ܢܚܙܐ ܟܗܢܐ܂ ܐܢ ܐܬܗܦܟ ܣܥܪܐ ܠܡܚܘܪ ܒܒܗܩܝܬܐ܂ ܘܚܙܘܗ݀ ܥܡܝܩ ܡܢ ܡܫܟܐ܂ ܓܪܒܐ ܗ݀ܘ ܒܟܘܝܐ ܦܪܚ܂ ܢܛܡܐܝܗ݀ ܟܗܢܐ܂ ܡܛܠ ܕܡܚܘܬܐ ܗܝ ܕܓܪܒܐ܂
13:26	ܘܐܢ ܢܚܙܐ ܟܗܢܐ܂ ܕܠܝܬ ܒܒܗܩܝܬܐ ܣܥܪܐ ܚܘܪܐ܂ ܘܠܐ ܗܘܬ ܡܟܝܟܐ ܡܢ ܡܫܟܐ܂ ܐܠܐ ܫܘܝܐ ܗܝ܂ ܢܣܓܪܝܗ݀ ܟܗܢܐ ܫܒܥܐ ܝܘܡ̈ܝܢ܂
13:27	ܘܢܚܙܐ ܟܗܢܐ ܒܝܘܡܐ ܫܒܝܥܝܐ܂ ܐܢ ܗܠܟܬ ܒܗܩܝܬܐ ܒܡܫܟܐ܂ ܢܛܡܐܝܗ݀ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂
13:28	ܘܐܢ ܒܕܘܟܬܗ݀ ܩܡܬ ܒܗܩܝܬܐ܂ ܘܠܐ ܗܠܟܬ ܒܡܫܟܐ ܐܠܐ ܫܘܝܐ ܗܝ ܫܘܡܬܐ ܗܝ ܕܟܘܝܐ܂ ܢܕܟܝܗ݀ ܟܗܢܐ ܡܛܠ ܕܫܘܡܬܐ ܗܝ ܕܟܘܝܐ܂
13:29	ܘܓܒܪܐ ܐܘ ܐܢܬܬܐ ܐܢ ܬܗܘܐ ܒܗ ܡܚܘܬܐ/ܫܘܡܬܐ#3#/ ܒܪܫܗ ܗܘ ܒܕܩܢܗ܂
13:30	ܢܚܙܝܗ݀ ܟܗܢܐ ܠܡܚܘܬܐ܂ ܐܢ ܚܙܘܗ݀ ܥܡܝܩ ܡܢ ܡܫܟܐ܂ ܘܐܢ ܐܝܬ ܒܗ݀ ܣܥܪ ܫܡܫܐ ܩܛܝܢܐ܂ ܢܛܡܐܝܗ݀ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂ ܕܪܫܐ \ܐܘ ܕܕܩܢܐ /ܘܕܕܩܢܐ#3#/܂
13:31	ܘܐܢ ܢܚܙܝܗ݀ ܟܗܢܐ ܠܡܚܘܬܐ܂ ܕܠܐ/ܘܠܐ#2#/ ܗܘܐ ܥܡܝܩ ܚܙܘܗ݀ ܡܢ ܡܫܟܐ܂ ܘܣܥܪܐ ܐܘܟܡܐ ܠܝܬ ܒܗ݀܂ ܢܣܓܪܝܗ݀ ܟܗܢܐ ܠܡܚܘܬܐ ܗ݀ܝ ܫܒܥܐ ܝܘܡ̈ܝܢ܂
13:32	ܘܢܚܙܝܗ݀ ܟܗܢܐ ܠܡܚܘܬܐ ܗ݀ܝ ܒܝܘܡܐ ܕܫܒܥܐ/ܫܒܝܥܝܐ#3#/܂ ܐܢ ܠܐ ܗܠܟܬ ܡܚܘܬܐ܂ ܘܐܢ ܠܐ ܗܘܐ ܒܗ݀ ܣܥܪ ܫܡܫܐ܂ ܘܚܙܘܗ݀ ܕܡܚܘܬܐ ܠܐ ܗܘܐ ܥܡܝܩ ܡܢ ܡܫܟܐ܂
13:33	ܢܓܪܘܥ ܣܛܪ̈ܝܗ݀ ܕܡܚܘܬܐ ܘܠܗ݀ ܠܐ ܢܓܪܘܥ܂ ܘܢܣܓܪܝܗ݀ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:34	ܘܢܚܙܝܗ݀ ܟܗܢܐ ܠܡܚܘܬܐ ܒܝܘܡܐ ܕܫܒܥܐ/ܫܒܝܥܝܐ#3#/܂ ܐܢ ܠܐ ܗܠܟܬ ܡܚܘܬܐ ܒܡܫܟܐ܂ ܘܚܙܘܗ݀ ܠܐ ܗܘܐ ܥܡܝܩ ܡܢ ܡܫܟܐ܂ ܢܕܟܝܗ݀ ܟܗܢܐ ܘܢܚܠܠ ܡܐ̈ܢܘܗܝ ܘܢܬܕܟܐ܂
13:35	ܘܐܢ ܡܗܠܟܘ ܬܗܠܟ ܡܚܘܬܐ ܒܡܫܟܐ ܡܢ ܒܬܪ ܕܐܬܕܟܝ܂
13:36	ܢܚܙܐ ܟܗܢܐ ܐܢ ܗܠܟܬ ܡܚܘܬܐ ܒܡܫܟܐ܂ ܠܐ ܢܫܐܠ ܟܗܢܐ ܥܠ ܣܥܪ ܫܡܫܐ܂ ܡܛܠ ܕܛܡܐ ܗܘ܂
13:37	ܘܐܢ ܒܕܘܟܬܗ݀ ܩܡܬ ܡܚܘܬܐ ܘܣܥܪܐ ܐܘܟܡܐ ܝܥܐ ܒܗ݀܂ ܡܬܐܣܝܐ ܡܚܘܬܐ ܡܛܠ ܕܕܟܝܐ ܗܝ܂ ܢܕܟܝܗ݀ ܟܗܢܐ܂
13:38	ܘܓܒܪܐ ܐܘ ܐܢܬܬܐ܂ ܐܢ ܬܗܘܐ ܒܡܫܟܐ ܕܒܣܪܗܘܢ ܒܗܩܝܬܐ ܕܡܒܗܩܐ ܘܚܘܪܐ܂
13:39	ܢܚܙܐ ܟܗܢܐ ܐܢ ܐܝܬ ܒܡܫܟܐ ܕܒܣܪܗܘܢ܂ ܒܗܩܝܬܐ ܕܚܘܪܐ ܐܘ ܕܣܘܡܩܐ܂ ܩܠܦܝܬܐ ܣܓܝܬ ܒܡܫܟܐ ܕܟܐ ܗܘ܂
13:40	ܘܓܒܪܐ ܐܢ/ܟܕ#3#/ ܢܬܪ ܣܥܪܗ ܘܢܩܪܚ ܕܟܐ ܗܘ܂
13:41	ܘܐܢ ܡܢ ܠܘܩܒܠ ܐ̈ܦܘܗܝ ܢܬܪ ܣܥܪܗ܂ ܓܒܚܐ ܗܘ ܕܟܐ ܗܘ܂
13:42	ܘܐܢ ܬܗܘܐ ܒܩܪܚܘܬܗ ܐܘ ܒܓܒܚܘܬܗ܂ ܡܚܘܬܐ ܕܚܘܪܐ ܐܘ ܕܣܘܡܩܐ܂ ܓܪܒܐ ܗܘ ܣܓܝ ܒܩܪܚܘܬܗ ܐܘ ܒܓܒܚܘܬܗ܂
13:43	ܢܚܙܝܗ݀ ܟܗܢܐ ܠܫܘܡܬܐ ܕܡܚܘܬܐ܂ ܐܢ ܚܘܪܬ ܘܐܢ/ܐܘ#3#/ ܣܡܩܬ܂ ܒܩܪܚܘܬܗ ܐܘ ܒܓܒܚܘܬܗ܂ ܐܝܟ ܚܙܘܐ ܕܓܪܒܐ ܕܐܝܬ ܒܡܫܟܐ ܕܒܣܪܗ܂
13:44	ܓܪܒܐ ܗܘ ܓܒܪܐ ܗ݀ܘ ܘܛܡܐܐ ܗܘ܂ ܢܛܡܐܝܘܗܝ ܟܗܢܐ ܡܛܠ ܕܡܚܘܬܐ ܒܪܫܗ ܗܝ܂
13:45	ܘܐܝܢܐ ܕܓܪܒ ܘܐܝܬ ܒܗ ܡܚܘܬܐ܂ ܡܐ̈ܢܘܗܝ ܢܗܘܘܢ ܡܦܪܡܝܢ܂ ܘܪܫܗ ܢܗܘܐ ܦܪܝܥ܂ ܘܥܠ ܣ̈ܦܘܬܗ ܢܬܥܛܦ܂ ܘܛܡܐܐ ܢܩܪܐ ܢܦܫܗ܂
13:46	ܟܠ ܝܘܡ̈ܬܐ ܕܐܝܬ ܒܗ ܡܚܘܬܐ ܢܗܘܐ ܛܡܐ܂ ܡܛܠ ܕܛܡܐ ܗܘ܂ ܒܠܚܘܕܘܗܝ ܢܬܒ܂ ܘܠܒܪ ܡܢ ܡܫܪܝܬܐ ܢܗܘܐ ܡܘܬܒܗ܂
13:47	ܘܡܪܛܘܛܐ ܐܢ/ܟܕ#3#/ ܬܗܘܐ ܒܗ ܡܚܘܬܐ ܕܓܪܒܐ܂ ܒܡܪܛܘܛܐ ܕܥܡܪܐ ܐܘ ܒܡܪܛܘܛܐ ܕܟܬܢܐ܂
13:48	ܐܘ ܒܫܬܝܐ ܐܘ ܒܟܪܟܐ ܕܟܬܢܐ ܐܘ ܕܥܡܪܐ܂ ܐܘ ܒܡܫܟܐ ܐܘ ܒܟܠ/ܟܠ#3#/ ܥܒܕ ܕܡܫܟܐ܂
13:49	ܘܬܗܘܐ ܡܚܘܬܐ ܝܘܪܩܐ ܐܘ ܣܘܡܩܐ܂ ܒܡܪܛܘܛܐ ܐܘ ܒܡܫܟܐ܂ ܐܘ ܒܫܬܝܐ ܐܘ ܒܟܪܟܐ܂ ܐܘ ܒܟܘܠ ܡܐܢܐ ܕܡܫܟܐ ܡܚܘܬܐ ܗܝ ܕܓܪܒܐ܂ ܢܚܘܘܢܗ݀ ܠܟܗܢܐ܂
13:50	ܘܢܚܙܝܗ݀ ܟܗܢܐ ܠܡܚܘܬܐ ܘܢܣܓܪܝܗ݀ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ܂
13:51	ܘܢܚܙܝܗ݀ ܟܗܢܐ ܠܡܚܘܬܐ ܒܝܘܡܐ ܕܫܒܥܐ܂ ܐܢ ܗܠܟܬ ܡܚܘܬܐ ܒܡܪܛܘܛܐ܂ ܐܘ ܒܫܬܝܐ ܐܘ ܒܟܪܟܐ ܐܘ ܒܡܫܟܐ܂ \ܐܘ ܒܟܠ /ܘܟܠ#3#/ ܡܫܟܐ ܕܡܬܥܒܕ ܠܥܒ݁ܕܐ܂ ܡܚܘܬܐ ܗܝ ܕܓܪܒܐ ܡܪܝܪܐ܂ ܛܡܐ ܗܘ܂
13:52	ܢܘܩܕܝܘܗܝ ‍<‍ܟܗܢܐ#3#‍>‍ ܠܡܪܛܘܛܐ ܐܘ ܠܫܬܝܐ܂ ܐܘ ܠܟܪܟܐ ܕܥܡܪܐ ܐܘ ܕܟܬܢܐ܂ ܐܘ ܠܟܠ/ܕܟܠ#3#/ ܡܐܢܐ ܕܡܫܟܐ ܕܬܗܘܐ ܒܗ ܡܚܘܬܐ ܒܢܘܪܐ ܢܘܩܕܝܘܗܝ܂ ܡܛܠ ܕܓܪܒܐ ܗܘ ܡܪܝܪܐ܂
13:53	ܘܐܢ ܢܚܙܐ ܟܗܢܐ ܕܠܐ ܗܠܟܬ ܡܚܘܬܐ ܒܡܪܛܘܛܐ ܐܘ ܒܫܬܝܐ ܐܘ ܒܟܪܟܐ ܐܘ ܒܟܠ ܡܐܢ ܕܡܫܟܐ܂
13:54	ܢܦܩܘܕ ܟܗܢܐ ܘܢܚܠܠܘܢ ܡܕܡ ܕܐܝܬ ܒܗ ܡܚܘܬܐ܂ ܘܢܣܓܪܝܗ݀ ܟܗܢܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:55	ܘܢܚܙܝܗ݀ ܟܗܢܐ ܠܡܚܘܬܐ܂ ܡܢ ܒܬܪ ܕܚܠܠܘܗ݀ ܠܡܚܘܬܐ܂ ܐܠܐ ܐܬܚܠܦ ܚܙܘܗ݀ ܕܡܚܘܬܐ܂ ܘܡܚܘܬܐ ܠܐ ܐܬܚܠܦܬ ܘܠܐ ܗܠܟܬ ܛܡܐ ܗܘ܂ ܐܘܩܕܘܗܝ ܒܢܘܪܐ܂ ܡܚܘܬܐ ܗܝ ܒܚܕܬܘܬܗ ܐܘ ܒܒܠܝܘܬܗ܂
13:56	ܘܐܢ ܢܚܙܐ ܟܗܢܐ ܕܫܘܝܐ ܗܝ ܡܚܘܬܐ ܡܢ ܒܬܪ ܕܐܬܚܠܠ܂ ܢܩܘܕ/ܢܦܩܘܕ#2#/ ܢܫܩܠܝܗ݀ ܡܢ ܡܪܛܘܛܐ ܐܘ ܡܢ ܡܫܟܐ܂ ܐܘ ܡܢ ܫܬܝܐ ܐܘ ܡܢ ܟܪܟܐ܂
13:57	ܘܐܢ ܬܘܒ ܬܬܚܙܐ ܒܡܪܛܘܛܐ ܐܘ ܒܫܬܝܐ ܐܘ ܒܟܪܟܐ܂ ܐܘ ܒܟܠ ܡܐܢ ܕܡܫܟܐ܂ \ܢܘܩܕܘܢܗ ܒܢܘܪܐ /ܒܢܘܪܐ ܐܘܩܕܘܗܝ#3#/܂ ܡܛܠ ܕܣܓܝܬ ܒܗ ܡܚܘܬܐ܂
13:58	ܘܡܪܛܘܛܐ ܐܘ ܫܬܝܐ ܐܘ ܟܪܟܐ ܐܘ ܟܠ ܡܐܢܐ/ܡܐܢ#3#/ ܕܡܫܟܐ ܕܡܬܚܠܠ܂ ܘܦܪܩܐ ܡܢܗܘܢ ܡܚܘܬܐ܂ ܢܬܚܠܠ ܬܪܬܝܢ ܙܒܢ̈ܝܢ ܘܢܬܕܟܐ܂
13:59	ܗܢܐ ܗܘ ܢܡܘܣܐ ܕܡܚܘܬܐ ܕܓܪܒܐ܂ ܕܡܪܛܘܛܐ ܕܥܡܪܐ ܐܘ ܕܟܬܢܐ܂ ܐܘ ܕܫܬܝܐ ܐܘ ܕܟܪܟܐ܂ ܐܘ ܕܟܠ ܡܐܢܐ ܕܡܫܟܐ ܕܢܕܟܝܘܗܝ ܐܘ ܕܢܛܡܐܝܘܗܝ܂