← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


16:01 ܘܡܠܠ ܡܪܝܐ ܥܡ ܡܘܫܐ ܡܢ ܒܬܪ ܕܡܝܬܘ ܬܪ̈ܝܗܘܢ ܒܢ̈ܘܗܝ ܕܐܗܪܘܢ܂ ܟܕ ܩܪܒܘ ܢܘܪܐ ܢܘܟܪܝܬܐ ܩܕܡ ܡܪܝܐ ܘܡܝܬܘ܂
16:02 ܘܐܡܪ ܡܪܝܐ ܠܡܘܫܐ܂ ܡܠܠ ܥܡ ܐܗܪܘܢ ܐܚܘܟ܂ ܕܠܐ ܢܗܘܐ ܥܐ݁ܠ ܒܟܠܙܒܢ ܠܩܘܕܫܐ܂ ܠܓܘ ܡܢ ܐ̈ܦܝ ܬܪܥܐ ܕܩܕܡ ܚܘܣܝܐ ܕܩܒܘܬܐ ܕܠܐ ܢܡܘܬ܂ ܡܛܠ ܕܒܥܢܢܐ ܡܬܚܙܐ ܐܢܐ ܥܠ ܚܘܣܝܐ܂
16:03 ܒܗܕܐ ܕܝܢ ܢܗܘܐ ܥܐ݁ܠ ܐܗܪܘܢ ܠܩܘܕܫܐ܂ ܒܬܘܪܐ ‍<‍ܚܕ#1##2#‍>‍ ܒܪ ܒܩܪܐ ܠܚܛܗܐ܂ ܘܕܟܪܐ ܠܝܩܕܐ ܫܠܡܐ܂
16:04 ܘܟܘܬܝܢܐ ܕܒܘܨܐ ܕܩܘܕܫܐ/ܠܩܘܕܫܐ#3#/ ܢܠܒܫ܂ ܘܡܐ̈ܢܐ ܕܒܘܨܐ ܢܗܘܘܢ ܥܠ ܒܣܪܗ܂ ܘܒܗܡܝܢܐ ܕܒܘܨܐ ܢܬܚܙܩ܂ ܘܡܨܢܦܬܐ ܕܒܘܨܐ ܢܣܝܡ ܒܪܫܗ܂ ܡܛܠ ܕܠܒ̈ܘܫܐ ܐܢܘܢ ܕܩܘܕܫܐ܂ ܘܢܣܚܐ ܒܡ̈ܝܐ ܒܣܪܗ܂ ܘܢܠܒܫ ܐܢܘܢ܂
16:05 ܘܡܢ ܟܢܘܫܬܐ ܕܒܢ̈ܝ ܐܝܣܪܝܠ ܢܣܒ ܬܪ̈ܝܢ ܨܦܪ̈ܝܝܢ܂ ܕܥܙ̈ܐ ܠܚܛܗܐ܂ ܘܕܟܪܐ ܚܕ ܠܥܠܬܐ܂
16:06 ܘܢܩܪܒ ܥܠܘܗܝ ܐܗܪܘܢ ܬܘܪܐ ܕܚܛܗܐ ܕܝܠܗ܂ ܘܢܚܣܐ ܥܠ ܢܦܫܗ ܘܥܠ ܒܝܬܗ܂
16:07 ܘܢܣܒ ‍<‍ܐܗܪܘܢ#3#‍>‍ ܬܪ̈ܝܢ ܨܦܪ̈ܝܝܢ܂ ܘܢܩܝܡ ܐܢܘܢ ܟܕ ܚܝܝ̈ܢ ܩܕܡ ܡܪܝܐ ܒܬܪܥܐ ܕܡܫܟܢܙܒܢܐ܂
16:08 ܘܢܪܡܐ ܐܗܪܘܢ ܦܨ̈ܐ ܥܠ ܬܪ̈ܝܢ ܨܦܪ̈ܝܝܢ܂ ܦܨܬܐ ܚܕܐ ܠܡܪܝܐ܂ ܘܦܨܬܐ ܚܕܐ ܠܥܙܙܐܝܠ܂
16:09 ܘܢܩܪܒ ܐܗܪܘܢ ܨܦܪܝܐ ܕܢܦܠܬ ܥܠܘܗܝ ܦܨܬܐ ܕܡܪܝܐ܂ ܘܢܥܒܕܝܘܗܝ ܠܚܛܗܐ܂
16:10 ܘܨܦܪܝܐ ܕܢܦܠܬ ܥܠܘܗܝ ܦܨܬܐ ܕܥܙܙܐܝܠ ܢܩܘܡ ܟܕ ܚܝ ܩܕܡ ܡܪܝܐ܂ ܕܢܬܚܣܐ ܥܠܘܗܝ܂ ܘܢܫܕܪܘܢܗ ܠܘܬ ܥܙܙܐܝܠ ܠܡܕܒܪܐ܂
16:11 ܘܢܩܪܒ ܐܗܪܘܢ ܬܘܪܐ ܕܚܛܗܐ ܕܢܦܫܗ܂ ܘܢܚܣܐ ܥܠ ܢܦܫܗ ܘܥܠ ܒܝܬܗ܂ ܘܢܟܣܝܘܗܝ ܠܬܘܪܐ ܕܚܛܗܐ܂
16:12 ܘܢܣܒ ܡܠܐ ܦܝܪܡܐ ܓܘܡܪ̈ܐ ܕܢܘܪܐ ܡܢ ܡܕܒܚܐ ܕܩܕܡ ܡܪܝܐ܂ ܘܡܠܐ ܚ̈ܘܦܢܘܗܝ ܥܛܪܐ ܕܒܣ̈ܡܐ ܛܒ̈ܐ܂ ܘܢܥܘܠ ܠܓܘ ܡܢ ܐ̈ܦܝ ܬܪܥܐ܂
16:13 ܘܢܣܝܡ ܥܛܪܐ ܥܠ ܢܘܪܐ ܩܕܡ ܡܪܝܐ܂ ܘܬܟܣܝܘܗܝ ܥܢܢܐ ܕܥܛܪܐ ܠܚܘܣܝܐ ܕܥܠ ܣܗܕܘܬܐ܂ ܘܠܐ/ܕܠܐ#3#/ ܢܡܘܬ܂
16:14 ܘܢܣܒ ܡܢ ܕܡܐ ܕܬܘܪܐ܂ ܘܢܪܘܣ ܒܨܒܥܗ ܠܐ̈ܦܝ ܚܘܣܝܐ ܡܢ ܡܕܢܚܝܗ܂ ܘܩܕܡ/ܘܥܠ#3#/ ܚܘܣܝܐ ܢܪܘܣ ܫܒܥ ܙܒ̈ܢܝܢ ܡܢ ܕܡܐ ܒܨܒܥܗ܂
16:15 ܘܢܟܘܣ ܨܦܪܝܐ ܕܚܛܗܐ ܕܥܡܐ܂ ܘܢܥܠ ܕܡܗ ܠܓܘ ܡܢ ܐ̈ܦܝ ܬܪܥܐ ܘܢܥܒܕ ܠܕܡܗ ܐܝܟ ܕܥܒܕ ܠܕܡܐ ܕܬܘܪܐ܂ ܘܢܪܣܝܘܗܝ ܥܠ ܚܘܣܝܐ ܘܩܕܡ ܚܘܣܝܐ܂
16:16 ܘܢܚܣܐ ܥܠ ܩܘܕܫܐ ܡܢ ܛܡܐܘܬܐ ܕܒܢ̈ܝ ܐܝܣܪܐܝܠ܂ ܘܡܢ ܥܘܠܗܘܢ ܘܡܢ ܟܠܗܘܢ ܚ̈ܛܗܝܗܘܢ܂ ܘܗܟܢܐ ܢܥܒܕ ܠܡܫܟܢܙܒܢܐ ܕܫܪܐ ܥܡܗܘܢ ܒܓܘ ܛܡܐܘܬܗܘܢ܂
16:17 ܘܟܠ ܐܢܫ ܠܐ ܢܗܘܐ ܒܡܫܟܢܙܒܢܐ܂ ܡܐ ܕܥܐ݁ܠ ܠܡܚܣܝܘ ܒܩܘܕܫܐ ܥܕܡܐ ܕܢ݁ܦܩ܂ ܘܢܚܣܐ ܥܠ ܢܦܫܗ ܘܥܠ ܒܝܬܗ܂ ܘܥܠ ܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ ܢܚܣܐ܂
16:18 ܘܢܦܘܩ ܠܘܬ ܡܕܒܚܐ ܕܩܕܡ/ܡܢ ܩܕܡ#3#/ ܡܪܝܐ ܘܢܚܣܐ ܥܠܘܗܝ܂ ܘܢܣܒ ܡܢ ܕܡܐ ܕܬܘܪܐ ܘܡܢ ܕܡܐ ܕܨܦܪܝܐ܂ ܘܢܪܘܣ ܥܠ ܩܪ̈ܢܬܗ ܕܡܕܒܚܐ ܟܕ ܚ݁ܕܪ܂
16:19 ܘܢܪܘܣ ܥܠܘܗܝ ܡܢ ܕܡܐ ܒܨܒܥܗ ܫܒܥ ܙܒ̈ܢܝܢ܂ ܘܢܕܟܝܘܗܝ ܘܢܩܕܫܝܘܗܝ ܡܢ ܛܡܐܘܬܐ ܕܒܢ̈ܝ ܐܝܣܪܝܠ܂
16:20 ܘܡܐ ܕܫܠܡ ܠܡܚܣܝܘ ܥܠ ܩ̈ܘܕܫܐ ܘܥܠ ܡܫܟܢܙܒܢܐ ܘܥܠ ܡܕܒܚܐ܂ ܢܩܪܒ ܨܦܪܝܐ ܚܝܐ܂
16:21 ܘܢܣܝܡ ܐܗܪܘܢ ܬܪ̈ܬܝܗܝܢ ܐ̈ܝܕܘܗܝ ܥܠ ܪܫܗ ܕܨܦܪܝܐ ܚܝܐ܂ ܘܢܘܕܐ ܥܠܘܗܝ ܟܘܠܗ݀ ܣܟܠܘܬܐ ܕܒܢ̈ܝ ܐܝܣܪܝܠ܂ ܘܟܠܗ ܥܘܠܗܘܢ ܘܟܠܗܘܢ ܚ̈ܛܗܝܗܘܢ ܘܢܣܝܡ ܐܢܘܢ ܥܠ ܪܫܗ ܕܨܦܪܝܐ܂ ܘܢܫܕܪ ܒܝܕ ܓܒܪܐ ܕܡܛܝܒ ܠܡܕܒܪܐ܂
16:22 ܘܢܫܩܘܠ \ܥܠܘܗܝ ܨܦܪܝܐ /ܪܝܫܗ ܕܨܦܪܝܐ#3#/ ܟܠܗ ܥܘܠܗܘܢ ܠܐܪܥܐ ܒܝܪܬܐ܂ ܘܢܫܒܩܝܘܗܝ ܠܨܦܪܝܐ ܒܡܕܒܪܐ/ܠܥܙܙܐܠ#3#/܂
16:23 ܘܢܥܘܠ ܐܗܪܘܢ ܠܡܫܟܢܙܒܢܐ܂ ܘܢܫܠܚ ܠܒ̈ܘܫܐ ܕܒܘܨܐ ܕܠܒ݁ܫ ܡܐ ܕܥܐ݁ܠ ܠܩܘܕܫܐ܂ ܘܢܫܒܘܩ ܐܢܘܢ ܬܡ݁ܢ/ܠܬܡܢ#3#/܂
16:24 ܘܢܣܚܐ ܒܣܪܗ ܒܡ̈ܝܐ܂ ܒܐܬܪܐ ܩܕܝܫܐ܂ ܘܢܠܒܫ ܡܐ̈ܢܘܗܝ ܘܢܦܘܩ܂ ܘܢܩܪܒ ܝܩܕܗ ܫܠܡܐ܂ ܘܝܩܕܐ ܫܠܡܐ ܕܥܡܐ܂ ܘܢܚܣܐ ܥܠ ܢܦܫܗ ܘܥܠ ܥܡܐ܂
16:25 ܘܬܪܒܐ ܕܚܛܗܐ ܢܣܩ ܠܡܕܒܚܐ/ܥܠ ܡܕܒܚܐ#3#/܂
16:26 ܘܗ݀ܘ ܕܡܫܕܪ ܨܦܪܝܐ/ܠܨܦܪܝܐ#3#/ ܠܥܙܙܐܝܠ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܒܬܪܟܢ/ܘܒܬܪ#3#/ ܢܥܘܠ ܠܡܫܪܝܬܐ܂
16:27 ܘܬܘܪܐ ܕܚܛܗܐ ܘܨܦܪܝܐ ܕܚܛܗܐ ܕܥܐ݁ܠ ܡܢ ܕܡܗܘܢ ܠܡܚܣܝܘ ܒܩܘܕܫܐ܂ ܢܦܩܘܢ ܠܒܪ ܡܢ ܡܫܪܝܬܐ܂ ܘܢܘܩܕܘܢ ܒܢܘܪܐ ܡܫ̈ܟܝܗܘܢ ܘܒܣܪܗܘܢ ܘܦܪܬܗܘܢ܂
16:28 ܘܡ݁ܢ ܕܡܘܩܕ ܠܗܘܢ ܢܚܠܠ ܡܐ̈ܢܘܗܝ܂ ܘܢܣܚܐ ܒܣܪܗ ܒܡ̈ܝܐ܂ ܘܗܝܕܝܢ ܢܥܘܠ ܠܡܫܪܝܬܐ/ܠܟܢܘܫܬܐ#3#/܂
16:29 ܘܢܗܘܐ ܠܟܘܢ ܢܡܘܣܐ ܠܥܠܡ܂ ܒܝܪܚܐ ܕܫܒܥܐ ܒܥܣܪܬܐ ܒܗ ܒܝܪܚܐ܂ ܡܟܟܘ ܢܦܫ̈ܬܟܘܢ ܘܟܠ ܥܒܕ ܠܐ ܬܥܒܕܘܢ܂ ܐܢܬܘܢ ܘܐܝܠܝܢ ܕܡܬܦܢܝܢ ܠܘܬܝ ܕܥܡ݁ܪܝܢ ܒܝܢܬܟܘܢ܂
16:30 ܡܛܠ ܕܒܝܘܡܐ ܗܢܐ ܢܬܚܣܐ ܥܠܝܟܘܢ܂ ܕܬܬܕܟܘܢ ܡܢ ܟܠܗܘܢ ܚ̈ܛܗܝܟܘܢ܂ ܩܕܡ ܡܪܝܐ ܬܬܕܟܘܢ܂
16:31 ܫܒܬܐ ܘܢܝܚܐ ܠܟܘܢ܂ ܘܡܟܟܘ ܢܦܫ̈ܬܟܘܢ܂ ܢܡܘܣܐ ܠܥܠܡ܂
16:32 ܘܢܚܣܐ ܟܗܢܐ ܕܡܬܡܫܚ ܘܕܡܫܡܠܐ ܐ̈ܝܕܘܗܝ ܠܡܫܡܫܘ ܒܬܪ ܐܒܘܗܝ܂ ܘܢܠܒܫ ܠܒ̈ܘܫܐ ܕܒܘܨܐ܂ ܘܡܐ̈ܢܐ/ܘܠܒܘ̈ܫܐ#3#/ ܕܩܘܕܫܐ܂
16:33 ܘܢܚܣܐ ܥܠ ܩܕܘܫ ܩ̈ܘܕܫܐ ܘܥܠ ܡܫܟܢܙܒܢܐ ܘܥܠ/ܘܟܠ#3#/ ܡܕܒܚܐ ܢܚܣܐ܂ ܘܥܠ ܟܗ̈ܢܐ ܘܥܠ ܟܠܗ ܥܡܐ ܕܟܢܘܫܬܐ ܢܚܣܐ܂
16:34 ܘܢܗܘܐ ܠܟܘܢ ܗܢܐ ܢܡܘܣܐ ܠܥܠܡ܂ ܕܢܬܚܣܐ ܥܠ ܒܢ̈ܝ ܐܝܣܪܝܠ܂ ܡܢ ܟܠܗܘܢ ܚ̈ܛܗܝܗܘܢ܂ ܚܕܐ ܒܫܢܬܐ ܘܥܒܕܘ ܐܝܟܢܐ/ܐܝܟ#3#/ ܕܦܩܕ ܡܪܝܐ ܠܡܘܫܐ܂

next chapter