← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


19:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
19:02 ܡܠܠ ܥܡ ܟܠܗ݀ ܟܢܘܫܬܐ ܕܒܢܝ ܐܝܣܪܝܠ ܘܐܡܪ ܠܗܘܢ܂ ܗܘܘ ܩܕܝܫ̈ܝܢ ܡܛܠ ܕܩܕܝܫ ܐܢܐ܂ ܐܢܐ ܐܢܐ ܡܪܝܐ ܐܠܗܟܘܢ܂
19:03 ܓܒܪ ܡܢ ܐܒܘܗܝ ܘܡܢ ܐܡܗ ܕܚܠܘ܂ ܘܛܪܘ ܦܘܩ̈ܕܢܝ܂ ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂
19:04 ܠܐ ܬܬܦܢܘܢ ܒܬܪ ܫܐ̈ܕܐ܂ ܘܐ̈ܠܗܐ ܕܢܣܟܬܐ ܠܐ ܬܥܒܕܘܢ ܠܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:05 ܘܐܢ ܕܒ݁ܚܝܢ ܐܢܬܘܢ ܕܒܚ̈ܐ ܫ̈ܠܡܐ ܠܡܪܝܐ܂ ܡܩ̈ܒܠܐ ܕܒܚܘ܂
19:06 ܘܒܝܘܡܐ ܕܡܬܕܒܚܝܢ ܢܬܐܟܠܘܢ܂ ܘܠܝܘܡܐ/ܘܐܦ ܠܝܘܡܐ#1##2#/ ܐܚܪܢܐ ܢܬܐܟܠܘܢ܂ ܘܡܕܡ ܕܝ݁ܬܪ ܠܝܘܡܐ ܕܬܠܬܐ ܒܢܘܪܐ ܢܐܩܕ ܘܠܐ ܢܬܐܟܠ܂
19:07 ܘܐܢ ܡܬܐܟܠܘ ܢܬܐܟܠ ܒܝܘܡܐ ܕܬܠܬܐ/ܬܠܝܬܝܐ#3#/܂ ܡܣܠܝ ܗܘ ܘܠܐ ܢܬܩܒܠ/ܢܬܐܟܠ#3#/܂
19:08 ܘܡ݁ܢ ܕܐ݁ܟܠ ܡܢܗ ܚܛܗܐ ܢܩܒܠ܂ ܡܛܠ ܕܩܘܕܫܗ ‍<‍ܗܘ#3#‍>‍ ܕܡܪܝܐ ܛܘܫ܂ ܘܬܐܒܕ ܢܦܫܐ ܗ݀ܝ ܡܢ ܥܡܗ݀܂
19:09 ܘܡܐ ܕܚܨ݁ܕܝܢ ܐܢܬܘܢ ܚܨܕܐ ܕܐܪܥܟܘܢ܂ ܠܐ ܬܓܡܪܘܢ ܣܦܪ̈ܐ ܕܚܩ̈ܠܬܟܘܢ ܠܡܚܨܕ܂ ܘܠܩܛܐ ܕܚܨܕܟܘܢ/ܕܚܨܝܕܝܬܘܢ#3#/ ܠܐ ܬܠܩܛܘܢ܂
19:10 ܘܟܪ̈ܡܝܟܘܢ ܠܐ ܬܒ݁ܥܪܘܢ܂ ܘܢܬܪܐ ܕܙܝܬ̈ܝܟܘܢ ܠܐ ܬܠܩܛܘܢ܂ ܐܠܐ ܫܒܘܩܘ ܐܢܘܢ ܠܡܣ̈ܟܢܐ ܘܠܐܝܠܝܢ ܕܡܬܦܢܝܢ ܠܘܬܝ܂ ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂
19:11 ܠܐ ܬܓܢܒܘܢ܂ ܠܐ ܬܟܕܒܘܢ܂ ܠܐ ܬܕܓܠܘܢ ܐܢܫ ܒܚܒܪܗ܂
19:12 ܠܐ ܬܐܡܘܢ ܒܫܡܝ ܒܟܕܒܘܬܐ/ܒܕܓܠܘܬܐ#3#/܂ ܘܬܛܘܫܘܢ ܫܡܗ ܕܐܠܗܟܘܢ܂ ܐܢܐ ܐܢܐ ܡܪܝܐ܂
19:13 ܠܐ ܬܛܠܘܡ ܠܚܒܪܟ܂ ܘܠܐ ܬܕܒܪܝܘܗܝ ܒܩܛܝܪܐ܂ ܠܐ ܢܒܘܬ ܐܓܪܐ ܕܐܓܝܪܐ ܠܘܬܟ ܥܕܡܐ ܠܨܦܪܐ/ܠܫܦܪܐ#3#/܂
19:14 ܠܐ ܬܨܚܐ ܠܚܪܫܐ܂ ܘܩܕܡ ܥܘܝܪܐ ܠܐ ܬܣܝܡ ܬܘܩܠܬܐ܂ ܐܠܐ ܕܚܠ ܡܢ ܐܠܗܟ܂ ܐܢܐ ܐܢܐ ܡܪܝܐ܂
19:15 ܠܐ ܬܥܒܕܘܢ ܥܘܠܐ ܒܕܝܢܐ܂ ܘܠܐ ܬܣܒ ܒܐ̈ܦܝ ܡܣܟܢܐ܂ ܘܐܦ ܠܐ ܒܐ̈ܦܝ ܪܒܐ܂ ܐܠܐ ܒܙܕܝܩܘܬܐ ܕܘܢ ܚܒܪܟ܂
19:16 ܠܐ ܬܐܟܘܠ ܩܪ̈ܨܐ ܕܥܡܟ܂ ܘܠܐ ܬܩܘܡ ܥܠ ܕܡܐ ܕܚܒܪܟ܂ ܡܛܠ ܕܐܢܐ ܐܢܐ ܡܪܝܐ܂
19:17 ܠܐ ܬܣܢܐ ܠܐܚܘܟ ܒܠܒܟ܂ ܐܠܐ/ܐܠܘ#3#/ ܡܟܣܘ ܐܟܣܝܗܝ ܠܚܒܪܟ܂ ܕܠܐ ܡܛܠܬܗ ܬܩܒܠ ܚܛܗܐ܂
19:18 ܠܐ ܬܛܪ ܒܥܠܕܒܒܘܬܐ ܠܒܢ̈ܝ ܥܡܟ܂ ܐܠܐ ܪܚܡ ܠܚܒܪܟ ܐܝܟ ܢܦܫܟ܂ ܐܢܐ ܐܢܐ ܡܪܝܐ܂
19:19 ܛܪܘ ܦܘܩ̈ܕܢܝ܂ ܒܥܝܪ̈ܟܘܢ ܠܐ ܬܪܟܒܘܢ ܚܠܛܐ܂ ܘܚܩ̈ܠܬܟܘܢ ܠܐ ܬܙܪܥܘܢ ܚܠܛܐ܂ ܘܡܪ̈ܛܘܛܐ ܕܚܠܛܐ ܕܦܬܝܟܝܢ ܠܐ ܬܠܒܫܘܢ܂
19:20 ܘܓܒܪܐ ܕܢܕܡܟ ܥܡ ܐܢܬܬܐ ܡܕܡܟܐ ܕܙܪܥܐ܂ ܘܐܡܬܗ ܗܝ ܙܒܝܢܐ/ܕܙܒܝܢܐ#3#/ ܠܗ ܠܓܒܪܐ܂ ܘܡܬܦܪܩܘ ܠܐ ܐܬܦܪܩܬ܂ ܘܚܐܪܘܬܐ ܠܐ ܐܬܝܗܒܬ ܠܗ݀܂ ܫ̈ܐܘܠܐ ܢܗܘܘܢ ܥܠܝܗܘܢ ܘܠܐ ܢܬܩܛܠܘܢ܂ ܡܛܠ ܕܠܐ ܗܘܬ ܡܚܪܪܐ܂
19:21 ܘܢܝܬܐ ܩܘܪܒܢܗ ܠܡܪܝܐ܂ ܠܬܪܥܐ ܕܡܫܟܢ ܙܒܢܐ܂ ܕܟܪܐ ܕܚܛܗܐ܂
19:22 ܘܢܚܣܐ ܥܠܘܗܝ܂ ܟܗܢܐ ܒܕܟܪܐ ܕܚܛܗܐ ܩܕܡ ܡܪܝܐ܂ ܥܠ ܚܛܗܐ ܕܚܛܐ܂ ܘܢܫܬܒܩ ܠܗ ܚܛܗܐ ܕܚܛܐ܂
19:23 ܘܡܐ ܕܥܠܬܘܢ ܠܐܪܥܐ ܘܢܨܒܬܘܢ ܟܠ ܐܝ̈ܠܢܐ ܕܡܐܟܘܠܬܐ܂ ܫܒܘܩܘ ܐܢܘܢ ܬܠܬ ܫ̈ܢܝܢ܂ ܘܠܐ ܬܐܟܠܘܢ ܡܢ ܦܐܪ̈ܝܗܘܢ܂
19:24 ܘܒܫܢܬܐ ܕܐܪ̈ܒܥ܂ ܢܗܘܘܢ ܟܠܗܘܢ ܦܐܪ̈ܝܗܘܢ ܩܘܕܫܐ܂ ܘܫܘܒܚܐ ܠܡܪܝܐ܂
19:25 ܘܒܫܢܬܐ ܕܚܡܫ ܐܟܘܠܘ ܦܐܪ̈ܝܗܘܢ܂ ܘܢܘܣܦܘܢ ܠܟܘܢ ܥ̈ܠܠܬܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:26 ܠܐ ܬܐܟܠܘܢ ܕܡܐ܂ ܠܐ ܬܢܚܫܘܢ ܒܚܝܘܬ ܟܢܦܐ܂ ܠܐ ܬܩܨܡܘܢ܂
19:27 ܠܐ ܬܪܒܘܢ ܣܥܪܐ ܕܪ̈ܝܫܝܟܘܢ܂ ܘܠܐ ܬܚܒܠܘܢ ܦܐܬܐ ܕܕܩ̈ܢܝܟܘܢ܂
19:28 ܘܚܘܪ̈ܛܬܐ ܥܠ ܢܦܫܐ ܠܐ ܬܥܒܕܘܢ ܒܒܣܪܟܘܢ/ܒܟܘܢ#3#/܂ ܘܟܬ̈ܒܐ ܕܢܘܩ̈ܕܬܐ ܠܐ ܬܥܒܕܘܢ ܒܟܘܢ/ܠܟܘܢ#3#/܂ ܐܢܐ ܐܢܐ ܡܪܝܐ ‍<‍ܐܠܗܟܘܢ#3#‍>‍܂
19:29 ܠܐ ܬܦܣ ܠܒܪܬܟ ܕܬܙܢܐ܂ ܕܠܐ ܬܙܢܐ ܐܪܥܐ ܘܬܬܡܠܐ ܐܪܥܐ ܚܛܝܬܐ܂
19:30 ܐܠܐ ܛܪܘ ܦܘܩ̈ܕܢܝ ܘܡܢ ܡܩܕܫܝ ܕܚܠܘ܂ ܐܢܐ ܐܢܐ ܡܪܝܐ܂
19:31 ܠܐ ܬܐܙܠܘܢ ܒܬܪ ܙܟܘܪ̈ܐ ܘܝܕܘ̈ܥܐ܂ ܘܠܐ ܬܫܐܠܘܢ ܐܢܘܢ܂ ܕܠܐ ܬܬܛܡܐܘܢ ܒܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:32 ܡܢ ܩܕܡ ܣܒܐ ܗܘܝܬ ܩܐ݁ܡ܂ ܘܗܘܝܬ ܡܝܩܪ ܠܡ݁ܢ ܕܩܫܝܫ ܡܢܟ܂ ܘܕܚܠ ܡܢ ܐܠܗܟ܂ ܐܢܐ ܐܢܐ ܡܪܝܐ ‍<‍ܐܠܗܟ#3#‍>‍܂
19:33 ܘܟܕ ܢܥܡܪ ܥܡܟܘܢ ܐܝܢܐ ܕܡܬܦܢܐ ܠܘܬܝ܂ ܠܐ ܬܥܠܒܘܢܗ܂
19:34 ܐܠܐ ܐܟܘܬܟܘܢ ܘܡܢܟܘܢ ܢܗܘܐ܂ ܘܐܝܠܝܢ ܕܡܬܦܢܝܢ ܠܘܬܝ ܕܥܡ݁ܪܝܢ ܥܡܟܘܢ/ܒܝܢܬܟܘܢ#2#/܂ ܪܚܡܘ ܐܢܘܢ ܐܝܟ ܢܦܫܟܘܢ܂ ܡܛܠ ܕܐܦ ܐܢܬܘܢ ܥܡܘܪ̈ܐ ܗܘܝܬܘܢ ܒܐܪܥܐ ܕܡܨܪܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:35 ܠܐ ܬܥܒܕܘܢ ܥܘܠܐ ܒܕܝܢܐ܂ ܒܡܐܣܬܐ ܘܒܡܬܩܠܐ ܘܒܟܝܠܬܐ܂
19:36 ܡܣܐܬܐ ܕܩܘܫܬܐ ܘܡܬܩܠܐ ܕܩܘܫܬܐ ܘܟܝܠܬܐ ܕܩܘܫܬܐ ܘܗܡܝܢܐ ܕܩܘܫܬܐ ܢܗܘܘܢ ܠܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂ ܕܐܦܩ݁ܬܟܘܢ ܡܢ ܐܪܥܐ ܕܡܨܪܝܢ܂
19:37 ܛܪܘ ܟܠܗܘܢ ܦܘܩ̈ܕܢܝ ܘܟܠܗܘܢ ܕܝܢ̈ܝ ܘܥܒܕܘ ܐܢܘܢ܂ ܐܢܐ ܐܢܐ ܡܪܝܐ܂

next chapter