← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


20:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
20:02 ܐܡܪ ܠܒܢ̈ܝ ܐܝܣܪܝܠ܂ ܓܒܪ ܓܒܪ ܡܢ ܒܢ̈ܝ ܐܝܣܪܝܠ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡ݁ܪܝܢ ܒܐܝܣܪܝܠ܂ ܕܢܪܡܐ ܡܢ ܙܪܥܗ ܒܢܘܟܪܝܬܐ ܡܬܩܛܠܘ ܢܬܩܛܠ ܓܒܪܐ ܗ݀ܘ܂ ܘܥܡܐ ܕܐܪܥܐ ܢܪܓܡܘܢܗ ܒܟܐ̈ܦܐ܂
20:03 ܘܐܢܐ ܐܬܠ ܪܘܓܙܝ ܒܓܒܪܐ ܗ݀ܘ ܘܐܘܒܕܝܘܗܝ ܡܢ ܓܘ ܥܡܗ܂ ܥܠ ܕܐܪܡܝ ܡܢ ܙܪܥܗ ܒܢܘܟܪܝܬܐ܂ ܕܢܛܡܐ ܡܩܕܫܝ ܘܢܛܡܐ ܫܡܐ ܕܩܘܕܫܝ܂
20:04 ܘܐܢ ܢܪܟܢܘܢ ܥܝܢ̈ܝܗܘܢ ܥܡܐ ܕܐܪܥܐ܂ ܡܢ ܓܒܪܐ ܗ݀ܘ ܕܐܪܡܝ ܡܢ ܙܪܥܗ ܒܢܘܟܪܝܬܐ ܕܠܐ/ܘܠܐ#3#/ ܢܩܛܠܘܢܗ܂
20:05 ܐܥܒܕ ܐܢܐ ܪܘܓܙܝ ܒܓܒܪܐ ܗ݀ܘ ܘܒܫܪܒܬܗ܂ ܘܐܘܒܕܝܘܗܝ ܘܠܟܠ ܕܛܥ݁ܝܢ ܒܬܪܗ܂ ܥܠ ܕܛܥ݁ܝܢ ܒܬܪ ܢܘܟܪ̈ܝܬܐ ܡܢ ܓܘ ܥܡܗܘܢ܂
20:06 ܘܢܦܫܐ ܕܬܐܙܠ ܒܬܪ ܙܟܘܪ̈ܐ ܘܝܕܘ̈ܥܐ܂ ܘܬܛܥܐ ܒܬܪܗܘܢ܂ ܐܬܠ ܪܘܓܙܝ ܒܢܦܫܐ ܗ݀ܝ܂ ܘܐܘܒܕܝܗ݀ ܡܢ ܓܘ ܥܡܗ݀܂
20:07 ܐܬܩܕܫܘ ܘܗܘܘ ܩܕܝܫ̈ܝܢ܂ ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂
20:08 ܛܪܘ ܦܘܩ̈ܕܢܝ ܘܥܒܕܘ ܐܢܘܢ܂ ܐܢܐ ܐܢܐ ܡܪܝܐ ܕܡܩܕܫ ܐܢܐ ܠܟܘܢ܂
20:09 ܘܓܒܪܐ ܕܢܨܚܐ ܠܐܒܘܗܝ ܘܠܐܡܗ/ܐܘ ܠܐܡܗ#3#/ ܡܬܩܛܠܘ ܢܬܩܛܠ܂ ܠܐܒܘܗܝ ܘܠܐܡܗ ܨܚܝ ܕܡܗ ܥܠܘܗܝ/ܒܪܝܫܗ#3#/܂
20:10 ܘܓܒܪܐ ܕܢܓܘܪ ܐܢܬܬ ܓܒܪܐ܂ ܘܢܓܘܪ ܐܢܬܬ ܚܒܪܗ܂ ܡܬܩܛܠܘ ܢܬܩܛܠܘܢ ‍<‍ܬܪ̈ܝܗܘܢ#3#‍>‍܂ ܓܝܪܐ ܘܓܝܪܬܐ܂
20:11 ܘܓܒܪܐ ܕܢܕܡܟ ܥܡ ܐܢܬܬ ܐܒܘܗܝ܂ ܦܘܪܣܝܐ ܕܐܒܘܗܝ ܓܠܐ ܡܬܩܛܠܘ ܢܬܩܛܠܘܢ ܬܪ̈ܝܗܘܢ܂ ܘܕܡܗܘܢ ܥܠܝܗܘܢ܂
20:12 ܘܓܒܪܐ ܕܢܕܡܟ ܥܡ ܟܠܬܗ܂ ܡܬܩܛܠܘ ܢܬܩܛܠܘܢ ܬܪ̈ܝܗܘܢ܂ \ܡܛܠ ܕܚܛܝܬܐ /ܚܛܝܬܐ#3#/ ܥܒܕܘ ܕܡܗܘܢ ܥܠܝܗܘܢ܂
20:13 ܘܓܒܪܐ ܕܢܕܡܟ ܥܡ ܕܟܪܐ/ܓܒܪܐ#3#/ ܡܕܡܟܐ ܕܐܢܬܬܐ܂ ܛܢܦܘܬܐ ܥܒܕܘ܂ ܬܪ̈ܝܗܘܢ ܡܬܩܛܠܘ ܢܬܩܛܠܘܢ ‍<‍ܬܪ̈ܝܗܘܢ#3#‍>‍܂ ܘܕܡܗܘܢ ܥܠܝܗܘܢ܂
20:14 ܘܓܒܪܐ ܕܢܣܒ ܐܢܬܬܐ ܘܐܡܗ݀ ܚܛܝܬܐ ܗܝ܂ ܒܢܘܪܐ ܢܘܩܕܘܢܗ ܠܗ ܘܠܗܝܢ܂ ܘܠܐ ܬܗܘܐ ܚܛܝܬܐ ܒܝܢܬܟܘܢ܂
20:15 ܘܓܒܪܐ ܕܢܕܡܟ ܥܡ ܒܥܝܪܐ ܡܬܩܛܠܘ ܢܬܩܛܠ܂ ܘܐܦ ܗܝ ܒܥܝܪܐ ܬܬܪܓܡ/ܬܬܩܛܠ#3#/܂
20:16 ܘܐܢܬܬܐ ܕܬܬܩܪܒ ܠܘܬ ܒܥܝܪܐ ܕܬܬܪܟܒ ܡܢܗ݀܂ ܩܛܘܠܘ ܠܐܢܬܬܐ ܘܐܦ ܠܒܥܝܪ̈ܐ܂ ܡܬܩܛܠܘ ܢܬܩܛܠܘܢ ܘܕܡܗܘܢ ܥܠܝܗܘܢ܂
20:17 ܘܓܒܪܐ ܕܢܣܒ ܚܬܗ ܒܪܬ ܐܒܘܗܝ ܐܘ ܒܪܬ ܐܡܗ ܘܢܚܙܐ ܦܘܪܣܝܗ݀܂ ܘܐܦ ܗܝ ܬܚܙܐ ܦܘܪܣܝܗ܂ ܚܣܕܐ ܗܘ܂ ܢܐܒܕܘܢ ܩܕܡ ܒܢ̈ܝ ܥܡܗܘܢ܂ ܦܘܪܣܝܐ ܕܚܬܗ ܓܠܐ ܥܘܠܗܘܢ/ܥܬܗܘܢ#3#/ ܢܩܒܠܘܢ܂
20:18 ܘܓܒܪܐ ܕܢܕܡܟ ܥܡ ܐܢܬܬܐ ܟܦܣܢܝܬܐ܂ ܘܢܓܠܐ ܦܘܪܣܝܗ݀܂ ܡܒܘܥܗ݀ ܓܠܐ܂ ܘܗܝ ܓܠܬ ܡܒܘܥܐ ܕܕܡܗ݀܂ ܢܐܒܕܘܢ ܬܪ̈ܝܗܘܢ ܡܢ ܓܘ ܥܡܗܘܢ܂
20:19 ܦܘܪܣܝܐ ܕܚܬܗ݀ ܕܐܡܟ ܘܕܚܬܗ ܕܐܒܘܟ ܠܐ ܬܓܠܐ܂ ܡܛܠ ܕܩܪ̈ܝܒܢ ܐ̈ܢܝܢ܂ ܦܘܪܣܝ ܥܘܠܗܘܢ ܢܩܒܠܘܢ܂
20:20 ܘܓܒܪܐ ܕܢܕܡܟ ܥܡ ܐܢܬܬ ܕܕܗ܂ ܦܘܪܣܝܐ ܕܕܕܗ ܓܠܐ܂ ܚܛܝܬܗܘܢ ܢܩܒܠܘܢ ܘܕܠܐ ܒ̈ܢܝܢ ܢܡܘܬܘܢ܂
20:21 ܘܓܒܪܐ ܕܢܣܒ ܐܢܬܬ ܐܚܘܗܝ ܓܠܐ ܗܘ܂ ܡܛܠ ܕܦܘܪܣܝܐ ܕܐܚܘܗܝ ܓܠܐ܂ ܕܠܐ ܒ̈ܢܝܢ ܢܗܘܘܢ/ܢܡܘܬܘܢ#3#/܂
20:22 ܛܪܘ ܟܠܗܘܢ ܦܘܩ̈ܕܢܝ ܘܕܝܢ̈ܝ ܘܥܒܕܘ ܐܢܘܢ܂ ܘܠܐ ܬܣܪܩܟܘܢ ܐܪܥܐ ܕܡ݁ܥܠ ܐܢܐ ܠܟܘܢ ܠܗ݀ ܠܡܬܒ ܒܗ݀܂
20:23 ܘܠܐ ܬܗܠܟܘܢ ܒܢܡܘ̈ܣܐ ܕܥܡ̈ܡܐ ܕܫ݁ܕܐ ܐܢܐ ܡܢ ܩܕܡܝܟܘܢ܂ ܡܛܠ ܕܗܠܝܢ ܥܒܕܘ ܘܥܩܬ ܠܝ ܒܗܘܢ܂
20:24 ܘܐܡ݁ܪܬ ܠܟܘܢ܂ ܕܐܢܬܘܢ ܬܐܪܬܘܢ ܐܪܥܗܘܢ܂ ܘܐܢܐ ܐܬܠܝܗ݀ ܠܟܘܢ ܘܬܐܪܬܘܢܗ݀܂ ܐܪܥܐ ܕܡܪܕܝܐ ܚܠܒܐ ܘܕܒܫܐ܂ ܐܢܐ ܐܢܐ ܡܪܝܐ ܐܠܗܟܘܢ ܕܦܪܫܬܟܘܢ ܡܢ ܥܡ̈ܡܐ܂
20:25 ܦܪܘܫܘ ܒܝܬ ܒܥܝܪ̈ܐ ܕܟܝܬܐ ܠܛܡܐܬܐ܂ ܘܒܝܬ ܦܪܚܬܐ ܕܟܝܬܐ ܠܛܡܐܬܐ܂ ܘܠܐ ܬܛܡܐܘܢ ܢܦܫ̈ܬܟܘܢ ܒܒܥܝܪ̈ܐ ܘܒܦܪܚܬܐ܂ ܘܒܟܠܗ ܪܚܫܐ ܕܐܪܥܐ ܕܦܪܫ݁ܬ ܠܟܘܢ ܠܛܡܐܘܬܐ܂
20:26 ܘܬܗܘܘܢ ‍<‍ܠܝ#3#‍>‍ ܩܕܝܫ̈ܝܢ ‍<‍ܠܝ#3#‍>‍܂ ܡܛܠ ܕܐܢܐ ܐܢܐ ܡܪܝܐ ܩܕܝܫ/ܕܩܕܝܫ#3#/ ܐܢܐ܂ ܘܦܪܫ݁ܬܟܘܢ ܡܢ/ܒܝܬ#2#/ ܥܡ̈ܡܐ ܕܬܗܘܘܢ ܠܝ܂
20:27 ܘܓܒܪܐ ܐܘ ܐܢܬܬܐ ܕܐܝܬ ܒܗܘܢ ܙܟܘܪܐ ܐܘ ܝܕܘ̈ܥܐ܂ ܡܬܩܛܠܘ ܢܬܩܛܠܘܢ܂ ܘܒܟܐ̈ܦܐ ܢܪܓܡܘܢ ܐܢܘܢ܂ ܘܕܡܗܘܢ ܥܠܝܗܘܢ܂

next chapter