← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62003: P Lv

Click on a word for lexical analysis
Click on a red-colored coordinate for comments and/or translations of the line

previous chapter


23:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:02 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܥܕܥܐ̈ܕܘܗܝ ܕܡܪܝܐ ܕܬܩܪܘܢ/ܬܩܪܘܢ#3#/ܕܬܛܪܘܢ#3#/ ܐܢܘܢ ܩܪ̈ܝܐ ܘܩܕܝܫ̈ܐ ܗܠܝܢ ܐܢܘܢ ܥܕܥܐ̈ܕܝ܂
23:03 ܫܬܐ ܝܘܡ̈ܝܢ ܬܥܒܕܘܢ ܥܒ݁ܕܐ܂ ܘܝܘܡܐ/ܘܒܝܘܡܐ#3#/ ܫܒܝܥܝܐ ܫܒܬܐ ܘܢܝܚܐ ܬܗܘܐ ܩܘܕܫܐ ܠܡܪܝܐ܂ ܘܟܠ ܥܒܕ ܠܐ ܬܥܒܕܘܢ܂ ܫܒܬܐ ܗܝ ܠܡܪܝܐ ܒܟܠܗ ܒܝܬ ܡܥܡܪܟܘܢ܂
23:04 ܗܠܝܢ ܥܕܥܐ̈ܕܘܗܝ ܕܡܪܝܐ ܩܪ̈ܝܐ ܘܩܕܝܫ̈ܐ ܬܩܪܘܢ/ܬܛܪܘܢ#3#/ ܐܢܘܢ ܒܙܒܢܝܗܘܢ܂
23:05 ܒܝܪܚܐ ܩܕܡܝܐ ܒܐܪܒܥܣܪܐ ܒܝܪܚܐ܂ ܒܝܬ ܪ̈ܡܫܐ ܦܨܚܐ ܠܡܪܝܐ܂
23:06 ܘܒܚܡܫܥܣܪܐ ܒܗ ܒܝܪܚܐ ܗܢܐ܂ ܥܕܥܐܕܐ ܕܦܛܝܪ̈ܐ ܠܡܪܝܐ܂ ܫܒܥܐ ܝܘܡ̈ܝܢ ܦܛܝܪܐ ܬܐܟܠܘܢ܂
23:07 ܝܘܡܐ ܩܕܡܝܐ ܩܪܐ ܘܩܕܝܫ ܢܗܘܐ ܠܟܘܢ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:08 ܘܩܪܒܘ ܩܘܪܒܢܐ ܠܡܪܝܐ ܫܒܥܐ ܝܘܡ̈ܝܢ܂ ܘܝܘܡܐ ܕܫܒܥܐ ܢܗܘܐ ܩܪܐ ܘܩܕܝܫ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:09 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:10 ܡܠܠ ܥܡ ܒܢ̈ܝ ܐܝܣܪܐܝܠ ܘܐܡܪ ܠܗܘܢ܂ ܡܐ ܕܥܠܬܘܢ ܠܐܪܥܐ ܕܝ݁ܗܒ ܐܢܐ ܠܟܘܢ܂ ܘܚܨܕܬܘܢ ܚܨܕܗ݀܂ ܐܝܬܘ ܟܦܐ ܕܪܝܫ ܚܨܕܟܘܢ ܠܟܗܢܐ܂
23:11 ܘܢܦܪܫܝܗ݀ ܠܟܦܐ ܩܕܡ ܡܪܝܐ ܠܩܘܒܠܐ܂ ܘܒܬܪ ܝܘܡܐ ܐܚܪܢܐ܂ ܢܦܪܫܝܗ݀ ܟܗܢܐ܂
23:12 ܘܬܥܒܕܘܢ ܒܝܘܡܐ/ܒܗܘ݁ ܝܘܡܐ#3#/ ܕܦܪܫܝܢ ܐܢܬܘܢ ܟܦܐ܂ ܐܡܪܐ ܒܪ ܫܢܬܐ ܕܠܝܬ ܒܗ ܡܘܡܐ܂ ܝܩܕܐ ܫܠܡܐ ܠܡܪܝܐ܂
23:13 ܘܩܘܪܒܢܗ ܬܪ̈ܝܢ ܥܣܪ̈ܘܢܝܢ܂ ܡܢ ܬܪ̈ܬܝܢ ܣܐܝܢ ܢܫܝܦܐ ܕܦܝܠ ܒܡܫܚܐ ܩܘܪܒܢܐ ܠܡܪܝܐ ܠܪܝܚ ܣܘܬܐ/ܢܝܚܐ#1##2#/܂ ܘܢܘܩܝܗ ܚܡܪܐ ܪܘܒܥܗ ܕܗܡܝܢܐ܂
23:14 ܘܠܚܡܐ ܘܩܠܝ̈ܬܐ ܘܦܪ̈ܝܟܬܐ܂ ܠܐ ܬܐܟܠܘܢ ܥܕܡܐ ܠܝܘܡܐ ܗܢܐ܂ ܥܕܡܐ ܠܝܘܡܐ ܕܡܝܬܝܢ ܐܢܬܘܢ ܩܘܪܒܢܐ ܠܐܠܗܟܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ ܒܟܠܗ ܒܝܬ ܡܥܡܪܟܘܢ܂
23:15 ܘܡܢܘ ܠܟܘܢ ܡܢ ܒܬܪܗ ܕܝܘܡܐ܂ ܡܢ ܝܘܡܐ ܕܡܝܬܝܢ ܐܢܬܘܢ ܟܦܐ ܕܦܘܪܫܢܐ܂ ܫܒܥ ܫ̈ܒܘܥܢ ܫܠܡ̈ܠܡܢ ܢܗ̈ܘܝܢ ‍<‍ܠܟܘܢ#3#‍>‍܂
23:16 ܥܕܡܐ ܠܒܬܪ ܫܒܘܥܬܐ ܫܒܝܥܝܬܐ܂ ܡܢܘ ܚܡܫܝܢ ܝܘ̈ܡܝܢ܂ ܘܩܪܒܘ ܣܡܝܕܐ ܡܢ ܚܕܬܐ ܠܡܪܝܐ܂
23:17 ܡܢ ܒܝܬ ܡܥܡܪܟܘܢ ܐܝܬܘ ܠܚܡܐ ܕܦܘܪܫܢܐ܂ ܬܪ̈ܬܝܢ ܚܚܪ̈ܢ ܡܢ ܬܪ̈ܝܢ ܥܣܪ̈ܘܢܝܢ ܕܢܫܝܦܐ ܢܗܘܝܢ܂ ܘܚܡܝܥ ܢܬܐ̈ܦܝܢ܂ ܒܟܪ̈ܐ/ܠܚܡܐ ܕܒܟܪ̈ܐ#1##2#/ ܠܡܪܝܐ܂
23:18 ܘܩܪܒܘ ܥܠ ܠܚܡܐ܂ ܫܒܥܐ ܐܡܪ̈ܝܢ ܒܢ̈ܝ ܫܢܬܐ ܕܠܝܬ ܒܗܘܢ ܡܘܡܐ܂ ܘܬܘܪܐ ܚܕ ܒܪ ܒܩܪܐ ܘܬܪ̈ܝܢ ܕܟܪ̈ܝܢ ܢܗܘܘܢ ܝܩ̈ܕܐ ܫ̈ܠܡܐ ܠܡܪܝܐ܂ ܘܣܡܝܕܗܘܢ ܘܢܘܩܝܗܘܢ܂ ܩܘܪܒܢܐ ܠܪܝܚ ܣܘܬܐ/ܢܝܚܐ#1##2#/ ܠܡܪܝܐ܂
23:19 ܘܥܒܕ ܨܦܪܝܐ ܚܕ ܕܥ̈ܙܐ ܚܠܦ ܚܛܗܐ܂ ܘܬܪ̈ܝܢ ܐܡܪ̈ܝܢ ܒ̈ܢܝ ܫܢܬܐ ܠܕܒܚܐ ܫܠܡܐ܂
23:20 ܘܢܦܪܘܫ ܐܢܘܢ ܟܗܢܐ ܥܠ ܠܚܡܐ ܕܒܟܪ̈ܐ܂ ܦܘܪܫܢܐ ܩܕܡ ܡܪܝܐ܂ ܥܠ ܬܪ̈ܝܢ ܐܡܪ̈ܝܢ܂ ܩܘܕܫܐ ܢܗܘܘܢ ܩܕܡ ܡܪܝܐ ܠܟܗܢܐ܂
23:21 ܘܩܪܘ ܠܝܘܡܐ ܗܢܐ ܩܪܝܐ ܘܩܕܝܫܐ ܘܟܠ ܥܒ݁ܕܐ ܕܦܘܠܚܢܐ ܠܐ ܬܥܒܕܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ܂ ܒܟܠܗ ܒܝܬ ܡܥܡܪܟܘܢ܂
23:22 ܘܡܐ ܕܚܨܕܝܢ ܐܢܬܘܢ ܚܨܕܐ ܕܐܪܥܟܘܢ܂ ܠܐ ܬܓܡܪܘܢ ܣܦܪ̈ܐ ܕܚܩ̈ܠܬܟܘܢ ܒܚܨܕܟܘܢ܂ ܘܠܩܛܐ ܕܚܨܕܟܘܢ ܠܐ ܬܠܩܛܘܢ܂ ܐܠܐ ܠܡܣ̈ܟܢܐ ܘܠܐܝܠܝܢ ܕܡܬܦܢܝܢ ܠܘܬܝ ܫܒܘܩܘ ܐܢܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
23:23 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:24 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܒܚܕ ܒܝܪܚܐ ܒܝܪܚܐ ܫܒܝܥܝܐ܂ ܢܗܘܐ ܠܟܘܢ ܢܝܚܐ ܘܕܘܟܪܢܐ ܕܩܪܝܬܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂
23:25 ܘܟܘܠ ܥܒ݁ܕ ܕܦܘܠܚܢܐ ܠܐ ܬܥܒܕܘܢ܂ ܘܩܪܒܘ ܩܘܪܒܢܐ ܠܡܪܝܐ܂
23:26 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂ ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂
23:27 ܒܥܣܪܬܐ ܒܝܪܚܐ ܗܢܐ ܕܫܒܥܐ܂ ܝܘܡܐ ܗܘ ܕܚܘܣܝܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܡܟܟܘ ܢܦܫ̈ܬܟܘܢ܂ ܘܩܪܒܘ ܩܘܪܒܢܐ ܠܡܪܝܐ܂
23:28 ܘܟܠ ܥܒ݁ܕ ܠܐ ܬܥܒܕܘܢ ܒܗ ܒܝܘܡܐ ܗܢܐ܂ ܡܛܠ ܕܝܘܡܐ ܗܘ ܕܚܘܣܝܐ ܠܡܚܣܝܘ ܥܠܝܟܘܢ ܩܕܡ ܡܪܝܐ ܐܠܗܟܘܢ܂
23:29 ܡܛܠ ܕܟܠ ܢܦܫܐ ܕܠܐ ܬܬܡܟܟ ܒܗ ܒܝܘܡܐ ܗܢܐ܂ ܬܐܒܕ ܡܢ ܥܡܗ݀܂
23:30 ܘܟܠ ܢܦܫܐ ܕܬܥܒܕ ܟܠ ܥܒ݁ܕ ܒܗ ܒܝܘܡܐ ܗܢܐ܂ \ܐܘܒܕܝܗ݀ ܠܢܦܫܐ /ܬܐܒܕ ܢܦܫܐ#3#/ ܗ݀ܝ ܡܢ ܓܘ ܥܡܗ݀܂
23:31 ܘܟܠ ܥܒ݁ܕ ܠܐ ܬܥܒܕܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ ܒܟܠܗ ܒܝܬ ܡܥܡܪܟܘܢ܂
23:32 ܫܒܬ ܫ̈ܒܐ ܗܝ ܠܟܘܢ ܘܡܟܟܘ ܢܦܫ̈ܬܟܘܢ ܒܬܫܥܬܐ ܒܝܪܚܐ܂ ܒܪܡܫܐ ܒܝܬ ܪ̈ܡܫܐ܂ ܡܢ ܪܡܫܐ ܘܥܕܡܐ ܠܪܡܫܐ܂ ܐܫܒܬܘ ܫܒܝ̈ܟܘܢ܂
23:33 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:34 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܒܚܡܫܥܣܪܐ ܒܝܪܚܐ ܗܢܐ ܕܫܒܥܐ܂ ܥܒܕܘ ܥܕܥܐܕܐ ܕܡ̈ܛܠܐ܂ ܫܒܥܐ ܝܘܡ̈ܝܢ ܩܕܡ ܡܪܝܐ܂
23:35 ܝܘܡܐ ܩܕܡܝܐ ܩܪܝܐ/ܩܪܐ#3#/ ܘܩܕܝܫܐ ܢܗܘܐ ܠܟܘܢ܂ ܘܟܠ ܥܒ݁ܕ ܕܦܘܠܚܢܐ ܠܐ ܬܥܒܕܘܢ܂
23:36 ܫܒܥܐ ܝܘܡ̈ܝܢ܂ ܘܩܪܒܘ ܩܘܪܒܢܐ ܠܡܪܝܐ܂ ܘܝܘܡܐ ܕܬܡܢܝܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܩܪܒܘ ܩܘܪܒܢܐ ܠܡܪܝܐ܂ ܘܗܘܝܬܘܢ ܟܢ݁ܫܝܢ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:37 ܗܠܝܢ ܐܢܘܢ ܥܕܥܐ̈ܕܘܗܝ ܕܡܪܝܐ܂ ܕܬܩܪܘܢ ܐܢܘܢ ܩܪ̈ܝܐ ܘܩ̈ܕܝܫܐ܂ \ܘܬܩܪܒܘܢ ܒܗܘܢ /ܘܒܗܘܢ#3#/ ܩܘܪܒܢܐ ܠܡܪܝܐ܂ ܝܩ̈ܕܐ ܫ̈ܠܡܐ ܘܣܡܝܕܐ܂ ܘܢܘܩ̈ܝܐ ܘܕܒܚ̈ܐ ܙܕܩܐ ܕܝܘܡܐ ܒܝܘܡܐ܂
23:38 ܣܛܪ ܡܢ ܫܒ̈ܘܗܝ ܕܡܪܝܐ܂ ܘܣܛܪ ܡܢ ܩܘܪ̈ܒܢܝܟܘܢ܂ ܘܣܛܪ ܡܢ ܡܘܗ̈ܒܬܟܘܢ܂ ܘܣܛܪ ܡܢ ܟܠܗܘܢ ܢܕܪ̈ܝܟܘܢ܂ ܘܣܛܪ ܡܢ ܟܠܗ ܦܘܪܫܢܟܘܢ ܕܝܗܒܝܢ ܐܢܬܘܢ ܠܡܪܝܐ܂
23:39 ܒܪܡ ܕܝܢ ܒܚܡܫܥܣܪܐ ܒܝܪܚܐ/ܕܝܪܚܐ#3#/ ܕܫܒܥܐ܂ ܡܐ ܕܚܡ݁ܠܝܢ ܐܢܬܘܢ ܥܠܠܬܐ ܕܐܪܥܐ܂ ܥܒܕܘ ܥܕܥܐܕܐ ܠܡܪܝܐ܂ ܫܒܥܐ ܝܘܡ̈ܝܢ܂ ܒܝܘܡܐ ܩܕܡܝܐ ܒܛܠܢܐ܂ ܘܒܝܘܡܐ ܕܬܡܢܝܐ ܢܝܚܐ܂
23:40 ܣܒܘ ܠܟܘܢ ܒܝܘܡܐ ܩܕܡܝܐ܂ ܦܐܪ̈ܝ ܐܝ̈ܠܢܐ ܫܦܝܪ̈ܐ܂ ܐܛܪ̈ܘܓܐ ܘܠܒ̈ܘܬܐ ܕܕܩ̈ܠܐ܂ ܘܐܣܐ ܘܥܪ̈ܒܐ܂ ܘܚܕܘ ܩܕܡ ܡܪܝܐ ܐܠܗܟܘܢ ܫܒܥܐ ܝܘܡ̈ܝܢ܂ ܟܠܗܘܢ ܕܒܝܬ ܐܝܣܪܐܝܠ܂
23:41 ܘܥܘܒܕܘܗܝ ܥܕܥܐܕܐ ܗܢܐ ܠܡܪܝܐ ܫܒܥܐ ܝܘܡ̈ܝܢ ܒܫܢܬܐ܂ ܢܡܘܣܐ ܠܥܠܡ ܠܕܪ̈ܝܟܘܢ܂ ܒܝܪܚܐ ܕܫܒܥܐ ܥܘܒܕܘܗܝ܂
23:42 ܒܡ̈ܛܠܐ ܬܒܘ ܫܒܥܐ ܝܘܡ̈ܝܢ܂ ܟܠܗܘܢ ܕܒܝܬ ܐܝܣܪܝܠ ܢܬܒܘܢ ܒܡ̈ܛܠܐ܂
23:43 ܕܢܕܥܘܢ ܕܪ̈ܝܟܘܢ܂ ܕܒܡ̈ܛܠܐ ܐܘܬ݁ܒܬ ܠܒ̈ܢܝ ܐܝܣܪܐܝܠ ܟܕ ܐܦܩ݁ܬ ܐܢܘܢ ܡܢ ܐܪܥܐ ܕܡܨܪܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂
23:44 ܘܐܡܪ ܡܘܫܐ ܠܒܢ̈ܝ ܐܝܣܪܝܠ ܥܕܥܐ̈ܕܘܗܝ ܕܡܪܝܐ܂

next chapter