The Comprehensive Aramaic Lexicon

24:01	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
24:02	ܦܩܕ ܠܒܢ̈ܝ ܐܝܣܪܝܠ ܘܢܝܬܘܢ ܠܟ ܡܫܚܐ ܕܟܝܐ ܕܙܝܬܐ ܥܨܝܪܐ܂ ܠܡܢܗܪܘ ܫܪ̈ܓܐ ܐܡܝܢܐܝܬ܂
24:03	ܠܒܪ ܡܢ ܐ̈ܦܝ ܬܪܥܐ ܕܣܗܕܘܬܐ ܒܡܫܟܢܙܒܢܐ܂ ܘܢܗܘܐ ܣ݁ܕܪ ܠܗܘܢ ܐܗܪܘܢ ܡܢ ܪܡܫܐ ܘܥܕܡܐ ܠܨܦܪܐ܂ ܩܕܡ ܡܪܝܐ ܐܡܝܢܐܝܬ܂ ܢܡܘܣܐ ܠܥܠܡ ܠܕܪ̈ܝܟܘܢ܂
24:04	ܥܠ ܡܢܪܬܐ ܪܒܬܐ ܢܗܘܐ ܣ݁ܕܪ ܫܪ̈ܓܐ ܩܕܡ ܡܪܝܐ ܐܡܝܢܐܝܬ܂
24:05	ܘܣܒ ܢܫܝܦܐ ܘܐܦܝ ܬܪ̈ܬܥܣܪܐ ܚܚܪ̈ܢ ܡܢ ܬܪ̈ܝܢ ܥܣܪ̈ܘܢܝܢ܂ ܚܚܘܪܬܐ ܚܕܐ܂
24:06	ܘܣܕܘܪ ܐ̈ܢܝܢ ܬܪ̈ܝܢ ܣܕܪ̈ܝܢ ܫܬ ܫܬ ܒܣܕܪܐ܂ ܥܠ ܦܬܘܪܐ ܕܟܝܐ ܩܕܡ ܡܪܝܐ܂
24:07	ܘܣܝܡ/ܕܣܝܡ#3#/ ܥܠ ܣܕܪ̈ܐ ܠܒܘܢܬܐ ܕܟܝܬܐ ܩܕܡ ܡܪܝܐ܂ ܘܢܗܘܐ ܠܠܚܡܐ ܕܘܟܪܢܐ ܘܩܘܪܒܢܐ ܠܡܪܝܐ܂
24:08	ܒܝܘܡܐ ܕܫܬܐ ܢܗܘܐ ܣ݁ܕܪ ܠܗܘܢ ܐܗܪܘܢ ܩܕܡ ܡܪܝܐ ܐܡܝܢܐܝܬ܂ ܡܢ ܠܘܬ ܒܢ̈ܝ ܐܝܣܪܝܠ܂
24:09	ܩܝܡܐ ܠܥܠܡ ܢܗܘܐ ܠܐܗܪܘܢ ܘܠܒܢ̈ܘܗܝ܂ ܘܢܐܟܠܘܢܗ ܒܐܬܪܐ ܩܕܝܫܐ܂ ܡܛܠ ܕܩܕܘܫ ܩܘܕܫ̈ܝܢ ܗܘ ܠܗ ܡܢ ܩܘܪ̈ܒܢܘܗܝ ܕܡܪܝܐ܂ ܢܡܘܣܐ ܠܥܠܡ܂
24:10	ܘܢܦܩ ܒܪ ܐܢܬܬܐ ܐܝܣܪܠܝܬܐ܂ ܘܗܘ ܒܪ ܓܒܪܐ ܗܘܐ ܡܨܪܝܐ܂ ܒܝܢܬ ܒܢ̈ܝ ܐܝܣܪܝܠ܂ ܘܢܨܘ ܒܡܫܪܝܬܐ ܒܪ ܐܝܣܪܠܝܬܐ ܘܓܒܪܐ ܐܝܣܪܠܝܐ܂
24:11	ܘܦܪܫ ܒܪ ܐܢܬܬܐ ܐܝܣܪܠܝܬܐ ܫܡܐ ܘܨܚܝ܂ ܘܐܝܬܝܘܗܝ ܠܘܬ ܡܘܫܐ܂ ܘܫܡܐ ܕܐܡܗ ܫܠܘܡܝܬ ܒܪܬ ܕܒܪܝ ܡܢ ܫܒܛܐ ܕܕܢ܂

24:12	ܘܚܒܫܘܗܝ ܒܝܬ ܢܛܘܪܬܐ܂ ܕܢܬܦܫܩ ܠܗܘܢ ܡܢ ܦܘܡܗ ܕܡܪܝܐ܂

24:13	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
24:14	ܐܦܩܘܗܝ ܠܗ݀ܘ ܕܨܚܝ ܠܒܪ ܡܢ ܡܫܪܝܬܐ܂ ܘܟܠ ܕܫܡܥܘܗܝ ܢܣܝܡܘܢ ܐܝ̈ܕܝܗܘܢ ܥܠ ܪܫܗ܂ ܘܢܪܓܡܘܢܗ ܟܘܠܗ݀ ܟܢܘܫܬܐ܂
24:15	ܘܥܡ ܒܢ̈ܝ ܐܝܣܪܝܠ ܡܠܠ ܘܐܡܪ ܠܗܘܢ܂ ܓܒܪ ܓܒܪ ܟܕ ܢܨܚܐ ܠܐܠܗܗ܂ ܢܩ݁ܒܠ ܚܛܗܗ܂
24:16	ܘܡ݁ܢ ܕܢܦܪܘܫ ܫܡܗ ܕܡܪܝܐ ܡܬܩܛܠܘ ܢܬܩܛܠ܂ ܘܡܪܓܡ ܢܪܓܡܘܢܗ ܟܠܗ݀ ܟܢܘܫܬܐ܂ ܐܝܢܐ ܕܡܬܦܢܐ ܠܘܬܝ܂ ܐܘ ܒܪ ܐܝܣܪܝܠ ܡܐ ܕܦܪܫ ܫܡܝ ܢܬܩܛܠ܂
24:17	ܘܓܒܪܐ ܐܢ ܢܩܛܘܠ ܟܠ ܢܦܫܐ ܕܒܪܢܫܐ ܡܬܩܛܠܘ ܢܬܩܛܠ܂
24:18	ܘܕܢܩܛܘܠ ܢܦܫܐ ܕܒܥܝܪ̈ܐ܂ ܢܦܪܘܥ/ܢܬܠ#3#/ ܢܦܫܐ ܚܠܦ ܢܦܫܐ ‍<‍ܕܒܥܝܪܐ#3#‍>‍܂
24:19	ܘܓܒܪܐ ܐܢ ܢܥܒܕ ܡܘܡܐ ܒܚܒܪܗ܂ ܐܝܟ ܕܥܒܕ ‍<‍ܗܘ#3#‍>‍ ܡܘܡܐ ܒܚܒܪܗ܂ ܗܟܢܐ ܢܬܥܒܕ ܠܗ܂
24:20	ܬܒܪܐ ܚܠܦ ܬܒܪܐ܂ ܥܝܢܐ ܚܠܦ ܥܝܢܐ܂ ܫܢܐ ܚܠܦ ܫܢܐ܂ ܐܝܟ ܕܥܒܕ ܡܘܡܐ ܒܚܒܪܗ܂ ܗܟܢܐ ܢܬܥܒܕ ܠܗ܂
24:21	ܘܕܢܩܛܘܠ ܒܥܝܪ̈ܐ ܢܦܪܥܝܗ݀܂ ܘܕܢܩܛܘܠ ܢܦܫܐ ܢܬܩܛܠ܂
24:22	ܕܝܢܐ ܚܕ ܢܗܘܐ ܠܟܘܢ܂ ܘܠܐܝܢܐ ܕܡܬܦܢܐ ܠܘܬܝ܂ ܘܠܒܪ ܐܝܣܪܝܠ ܗܟܢܐ ܢܗܘܐ܂ ܐܢܐ ܐܢܐ ܡܪܝܐ ܐܠܗܟܘܢ܂
24:23	ܘܐܡܪ ܡܘܫܐ ܠܒܢ̈ܝ ܐܝܣܪܝܠ܂ ܘܐܦܩܘܗܝ ܠܗ݀ܘ ܕܨܚܝ ܠܒܪ ܡܢ ܡܫܪܝܬܐ܂ ܘܪܓܡܘܗܝ ܒܟܐ̈ܦܐ ܘܡܝܬ܂ ܘܥܒܕܘ ܒܢ̈ܝ ܐܝܣܪܝܠ ܐܝܟ ܕܦܩܕ ܡܪܝܐ ܠܡܘܫܐ܂