The Comprehensive Aramaic Lexicon

03:01	ܘܗܠܝܢ ܬܘ̈ܠܕܬܗ ܕܐܗܪܘܢ ܘܕܡܘܫܐ܂ ܒܝܘܡܐ ܕܡܠܠ ܡܪܝܐ ܥܡ ܡܘܫܐ܂ ܒܛܘܪܐ ܕܣܝܢܝ܂
03:02	ܘܗܠܝܢ ܫܡ̈ܗܐ ܕܒܢ̈ܝ ܐܗܪܘܢ܂ ܒܘܟܪܗ ܢܕܒ ܘܐܒܝܗܘ܂ ܘܐܠܝܥܙܪ ܘܐܝܬܡܪ܂
03:03	ܗܠܝܢ ܫܡ̈ܗܐ ܕܒܢ̈ܝ ܐܗܪܘܢ ܟܗܢܐ܂ ܕܐܬܡܫܚܘ ܘܫܡܠܝܘ ܐܝܕܝ̈ܗܘܢ ܠܟܗܢܘܬܐ܂
03:04	ܘܡܝܬܘ ܢܕܒ ܘܐܒܝܗܘ ܩܕܡ ܡܪܝܐ܂ ܟܕ ܩܪܒܘ ܢܘܪܐ ܢܘܟܪܝܬܐ ܩܕܡ ܡܪܝܐ ܒܡܕܒܪܐ ܕܣܝܢܝ܂ ܘܒ̈ܢܝܐ ܠܐ ܗܘܘ ܠܗܘܢ܂ ܘܟܗܢܘ ܐܠܝܥܙܪ ܘܐܝܬܡܪ ܒܚܝ̈ܝ/ܒ̈ܢܝ#3#/ ܐܗܪܘܢ ܐܒܘܗܘܢ܂
03:05	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
03:06	ܩܪܒ ܠܫܒܛܐ ܕܠܘܝ܂ ܘܐܩܝܡܝܗܝ ܩܕܡ ܐܗܪܘܢ ܟܗܢܐ ܘܢܫܡܫܘܢܗ/ܘܢܫܡܥܘܢܗ#3#/܂
03:07	ܘܢܛܪܘܢ ܡܛܪܬܗ ܘܡܛܪܬܐ ܕܟܠܗ݀ ܟܢܘܫܬܐ ܩܕܡ ܡܪܝܐ܂ ܩܕܡ ܡܫܟܢܙܒܢܐ ܠܡܦܠܚ܂ ܦܘܠܚܢܐ ܒܡܫܟܢܐ܂
03:08	ܘܢܛܪܘܢ ܟܠܗܘܢ ܡ̈ܐܢܐ ܕܡܫܟܢܙܒܢܐ܂ ܘܡܛܪܬܐ ܕܒܢ̈ܝ ܐܝܣܪܐܝܠ ܠܡܦܠܚ ܦܘܠܚܢܐ ܕܡܫܟܢܐ܂
03:09	ܘܬܬܠ ܐܢܘܢ ܠܠܘܝ̈ܐ ܠܐܗܪܘܢ ܘܠܒ̈ܢܘܗܝ ܡܘܗܒܬܐ ܝܗܝܒܝܢ ܐܢܘܢ ܠܗ ܡܢ ܓܘ ܒܢ̈ܝ ܐܝܣܪܝܠ܂
03:10	ܘܠܐܗܪܘܢ ܘܠܒ̈ܢܘܗܝ ܦܩܕ ܘܢܛܪܘܢ ܟܗܢܘܬܗܘܢ ܘܢܘܟܪܝܐ ܕܩ݁ܪܒ ‍<‍ܠܗܘܢ#3#‍>‍ ܢܬܩܛܠ܂
03:11	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
03:12	ܗܐ ܐܢܐ ܢܣ݁ܒܬ ܠܠܘܝ̈ܐ ܡܢ ܓܘ ܒܢ̈ܝ ܐܝܣܪܝܠ܂ ܚܠܦ ܟܠ ܒܘܟܪܐ ܕܦܬܚ ܟܠ ܡܪܒܥܐ/ܪ̈ܚܡܐ#3#/ ܡܢ ܒܢ̈ܝ ܐܝܣܪܐܝܠ ܕܢܗܘܘܢ ܠܝ ܠܘܝ̈ܐ܂
03:13	ܡܛܠ ܕܕܝܠܝ ܗܘ ܟܠ ܒܘܟܪܐ ܒܝܘܡܐ ܕܩܛܠܬ ܟܠ ܒܘܟܪ̈ܐ ܕܒܐܪܥܐ/ܒܐܪܥܐ#3#/ ܕܡܨܪܝܢ܂ ܩܕܫܬ ܠܝ ܟܠ ܒܘܟܪ̈ܐ \ܕܒܢ̈ܝ ܐܝܣܪܝܠ /ܕܐܝܣܪܐܝܠ#3#/܂ ܡܢ ܐܢܫܐ ܘܥܕܡܐ ܠܒܥܝܪ̈ܐ ܠܝ ܢܗܘܘܢ܂ ܐܢܐ ܐܢܐ ܡܪܝܐ܂
03:14	ܘܡܠܠ ܡܪܝܐ ܥܡ ܡܘܫܐ ܒܡܕܒܪܐ ܕܣܝܢܝ ܘܐܡܪ ܠܗ܂
03:15	ܡܢܝ ܠܒ̈ܢܝ ܠܘܝ ܠܒܝܬ ܐܒܗܝ̈ܗܘܢ ܠܫܪܒܬܗܘܢ ܟܠ ܕܟܪܐ ܡܢ ܒܪ ܝܪܚܐ ܘܠܥܠ܂ ܬܡܢܐ ܐܢܘܢ܂
03:16	ܘܡܢܐ ܐܢܘܢ ܡܘܫܐ ܒܡܠܬ ܦܘܡܗ ܕܡܪܝܐ ܐܝܟ ܕܐܬܦܩܕ܂
03:17	ܘܗܘܘ ܗܠܝܢ ܒܢ̈ܝ ܠܘܝ ܒܫܡܗܝ̈ܗܘܢ܂ ܓܪܫܘܢ ܘܩܗܬ ܘܡܪܪܝ܂
03:18	ܘܗܠܝܢ ܫܡ̈ܗܐ ܕܒܢ̈ܝ ܓܪܫܘܢ ܠܫܪ̈ܒܬܗܘܢ ܠܒܢܝ ܘܫܡܥܝ܂ ‍<‍ܘܒܢ̈ܝ ܩܗܬ ܠܫܪ̈ܒܬܗܘܢ ܠܒܢܝ ܘܫܡܥܝ#2#‍>‍܂
03:19	ܘܒܢ̈ܝ ܩܗܬ ܠܫܪ̈ܒܬܗܘܢ܂ ܥܡܪܡ ܘܝܨܗܪ܂ ܘܚܒܪܘܢ ܘܥܘܕܝܠ܂
03:20	ܘܒܢ̈ܝ ܡܪܪܝ ܠܫܪ̈ܒܬܗܘܢ ܡܚܠܝ ܘܡܘܫܝ܂ ܗܠܝܢ ܐܢܝ̈ܢ ܫܪ̈ܒܬܐ ܕܠܘܝ̈ܐ ܠܒܝܬ ܐ̈ܒܗܝܗܘܢ܂
03:21	ܠܓܪܫܘܢ ܫܪܒܬܐ ܕܠܒܢܝ ܘܫܪܒܬܐ ܕܫܡܥܝ܂ ܗܠܝܢ ܐܢܝ̈ܢ ܫܪ̈ܒܬܐ ܕܓܪܫܘܢ܂
03:22	ܘܡܢܝܢܗܘܢ ܒܡܢܝܢܐ ܕܟܠ/ܟܠ#3#/ ܕܟܪܐ ܡܢ ܒܪ ܝܪܚܐ ܘܠܥܠ܂ ܫܒܥܐ ܐܠܦ̈ܝܢ ܘܚܡܫܡܐܐ܂
03:23	ܫܪܒܬܐ ܕܓܪܫܘܢ ܒܣܬܪ ܡܫܟܢܐ ܢܗܘܘܢ ܫ݁ܪܝܢ ܡܢ ܡܥܪܒܐ܂
03:24	ܘܪܫܐ ܕܒܝܬ ܐܒܗ̈ܐ ܕܓܪܫܘܢ܂ ܐܠܝܐܣܦ ܒܪ ܐܠܝܐܒ܂
03:25	ܘܡܛܪܬܐ ܕܒܢ̈ܝ ܓܪܫܘܢ ܒܡܫܟܢ ܙܒܢܐ ܡܫܟܢܐ܂ ܘܐܦ̈ܝ ܬܪܥܐ ܘܦܪܣܗ ܘܦܪܣܐ ܕܬܪܥܐ ܕܡܫܟܢ ܙܒܢܐ

03:26	ܘܓ̈ܠܓܐ/ܘܓ̈ܠܓܠܐ#3#/ ܕܕܪܬܐ܂ ܘܦܪܣܐ ܕܬܪܥܐ ܕܕܪܬܐ܂ ܕܥܠ ܡܫܟܢܐ ܘܥܠ ܡܕܒܚܐ ܟܕ ܚܕܪ܂ ܘܛܘܢ̈ܒܘܗܝ ܘܟܠܗܘܢ ܦܘܠܚ̈ܢܘܗܝ܂

03:27	ܘܠܩܗܬ ܫܪܒܬܐ ܕܥܡܪܡ ܘܫܪܒܬܐ ܕܝܨܗܪ܂ ܘܫܪܒܬܐ ܕܚܒܪܘܢ܂ ܘܫܪܒܬܐ ܕܥܘܙܝܠ܂ ܗܠܝܢ ܐܢܝܢ ܫܪ̈ܒܬܐ ܕܩܗܬ܂
03:28	ܘܡܢܝܢܗܘܢ ܒܡܢܝܢܐ ܕܟܠ ܕܟܪܐ ܡܢ ܒܪ ܝܪܚܐ ܘܠܥܠ܂ ܬܡܢܝܐ ܐܠܦ̈ܝܢ܂ ܘܫܬܡܐܐ/ܘܬܠܬܡܐܐ#3#/ ܢܛ݁ܪ̈ܝ ܡܛܪܬܐ ܕܩܘܕܫܐ܂
03:29	ܘܫܪܒܬܐ ܕܒܝܬ/ܕܒ̈ܢܝ#3#/ ܩܗܬ܂ ܢܫܪܘܢ ܥܠ ܫܦܘ̈ܠܘܗܝ ܕܡܫܟܢܐ ܡܢ ܬܝܡܢܐ܂
03:30	ܘܪܫܐ ܕܒܝܬ ܐܒ̈ܗܐ ܕܫܪܒܬܐ ܕܩܗܬ܂ ܐܠܝܨܦܢ ܒܪ ܥܘܙܝܠ܂
03:31	ܘܡܛܪܬܗܘܢ ܩܒܘܬܐ ܘܦܬܘܪܐ ܘܡܢܪܬܐ ܘܡܕܒܚܐ ܘܡ̈ܐܢܝ ܩܘܕܫܐ ܕܡܫܡܫܝܢ ܒܗܘܢ܂ ܘܐܦ̈ܝ ܬܪܥܐ ܘܟܘܠܗ ܦܘܠܚܢܗ܂
03:32	ܘܪܫܐ ܕܪ̈ܫܐ ܕܠܘ̈ܝܐ ܐܠܝܥܙܪ ܒܪܗ ܕܐܗܪܘܢ ܟܗܢܐ܂ ܕܫܠܝܛ ܥܠ ܢ݁ܛܪ̈ܝ ܡܛܪܬܐ ܕܩܘܕܫܐ܂
03:33	ܘܕܡܪܪܝ ܫܪܒܬܐ ܕܡܚܠܝ ܘܫܪܒܬܐ ܕܡܘܫܝ܂ ܗܠܝܢ ܐܢܝܢ ܫܪ̈ܒܬܐ ܕܡܪܪܝ܂
03:34	ܘܡܢܝܢܗܘܢ ܒܡܢܝܢܐ ܕܟܠ ܕܟܪܐ ܡܢ ܒܪ ܝܪܚܐ ܘܠܥܠ܂ ܫܬܐ ܐ̈ܠܦܝܢ ܘܡܐܬܝܢ܂
03:35	ܘܪܫܐ ܕܒܝܬ ܐܒ̈ܗܐ ܕܫܪܒܬܐ ܕܡܪܪܝ܂ ܨܘܪܝܐܝܠ ܒܪ ܐܒܝܚܠ ܥܠ ܫܦ̈ܘܠܘܗܝ ܕܡܫܟܢܐ ܢܗܘܘܢ ܫ݁ܪܝܢ ܡܢ ܓܪܒܝܐ܂
03:36	ܘܫܘܠܛܢܐ ܕܡܛܪܬܐ ܕܒ̈ܢܝ ܡܪܪܝ܂ ܕܦ̈ܐ ܕܡܫܟܢܐ܂ ܘܡܘܟ̈ܠܘܗܝ ܘܩܝ̈ܡܘܗܝ ܘܣܡ̈ܟܘܗܝ ܘܟܠ ܡܐܢܘ̈ܗܝ ܘܟܠܗ ܦܘܠܚܢܗ܂
03:37	ܘܥܡ̈ܘܕܐ ܕܕܪܬܐ ܟܕ ܚܕܪܝܢ܂ ܘܛܘܢܒ̈ܝܗܘܢ ܘܣܡ̈ܟܝܗܘܢ ܘܓܠܓܝ̈ܗܘܢ/ܘܓ̈ܝܓܠܝܗܘܢ#1##2#/܂
03:38	ܘܕܫ݁ܪܝܢ ܩܕܡ ܡܫܟܢܐ ܡܢ ܡܕܢܚܐ ܩܕܡ ܡܫܟܢ ܙܒܢܐ ܡܢ ܡܕܢܚܐ܂ ܡܘܫܐ ܘܐܗܪܘܢ܂ ܘܒܢܘ̈ܗܝ ܕܢ݁ܛܪܝܢ ܡܛܪܬܐ ܕܩܘܕܫܐ ܥܠ ܡܛܪܬܐ ܕܒ̈ܢܝ ܐܝܣܪܝܠ ܘܢܘܟܪܝܐ ܕܩ݁ܪܒ ܢܬܩܛܠ܂
03:39	ܟܠܗܘܢ ܡܢܝ̈ܢܐ ܕܠܘܝ̈ܐ ܕܡܢܐ ܡܘܫܐ ܒܡܠܬ ܦܘܡܗ ܕܡܪܝܐ܂ ܟܠ ܕܟܪܐ ܡܢ ܒܪ ܝܪܚܐ ܘܠܥܠ܂ ܥܣܪ̈ܝܢ ܘܬܪ̈ܝܢ ܐܠܦ̈ܝܢ܂
03:40	\ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ /ܘܐܡܪ ܡܪܝܐ ܠܡܘܫܐ#3#/܂ ܡܢܝ ܟܠ ܒܘܟܪ̈ܐ ܕܟܪ̈ܐ/ܕܕܟܪ̈ܐ#3#/ ܕܒ̈ܢܝ ܐܝܣܪܝܠ ܡܢ ܒܪ ܝܪܚܐ ܘܠܥܠ܂ ܘܩܒܠ ‍<‍ܠܟ#3#‍>‍ ܡܢܝܢܐ ܕܫ̈ܡܗܝܗܘܢ܂
03:41	ܘܬܩܪܒ ܐܢܘܢ ܠܝ ܠܠܘܝ̈ܐ܂ ܐܢܐ ܐܢܐ ܡܪܝܐ܂ ܚܠܦ ܟܠܗܘܢ ܒܘܟܪ̈ܐ ܕܒ̈ܢܝ ܐܝܣܪܝܠ܂ ܘܒܥܝܪܐ/ܘܕܒܥܝܪܐ#3#/ ܕܠܘܝ̈ܐ ܚܠܦ ܟܠܗܘܢ ܒܘܟܪ̈ܐ ܕܒܥܝܪܐ ܕܒ̈ܢܝ ܐܝܣܪܝܠ܂
03:42	ܘܡܢܐ ܡܘܫܐ ܐܝܟ/ܐܝܟܢܐ#3#/ ܕܦܩܕܗ ܡܪܝܐ ܟܠܗܘܢ ܒܘܟܪ̈ܐ ܕܒ̈ܢܝ ܐܝܣܪܝܠ܂
03:43	ܘܗܘܘ ܟܠ ܒܘܟܪ̈ܐ ܕܟܪ̈ܐ/ܕܕܟܪ̈ܐ#3#/ \ܒܡܢܝܢ ܫܡ̈ܗܐ /ܒܡܢܝܢܐ ܕܫ̈ܡܗܐ#3#/ ܡܢ ܒܪ ܝܪܚܐ ܘܠܥܠ܂ ܡܢܝܢܗܘܢ ܥܣܪܝܢ ܘܬܪܝܢ ܐܠܦ̈ܝܢ ܘܡܐܬܝܢ܂ ܘܫܒܥܝܢ ܘܬܠܬܐ܂
03:44	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
03:45	ܩܪܒ ܠܠܘܝ̈ܐ ܚܠܦ ܟܠ ܒܘܟܪ̈ܐ ܕܒ̈ܢܝ ܐܝܣܪܝܠ ܘܒܥܝܪܐ ܕܠܘܝ̈ܐ ܚܠܦ ܒܥܝܪܗܘܢ܂ ܘܢܗܘܘܢ ܠܝ ܠܘܝ̈ܐ ܐܢܐ ܐܢܐ ܡܪܝܐ܂
03:46	ܘܦܘܪܩܢܐ/ܘܠܦܘܪܩܢܐ#3#/ ܕܡܐܬܝܢ ܘܫܒܥܝܢ ܘܬܠܬܐ ܕܝܬܝܪܝܢ ܥܠ ܠܘܝ̈ܐ ܒܘܟܪ̈ܐ ܕܒܢ̈ܝ ܐܝܣܪܝܠ܂
03:47	ܣܒ ܚܡܫܐ ܚܡܫܐ ܡܬ̈ܩܠܝܢ ܠܪܝܫܐ ܒܡܬܩܠܐ ܕܩܘܕܫܐ܂ ܣܒ ܥܣܪ̈ܝܢ ܡ̈ܥܝܢ/ܡ̈ܢܝܢ#3#/ ܠܡܬܩܠܐ܂
03:48	ܘܗܒܝܗܝ ܟܣܦܐ ܕܦܘܪܩܢܐ܂ ܕܐܝܠܝܢ ܕܝܬܝܪܝܢ ܒܗܘܢ܂ ܠܐܗܪܘܢ ܘܠܒܢܘܗܝ܂
03:49	ܘܢܣܒ ܡܘܫܐ ܟܣܦܐ ܕܦܘܪܩܢܐ ܡܢ ܗܢܘܢ ܕܝܬܝܪܝܢ ܥܠ ܦܘܪܩܢܐ ܕܠܘܝ̈ܐ܂
03:50	ܡܢ ܒܘܟܪ̈ܐ ܕܒܢ̈ܝ ܐܝܣܪܝܠ܂ ܘܢܣܒ ܟܣܦܐ܂ ܐܠܦ ܘܬܠܬܡܐܐ ܘܫܬܝܢ ܘܚܡܫܐ ܡ̈ܬܩܠܝܢ ܒܡܬܩܠܐ ܕܩܘܕܫܐ܂
03:51	ܘܝܗܒ ‍<‍ܐܢܘܢ#3#‍>‍ ܡܘܫܐ ܟܣܦܐ ܕܦܘܪܩܢܐ ܠܐܗܪܘܢ ܘܠܒ̈ܢܘܗܝ ܐܝܟ ܡܠܬ ܦܘܡܗ ܕܡܪܝܐ܂ ܐܝܟ/ܐܝܟܢܐ#3#/ ܕܦܩܕ ܡܪܝܐ ܠܡܘܫܐ܂