← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


06:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:02 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܓܒܪܐ ܐܘ ܐܢܬܬܐ ܕܢܦܪܘܫ ܘܢܢܕܘܪ ܢܕܪܐ ܕܢܙܝܪܘܬܐ܂ ܘܢܬܢܙܪ ܠܡܪܝܐ܂
06:03 ܡܢ ܚܡܪܐ ܘܡܢ ܫܟܪܐ ܢܬܢܙܪ܂ ܚܠܐ ܕܚܡܪܐ ܘܚܠܐ ܕܫܟܪܐ ܠܐ ܢܫܬܐ܂ ܘܟܠ ܬܪܝܢܐ ܕܥܢܒܐ ܠܐ ܢܫܬܐ ܘܥܢ̈ܒܐ ܘܐ̈ܦܫܬܐ ܠܐ ܢܐܟܘܠ܂
06:04 ܟܠܗܘܢ ܫܘܡ̈ܬܐ ܕܢܙܝܪܘܬܗ܂ ܟܠ ܡܕܡ ܕܡܬܥܒܕ ܡܢ ܓܦܬܐ ܕܚܡܪܐ܂ ܡܢ ܥܘܨܪ̈ܐ ܘܥܕܡܐ ܠܟܡܫ̈ܘܢܐ ܠܐ ܢܐܟܘܠ܂
06:05 ܟܠܗܘܢ ܝܘܡ̈ܬܐ ܕܢܕܪܐ ܕܢܙܝܪܘܬܗ ܘܡܕܟܝܐ ܠܐ ܢܥܒܪ/ܢܣܩ#3#/ ܥܠ ܪܫܗ܂ ܥܕܡܐ ܕܢܫܠܡܘܢ ܝܘܡ̈ܬܐ ܕܐܬܢܙܪ ܠܡܪܝܐ ܩܕܝܫ ܢܗܘܐ܂ ܘܢܪܒܐ ܣܥܪܐ ܕܪܫܗ܂
06:06 ܟܠܗܘܢ ܝܘܡ̈ܬܐ ܕܐܬܢܙܪ ܠܡܪܝܐ܂ ܘܥܠ ܢܦܫܐ ܕܡܝܬܐ ܠܐ ܢܥܘܠ܂
06:07 ܘܒܐܒܘܗܝ ܘܒܐܡܗ ܘܒܐܚܘܗܝ ܘܒܚܬܗ܂ ܠܐ ܢܬܛܡܐ ܒܗܘܢ ܒܡܘܬܗܘܢ܂ ܡܛܠ ܕܟܠܝܠܐ ܕܐܠܗܗ ܥܠ ܪܫܗ܂
06:08 ܟܘܠܗܘܢ ܝܘܡ̈ܬܐ ܕܢܙܝܪܘܬܗ܂ ܩܕܝܫ ܗܘ ܠܡܪܝܐ܂
06:09 ܘܐܢ ܢܡܘܬ ܡܝܬܐ ܥܠܘܗܝ ܡܢ ܫܠܝܐ܂ ܢܬܛܡܐ ܪܫܐ ܕܢܙܝܪܘܬܗ܂ ܘܢܓܪܘܥ ܪܫܗ ܒܝܘܡܐ ܕܕܟܐ܂ ܘܠܝܘܡܐ ܕܫܒܥܐ ܢܓܪܥܝܘܗܝ܂
06:10 ܘܠܝܘܡܐ ܕܬܡܢܝܐ ܢܝܬܐ ܬܪ̈ܝܢ ܫܘ̈ܦܢܝܢܝܢ ܐܘ ܬܪ̈ܝܢ ܒܢ̈ܝ ܝܘܢܐ ܠܘܬ ܟܗܢܐ ܠܬܪܥܐ ܕܡܫܟܢܙܒܢܐ܂
06:11 ܘܢܩܪܒ ܟܗܢܐ/ܐܗܪܘܢ#3#/ ܚܕ ܚܠܦ ܚܛܗܐ ܘܚܕ ܠܝܩܕܐ ܫܠܡܐ܂ ܘܢܚܣܐ ܥܠܘܗܝ ‍<‍ܟܗܢܐ#3#‍>‍ ܥܠ ܚܛܗܐ ܕܚܛܐ ܒܢܦܫܐ܂ ܘܢܩܕܫ ܪܫܗ ܒܗ ܒܝܘܡܐ ܗ݀ܘ܂
06:12 ܘܢܬܢܙܪ ܩܕܡ ܡܪܝܐ ܝܘܡ̈ܬܐ ܕܢܙܝܪܘܬܗ܂ ܘܢܝܬܐ ܐܡܪܐ ܒܪ ܫܢܬܐ ܠܩܘܪܒܢܐ/ܩܘܪܒܢܐ ܠܡܪܝܐ#3#/܂ ܘܝܘܡ̈ܬܐ ܩܕܡ̈ܝܐ ܢܒܛܠܘܢ ܡܛܘܠ ܕܐܬܛܡܐܬ ܢܙܝܪܘܬܗ܂
06:13 ܗܢܐ ‍<‍ܗܘ#3#‍>‍ ܢܡܘܣܐ ܕܢܙܝܪܐ܂ ܒܝܘܡܐ ܕܫܠ݁ܡܝܢ ܝܘܡ̈ܬܐ ܕܢܙܝܪܘܬܗ܂ ܢܝܬܘܢܗ ܠܬܪܥܐ ܕܡܫܟܢܙܒܢܐ܂
06:14 ܘܢܩܪܒ ܩܘܪܒܢܗ ܠܡܪܝܐ܂ ܐܡܪܐ ܚܕ ܒܪ ܫܢܬܐ ܕܠܝܬ ܒܗ ܡܘܡܐ ܠܥܠܬܐ/ܠܝܩܕܐ ܫܠܡܐ#3#/܂ ܘܦܪܬܐ ܚܕܐ ܒܪܬ ܫܢܬܐ ܕܠܝܬ ܒܗ݀ ܡܘܡܐ ܚܠܦ ܚܛܗܐ܂ ܘܕܟܪܐ ܚܕ ܕܠܝܬ ܒܗ ܡܘܡܐ ܠܕܒܚܐ/ܠܝܩܕܐ#3#/ ܫܠܡܐ܂
06:15 ܘܣܠܐ ܕܦܛܝܪܐ܂ ܢܫܝܦܐ ܚܚܪ̈ܬܐ ܕܦܝ̈ܠܢ ܒܡܫܚܐ܂ ܘܠܓܢ̈ܐ ܦܛܝܪ̈ܐ ܕܡܫܝܚܝܢ/ܕܦܝ̈ܠܢ#3#/ ܒܡܫܚܐ܂ ܘܣܡܝܕܗܘܢ ܘܢܘܩܝܗܘܢ܂
06:16 ܘܢܩܪܒܝܘܗܝ ܟܗܢܐ ܩܕܡ ܡܪܝܐ܂ ܘܢܩܪܒ ܚܛܗܗ ܘܝܩܕܗ ܫܠܡܐ܂
06:17 ܘܕܟܪܐ ܢܥܒܕ ܕܒܚܐ ܫܠܡܐ ܠܡܪܝܐ/ܩܕܡ ܡܪܝܐ#2#/܂ ܥܠ ܣܠܐ ܕܦܛܝܪܐ܂ ܘܢܥܒܕ ܟܗܢܐ ܣܡܝܕܗ ܘܢܘܩܝܗ܂
06:18 ܘܢܓܪܘܥ ܢܙܝܪܐ ܒܬܪܥܐ ܕܡܫܟܢܙܒܢܐ ܪܫܐ ܕܢܙܝܪܘܬܗ܂ ܘܢܣܒ ܣܥܪܐ ܕܪܫܐ ܕܢܙܝܪܘܬܗ܂ ܘܢܪܡܐ ܒܢܘܪܐ ܕܬܚܝܬ ܕܒܚܐ ܫܠܡܐ܂
06:19 ܘܢܣܒ ܟܗܢܐ ܕܪܥܐ ܒܫܝܠܐ ܡܢ ܕܟܪܐ܂ ܘܚܚܘܪܬܐ ܚܕܐ ܦܛܝܪܬܐ ܡܢ ܣܠܐ܂ ܘܠܓܢܐ ܚܕ ܦܛܝܪܐ܂ ܘܢܣܝܡ ܥܠ ܐ̈ܝܕܘܗܝ ܕܢܙܝܪܐ ‍<‍ܡܢ#2#‍>‍ ܒܬܪ ܕܓܪܥ ܢܙܝܪܘܬܗ܂
06:20 ܘܢܦܪܘܫ ܐܢܘܢ ܟܗܢܐ ܦܘܪܫܢܐ ܩܕܡ ܡܪܝܐ܂ ܩܘܕܫܐ ܗܘ ܠܟܗܢܐ܂ ܥܠ ܚܕܝܐ ܕܦܘܪܫܢܐ ܘܥܠ ܫܩܐ ܕܦܘܪܫܢܐ܂ ܘܗܝܕܝܢ ܢܫܬܐ ܢܙܝܪܐ ܚܡܪܐ܂
06:21 ܗܢܘ ܢܡܘܣܐ ܕܢܙܝܪܐ ܕܢ݁ܕܪ ܠܡܪܝܐ܂ ܩܘܪܒܢܐ ܥܠ ܢܙܝܪܘܬܗ܂ ܣܛܪ ܡܢ ܡܐ/ܡܕܡ#3#/ ܕܣ݁ܦܩܐ ܒܐ̈ܝܕܘܗܝ܂ ܐܝܟ ܡܣܬ ܢܕܪܐ ܕܢܕܪ܂ ܗܟܢܐ ܢܥܒܕ ܥܠ ܢܡܘܣܐ ܕܢܙܝܪܘܬܗ܂
06:22 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:23 ܡܠܠ ܥܡ ܐܗܪܘܢ ܘܥܡ ܒܢ̈ܘܗܝ ܘܐܡܪ ܠܗܘܢ܂ ܗܟܢܐ ܗܘܝܬܘܢ ܡܒܪܟܝܢ ܠܒ̈ܢܝ ܐܝܣܪܐܝܠ܂ ܐܡܪ ܠܗܘܢ܂
06:24 ܢܒܪܟܟ ܡܪܝܐ ܘܢܢܛܪܟ܂
06:25 ܢܢܗܪ ܡܪܝܐ ܐ̈ܦܘܗܝ ܥܠܝܟ ܘܢܚܝܟ/ܘܢܢܝܚܟ#3#/܂
06:26 ܢܪܝܡ ܡܪܝܐ ܐ̈ܦܘܗܝ/ܐ̈ܝܕܘܗܝ#2#/ ܥܠܝܟ ܘܢܥܒܕ/ܘܢܗܘܐ#3#/ ܠܟ ܫܠܡܐ܂
06:27 ܘܢܣܝܡܘܢ ܫܡܝ ܥܠ ܒ̈ܢܝ ܐܝܣܪܝܠ܂ ܘܐܢܐ ܐܒܪܟ ܐܢܘܢ܂

next chapter