← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


08:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
08:02 ܡܠܠ ܥܡ ܐܗܪܘܢ ܘܐܡܪ ܠܗ܂ ܡܐ ܕܡܢܗܪ ܐܢܬ ܫܪ̈ܓܐ܂ ܠܘܩܒܠ ܐ̈ܦܝ ܡܢܪܬܐ ܢܗܘܘܢ ܡܢܗܪ̈ܝܢ ܫܒܥܐ ܫܪ̈ܓܝܢ܂
08:03 ܘܥܒܕ ܗܟܢܐ ܐܗܪܘܢ ܫܒܥܐ ܫܪ̈ܓܝܢ܂ ܠܘܩܒܠ ܐ̈ܦܝ ܡܢܪܬܐ܂ ܘܐܢܗܪ ܫܪ̈ܓܝܗ݀ ܐܝܟ ܕܦܩܕ ܡܪܝܐ ܠܡܘܫܐ܂
08:04 ܘܗܢܘ ܥܒܕܗ݀ ܕܡܢܪܬܐ܂ ܕܢܣܟܬܐ/ܢܣܟܬܐ#3#/ ܗ݀ܝ ܕܕܗܒܐ ܡܢ ܟܢܗ݀ ܘܥܕܡܐ ܠܪܝܫܗ݀ ܕܢܣܟܬܐ ܗ݀ܝ܂ ܐܝܟ ܚܙܘܐ ܕܚܘܝ ܡܪܝܐ ܠܡܘܫܐ܂ ܗܟܢܐ ܥܒܕܗ݀ ܠܡܢܪܬܐ܂
08:05 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
08:06 ܕܒܪ ܠܠܘ̈ܝܐ ܡܢ ܓܘ ܒܢ̈ܝ ܐܝܣܪܝܠ܂ ܘܕܟܐ ܐܢܘܢ܂
08:07 ܗܟܢܐ ܥܒܕ ܠܗܘܢ ܘܕܟܐ ܐܢܘܢ܂ ܪܘܣ ܥܠܝܗܘܢ ܡ̈ܝܐ ܕܚܛܗܐ܂ ܘܢܥܒܪܘܢ/ܕܢܥܒܪܘܢ#3#/ ܡܕܟܝܐ ܥܠ ܟܠܗ ܒܣܪܗܘܢ ܘܢܚܠܠܘܢ ܡܐ̈ܢܝܗܘܢ ܘܢܬܕܟܘܢ܂
08:08 ܘܢܣܒܘܢ ܬܘܪܐ ܚܕ ܒܪ ܒܩܪܐ܂ ܘܩܘܪܒܢܗ ܦܝܠܣܐ ܚܕ ܟܕ ܡܠܐ ܣܡܝܕܐ ܕܦܝܠ ܒܡܫܚܐ܂ ܘܬܘܪܐ ܐܚܪܢܐ ܒܪ ܒܩܪܐ ܩܪܒ ܠܚܛܗܐ܂
08:09 ܘܩܪܒ ܠܠܘ̈ܝܐ ܩܕܡ ܡܫܟܢܙܒܢܐ܂ ܘܟܢܫ ܠܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ܂
08:10 ܘܩܪܒ ܠܠܘ̈ܝܐ ܩܕܡ ܡܪܝܐ܂ ܘܢܣܝܡܘܢ ܒܢ̈ܝ ܐܝܣܪܐܝܠ ܐ̈ܝܕܝܗܘܢ ܥܠ ܠܘ̈ܝܐ܂
08:11 ܘܢܦܪܘܫ ܐܢܘܢ ܐܗܪܘܢ ܠܠܘ̈ܝܐ ܦܘܪܫܢܐ ܩܕܡ ܡܪܝܐ ܡܢ ܠܘܬ ܒܢ̈ܝ ܐܝܣܪܝܠ܂ ܘܢܗܘܘܢ ܠܡܦܠܚ ܦܘܠܚܢܗ ܕܡܪܝܐ܂
08:12 ܘܠܘ̈ܝܐ ܢܣܝܡܘܢ ܐ̈ܝܕܝܗܘܢ ܥܠ ܪܫܗ ܕܬܘܪܐ܂ ܘܥܒܕ ܚܕ ܠܚܛܗܐ ܘܚܕ ܠܥܠܬܐ ܠܡܪܝܐ ܕܢܬܚܣܐ ܥܠ ܠܘ̈ܝܐ܂
08:13 ܘܐܩܝܡ ܠܠܘ̈ܝܐ ܩܕܡ ܐܗܪܘܢ \ܘܩܕܡ ܒܢ̈ܘܗܝ /ܘܒܢ̈ܘܗܝ#3#/܂ ܘܦܪܘܫ ܐܢܘܢ ܦܘܪܫܢܐ ܠܡܪܝܐ/ܩܕܡ ܡܪܝܐ#3#/܂
08:14 ܘܦܪܘܫ ܠܠܘ̈ܝܐ ܡܢ ܓܘ ܒܢ̈ܝ ܐܝܣܪܝܠ܂ ܘܢܗܘܘܢ ܠܝ ܠܘ̈ܝܐ܂
08:15 ܘܡܢ ܒܬܪܟܢ ܢܥܠܘܢ ܠܘ̈ܝܐ܂ ܘܢܦܠܚܘܢ ܒܡܫܟܢܙܒܢܐ ܘܕܟܐ ܐܢܘܢ ܘܦܪܘܫ ܐܢܘܢ ܦܘܪܫܢܐ ܩܕܡ ܡܪܝܐ܂
08:16 ܡܛܠ ܕܡܘܗܒܬܐ ܐܢܘܢ ܝܗܝܒܝܢ ܠܝ ܡܢ ܓܘ ܒܢ̈ܝ ܐܝܣܪܐܝܠ܂ ܚܠܦ ܟܠ ܦܬܚ ܪ̈ܚܡܐ܂ ܒܘܟܪ̈ܐ/ܒܕܟܪ̈ܐ#3#/ ܕܟܠܗܘܢ ܒܢ̈ܝ ܐܝܣܪܝܠ܂ ܩ݁ܪܒܬ ܐܢܘܢ ܠܝ܂
08:17 ܡܛܠ ܕܕܝܠܝ ܐܢܘܢ ܟܠ ܒܘܟܪ̈ܐ ܕܒܢ̈ܝ ܐܝܣܪܝܠ܂ ܡܢ ܒܢ̈ܝ ܐܢܫܐ ܘܥܕܡܐ ܠܒܥܝܪ̈ܐ܂ ܒܝܘܡܐ ܕܩ݁ܛܠܬ ܟܠ ܒܘܟܪ̈ܐ ܕܒܐܪܥܐ ܕܡܨܪܝܢ܂ ܩ݁ܕܫܬ ܐܢܘܢ ܠܝ܂
08:18 ܘܩ݁ܪܒܬ/ܕܩܪܒܬ#3#/ ܠܠܘ̈ܝܐ ܚܠܦ ܒܘܟܪ̈ܐ ܕܒܢ̈ܝ ܐܝܣܪܝܠ܂
08:19 ܘܝܗ݀ܒܬ ܐܢܘܢ ܠܠܘ̈ܝܐ ܡܘܗܒܬܐ ܠܐܗܪܘܢ ܘܠܒܢ̈ܘܗܝ܂ ܡܢ ܓܘ ܒܢ̈ܝ ܐܝܣܪܝܠ܂ ܠܡܦܠܚ ܦܘܠܚܢܐ ܕܒܢ̈ܝ ܐܝܣܪܝܠ ܒܡܫܟܢ ܙܒܢܐ܂ ܘܠܡܚܣܝܘ ܥܠ ܒܢ̈ܝ ܐܝܣܪܝܠ܂ ܘܠܐ ܢܗܘܐ ܒܒܢ̈ܝ ܐܝܣܪܝܠ ܡܘܬܐ/ܡܘܬܢܐ#3#/ ܕܡܢ ܫܠܝ܂ ܡܐ ܕܩܪܒܘ ܒܢ̈ܝ ܐܝܣܪܐܝܠ ܠܩܘܕܫܐ܂
08:20 ܘܥܒܕܘ ܡܘܫܐ ܘܐܗܪܘܢ ܘܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ ܠܠܘ̈ܝܐ܂ ܐܝܟ ܕܦܩܕ ܡܪܝܐ ܠܡܘܫܐ ܥܠ ܠܘ̈ܝܐ܂ ܗܟܢܐ ܥܒܕܘ ܠܗܘܢ ܒܢ̈ܝ ܐܝܣܪܝܠ܂
08:21 ܘܐܬܕܟܝܘ ܠܘ̈ܝܐ ܘܚܠܠܘ ܡܐ̈ܢܝܗܘܢ܂ ܘܦܪܫ ܐܢܘܢ ܐܗܪܘܢ ܠܠܘ̈ܝܐ ܦܘܪܫܢܐ ܩܕܡ ܡܪܝܐ܂ ܘܚܣܝ ܥܠܝܗܘܢ ܐܗܪܘܢ ܘܕܟܝ ܐܢܘܢ܂
08:22 ܘܒܬܪܟܢ ܥܠܘ ܠܘ̈ܝܐ ܠܡܦܠܚ ܦܘܠܚܢܗܘܢ ܒܡܫܟܢ ܙܒܢܐ܂ ܩܕܡ ܐܗܪܘܢ ܘܩܕܡ ܒܢ̈ܘܗܝ܂ ܘܐܝܟ/ܘܐܝܟܢܐ#3#/ ܕܦܩܕ ܡܪܝܐ ܠܡܘܫܐ ܥܠ ܠܘ̈ܝܐ܂ ܗܟܢܐ ܥܒܕܘ ܠܗܘܢ ܒܢ̈ܝ ܐܝܣܪܝܠ܂
08:23 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
08:24 ܗܢܐ ܢܗܘܐ ‍<‍ܠܟܘܢ#3#‍>‍ ܢܡܘܣܐ ܕܠܘ̈ܝܐ/ܠܠܘ̈ܝܐ#3#/܂ ܡܢ ܒܪ ܥܣܪ̈ܝܢ ܘܚܡܫ ܫ̈ܢܝܢ ܘܠܥܠ܂ ܢܐܬܐ ܠܡܬܚܝܠܘ ܒܚܝܠܐ ܒܦܘܠܚܢܐ ܕܡܫܟܢܙܒܢܐ܂
08:25 ܘܡܢ ܒܪ/ܒܬܪ#3#/ ܚܡܫܝܢ ܫ̈ܢܝܢ܂ ܢܗܦܘܟ ܡܢ ܚܝܠܐ ܕܦܘܠܚܢܐ܂ ܘܬܘܒ ܠܐ ܢܦܠܘܚ܂
08:26 ܘܢܫܡܫ/ܘܢܫܡܥ#3#/ ܠܐܚ̈ܘܗܝ ܒܡܫܟܢܙܒܢܐ܂ ܠܡܛܪ ܡܛܪܬܐ ܘܥܒܕܐ ܠܐ ܢܥܒܕ܂ ܗܟܢܐ ܥܒܕ ܠܠܘ̈ܝܐ ܒܡܛܪܬܗܘܢ܂

next chapter