← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


10:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
10:02 ܥܒܕ ܠܟ ܬܪ̈ܬܝܢ ܩܪ̈ܢܬܐ ܕܣܐܡܐ܂ ܕܢܣܟܬܐ ܥܒܕ ܐ̈ܢܝܢ܂ ܘܢܗ̈ܘܝܢ ܠܟ ܠܡܩܪܐ ܟܢܘܫܬܐ܂ ܘܠܡܫܩܠܘ ܡܫܪ̈ܝܬܐ܂
10:03 ܘܢܩܪܘܢ ܒܗܝܢ܂ ܘܢܬܘܥܕܘܢ ܠܘܬܟ ܟܘܠܗ݀ ܟܢܘܫܬܐ ܠܬܪܥܐ ܕܡܫܟܢܙܒܢܐ܂
10:04 ܘܐܢ ܒܚܕܐ ܢܩܪܘܢ܂ ܢܬܘܥܕܘܢ ܠܘܬܟ ܪ̈ܘܪܒܢܐ ܘܪ̈ܫܝ ܐ̈ܠܦܐ ܕܐܝܣܪܝܠ܂
10:05 ܘܢܝܒܒܘܢ ܒܩܪܢܐ܂ ܘܢܫ̈ܩܠܢ ܡܫܪ̈ܝܬܐ ܕܫܪ̈ܝܢ ܡܢ ܡܕܢܚܐ܂
10:06 ܘܢܝܒܒܘܢ ܒܩܪܢܐ ܕܬܪ̈ܬܝܢ܂ ܘܢܫ̈ܩܠܢ ܡܫܪ̈ܝܬܐ܂ ܕܫܪ̈ܝܢ ܡܢ ܬܝܡܢܐ܂ ܒܩܪܢܐ/ܒܝܘܒܒܐ#3#/ ܢܩܪܘܢ ܒܡܫ̈ܩܠܢܝܗܘܢ܂
10:07 ܘܡܐ ܕܟܢܫܝܢ ܐܢܬܘܢ ܟܢܘܫܝܐ܂ ܗܘܝܬܘܢ ܩ݁ܪܝܢ ܘܠܐ ܡܝܒܒܝܢ܂
10:08 ܘܒܢ̈ܝ ܐܗܪܘܢ ܟܗܢܐ܂ ܢܩܪܘܢ ܒܩܪ̈ܢܬܐ܂ ܘܢܗ̈ܘܝܢ ܠܟܘܢ ܢܡܘܣܐ ܠܥܠܡ ܠܕܪ̈ܝܟܘܢ/ܠܥܠܡ#3#/܂
10:09 ܘܐܢ ܢܐܬܐ ܩܪܒܐ ܠܐܪܥܟܘܢ ܥܠ ܐ̈ܠܘܨܐ ܕܐ݁ܠܨܝܢ ܠܟܘܢ܂ ܝܒܒܘ ܒܩܪ̈ܢܬܐ/ܒܡܫܪܝܬܐ#3#/܂ ܘܬܬܕܟܪܘܢ ܩܕܡ ܡܪܝܐ ܐܠܗܟܘܢ ܘܬܬܦܨܘܢ ܡܢ ܒ̈ܥܠܕܒܒܝܟܘܢ܂
10:10 ܘܒܝܘܡܐ ܕܚܕܘܬܟܘܢ ܘܕܥܕܥ̈ܐܕܝܟܘܢ ܘܕܪܝܫ ܝܪ̈ܚܝܟܘܢ܂ ܩܪܘ ܒܩܪ̈ܢܬܐ ܥܠ ܝܩ̈ܕܝܟܘܢ ܘܥܠ ܕܒܚܝ̈ܟܘܢ ܫ̈ܠܡܐ܂ ܘܢܗ̈ܘܝܢ ܠܟܘܢ ܠܕܘܟܪܢܐ ܩܕܡ ‍<‍ܡܪܝܐ#3#‍>‍ ܐܠܗܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
10:11 ܘܗܘܐ ܒܫܢܬ ܬܪ̈ܬܝܢ ܒܥܣܪܬܐ ܒܝܪܚܐ ܕܬܪ̈ܝܢ܂ ܣܠܩܬ ܥܢܢܐ ܡܢ ‍<‍ܥܠܘܗܝ#3#‍>‍ ܡܫܟܢܐ ܕܣܗܕܘܬܐ܂
10:12 \ܘܫܩܠܘ ܒܢ̈ܝ ܐܝܣܪܐܝܠ ܒܡܫ̈ܩܠܢܝܗܘܢ /ܘܫܩܠܘ ܠܗܘܢ#3#/ ܡܢ ܡܕܒܪܐ ܕܣܝܢܝ܂ ܘܫܪܬ ܥܢܢܐ ܒܡܕܒܪܐ ܕܦܪܢ܂
10:13 ܘܫܩܠܘ ܒܩܕܡܝܬܐ܂ ܒܡܠܬ ܦܘܡܗ ܕܡܪܝܐ ܒܐܝܕܐ ܕܡܘܫܐ܂
10:14 ܘܫܩܠܘ ܠܘܩܕܡ ܛܘܠܩܐ ܕܡܫܪܝܬܐ \ܕܒܢ̈ܝ ܝܗܘܕܐ /ܕܝܗܘܕܐ#3#/ܕܝܗ̈ܘܕܝܐ#3#/ ܠܚܝܠܗܘܢ/ܘܚܝܠܗܘܢ#3#/܂ ܘܪܒ ܚܝܠܐ ܢܚܫܘܢ ܒܪ ܥܡܝܢܕܒ܂
10:15 ܘܪܒ ܚܝܠܐ ܕܫܒܛܐ ܕܒܢ̈ܝ ܐܝܣܟܪ ܢܬܢܝܐܝܠ ܒܪ ܨܘܥܪ܂
10:16 ܘܪܒ ܚܝܠܐ ܕܫܒܛܐ ܕܒܢ̈ܝ ܙܒܘܠܘܢ ܐܠܝܒ ܒܪ ܚܠܘܢ܂
10:17 ܘܐܚܬܘܗܝ ܠܡܫܟܢܐ܂ ܘܫܩܠܘ ܒܢ̈ܝ ܓܪܫܘܢ ܘܒܢ̈ܝ ܡܪܪܝ܂ ܫ̈ܩܠܝ ܡܫܟܢܐ܂
10:18 ܘܫܩܠܘ ܛܘܠܩܐ ܕܡܫܪܝܬܐ ܕܪܘܒܝܠ܂ ܘܚܝܠܗܘܢ/ܠܚܝܠܗܘܢ#3#/܂ ܘܪܒ ܚܝܠܐ ܐܠܝܨܘܪ ܒܪ ܫܕܐܘܪ܂
10:19 ܘܪܒ ܚܝܠܐ ܕܫܒܛܐ ܕܒܢ̈ܝ ܫܡܥܘܢ܂ ܫܠܡܘܐܝܠ ܒܪ ܨܘܪܝܫܕܝ܂
10:20 ܘܪܒ ܚܝܠܐ ܕܫܒܛܐ ܕܒܢ̈ܝ ܓܕ ܐܠܝܐܣܦ ܒܪ ܪܥܘܐܝܠ܂
10:21 ܘܫ݁ܩܠܝܢ ܒܢ̈ܝ ܩܗܬ ܫ̈ܩܠܝ ܡܫܟܢܐ܂ ܘܡܩܝܡܝܢ ܠܗ ܠܡܫܟܢܐ ܥܕ ܐ݁ܬܝܢ܂
10:22 ܘܫܩܠ ܛܘܠܩܐ ܕܡܫܪܝܬܐ ܕܐܦܪܝܡ/ܕܒܢ̈ܝ ܐܦܪܝܡ#3#/ ܠܚܝܠܗܘܢ܂ ܘܪܒ ܚܝܠܐ ܐܠܝܫܡܥ ܒܪ ܥܡܝܗܘܕ܂
10:23 ܘܪܒ ܚܝܠܐ ܕܫܒܛܐ ܕܡܢܫܐ܂ ܓܡܠܝܐܝܠ ܒܪ ܦܪܨܘܪ܂
10:24 ܘܪܒ ܚܝܠܐ ܕܫܒܛܐ ܕܒܢܝܡܝܢ܂ ܐܒܝܕܢ ܒܪ ܓܕܥܘܢܝ܂
10:25 ܘܫܩܠ ܛܘܠܩܐ ܕܡܫܪܝܬܐ ܕܒܢ̈ܝ ܕܢ܂ ܘܡܟܢܫ ܠܟܠܗܝܢ ܡܫܪ̈ܝܬܐ܂ ܘܠܚܝܠܗܘܢ܂ ܘܪܒ ܚܝܠܐ ܕܫܒܛܐ ܕܒܢ̈ܝ ܕܢ܂ ܐܚܝܥܙܪ ܒܪ ܥܡܝܫܕܝ܂
10:26 ܘܪܒ ܚܝܠܐ ܕܫܒܛܐ ܕܐܫܝܪ܂ ܦܓܥܐܝܠ ܒܪ ܥܟܪܢ܂
10:27 ܘܪܒ ܚܝܠܐ ܕܫܒܛܐ ܕܢܦܬܠܝ/ܕܒܢ̈ܝ ܢܦܬܠܝ#3#/܂ ܐܚܝܕܥ ܒܪ ܥܝܢܢ܂
10:28 ܗܠܝܢ ܡܫ̈ܩܠܢܐ ܕܒܢ̈ܝ ܐܝܣܪܝܠ ܠܚܝ̈ܠܘܬܗܘܢ ‍<‍ܘܫܩܠܝܢ ܗܘܘ#3#‍>‍܂
10:29 ܘܐܡܪ ܡܘܫܐ ܠܚܘܒܒ ܒܪ ܪܥܘܐܝܠ ܡܕܝܢܝܐ ܚܡܘܗܝ ܕܡܘܫܐ܂ ܫ݁ܩܠܝܢܢ ܠܐܬܪܐ ܕܐܡܪ ܡܪܝܐ ܠܗ ܐܬܠ ܠܟܘܢ܂ ܬܐ ܥܡܢ ܘܢܛܐܒ ܠܟ܂ ܡܛܠ ܕܡܪܝܐ ܡܠܠ ܛܒܬܐ ܥܠ ܐܝܣܪܝܠ܂
10:30 ܘܐܡܪ ܠܗ ܠܐ ܐܙ݁ܠ ܐܢܐ܂ ܐܠܐ ܠܐܪܥܝ ܐܙ݁ܠ ܐܢܐ ܠܐܝܟܐ ܕܐܝܠܝܕ ܐܢܐ܂
10:31 ܐܡܪ ܠܗ ܡܘܫܐ܂ ܠܐ ܬܫܒܩܢ܂ ܡܛܠ ܕܐܢܬ ܝ݁ܕܥ ܐܢܬ ܒܝܬ ܡܫܪܝܢ ܕܒܡܕܒܪܐ܂ ܘܗ݀ܘܐ ܐܢܬ ܠܢ ܥܝ̈ܢܐ܂
10:32 ܘܐܢ ܬܐܙܠ ܥܡܢ܂ ܡܢ ܗ݀ܝ ܛܒܬܐ ܕܡܛܐܒ ܠܢ ܡܪܝܐ ܢܛܐܒ ‍<‍ܐܦ#3#‍>‍ ܠܟ܂
10:33 ܘܫܩܠܘ ܡܢ ܛܘܪܗ ܕܡܪܝܐ ܡܪܕܐ ܬܠܬܐ ܝܘܡ̈ܝܢ܂ ܘܩܒܘܬܐ ܕܩܝܡܗ ܕܡܪܝܐ/ܕܐܠܗܐ#3#/܂ ܫܩܠܬ ܡܢ ܩܕܡܝܗܘܢ ܡܪܕܐ \ܝܘܡܐ ܚܕ /ܬܠܬܐ ܝܘܡ̈ܝܢ#3#/܂ ܕܬܛܝܒ ܠܗܘܢ ܒܝܬ ܡܫܪܝܐ܂
10:34 ܘܥܢܢܗ ܕܡܪܝܐ ܠܥܠ ܡܢܗܘܢ ܒܐܝܡܡܐ ܡܐ ܕܫ݁ܩܠܝܢ ܡܢ ܡܫܪ̈ܝܬܐ܂
10:35 ܘܗܘܐ ܕܟܕ ܫܩܠܬ ܩܒܘܬܐ܂ ܐܡܪ ܡܘܫܐ܂ ܩܕܡ ܡܪܝܐ ܘܢܬܬܒܪܘܢ/ܘܢܬܒܕܪܘܢ#3#/ ܣܢܐ̈ܝܟ܂ ܘܢܥܪܩܘܢ ܒ̈ܥܠܕܒܒܝܟ ܡܢ ܩܕܡܝܟ܂
10:36 ܘܟܕ ܫܪܬ ܐܡܪ܂ ܐܬܦܢܝ ܡܪܝܐ ܥܠ ܪ̈ܒܘܬܐ ܘܥܠ ܐ̈ܠܦܐ ܕܐܝܣܪܝܠ܂

next chapter