The Comprehensive Aramaic Lexicon

11:01	ܘܟܕ ܪܛܢܘ ܗܘܘ ܥܡܐ ܐܬܒܐܫ ܩܕܡ ܡܪܝܐ ܘܫܡܥ ܡܪܝܐ ܘܐܬܚܡܬ ܪܘܓܙܗ܂ ܘܣܦܬ ܒܗܘܢ ܢܘܪܗ ܕܡܪܝܐ܂ ܘܐܟܠܬ ܒܚܕܪ̈ܝܗ݀ ܕܡܫܪܝܬܐ܂
11:02	ܘܓܥܘ ܥܡܐ ܥܠ ܡܘܫܐ܂ ܘܨܠܝ ܡܘܫܐ ܩܕܡ ܡܪܝܐ ܘܫܠܝܬ ܢܘܪܐ܂
11:03	ܘܩܪܐ ܫܡܗ ܕܐܬܪܐ ܗ݀ܘ ܝܩܕܢܐ܂ ܡܛܠ ܕܣܦܬ ܒܗܘܢ ܢܘܪܗ ܕܡܪܝܐ܂

11:04	ܘܚܠܘܛܐ ܕܐܝܬ ܗܘܘ ܒܝܢܬܗܘܢ܂ ܪܓܘ ܪܓܬܐ܂ ܘܗܦܟܘ ܐܒܟܝܘ ܐܦ ܠܒܢ̈ܝ ܐܝܣܪܝܠ ܘܐ݁ܡܪܝܢ܂ ܡ݁ܢ ܕܝܢ ܐܘܟܠܢ ܒܣܪܐ܂

11:05	ܐܬܕܟܪܢ ܢܘ̈ܢܐ ܕܐ݁ܟܠܝܢ ܗܘ̈ܝܢ ܒܡܨܪܝܢ ܡܓܢ܂ ܘܩ̈ܛܝܐ ܘܦ̈ܛܝܚܐ܂ ܘܟܪ̈ܬܐ ܘܒܨ̈ܠܐ ܘܬܘܡܐ܂
11:06	ܘܗܫܐ ܗܐ ܢܚܒܐ ܢܦܫܢ܂ ܘܠܝܬ ܡܕܡ ܐܠܐ ܐܢ ܗܢܐ ܡܢܢܐ ܕܩܕܡ ܥܝܢ̈ܝܢ܂
11:07	ܘܡܢܢܐ ܐܝܟ ܙܪܥܐ ܗܘܐ ܕܟܘܣܒܪܬܐ/ܕܟܘܙܒܪܬܐ#3#/܂ ܘܥܝܢܗ ܐܝܟ ܥܝܢܐ ܕܒܪܘܠܚܐ܂
11:08	ܘܡܬܟܪܟܝܢ ܥܡܐ ܘܠܩ݁ܛܝܢ ܠܗ܂ ܘܛܚ݁ܢܝܢ ܠܗ ܒܪܚܝܐ܂ ܐܘ ܕܩ݁ܝܢ ܠܗ ܒܡܕܟܬܐ܂ ܘܡܒܫܠܝܢ ܠܗ ܒܩܕܪܐ܂ ܘܥܒܕܝܢ ܡܢܗ ܪܥܦܐ܂ ܘܗ݀ܘܐ ܛܥܡܗ ܐܝܟ ܛܥܡܐ ܕܠܝܫ ܒܡܫܚܐ܂
11:09	ܘܡܐ ܕܢ݁ܚܬ ܛܠܐ ܥܠ ܡܫܪܝܬܐ ܒܠܠܝܐ܂ ܢ݁ܚܬ ܥܠܘܗܝ ܡܢܢܐ܂
11:10	ܘܫܡܥ ܡܘܫܐ ܠܥܡܐ ܟܕ ܒ݁ܟܝܢ ܒܫܪ̈ܒܬܗܘܢ܂ ܐܢܫ ܒܬܪܥ ܡܫܟܢܗ܂ ܘܐܬܚܡܬ ܪܘܓܙܗ ܕܡܪܝܐ܂ ܘܐܦ ܒܥܝ̈ܢܘܗܝ ܕܡܘܫܐ ܐܬܒܐܫ܂
11:11	ܘܐܡܪ ܡܘܫܐ ܠܡܪܝܐ܂ ܡܪܝ܂ ܠܡܢܐ ܐܒܐܫܬ ܠܥܒܕܟ܂ ܘܠܡܢܐ ܠܐ ܐܫܟ݁ܚܬ ܪ̈ܚܡܐ ܒܥܝܢ̈ܝܟ/ܩܕܡܝܟ#3#/܂ ܕܐܪܡܝܬܝܗܝ ܥܠܝ ܟܘܠܗ ܛܥܢܗ ܕܥܡܐ ܗܢܐ܂
11:12	ܕܠܡܐ ܐܢܐ ܒܛܢܬܗ ܠܗܢܐ ܟܘܠܗ ܥܡܐ܂ ܐܘ ܕܠܡܐ ܐܢܐ ܐܝܠܕܬܗ܂ ܕܐܡ݁ܪ ܐܢܬ ܠܝ ܫܩܠܝܗܝ ܒܥܘܒܟ܂ ܐܝܟ ܕܡܫܩܠ ܡܪܒܝܢܐ ܠܝܠܘܕܐ/ܝܠܘܕܐ#3#/܂ ܠܐܪܥܐ ܕܝܡܝܬ ܠܐ̈ܒܗܝܗܘܢ܂
11:13	ܐܝܡܟܐ ܠܝ ܒܣܪܐ ܕܐܬܠ ܠܗܢܐ ܟܠܗ ܥܡܐ ܕܒ݁ܟܝܢ ܥܠܝ ܘܐ݁ܡܪܝܢ܂ ܗܒ/ܕܗܒ#3#/ ܠܢ ܒܣܪܐ ܢܐܟܘܠ/ܕܢܐܟܘܠ#3#/܂
11:14	ܠܐ ܡܫܟܚ ܐܢܐ ܕܐܣܝܒܪ ܒܠܚܘܕܝ܂ ܠܗܢܐ ܟܠܗ ܥܡܐ ܡܛܠ ܕܥܫܝܢ ܗܘ ܡܢܝ܂
11:15	ܐܢ ܗܟܢܐ ܥ݁ܒܕ ܐܢܬ ܠܝ/ܥܡܝ#3#/܂ ܩܛܘܠܝܢܝ ܡܩܛܠ܂ ܐܢ ܐܫܟ݁ܚܬ ܪ̈ܚܡܐ ܒܥܝ̈ܢܝܟ܂ ܘܠܐ ܐܚܙܐ ܒܒܝܫܬܝ܂
11:16	ܘܐܡܪ ܡܪܝܐ ܠܡܘܫܐ܂ ܟܢܫ ܠܝ ܫܒܥܝܢ ܓܒܪ̈ܝܢ ܡܢ ܣܒ̈ܐ ܕܐܝܣܪܝܠ܂ ܐܝܠܝܢ/ܠܐܝܠܝܢ#3#/ ܕܝ݁ܕܥ ܐܢܬ ܕܗܢܘܢ/ܘܗܢܘܢ#3#/ ܐܢܘܢ ܪ̈ܫܘܗܝ ܕܥܡܐ ܘܣܦܪ̈ܘܗܝ/ܘܕܣܦܪ̈ܘܗܝ#3#/܂ ܘܕܒܪ ܐܢܘܢ ܠܡܫܟܢܙܒܢܐ܂ ܘܢܬܛܝܒܘܢ ܬܡܢ ܥܡܟ܂
11:17	ܘܐܚܘܬ ܘܐܡܠܠ ܥܡܟ ܬܡܢ܂ ܘܐܒܨܘܪ ܡܢ ܪܘܚܐ ܕܥܠܝܟ ܘܐܣܝܡ ܥܠܝܗܘܢ܂ ܘܢܫܩܠܘܢ ܥܡܟ ܒܛܥܢܗ ܕܥܡܐ ܗܢܐ܂ ܘܠܐ ܬܫܩܘܠ ܐܢܬ ܒܠܚܘܕܝܟ܂
11:18	ܘܐܡܪ ܡܘܫܐ ܠܥܡܐ܂ ܐܬܩܕܫܘ ܡܚܪ/ܠܡܚܪ#3#/ ܕܬܐܟܠܘܢ ܒܣܪܐ܂ ܡܛܠ ܕܒܟܝܬܘܢ ܩܕܡ ܡܪܝܐ ܘܐܡܪܬܘܢ܂ ܡ݁ܢ ܕܝܢ ܐܘܟܠܢ ܒܣܪܐ܂ ܡܛܠ ܕܛܒ ܗܘܐ ܠܢ ܒܡܨܪܝܢ܂ ܘܢܬܠ ܠܟܘܢ ܡܪܝܐ ܒܣܪܐ ܕܬܐܟܠܘܢ܂
11:19	ܠܐ ܚܕ ܝܘܡ ܬܐܟܠܘܢܗ܂ ܘܠܐ ܬܪ̈ܝܢ ܝܘܡ̈ܝܢ܂ ܘܠܐ ܚܡܫܐ ܝܘܡ̈ܝܢ܂ ܘܐܦ ܠܐ ܥܣܪܐ ܝܘܡ̈ܝܢ܂ ܘܠܐ ܥܣܪܐ ܝܘܡ̈ܝܢ܂
11:20	ܥܕܡܐ ܠܝܪܚ ܝܘܡ̈ܝܢ ܬܐܟܠܘܢܗ܂ ‍<‍ܐܠܐ#3#‍>‍ ܥܕܡܐ ܕܢܦܘܩ ‍<‍ܠܟܘܢ#3#‍>‍ ܡܢ ܢܚܝܪ̈ܝܟܘܢ܂ ܘܬܗܘܐ ܠܟܘܢ ܐܦܬܪܐ܂ ܥܠ ܕܐܣܠܝܬܘܢ ܠܡܪܝܐ ܕܒܟܘܢ܂ ܘܒܟܝܬܘܢ ܩܕܡ ܡܪܝܐ ܘܐܡܪܬܘܢ܂ ܠܡܢܐ ܓܝܪ ܢܦܩܢ ܡܢ ܡܨܪܝܢ܂
11:21	ܘܐܡܪ ܡܘܫܐ ܩܕܡ ܡܪܝܐ܂ ܫܬܡܐܐ ܐ̈ܠܦܝܢ ܓܒܪ̈ܐ ܪ̈ܓܠܝܐ܂ ܥܡܐ ܕܐܢܐ ܒܝܢܬܗܘܢ܂ ܘܐܢܬ ܐܡܪܬ ܕܒܣܪܐ ܐܬܠ ܠܗܘܢ܂ ܘܢܐܟܠܘܢ ܝܪܚ ܝܘܡ̈ܝܢ܂
11:22	ܐܢ ܥܢܐ ܘܬܘܪ̈ܐ ܡܬܢܟܣܝܢ ܠܗܘܢ܂ ܡܢܐ ܥ݁ܒܕܝܢ ܠܗܘܢ܂ ܘܐܢ ܟܠܗܘܢ ܢܘ̈ܢܐ ܕܝܡܐ ܡܬܬܨܝܕܝܢ ܠܗܘܢ܂ ܠܐܝܟܐ ܡܡܠܝܢ ܠܗܘܢ܂
11:23	ܘܐܡܪ ܡܪܝܐ ܠܡܘܫܐ܂ ܐܝܕܗ ܕܡܪܝܐ ܡܡܠܝܐ܂ ܗܫܐ ܬܚܙܐ ܐܢ ܗܘܝܐ ܡܠܬܝ ܐܘ ܠܐ܂
11:24	ܘܢܦܩ ܡܘܫܐ ܘܐܡܪ ܠܥܡܐ ܦܬܓܡ̈ܘܗܝ ܕܡܪܝܐ܂ ܘܟܢܫ ܫܒܥܝܢ ܓܒܪ̈ܝܢ ܡܢ ܣ̈ܒܐ ܕܥܡܐ/ܕܐܝܣܪܝܠ#3#/܂ ܘܐܩܝܡ ܐܢܘܢ ܚܕܪ̈ܘܗܝ ܕܡܫܟܢܐ܂
11:25	ܘܢܚܬ ܡܪܝܐ ܒܥܢܢܐ \ܘܡܠܠ ܥܡܗ /ܘܩܡ ܥܡܗ ܬܡܢ#3#/܂ ܘܒܨܪ ܡܢ ܪܘܚܐ ܕܥܠܘܗܝ܂ ܘܝܗܒ ܥܠ ܫܒܥܝܢ ܓܒܪ̈ܝܢ ܣ̈ܒܐ܂ ܘܟܕ ܫܪܬ/ܫܪܝܬ#3#/ ܥܠܝܗܘܢ ܪܘܚܐ܂ ܐܬܢܒܝܘ ܘܠܐ ܐܘܣܦܘ܂
11:26	ܘܐܫܬܚܪܘ ܬܪ̈ܝܢ ܓܒܪ̈ܝܢ ܒܡܫܪܝܬܐ܂ ܫܡܗ ܕܚܕ ܐܠܕܕ܂ ܘܫܡܗ ܕܐܚܪܢܐ ܡܝܕܕ ܘܫܪܬ/ܘܫܪܝܬ#3#/ ܥܠܝܗܘܢ ܪܘܚܐ܂ ܘܐܦ ܗܢܘܢ ܟܬܝܒܝܢ ܗܘܘ ܘܠܐ ܐܬܘ ܠܡܫܟܢܐ܂ ܘܐܬܢܒܝܘ ܒܡܫܪܝܬܐ܂
11:27	ܘܪܗܛ ܥܠܝܡܐ܂ ܘܚܘܝ ܠܡܘܫܐ ܘܐܡܪ ܠܗ܂ ܐܠܕܕ ܘܡܝܕܕ ܗܐ ܡܬܢܒܝܢ ܒܡܫܪܝܬܐ܂
11:28	ܘܥܢܐ ܗܘܫܥ/ܝܫܘܥ#3#/ ܒܪܢܘܢ ܡܫܡܫܢܗ ܕܡܘܫܐ ܡܢ ܛܠܝܘܬܗ ܘܐܡܪ ܠܗ܂ ܡܪܝ ܡܘܫܐ ܟܠܝ ܐܢܘܢ܂
11:29	ܐܡܪ ܠܗ ܡܘܫܐ܂ ܠܐ ܬܛܢܢܝ܂ ܡ݁ܢ ܕܝܢ ܥܒܕ ܟܠܗ ܥܡܗ ܕܡܪܝܐ ܢܒ̈ܝܐ܂ ܡܛܠ ܕܝܗܒ ܡܪܝܐ ܪܘܚܗ ܥܠܝܗܘܢ܂
11:30	ܘܥܠ ܡܘܫܐ ܠܡܫܪܝܬܐ܂ ܗܘ ܘܣ̈ܒܐ ܕܐܝܣܪܝܠ܂
11:31	ܘܪܘܚܐ ܫܩܠܬ ܡܢ ܩܕܡ ܡܪܝܐ܂ ܘܐܣܩܬ ܣܠܘܝ ܡܢ ܝܡܐ ܘܐܪܡܝܬ ܥܠ ܡܫܪܝܬܐ܂ ܡܪܕܐ ܝܘܡܐ ܠܟܐ ܘܡܪܕܐ ܝܘܡܐ ܠܟܐ ܚܕܪ̈ܝܗ݀ ܕܡܫܪܝܬܐ܂ ܘܐܝܟ ܬܪ̈ܬܝܢ ܐ̈ܡܝܢ ܥܠ ܐ̈ܦܝ ܐܪܥܐ܂
11:32	ܘܩܡ ܥܡܐ ܟܠܗ ܐܝܡܡܐ ܗ݀ܘ ܘܟܠܗ ܠܠܝܐ ܘܟܠܗ ܐܝܡܡܐ ܕܒܬܪܗ܂ ܘܟܢܫܘܗ݀ ܠܣܠܘܝ܂ ܐܝܢܐ ܕܐܙܥܪ ܟܢܫ ܥܣܪ̈ܐ ܟܪ̈ܘܢ܂ ܘܫܛܚܘ ܠܗܘܢ ܡܫ̈ܛܚܐ܂ ܚܕܪ̈ܝܗ݀ ܕܡܫܪܝܬܐ܂
11:33	ܒܣܪܐ ܥܕܟܝܠ ܒܝܬ ܫ̈ܢܝܗܘܢ܂ ܘܥܕܠܐ ܥܒܪ܂ ܬܩܦ ܪܘܓܙܗ ܕܡܪܝܐ ܥܠ ܥܡܐ܂ ܘܡܚܐ ܡܪܝܐ ܠܥܡܐ/ܒܥܡܐ#3#/ ܡܚܘܬܐ ܕܛܒ ܪܒܐ܂
11:34	ܘܩܪܐ ܫܡܗ ܕܐܬܪܐ ܗ݀ܘ ܩܒܪ̈ܐ ܕܪܓܬܐ܂ ܡܛܠ ܕܬܡܢ ܩܒܪܘ ܠܥܡܐ ܕܪܓܘ ܪܓܬܐ܂
11:35	ܘܡܢ ܩܒܪ̈ܐ ܕܪܓܬܐ ܫܩܠܘ ܥܡܐ ܠܚܨܪܘܬ܂ \ܘܗܘܘ /ܘܗܘܐ ܥܡܐ#3#/ ܒܚܨܪܘܬ܂