← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


15:01 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
15:02 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܡܐ ܕܥܠܬܘܢ ܠܐܪܥܐ ܕܒܝܬ ܡܥܡܪܟܘܢ ܕܝ݁ܗܒ ܐܢܐ ܠܟܘܢ ܝܘܪܬܢܐ܂
15:03 ܩܪܒܘ ܩܘܪܒܢܐ ܠܡܪܝܐ ܥܠܬܐ ܐܘ ܕܒܚܐ܂ ܦܪܘܫܘ ܢܕܪܐ ܐܘ ܦܘܪܫܢܐ܂ ܐܘ ܒܥܕܥܐ̈ܕܝܟܘܢ ܘܥܒܕܘ ܪܝܚܐ ܕܢܝܚܐ/ܕܣܘܬܐ#3#/ ܠܡܪܝܐ܂ ܡܢ ܬܘܪ̈ܐ ܘܡܢ ܥܢܐ/ܥ̈ܙܐ#3#/܂
15:04 ܘܢܩܪܒ ܗ݀ܘ ܕܡܩܪܒ ܩܘܪܒܢܗ ܠܡܪܝܐ/ܕܡܪܝܐ#3#/܂ ܣܡܝܕܐ ܢܫܝܦܐ ܥܣܪܘܢܐ ܕܦܝܠ ܒܪܘܒܥܗ ܕܗܡܝܢܐ ܕܡܫܚܐ܂
15:05 ܘܚܡܪܐ ܠܢܘܩܝܐ ܪܘܒܥܗ ܕܗܡܝܢܐ܂ ܩܪܒ ܥܠ ܥܠܬܐ܂ ܐܘ ܠܕܒܚܐ/ܥܠ ܕܒܚܐ#3#/ ܕܐܡܪܐ/ܠܐܡܪܐ#3#/ ܚܕ܂
15:06 \ܐܘ ܠܕܟܪܐ /ܘܠܕܟܪܐ#3#/ ܚܕ ܥܒܕܘ ܩܘܪܒܢܐ ܢܫܝܦܐ܂ ܬܪ̈ܝܢ ܥܣܪ̈ܘܢܝܢ ܕܦܝܠܝܢ ܒܡܫܚܐ ܬܘܠܬܗ ܕܗܡܝܢܐ܂
15:07 ܘܚܡܪܐ ܠܢܘܩܝܐ ܬܘܠܬܗ ܕܗܡܝܢܐ܂ ܩܪܒܘ ܪܝܚܐ ܕܣܘܬܐ ܠܡܪܝܐ܂
15:08 ܘܐܢ ܡܩܪܒ ܐܢܬ ܒܪ ܒܩܪܐ ܝܩܕܐ ܫܠܡܐ ‍<‍ܠܡܪܝܐ#3#‍>‍ ܐܘ ܕܒܚܐ܂ ܠܡܦܪܫ ܢܕܪܐ/ܝܩܕܐ#3#/ ܐܘ ܫܠܡܐ ܠܡܪܝܐ܂
15:09 ܩܪܒ ܥܠ ܒܪ ܒܩܪܐ ܩܘܪܒܢܐ ܢܫܝܦܐ܂ ܬܠܬܐ ܥܣܪ̈ܘܢܝܢ ܕܦܝܠܝܢ ܒܡܫܚܐ܂ ܦܠܓܗ ܕܗܡܝܢܐ܂
15:10 ܘܚܡܪܐ ܩܪܒ ܠܢܘܩܝܐ ܦܠܓܗ ܕܗܡܝܢܐ܂ ܩܘܪܒܢܐ ܠܪܝܚܐ/ܕܪܝܚܐ#3#/ ܕܢܝܚܐ/ܕܣܘܬܐ#3#/ ܠܡܪܝܐ܂
15:11 ܗܟܢܐ ܥܒܕܘ ܠܬܘܪܐ ܚܕ ܘܠܕܟܪܐ ܚܕ ܐܘ ܠܐܡܪܐ ‍<‍ܚܕ#3#‍>‍ ܡܢ ܐܡܪ̈ܐ܂ ܐܘ ܡܢ ܥ̈ܙܐ܂
15:12 ܐܝܟ ܡܢܝܢܐ ܕܥ݁ܒܕܝܢ ܐܢܬܘܢ ܗܟܢܐ ܥܒܕܘ ܠܚܕ ܚܕ ܒܡܢܝܢܗܘܢ܂
15:13 ܟܠܗܘܢ ܕܒܝܬ ܐܝܣܪܝܠ ܢܥܒܕܘܢ ܗܠܝܢ ܗܟܢܐ ܘܢܩܪܒܘܢ ܩܘܪܒܢܐ ܠܪܝܚܐ ܕܣܘܬܐ ܠܡܪܝܐ܂
15:14 ܘܐܢ ܢܥܡܪ ܥܡܟܘܢ ܐܝܢܐ ܕܡܬܦܢܐ ܠܘܬܝ ܐܘ ܒܝܢܬܟܘܢ/ܕܒܝܢܬܟܘܢ#3#/ ܠܕܪ̈ܝܟܘܢ܂ ܘܢܥܒܕ ܩܘܪܒܢܐ ܕܪܝܚܐ ܕܣܘܬܐ ܠܡܪܝܐ܂ ܐܝܟ ܕܥ݁ܒܕܝܢ ܐܢܬܘܢ ܗܟܢܐ ܢܥܒܕ܂
15:15 ܢܡܘܣܐ ܚܕ ܢܗܘܐ ܠܟܘܢ܂ ܘܠܐܝܢܐ ܕܡܬܦܢܐ ܠܘܬܝ ܕܥ݁ܡܪ ܥܡܟܘܢ܂ ܢܡܘܣܐ ܠܥܠܡ ܠܕܪ̈ܟܘܢ܂ ܐܝܢܐ ܕܡܬܦܢܐ ܠܘܬܝ܂ ܐܟܘܬܟܘܢ ܢܗܘܐ ܩܕܡ ܡܪܝܐ܂
15:16 ܢܡܘܣܐ ܚܕ ܘܕܝܢܐ ܚܕ ܢܗܘܐ ܠܟܘܢ܂ ܘܠܐܝܠܝܢ ܕܡܬܦܢܝܢ ܠܘܬܝ ܕܥ݁ܡܪܝܢ ܥܡܟܘܢ/ܒܝܢܬܟܘܢ#3#/܂
15:17 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
15:18 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܡܐ ܕܥܠܬܘܢ ܠܐܪܥܐ \ܕܡܥܠ ܐܢܐ ܠܟܘܢ ܠܬܡܢ /ܕܝܗܒ ܐܢܐ ܠܟܘܢ ܠܡܐܪܬܗ#3#/܂
15:19 ܡܐ ܕܐܟܠܝܢ ܐܢܬܘܢ ܡܢ ܠܚܡܐ ܕܐܪܥܐ܂ ܦܪܘܫܘ ܦܘܪܫܢܐ ܠܡܪܝܐ܂
15:20 ܡܢ ܪܝܫ ܐܨ̈ܘܬܟܘܢ܂ ܚܚܘܪܬܐ/ܚܚܪ̈ܬܐ#3#/ ܦܪܘܫܘ ܦܘܪܫܢܐ ܠܡܪܝܐ܂ ܐܝܟ ܦܘܪܫܢܐ ܕܐܕܪܐ܂ ܗܟܢܐ ܦܘܪܫܘܗ݀/ܦܪܘܫܘ#3#/ ‍<‍ܠܡܪܝܐ#3#‍>‍܂
15:21 ܪܝܫ ܐܨ̈ܘܬܟܘܢ ܗܒܘ ܦܘܪܫܢܐ ܠܡܪܝܐ ܠܕܪ̈ܝܟܘܢ܂
15:22 ܘܐܢ ܬܛܥܘܢ ܘܠܐ ܬܥܒܕܘܢ ܗܠܝܢ ܟܠܗܘܢ ܦܘܩ̈ܕܢܐ ܕܡܠܠ ܡܪܝܐ ܥܡ ܡܘܫܐ܂
15:23 ܟܠܡܕܡ ܕܦܩܕ ܡܪܝܐ ܠܘܬܟܘܢ ܒܐܝܕܐ ܕܡܘܫܐ܂ ܡܢ ܝܘܡܐ ܕܦܩܕ ܡܪܝܐ ܘܠܗܠ ܠܕܪ̈ܝܟܘܢ܂
15:24 ܘܐܢ ܡܢ ܩܕܡ ܥܝ̈ܢܝܗ݀ ܕܟܢܘܫܬܐ ܐܬܥܒܕܬ ܛܘܥܝܝ܂ ܢܩܪܒܘܢ ܟܠܗ݀ ܟܢܘܫܬܐ ܬܘܪܐ ܚܕ ܒܪ ܒܩܪܐ܂ ܠܥܠܬܐ ܠܪܝܚܐ ܕܣܘܬܐ ܠܡܪܝܐ܂ ܘܣܡܝܕܗ ܘܢܘܩܝܗ܂ ܐܝܟ ܙܕܩܗ܂ ܘܨܦܪܝܐ ܚܕ ܕܥ̈ܙܐ ܠܚܛܗܐ܂
15:25 ܘܢܚܣܐ ܟܗܢܐ ܥܠ ܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ܂ ܘܢܫܬܒܩ ܠܗܘܢ܂ ܡܛܠ ܕܛܘܥܝܝ ܗܝ܂ ܘܗܢܘܢ ܐܝܬܝܘ ܩܘܪ̈ܒܢܝܗܘܢ ܩܘܪܒܢܐ ܠܡܪܝܐ܂ ܘܕܚܠܦ ܚ̈ܛܗܝܗܘܢ ܩܘܪܒܢܐ ܠܡܪܝܐ܂ ܥܠ ܣܟ̈ܠܘܬܗܘܢ܂
15:26 ܘܢܫܬܒܩ ܠܗܘܢ ܠܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ܂ ܘܠܐܝܠܝܢ ܕܡܬܦܢܝܢ ܠܘܬܝ ܕܥ݁ܡܪܝܢ ܒܐܝܣܪܝܠ܂ ܡܛܠ ܕܕܟܠܗ ܗܝ ܥܡܐ ܛܘܥܝܝ܂
15:27 ܘܐܢ ܢܦܫܐ ܚܕܐ ܬܚܛܐ ܒܛܘܥܝܝ ܬܩܪܒ ܥܙܐ ‍<‍ܚܕ#3#‍>‍ ܒܪܬ ܫܢܬܐ ܚܠܦ ܚܛܗܐ܂
15:28 ܘܢܚܣܐ ܟܗܢܐ ܥܠ ܢܦܫܐ ܕܚܛܬ ܒܚܛܗܐ ܕܛܘܥܝܝ/ܒܛܘܥܝܝ#3#/ ܩܕܡ ܡܪܝܐ܂ ܘܢܬܚܣܐ ܥܠܘܗܝ ܘܢܫܬܒܩ ܠܗ܂
15:29 ܘܠܒܢ̈ܝ ܐܝܣܪܝܠ ܘܠܐܝܠܝܢ ܕܡܬܦܢܝܢ ܠܘܬܝ ܕܥ݁ܡܪܝܢ ܒܝܢܬܟܘܢ/ܠܘܬܝ#3#/܂ ܢܡܘܣܐ ܚܕ ܢܗܘܐ ܠܟܘܢ ܠܡ݁ܢ ܕܥ݁ܒܕ/ܕܥܒܪ#3#/ ܒܛܘܥܝܝ܂
15:30 ܘܢܦܫܐ ܕܬܥܒܕ ܒܐܝܕܐ ܪܡܬܐ܂ ܡܢܟܘܢ ܘܡܢ ܐܝܠܝܢ ܕܡܬܦܢܝܢ ܠܘܬܝ܂ ܩܕܡ ܡܪܝܐ ܓܕܦ܂ ܬܐܒܕ ܢܦܫܐ ܗ݀ܝ ܡܢ ܥܡܗ݀܂
15:31 ܡܛܠ ܕܫܛ ܦܬܓܡ̈ܘܗܝ ܕܡܪܝܐ ܘܠܦܘܩ̈ܕܢܘܗܝ ܒܛܠ܂ ܬܐܒܕ ܢܦܫܐ ܗܝ ‍<‍ܡܢ ܥܡܗ#3#‍>‍ ܘܥܘܠܗ݀ ܥܠܝܗ݀܂
15:32 ܘܗܘܘ ܒܢ̈ܝ ܐܝܣܪܝܠ ܒܡܕܒܪܐ܂ ܘܐܫܟܚܘ ܓܒܪܐ ܚܕ ܟܕ ܠܩ݁ܛ ܩܝ̈ܣܐ ܒܝܘܡܐ ܕܫܒܬܐ܂
15:33 ܘܩܪܒܘܗܝ ܗ݀ܢܘܢ ܕܐܫܟܚܘܗܝ ܟܕ ܠܩ݁ܛ ܩܝ̈ܣܐ ܠܘܬ ܡܘܫܐ ܘܠܘܬ ܐܗܪܘܢ ܘܠܘܬ ܟܠܗ݀ ܟܢܘܫܬܐ܂
15:34 ܘܚܒܫܘܗܝ ܒܝܬ ܢܛܘܪܬܐ܂ ܡܛܠ ܕܠܐ ܥܕܟܝܠ ܐܬܦܫܩ ܡܢܐ ܢܬܥܒܕ ܠܗ܂
15:35 ܘܐܡܪ ܡܪܝܐ ܠܡܘܫܐ܂ ܡܬܩܛܠܘ ܢܬܩܛܠ ܓܒܪܐ܂ ܡܪܓܡ ܢܪܓܡܘܢܗ ܟܠܗ݀ ܟܢܘܫܬܐ܂ ܒܟܐ̈ܦܐ ܠܒܪ ܡܢ ܡܫܪܝܬܐ܂
15:36 ܘܐܦܩܘܗܝ ܟܠܗ݀ ܟܢܘܫܬܐ ܠܒܪ ܡܢ ܡܫܪܝܬܐ܂ ܘܪܓܡܘܗܝ ܒܟܐ̈ܦܐ ܘܡܝܬ܂ ܐܝܟ ܕܦܩܕ ܡܪܝܐ ܠܡܘܫܐ܂
15:37 \ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ /ܘܐܡܪ ܡܪܝܐ ܠܡܘܫܐ#3#/܂
15:38 ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܘܢܥܒܕܘܢ ܠܗܘܢ ܨܘܨ̈ܝܬܐ ܥܠ ܟܢ̈ܦܐ ܕܡܪ̈ܛܘܛܝܗܘܢ ܠܕܪ̈ܝܗܘܢ܂ ܘܢܥܒܕܘܢ ܒܨܘܨ̈ܝܬܐ ܕܟܢ̈ܦܝܗܘܢ ܚܘܛܐ ܕܬܟܠܬܐ܂
15:39 ܘܢܗ̈ܘܝܢ ܠܟܘܢ ܨ̈ܘܨܝܬܐ ܕܬܚܙܘܢ ܐܢܝ̈ܢ ܘܬܬܕܟܪܘܢ ܟܠܗܘܢ ܦܘܩ̈ܕܢܘܗܝ ܕܡܪܝܐ ܐܠܗܟܘܢ ܘܬܥܒܕܘܢ ܐܢܘܢ܂ ܘܠܐ ܬܛܥܘܢ ܒܬܪ ܠܒܝ̈ܟܘܢ ܘܒܬܪ ܪ̈ܥܝܢܝܟܘܢ ܕܛ݁ܥܝܢ ܐܢܬܘܢ ܒܬܪܗܘܢ܂
15:40 ܘܬܬܕܟܪܘܢ ܘܬܥܒܕܘܢ ܟܠܗܘܢ ܦܘܩ̈ܕܢܝ܂ ܘܬܗܘܘܢ ܩܕܝܫ̈ܝܢ ܠܐܠܗܟܘܢ܂
15:41 ܐܢܐ ܐܢܐ ܡܪܝܐ ܐܠܗܟܘܢ ܕܐܦܩ݁ܬܟܘܢ ܡܢ ܐܪܥܐ ܕܡܨܪܝܢ܂ ܠܡܗܘܐ/ܕܐܗܘܐ#3#/ ܠܟܘܢ ܐܠܗܐ܂ ܐܢܐ ܐܢܐ ܡܪܝܐ ܐܠܗܟܘܢ܂

next chapter