← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


18:01 ܘܐܡܪ ܡܪܝܐ ܠܐܗܪܘܢ܂ ܐܢܬ ܘܒ̈ܢܝܟ ܘܒܝܬ ܐܒܘܟ ܥܡܟ܂ ܫܩܘܠܘ ܥܘܠܗ ܕܡܩܕܫܐ܂ ܘܐܢܬ ܘܒ̈ܢܝܟ ܥܡܟ܂ ܫܩܘܠܘ ܥܘܠܐ ܕܟܗܢܘܬܟܘܢ܂
18:02 ܘܐܦ ܐܚ̈ܝܟ ܫܒܛܐ ܕܠܘܝ ܫܒܛܐ ܕܐܒܘܟ ܬܩܪܒ ܥܡܟ܂ ܘܢܬܠܘܘܢ ܠܟ ܘܢܫܡܫܘܢܟ܂ ܘܐܢܬ ܘܒ̈ܢܝܟ ܥܡܟ ܩܕܡ ܡܫܟܢܐ/ܡܫܟܢܙܒܢܐ#3#/ ܕܣܗܕܘܬܐ܂
18:03 ܘܢܛܪܘܢ ܡܛܪܬܟ ܘܡܛܪܬܐ ܕܟܠܗ ܡܫܟܢܐ܂ ܒܪܡ ܠܡܐ̈ܢܝ ܩܘܕܫܐ ܘܠܡܐ̈ܢܝ ܡܕܒܚܐ܂ ܠܐ ܢܩܪܒܘܢ/ܢܬܩܪܒܘܢ#3#/ ܕܠܐ ܢܡܘܬܘܢ܂ ܐܦ ܗܢܘܢ ܘܐܦ ܐܢܬܘܢ܂
18:04 ܘܢܬܠܘܘܢ ܠܟ ܘܢܛܪܘܢ ܡܛܪܬܐ ܕܡܫܟܢܙܒܢܐ܂ ܘܕܟܠܗ ܦܘܠܚܢܐ ܕܡܫܟܢܐ ܘܢܘܟܪܝܐ ܠܐ ܢܬܩܪܒ ܠܘܬܟܘܢ܂
18:05 ܘܛܪܘ ܡܛܪܬܐ ܕܩܘܕܫܐ ܘܡܛܪܬܐ ܕܡܕܒܚܐ܂ ܘܬܘܒ ܠܐ ܢܗܘܐ ܪܘܓܙܐ ܥܠ ܒܢ̈ܝ ܐܝܣܪܝܠ܂
18:06 ܘܐܢܐ ܗܐ ܩܪܒ݁ܬ ܠܐܚܝ̈ܟܘܢ ܠܘ̈ܝܐ ܡܢ ܓܘ ܒܢ̈ܝ ܐܝܣܪܝܠ܂ ܡܘܗܒܬܐ ܝܗܝܒܝܢ ܠܡܪܝܐ܂ ܠܡܦܠܚ ܦܘܠܚܢܐ ܕܡܫܟܢܙܒܢܐ܂
18:07 ܘܐܢܬ ܘܒ̈ܢܝܟ ܥܡܟ܂ ܛܪܘ ܟܗܢܘܬܟܘܢ܂ ܘܟܠܗܘܢ ܐܣ̈ܟܡܘܗܝ ܕܡܕܒܚܐ܂ ܘܠܓܘ ܡܢ ܐ̈ܦܝ ܬܪܥܐ ܦܠܘܚܘ ܦܘܠܚܢܐ܂ ܡܘܗܒܬܐ ܕܝܗ݀ܒܬ ܠܟܗܢܘܬܟܘܢ܂ ܘܢܘܟܪܝܐ ܕܩ݁ܪܒ ܢܬܩܛܠ܂
18:08 ܘܐܡܪ ܡܪܝܐ ܠܐܗܪܘܢ܂ ܗܐ ܐܢܐ ܝܗ݀ܒܬ ܠܟ ܡܛܪܬܐ ܕܦܘܪ̈ܫܢܝ܂ ܘܟܠܗܘܢ ܩܘܕܫ̈ܐ ܕܒܢ̈ܝ ܐܝܣܪܝܠ ܠܟ ܝܗ݀ܒܬ ܐܢܘܢ ܠܡܫܝܚܘܬܐ܂ ܠܟ ܘܠܒ̈ܢܝܟ ܥܡܟ ܢܡܘܣܐ ܠܥܠܡ܂
18:09 ܗܢܐ ܢܗܘܐ ‍<‍ܠܟ#3#‍>‍ \ܡܩܕܫܐ ܕܩܘܕܫܐ /ܡܢ ܩܕܘܫ ܩ̈ܘܕܫܐ#3#/ ܡܢ ܢܘܪܐ܂ ܟܠܗ ܩܘܪܒܢܗܘܢ ܘܟܠܗ ܣܡܝܕܗܘܢ ܘܟܠܗܘܢ ܚ̈ܛܗܝܗܘܢ ܘܟܠܗܘܢ ܩܘܪ̈ܒܢܝܗܘܢ ܕܡܩܪܒܝܢ ܠܝ܂ ܩܕܘܫ ܩܘ̈ܕܫܝܢ ܐܢܘܢ ܠܟ ܘܠܒܢ̈ܝܟ܂
18:10 ܒܩܕܘܫ ܩܘܕܫ̈ܐ ܬܐܟܠܘܢܗ܂ ܟܠ ܕܟܪܐ ܢܐܟܠܝܘܗܝ܂ ܩܘܕܫܐ ܢܗܘܐ ܠܟ܂
18:11 ܘܗܢܐ ܗ݀ܘ ܦܘܪܫܢܐ ܕܡܘܗ̈ܒܬܟܘܢ܂ ܘܟܠܗܘܢ ܦܘܪ̈ܫܢܐ ܕܒܢ̈ܝ ܐܝܣܪܝܠ ܠܟ ܝܗ݀ܒܬ ܐܢܘܢ܂ ܘܠܒ̈ܢܝܟ ܘܠܒܢ̈ܬܟ ܥܡܟ܂ ܢܡܘܣܐ ܠܥܠܡ܂ ܟܠ ܡ݁ܢ ܕܕܟܐ ܒܒܝܬܟ ܢܐܟܠܝܘܗܝ܂
18:12 ܟܠܗ ܫܘܡܢܐ ܕܡܫܚܐ܂ ܘܟܠܗ ܫܘܡܢܐ ܕܥܒܘܪܐ ܘܕܚܡܪܐ/ܘܚܡܪܐ#3#/܂ ܘܪ̈ܫܝܬܗܘܢ ܕܝ݁ܗܒܝܢ ܠܡܪܝܐ܂ ܠܟ ܝܗ݀ܒܬ ܐܢ̈ܝܢ/ܐܢܘܢ#3#/܂
18:13 ܒܟܪܐ ܟܠܗ ܕܒܐܪܥܗܘܢ ܕܡܝܬܝܢ ܠܡܪܝܐ܂ ܠܟ ܢܗܘܐ܂ ܘܟܠ ܡ݁ܢ ܕܕܟܐ ܒܒܝܬܟ ܢܐܟܠܝܘܗܝ܂
18:14 ܘܟܠ ܚܪܡܐ ܒܐܝܣܪܝܠ ܠܟ ܢܗܘܐ܂
18:15 ܘܟܠ ܦܬܚ ܡܪܒܥܐ ܕܟܠ ܒܣܪܐ܂ ܕܡܩܪܒܝܢ ܠܡܪܝܐ܂ ܕܐܢܫܐ ܘܕܒܥܝܪ̈ܐ ܠܟ ܢܗܘܐ܂ ܒܪܡ ܕܝܢ ܡܦܪܩ ܬܦܪܘܩ ܒܘܟܪ̈ܝܗܘܢ ܕܐܢܫܐ܂ ܘܒܘܟܪ̈ܝܗܘܢ ܕܒܥܝܪ̈ܐ ܛܡܐ̈ܬܐ ܬܦܪܘܩ܂
18:16 ܘܦܘܪܩܢܗ ܡܢ ܒܪ ܝܪܚܐ ܘܠܥܠ܂ ܬܦܪܘܩ ܒܕܡ̈ܝܐ ܕܟܣܦܐ܂ ܚܡܫܝܢ ܡܬܩ̈ܠܝܢ ܒܡܬܩܠܐ ܕܩܘܕܫܐ܂ ܥܣܪ̈ܝܢ ‍<‍ܕܝܢ#3#‍>‍ ܡ̈ܥܝܢ/ܡܢ̈ܝܢ#3#/ ܗܘܐ ܡܬܩܠܐ܂
18:17 ܒܪܡ ܕܝܢ ܒܘܟܪ̈ܐ ܕܬܘܪ̈ܐ ܘܒܘܟܪ̈ܐ ܕܐܡܪ̈ܐ ܘܒܘܟܪ̈ܐ ܕܥ̈ܙܐ ܠܐ ܬܦܪܘܩ܂ ܡܛܠ ܕܩܘܕܫܐ ܐܢܘܢ܂ ܘܕܡܗܘܢ ܪܘܣ ܥܠ ܡܕܒܚܐ܂ ܘܬܪܒܗܘܢ ܐܣܩ ܩܘܪܒܢܐ ܠܡܕܒܚܐ܂ ܠܪܝܚ ܣܘܬܐ ܠܡܪܝܐ܂
18:18 ܘܒܣܪܗܘܢ ܢܗܘܐ ܠܟ܂ ܐܝܟ ܚܕܝܐ ܕܦܘܪܫܢܐ ܘܐܝܟ ܫܩܐ ܕܝܡܝܢܐ ܠܟ ܢܗܘܐ܂
18:19 ܟܘܠܗ ܦܘܪܫܢܐ ܕܩ̈ܘܕܫܐ ܕܦܪܫܝܢ/ܕܡܦܪܫܝܢ#3#/ ܒܢ̈ܝ ܐܝܣܪܝܠ ܠܡܪܝܐ܂ ܝܗ݀ܒܬ ܠܟ ܘܠܒܢܝܟ ܘܠܒ̈ܢܬܟ ܥܡܟ܂ ܢܡܘܣܐ ܠܥܠܡ/ܕܠܥܠܡ#3#/ ܩܝܡܐ ܗܘ ܕܡܠܚܐ܂ ܕܥܠܡ ܩܕܡ ܡܪܝܐ ܠܟ ܘܠܙܪܥܟ ܥܡܟ܂
18:20 ܘܐܡܪ ܡܪܝܐ ܠܐܗܪܘܢ܂ ܒܐܪܥܗܘܢ ܠܐ ܬܐܪܬ܂ ܘܦܠܓܘܬܐ ܠܐ ܬܗܘܐ ܠܟ ܒܝܢܬܗܘܢ܂ ܐܠܐ ܦܠܓܘܬܟ ܘܝܪܬܘܬܟ ܒܝܢ̈ܬ ܒܢ̈ܝ ܐܝܣܪܝܠ܂ ܦܘܪ̈ܫܢܘܗܝ ܕܡܪܝܐ ܘܩ̈ܘܕܫܘܗܝ܂
18:21 ܘܠܒܢ̈ܝ ܠܘܝ ܗܐ ܝܗ݀ܒܬ ܟܠܗܘܢ ܡܥܣܪ̈ܐ ܕܒ̈ܢܝ ܐܝܣܪܝܠ ܠܝܘܪܬܢܐ܂ ܚܠܦ ܦܘܠܚܢܗܘܢ ܕܗܢܘܢ ܦܠܚܝܢ ܦܘܠܚܢܐ \ܒܡܫܟܢܙܒܢܐ /ܕܡܫܟܢܙܒܢܐ#3#/܂
18:22 ܘܬܘܒ ܠܐ ܢܬܩܪܒܘܢ ܒܢ̈ܝ ܐܝܣܪܝܠ ܠܡܫܟܢܙܒܢܐ܂ ܕܠܐ ܢܩܒܠܘܢ ܚܛܗܐ ܘܢܡܘܬܘܢ܂
18:23 ܘܢܦܠܚܘܢ ܠܘ̈ܝܐ ܦܘܠܚܢܐ ܕܡܫܟܢ ܙܒܢܐ܂ ܘܗܢܘܢ ܢܩܒܠܘܢ ܥܘܠܗܘܢ܂ ܢܡܘܣܐ ܠܥܠܡ ܠܕܪ̈ܝܗܘܢ܂ ܘܒܝܢܬ ܒܢ̈ܝ ܐܝܣܪܝܠ ܠܐ ܢܐܪܬܘܢ ܝܘܪܬܢܐ܂
18:24 ܡܛܠ ܕܡܥܣܪ̈ܐ/ܕܦܘܪܫܢܐ#3#/ ܕܦܪܫܝܢ ܒܢ̈ܝ ܐܝܣܪܝܠ ܠܡܪܝܐ܂ ܝܗ݀ܒܬ ܠܠܘ̈ܝܐ ܝܘܪܬܢܐ܂ ܡܛܠ ܗܢܐ ܐܡܪܬ ܠܗܘܢ܂ ܕܒܝ̈ܢܬ ܒܢ̈ܝ ܐܝܣܪܝܠ ܠܐ ܢܐܪܬܘܢ ܝܘܪܬܢܐ܂
18:25 ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
18:26 ܡܠܠ ܥܡ ܠܘ̈ܝܐ ܘܐܡܪ ܠܗܘܢ܂ ܡܐ ܕܢ݁ܣܒܝܢ ܐܢܬܘܢ ܡܢ ܒܢ̈ܝ ܐܝܣܪܝܠ ܡܥܣܪ̈ܐ ܕܝܗ݀ܒܬ ܠܟܘܢ ܡܢܗܘܢ ܝܘܪܬܢܐ܂ ܦܪܘܫܘ ܡܢܗ ܦܘܪܫܢܐ ܠܡܪܝܐ ܡܥܣܪܐ ܡܢ ܡܥܣܪ̈ܐ܂
18:27 ܘܢܬܚܫܒ ܠܟܘܢ ܦܘܪܫܢܟܘܢ ܐܝܟ ܥܒܘܪܐ ܡܢ ܐܕܪܐ ܘܐܝܟ ܦܘܪܫܢܐ ܡܢ ܡܥܨܪܬܐ܂
18:28 ܗܟܢܐ ܦܪܘܫܘ ܐܦ ܐܢܬܘܢ \ܦܘܪܫܢܐ ܠܡܪܝܐ /ܦܘܪܫܢܗ ܕܡܪܝܐ#3#/܂ ܡܢ ܟܠܗܘܢ ܡܥܣܪ̈ܝܟܘܢ ܕܢ݁ܣܒܝܢ ܐܢܬܘܢ ܡܢ ܒܢ̈ܝ ܐܝܣܪܝܠ܂ ܘܗܒܘ ܡܢܗܘܢ ܦܘܪܫܢܐ ܠܡܪܝܐ܂ ܠܐܗܪܘܢ ܟܗܢܐ ܘܠܒ̈ܢܘܗܝ܂
18:29 ܡܢ ܟܘܠܗܝܢ ܡܘܗ̈ܒܬܟܘܢ܂ ܦܪܘܫܘ ܟܠܗ ܦܘܪܫܢܐ ܠܡܪܝܐ/ܕܡܪܝܐ#3#/܂ ܡܢ ܟܘܠܗ ܫܘܡܢܐ ܡܩܕܫܗ ܡܢܗ܂
18:30 ܘܐܡܪ ܠܗܘܢ܂ ܡܐ ܕܦܪܫܝܢ ܐܢܬܘܢ ܫܘܡܢܗ ܡܢܗ܂ ܢܬܚܫܒ ܠܠܘ̈ܝܐ ܐܝܟ ܥܠܠܬܐ ܕܐܕܪܐ ܘܐܝܟ ܥܠܠܬܐ ܕܡܥܨܪܬܐ܂
18:31 ܘܐܘܟܠܘܗܝ ܒܟܘܠ ܐܬܪ ܐܢܬܘܢ ܘܐܢܫ̈ܝ ܒܬ̈ܝܟܘܢ܂ ܡܛܠ ܕܗܢܐ ܗܘ ܐܓܪܟܘܢ ܚܠܦ ܦܘܠܚܢܟܘܢ ܕܒܡܫܟܢ ܙܒܢܐ܂/ܕܡܫܟܢ ܙܒܢܐ܂#3#/
18:32 ܘܠܐ ܬܩܒܠܘܢ ܥܠܘܗܝ ܚܛܗܐ܂ ܡܐ ܕܦܪܫܝܢ ܐܢܬܘܢ ܫܘܡܢܗ ܡܢܗ܂ ܘܩ̈ܘܕܫܐ ܕܒܢ̈ܝ ܐܝܣܪܝܠ ܠܐ ܬܛܘܫܘܢ ܕܠܐ ܬܡܘܬܘܢ܂

next chapter