The Comprehensive Aramaic Lexicon

22:01	ܘܫܩܠܘ ܒܢ̈ܝ ܐܝܣܪܝܠ ܘܫܪܘ ܒܥܪܒܘܬ ܡܘܐܒ \ܕܒܥܒܪܐ ܕܝܘܪܕܢܢ /ܕܥܠ ܝܘܪܕܢܢ#3#/ ܕܐܝܪܝܚܘ܂
22:02	ܢܒܝܘܬܗ ܕܒܠܥܡ ܘܚܙܐ ܒܠܩ ܒܪ ܨܦܘܪ ܟܘܠ ܕܥܒܕ ܐܝܣܪܝܠ ܠܐܡܘܪ̈ܝܐ܂
22:03	ܘܕܚܠܘ ܡܘܐ̈ܒܝܐ ܡܢ ܩܕܡ ܥܡܐ ܛܒ܂ ܡܛܠ ܕܣܓܝ ܗܘܐ ܛܒ܂ ܘܥܩܬ ܠܗܘܢ ܠܡܘܐ̈ܒܝܐ ܡܢ ܩܕܡ ܒ̈ܢܝ ܐܝܣܪܝܠ܂
22:04	ܘܐܡܪ ܡܘܐܒ ܠܣ̈ܒܐ ܕܡܕܝܢ܂ ܡܟܝܠ ܪܥܝܢ ܟܢܫܐ ܗܢܐ ܠܟܠܗܘܢ ܕܚܕܪܝܢ܂ ܐܝܟ ܕܪܥܐ ܬܘܪܐ ܠܝܘܪܩܐ ܕܚܩܠܐ܂ ܘܒܠܩ ܗܘܐ ܒܪ ܨܦܘܪ ܡܠܟܐ ܕܡܘܐ̈ܒܝܐ ܒܙܒܢܐ ܗ݀ܘ܂
22:05	ܘܫܕܪ ܐܝ̈ܙܓܕܐ ܠܘܬ ܒܠܥܡ ܒܪ ܒܥܘܪ ܦܫܘܪܐ ܕܥܠ ܢܗܪܐ ܠܐܪܥܐ ܕܒ̈ܢܝ ܥܡܘܢ܂ ܠܡܩܪܝܗ ܘܠܡܐܡܪ ܠܗ܂ ܗܐ ܥܡܐ ܢܦܩ ܡܢ ܡܨܪܝܢ܂ ܘܟܣܝ ܐ̈ܦܝܗ݀ ܕܐܪܥܐ܂ ܘܗܐ ܫܪܝܢ ܠܘܩܒܠܝ܂
22:06	ܡܟܝܠ ܬܐ ܠܘܛܝܗܝ ܠܝ ܠܥܡܐ ܗܢܐ܂ ܡܛܠ ܕܥܫܝܢ ܗܘ ܡܢܝ܂ ܟܒܪ ܢܫܟܚ ܢܚܪܘܒ ܡܢܗ ܘܢܘܒܕܝܘܗܝ ܡܢ ܐܪܥܐ܂ ܡܛܠ ܕܝܕܥ ܐܢܐ ܕܠܡ݁ܢ ܕܒܪܟ ܐܢܬ ܒܪܝܟ ܗܘ܂ ܘܠܡ݁ܢ/ܘܡ݁ܢ#3#/ ܕܠܐܛ ܐܢܬ ܠܝܛ ܗܘ܂
22:07	ܘܐܙܠܘ ܣ̈ܒܐ ܕܡܘܐܒ ܘܣ̈ܒܐ ܕܡܕܝܢ ܘܩ̈ܨܡܝܗܘܢ ܒܐ̈ܝܕܝܗܘܢ܂ ܘܐܬܘ ܠܘܬ ܒܠܥܡ܂ ܘܐܡܪܘ ܠܗ܂ ܡ̈ܠܘܗܝ ܕܒܠܩ܂
22:08	ܘܐܡܪ ܠܗܘܢ܂ ܒܘܬܘ ܗܪܟܐ ܒܠܠܝܐ ‍<‍ܗܢܐ#3#‍>‍܂ ܘܐܬܠ ܠܟܘܢ ܦܬܓܡܐ ܐܝܟ ܕܐܡܪ ܠܝ ܡܪܝܐ܂ ܘܦܫܘ ܪ̈ܘܪܒܢܐ ܕܡܘܐܒ ܠܘܬ ܒܠܥܡ܂
22:09	ܘܐܬܐ ܐܠܗܐ ܥܠ/ܠܘܬ#3#/ ܒܠܥܡ ܘܐܡܪ ܠܗ܂ ܡ݁ܢ ܐܢܘܢ ܗܠܝܢ ܓܒܪ̈ܐ ܕܥܡܟ܂
22:10	ܘܐܡܪ ܒܠܥܡ ܠܐܠܗܐ܂ ܒܠܩ ܒܪ ܨܦܘܪ ܡܠܟܐ ܕܡܘܐܒ ܫܕܪ ܥܠܝ ܘܐܡܪ ܠܝ܂
22:11	ܗܐ ܥܡܐ ܢܦܩ ܡܢ ܡܨܪܝܢ܂ ܘܟܣܝ ܐܦܝܗ݀ ܕܐܪܥܐ ܗܫܐ ܬܐ ܠܘܛܝܗܝ ܠܝ܂ ܟܒܪ ܐܫܟܚ ܠܡܬܟܬܫܘ/ܐܬܟܬܫ#3#/ ܥܡܗ ܘܐܘܒܕܝܘܗܝ܂
22:12	ܘܐܡܪ ܐܠܗܐ ܠܒܠܥܡ܂ ܠܐ ܬܐܙܠ ܥܡܗܘܢ܂ ܘܠܐ ܬܠܘܛܝܗܝ ܠܥܡܐ܂ ܡܛܠ ܕܒܪܝܟ ܗܘ܂
22:13	ܘܩܡ ܒܠܥܡ ܒܨܦܪܐ܂ ܘܐܡܪ ܠܪ̈ܘܪܒܢܐ ܕܒܠܩ܂ ܙܠܘ ܠܐܪܥܟܘܢ/ܠܐܘܪܚܟܘܢ#3#/܂ ܡܛܠ ܕܠܐ ܨܒܐ ܡܪܝܐ ܠܡܫܒܩܢܝ ܕܐ݁ܙܠ ܥܡܟܘܢ܂
22:14	ܘܩܡܘ ܪ̈ܘܪܒܢܐ ܕܡܘܐܒ܂ ܘܐܬܘ ܠܘܬ ܒܠܩ ܘܐ݁ܡܪܝܢ ܠܗ܂ ܠܐ ܨܒܐ ܒܠܥܡ ܠܡܐܬܐ ܥܡܢ܂
22:15	ܘܗܦܟ ܬܘܒ ܒܠܩ܂ ܘܫܕܪ ܐܝ̈ܙܓܕܐ ܕܪ̈ܘܪܒܝܢ ܘܝܩܝܪ̈ܝܢ ܡܢ ܗܠܝܢ܂
22:16	ܘܐܬܘ ܠܘܬ ܒܠܥܡ ܘܐܡܪܘ ܠܗ܂ ܗܟܢܐ ܐ݁ܡܪ ܒܠܩ ܒܪ ܨܦܘܪ܂ ܠܐ ܬܬܟܠܐ ܠܡܐܬܐ ܠܘܬܝ܂
22:17	ܡܛܠ ܕܡܝܩܪܘ ܐܝܩܪܟ ܛܒ܂ ܘܟܠ ܕܬܐܡܪ ܠܝ ܐܥܒܕ ‍<‍ܠܟ#3#‍>‍܂ ܘܬܐ ܠܘܛ ܠܝ ܠܥܡܐ ܗܢܐ܂
22:18	ܘܥܢܐ ܒܠܥܡ ܘܐܡܪ ܠܥܒ̈ܕܘܗܝ/ܠܐܝ̈ܙܓܕܘܗܝ#3#/ ܕܒܠܩ܂ ܐܢ ܢܬܠ ܠܝ ܒܠܩ ܡܠܐ ܒܝܬܗ ܣܐܡܐ \ܐܘ ܕܗܒܐ /ܘܕܗܒܐ#3#/܂ ܠܐ ܡܫܟܚ ܐܢܐ ܕܐܥܒܪ ܥܠ ܡܠܬ ܦܘܡܗ ܕܡܪܝܐ ܐܠܗܝ܂ ܠܐ ܥܠ ܕܙܥܘܪܝܐ ܘܠܐ ܥܠ ܕܪܒܐ܂
22:19	ܡܟܝܠ ܦܘܫܘ ܐܦ ܐܢܬܘܢ ܗܪܟܐ ܒܠܠܝܐ܂ ܘܐܕܥ ܡܢܐ ܡܘܣܦ ܡܪܝܐ ܠܡܡܠܠܘ ܥܡܝ܂
22:20	ܘܐܬܐ ܐܠܗܐ ܥܠ ܒܠܥܡ ܒܠܠܝܐ ܘܐܡܪ ܠܗ܂ ܐܢ ܠܡܩܪܝܟ ܐܬܘ ܗܠܝܢ ܓܒܪ̈ܐ܂ ܩܘܡ ܙܠ ܥܡܗܘܢ܂ ܒܠܚܘܕ ܦܬܓܡܐ ܕܐ݁ܡܪ ܐܢܐ ܠܟ܂ ܗ݀ܘ ‍<‍ܗܘ#3#‍>‍ ܥܒܕ܂

22:21	ܘܩܡ ܒܠܥܡ ܒܨܦܪܐ܂ ܘܐܪܡܝ ܥܠ ܐܬܢܗ/ܚܡܪܗ#3#/܂ ܘܐܙܠ ܥܡ ܪ̈ܘܪܒܢܐ ܕܡܘܐܒ/ܕܒܠܩ#3#/܂

22:22	ܘܐܬܚܡܬ ܪܘܓܙܗ ܕܐܠܗܐ/ܕܡܪܝܐ#3#/ ܥܠܘܗܝ ܥܠ ܕܐܙܠ܂ ܘܩܡ ܡܠܐܟܗ ܕܡܪܝܐ ܒܐܘܪܚܐ ܕܢܗܘܐ ܠܗ ܣܛܢܐ܂ ܘܗܘ ܪܟܝܒ ܥܠ ܚܡܪܗ܂ ܘܬܪ̈ܝܢ ܥܠܝܡ̈ܘܗܝ ܥܡܗ܂
22:23	ܘܚܙܬ ܐܬܢܐ ܠܡܠܐܟܗ ܕܡܪܝܐ ܕܩ݁ܐܡ/ܩ݁ܐܡ#3#/ ܒܐܘܪܚܐ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܣܛܬ ܐܬܢܐ ܡܢ ܐܘܪܚܐ܂ ܘܐܙܠܬ ܒܚܩܠܐ܂ ܘܡܚܗ݀ ܒܠܥܡ ܠܐܬܢܐ ‍<‍ܗܝ#3#‍>‍ ܠܡܣܛܝܘܬܗ݀ ܠܐܘܪܚܐ܂
22:24	ܘܩܡ ܡܠܐܟܗ ܕܡܪܝܐ ܒܫܒܝܠܐ ܕܟܪܡܐ܂ ܕܣܝܓܐ ܡܟܐ ܘܣܝܓܐ ܡܟܐ܂
22:25	ܘܚܙܬ ܐܬܢܐ ܠܡܠܐܟܗ ܕܡܪܝܐ܂ ܘܐܬܚܒܨܬ ܒܐܣܬܐ ܘܚܒܨܬܗ݀ ܪܓܠܗ/ܠܪܓܠܗ#3#/ ܕܒܠܥܡ ܒܐܣܬܐ܂ ܘܐܘܣܦ ‍<‍ܬܘܒ#3#‍>‍ ܠܡܡܚܝܗ݀܂
22:26	ܘܐܘܣܦ ܡܠܐܟܗ ܕܡܪܝܐ܂ ܘܥܒܪ ܘܩܡ ܠܗ ܒܐܬܪܐ ܐܠܝܨܐ܂ ܐܬܪ ܕܠܝܬ ܐܘܪܚܐ ܠܡܣܛܐ܂ ܠܐ ܠܝܡܝܢܐ ܘܠܐ ܠܣܡܠܐ܂
22:27	ܘܚܙܬ ܐܬܢܐ ܠܡܠܐܟܗ ܕܡܪܝܐ܂ ܘܪܒܥܬ ܬܚܝܬ ܒܠܥܡ܂ ܘܐܚܡܬ ܪܘܓܙܗ ܕܒܠܥܡ ܘܡܚܗ݀ ܠܐܬܢܐ ܒܚܘܛܪܐ܂
22:28	ܘܦܬܚ ܡܪܝܐ ܦܘܡܗ݀ ܕܐܬܢܐ ܘܐܡܪܬ ܠܒܠܥܡ܂ ܡܢܐ ܥܒܕܬ ܠܟ ܕܡܚܝܬܢܝ ܗܐ ܬܠܬ ܙܒ̈ܢܝܢ܂
22:29	ܘܐܡܪ ܒܠܥܡ ܠܐܬܢܐ܂ ܥܠ ܕܒܙܚܬ ܒܝ܂ ܘܐܠܘ ܐܝܬ ܗܘܐ ܣܝܦܐ ܒܐ̈ܝܕܝ܂ ܗܫܐ ܩ݁ܛܠ ܗܘ݁ܝܬ ܠܟܝ܂
22:30	ܘܐܡܪܬ ܐܬܢܐ ܠܒܠܥܡ܂ ܠܐ ܗܘ݁ܝܬ ܐܢܐ ܐܬܢܟ܂ ܕܪܟܝܒ ܐܢܬ ܥܠܝ ܡܢ ܛܠܝܘܬܟ ܘܥܕܡܐ ܠܝܘܡܢܐ܂ ܕܠܡܐ ܡܡܬܘܡ ܥܒܕܬ ܠܟ ܗܟܢܐ܂ ܐ݁ܡܪ ܠܗ݀ ܠܐ܂
22:31	ܘܓܠܐ ܡܪܝܐ ܥܝܢ̈ܘܗܝ ܕܒܠܥܡ ܘܚܙܐ ܠܡܠܐܟܗ ܕܡܪܝܐ ܩ݁ܐܡ/ܕܩ݁ܐܡ#3#/ ܒܐܘܪܚܐ܂ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܩܥܕ ܘܣܓܕ ܥܠ ܐ̈ܦܘܗܝ܂
22:32	ܘܐܡܪ ܠܗ ܡܠܐܟܗ ܕܡܪܝܐ܂ ܠܡܢܐ ܡܚܝܬ ܐܬܢܟ ܗܐ ܬܠܬ ܙܒܢ̈ܝܢ܂ ܗܐ ܐܢܐ ܢ݁ܦܩܬ ܕܐܗܘܐ ܠܟ ܣܛܢܐ ܥܠ ܕܬܪܨܐ ܐܘܪܚܐ ܠܘܩܒܠܝ܂
22:33	ܘܚܙܬܢܝ ܐܬܢܐ ܘܣܛܬ ܡܢ ܩܕܡܝ܂ ܗܐ ܬܠܬ ܙܒܢ̈ܝܢ܂ ܘܐܠܘ ܠܐ ܣܛܬ ܡܢ ܩܕܡܝ܂ ܗܫܐ ܠܟ ܩ݁ܛܠ ܗܘ݁ܝܬ܂ ܘܠܗ݀ ܡܚܐ ܗܘ݁ܝܬ܂
22:34	ܘܐܡܪ ܒܠܥܡ ܠܡܠܐܟܗ ܕܡܪܝܐ܂ ܚ݁ܛܝܬ܂ ܠܐ ܝ݁ܕܥ ܗܘ݁ܝܬ ܕܐܢܬ ܩ݁ܐܡ ܠܘܩܒܠܝ ܒܐܘܪܚܐ܂ ܗܫܐ ܐܢ ܒܝܫ ܒܥܝܢ̈ܝܟ ܐܗܦܘܟ ܠܝ܂
22:35	ܘܐܡܪ ܡܠܐܟܗ ܕܡܪܝܐ ܠܒܠܥܡ܂ ܙܠ ܥܡ ܓܒܪ̈ܐ܂ ܒܠܚܘܕ ܦܬܓܡܐ ܕܐ݁ܡܪ ܐܢܐ ܠܟ܂ ܗ݀ܘ ‍<‍ܗܘ#3#‍>‍ ܥܒܕ܂ ܘܐܙܠ ܒܠܥܡ ܥܡ ܪ̈ܘܪܒܢܐ ܕܒܠܩ܂
22:36	ܘܫܡܥ ܒܠܩ ܕܐܬܐ ܒܠܥܡ܂ ܘܢܦܩ ܠܐܘܪܥܗ ܠܩܪܝܬܐ ܕܡܘܐܒ܂ ܕܒܬܚܘܡܐ ܕܐܪܢܘܢ ܕܒܣܦܪ̈ܝ ܬܚܘܡܐ܂
22:37	ܘܐܡܪ ܒܠܩ ܠܒܠܥܡ܂ ܗܐ ܫ݁ܕܪܬ ܥܠܝܟ/ܠܘܬܟ#3#/ ܠܡܩܪܝܟ܂ ܐܝܟܘ ܠܐ ܐܬܝܬ ܠܘܬܝ܂ ܟܒܪ ܐ݁ܡܪ ܗܘܝܬ܂ ܕܠܐ/ܠܐ#3#/ ܡܨܐ ܐܢܐ ܒܚܝܠܐ ܠܡܝܩܪܘܬܟ܂
22:38	ܘܐܡܪ ܒܠܥܡ ܠܒܠܩ܂ ܗܐ ܐܬܝ݁ܬ ܠܘܬܟ܂ ܗܫܐ ܕܠܡܐ ܡܫܟܚܘ ܡܫܟܚ ܐܢܐ ܕܐ݁ܡܪ ܡܕܡ܂ ܐܠܐ ‍<‍ܗܘ#3#‍>‍ ܦܬܓܡܐ ܕܣ݁ܐܡ ܐܠܗܐ ܒܦܘܡܝ܂ ܗ݀ܘ ܗܘ ܐ݁ܡܪ ܐܢܐ܂
22:39	ܘܐܙܠ ܒܠܥܡ ܥܡ ܒܠܩ܂ ܘܐܥܠܗ ܠܩܘܪܝܬ ܚܨܪܘܬ܂
22:40	ܘܢܟܣ ܒܠܩ ܬܘܪ̈ܐ ܘܥܢܐ܂ ܘܫܕܪ ܠܒܠܥܡ ܘܠܪ̈ܘܪܒܢܐ ܕܥܡܗ܂
22:41	ܘܟܕ ܗܘܐ ܨܦܪܐ܂ ܕܒܪ ܒܠܩ ܠܒܠܥܡ ܘܐܣܩܗ ܠܒܡܘܬ ܒܥܠܐ܂ ܘܚܙܐ ܡܢ ܬܡܢ ܣܟܗ ܕܥܡܐ܂