← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


23:01 ܘܐܡܪ ܒܠܥܡ ܠܒܠܩ܂ ܒܢܝ ܠܝ ܗܪܟܐ ܫܒܥܐ ܡܕܒܚ̈ܝܢ܂ ܘܛܝܒ ܠܝ ܗܪܟܐ ܫܒܥܐ ܬܘܪ̈ܝܢ܂ ܘܫܒܥܐ ܕܟܪ̈ܝܢ܂
23:02 ܘܥܒܕ ܒܠܩ ܐܝܟ ܕܐܡܪ ܠܗ ܒܠܥܡ܂ ܘܐܣܩ ܒܠܥܡ ܘܒܠܩ ܬܘܪ̈ܐ ܘܕܟܪ̈ܐ ܥܠ ܡܕܒܚ̈ܐ܂
23:03 ܘܐܡܪ ܒܠܥܡ ܠܒܠܩ܂ ܩܘܡ ܗܪܟܐ ܠܘܬ ܥ̈ܠܘܬܟ ܘܐܢܐ ܐܙܠ܂ ܛܟ ܢܩܪܐ ܡܪܝܐ ܠܐܘܪܥܝ܂ ܘܦܬܓܡܐ ܕܡܚܘܐ ܠܝ ܐܚܘܝܘܗܝ ܠܟ܂ ܘܐܙܠ ܫܦܝܐܝܬ܂
23:04 ܘܐܬܓܠܝ ܐܠܗܐ ܥܠ ܒܠܥܡ ܘܐܡܪ ܠܗ܂ ܫܒܥܐ ܡܕܒܚ̈ܝܢ ܛܝܒܬ܂ ܘܐܣܩܬ ܬܘܪ̈ܐ ܘܕܟܪ̈ܐ ܥܠ ܡܕܒܚ̈ܐ܂
23:05 ܘܣܡ ܡܪܝܐ ܡܠܬܐ ܒܦܘܡܗ ܕܒܠܥܡ܂ ܘܐܡܪ ܠܗ܂ ܙܠ ܠܘܬ ܒܠܩ܂ ܘܗܟܢܐ ܡܠܠ܂
23:06 ܘܐܬܐ ܠܘܬܗ܂ ܘܗܘ ܩ݁ܐܡ ܗܘܐ ܠܘܬ ܥ̈ܠܘܬܗ܂ ܗܘ ܘܟܠܗܘܢ ܪ̈ܘܪܒܢܐ ܕܡܘܐܒ܂
23:07 ܘܐܪܝܡ ܒܡܬܠܗ ܘܐܡܪ܂ ܡܢ ܐܪܡ/ܐܕܘܡ#3#/ ܕܒܪܢܝ ܒܠܩ ܡܠܟܐ ܕܡܘܐ̈ܒܝܐ ܡܢ ܛܘܪ̈ܝ ܡܕܢܚܐ܂ ܘܐܡܪ ܠܝ܂ ܬܐ ܠܘܛ ܠܝ ܠܝܥܩܘܒ܂ ܘܬܐ ܐܘܒܕ ܠܝ ܠܐܝܣܪܝܠ܂
23:08 ܡܢܐ ܐܠܘܛܝܘܗܝ ܕܠܐ ܠܛܗ ܐܠܗܐ܂ ܘܡܢܐ ܐܘܒܕܝܘܗܝ ܕܠܐ ܐܘܒܕܗ ܡܪܝܐ܂
23:09 ܡܛܠ ܕܡܢ ܪܫܐ ܕܛܘܪ̈ܐ ܚܙܝ݁ܬܗ܂ ܘܡܢ ܪ̈ܡܬܐ ܚ݁ܪܬܗ܂ ܗܐ ܥܡܐ ܒܠܚܘܕܘܗܝ ܫܪܐ܂ ܘܒܥܡ̈ܡܐ ܠܐ ܡܬܚܫܒ܂
23:10 ܡܢܘ ܡܫܟܚ ܠܡܡܢܐ ܥܟܪܗ/ܥܩܪܗ#3#/ ܕܝܥܩܘܒ ܘܡܢܝܢܐ ܕܪܘܒܥܗ ܕܐܝܣܪܝܠ܂ ܬܡܘܬ ܢܦܫܝ ܡܘܬܐ ܕܬܪ̈ܝܨܝܗܘܢ܂ ܘܬܗܘܐ ܚܪܬܝ ܐܟܘܬܗܘܢ܂
23:11 ܘܐܡܪ ܒܠܩ ܠܒܠܥܡ܂ ܡܢܐ ܥܒܕܬ ܠܝ܂ ܠܡܠܛ ܒ̈ܥܠܕܒܒܝ/ܠܒ̈ܥܠܕܒܒܝ#3#/ ܩܪܝ݁ܬܟ܂ ܘܗܐ ܡܒܪܟܘ ܡܒܪܟ ܐܢܬ ܠܗܘܢ܂
23:12 ܘܥܢܐ ܒܠܥܡ ܘܐܡܪ܂ ܗܐ/ܗܘ#3#/ ܡܕܡ ܕܣ݁ܐܡ ܡܪܝܐ ܒܦܘܡܝ ܗ݀ܘ ܗܘ ܢ݁ܛܪ ܐܢܐ ܠܡܡܠܠܘ܂
23:13 ܘܐܡܪ ܠܗ ܒܠܩ܂ ܬܐ ܥܡܝ ܠܐܬܪܐ ܐܚܪܢܐ܂ ܕܬܚܙܝܘܗܝ/ܘܬܚܙܝܘܗܝ#3#/ ܡܢ ܬܡܢ܂ ܒܪܡ ܕܝܢ ܚܪܬܗ ܬܚܙܐ ܘܟܠܗ ܠܐ ܬܚܙܐ܂ ܘܠܘܛܝܗܝ ܠܝ ܡܢ ܬܡܢ܂
23:14 ܘܕܒܪܗ ܠܚܩܠ ܕܘܩܐ ܠܪܝܫ ܪܡܬܐ܂ ܘܒܢܐ ܫܒܥܐ ܡܕܒܚ̈ܝܢ܂ ܘܐܣܩ ܬܘܪ̈ܐ ܘܕܟܪ̈ܐ ܥܠ ܡܕܒܚ̈ܐ܂
23:15 ܘܐܡܪ ܒܠܥܡ ܠܒܠܩ܂ ܩܘܡ ܗܪܟܐ ܠܘܬ ܥ̈ܠܘܬܟ܂ ܘܐܢܐ ܐܡܛܐ ܥܕܡܐ ܠܗܪܟܐ܂
23:16 ܘܐܬܓܠܝ ܡܪܝܐ/ܐܠܗܐ#3#/ ܥܠ ܒܠܥܡ܂ ܘܣܡ ܡܠܬܐ ܒܦܘܡܗ ܘܐܡܪ ܠܗ܂ ܙܠ ܠܘܬ ܒܠܩ ܘܗܟܢܐ ܐܡܪ ܠܗ܂
23:17 ܘܐܬܐ ܠܘܬܗ܂ ܘܗܘ ܩ݁ܐܡ ܗܘܐ ܠܘܬ ܥ̈ܠܘܬܗ ܘܪ̈ܘܪܒܢܐ ܕܡܘܐܒ ܥܡܗ܂ ܘܐܡܪ ܠܗ ܒܠܩ܂ ܡܢܐ ܐܡܪ ܡܪܝܐ܂
23:18 ܘܐܪܝܡ ܒܡܬܠܗ ܘܐܡܪ܂ ܩܘܡ ܒܠܩ ܘܫܡܥ܂ ܘܨܘܬ ܠܣܗܕܘܬܝ ܒܪ ܨܦܘܪ܂
23:19 ܠܐ ܗܘܐ ܓܒܪܐ ܐܠܗܐ ܕܢܕܓܠ/ܕܢܟܕܒ#3#/܂ ܘܐܦ ܠܐ ܒܪܢܫܐ ܕܢܬܡܠܟ܂ ܗܘ ܐܡ݁ܪ ܘܥܒ݁ܕ/ܘܗܘܘ#3#/ ܘܡܠܬܗ ܩܝܡܐ ܠܥܠܡܝܢ܂
23:20 ܗܐ ܠܡܒܪܟܘ ܐܬܕܒܪܬ ܘܒܘܪܟܬܐ ܠܐ ܐܗܦܟ܂
23:21 ܠܐ ܚ݁ܙܐ ܐܢܐ ܥܘܠܐ ܒܝܥܩܘܒ܂ ܘܠܐ ܚ݁ܐܪ ܐܢܐ ܥܠܝܐ ܒܐܝܣܪܝܠ܂ ܡܪܝܐ ܐܠܗܗ ܥܡܗ܂ ܘܬܫܒܘܚܬܐ ܕܡܠܟܗ ܒܗ܂
23:22 ܐܠܗܐ ܕܐܦܩ ܐܢܘܢ ܡܢ ܡܨܪܝܢ ܒܥܘܫܢܗ ܘܒܪܘܡܗ܂
23:23 ܡܛܠ ܕܠܐ ܢܚܫܐ ܒܝܥܩܘܒ/ܒܝܬ ܝܥܩܘܒ#3#/܂ ܘܐܦ ܠܐ ܩܨܡܐ ܒܐܝܣܪܝܠ܂ ܐܝܟ ܕܒܙܒܢܐ ܗܢܐ ܢܬܐܡܪ ܠܝܥܩܘܒ ܘܠܐܝܣܪܝܠ ܡܢܐ ܥܒܕ ܐܠܗܐ܂
23:24 ܗܐ ܥܡܐ ܐܝܟ ܐܪܝܐ ܩ݁ܐܡ܂ ܘܐܝܟ ܐܪܝܐ ܡܫܬܩܠ܂ ܠܐ ܢܕܡܟ ܥܕܡܐ ܕܢܐܟܘܠ ܬܒܪܐ܂ ܘܕܡܐ ܕܩ̈ܛܝܠܐ ܢܫܬܐ܂
23:25 ܘܐܡܪ ܒܠܩ ܠܒܠܥܡ܂ ܠܐ ܡܠܛ ܬܠܘܛܝܘܗܝ܂ ܘܐܦܠܐ ܡܒܪܟܘ/ܠܡܒܪܟܘ#3#/ ܬܒܪܟܝܘܗܝ܂
23:26 ܘܥܢܐ ܒܠܥܡ ܘܐܡܪ ܠܒܠܩ܂ ܠܐ ܐܡ݁ܪܬ ܠܟ܂ ܕܟܠ ܕܐܡ݁ܪ ܠܝ ܡܪܝܐ ܗ݀ܘ ܗܘ ܥܒܕ ܐܢܐ܂
23:27 ܘܐܡܪ ܒܠܩ ܠܒܠܥܡ܂ ܬܐ ܐܕܒܪܟ ܠܐܬܪܐ ܐܚܪܢܐ܂ ܟܒܪ ܢܫܦܪ ܒܥܝ̈ܢܝ ܐܠܗܐ ܘܠܘܛܝܗܝ ܠܝ ܡܢ ܬܡܢ܂
23:28 ܘܕܒܪ ܒܠܩ ܠܒܠܥܡ܂ ܠܪܝܫ ܦܥܘܪ ܕܡܬܚܙܐ ܠܘܩܒܠ ܐܫܝܡܘܢ܂
23:29 ܘܐܡܪ ܒܠܥܡ ܠܒܠܩ܂ ܒܢܝ ܠܝ ܗܪܟܐ ܫܒܥܐ ܡܕܒܚ̈ܝܢ܂ ܘܛܝܒ ܠܝ ܗܪܟܐ ܫܒܥܐ ܬܘܪ̈ܝܢ ܘܫܒܥܐ ܕܟܪ̈ܝܢ܂
23:30 ܘܥܒܕ ܒܠܩ ܐܝܟ ܕܐܡܪ ܠܗ ܒܠܥܡ܂ ܘܐܣܩ ܬܘܪ̈ܐ ܘܕܟܪ̈ܐ ܥܠ ܡܕܒܚ̈ܐ܂

next chapter