← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


30:01 ܘܐܡܪ ܡܘܫܐ ܠܒܢ̈ܝ ܐܝܣܪܝܠ ܟܘܠ ܕܦܩܕ ܡܪܝܐ ܠܡܘܫܐ܂
30:02 ܘܡܠܠ ܡܘܫܐ ܥܡ ܪ̈ܫܐ ܕܫ̈ܒܛܐ ܕܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܗܢܐ ܗܘ ܦܬܓܡܐ ܕܦܩܕ ܡܪܝܐ܂
30:03 ܓܒܪܐ ܟܕ ܢܕܘܪ ܢܕܪܐ ܠܡܪܝܐ܂ ܘܢܐܡܐ ܒܡ̈ܘܡܬܐ ܘܢܐܣܘܪ ܐܣܪܐ/ܐܣܘܪ̈ܐ#3#/ ܥܠ ܢܦܫܗ܂ ܠܐ ܢܒܛܠ ܡܠܬܗ܂ ܟܠ ܡܕܡ ܕܢܦܩ/ܕܐܡܪ#3#/ ܡܢ ܦܘܡܗ ܢܥܒܕ܂
30:04 ܘܐܢܬܬܐ ܟܕ ܬܕܘܪ ܢܕܪܐ ܠܡܪܝܐ܂ ܘܬܐܣܘܪ ܐܣܪܐ/ܐܣܘܪܐ#3#/ ܥܠ ܢܦܫܗ݀ ܒܛܠܝܘܬܗ݀ ܒܝܬ ܐܒܘܗ݀܂
30:05 ܘܢܫܡܥ ܐܒܘܗ݀ ܢܕܪ̈ܐ ܘܐܣܪ̈ܐ ܕܐܣܪܬ ܥܠ ܢܦܫܗ݀ ܘܢܫܬܘܩ ܠܗ ܐܒܘܗ݀܂ ܢܬܩܝܡܘܢ ܟܠܗܘܢ ܢܕܪ̈ܐ \ܘܟܠܗܘܢ ܐܣܪ̈ܐ /ܘܐܣܪ̈ܐ#3#/ ܕܐܣܪܬ ܥܠ ܢܦܫܗ݀܂
30:06 ܘܐܢ ܢܒܛܠ ܐܢܘܢ ܐܒܘܗ݀ ܒܝܘܡܐ ܕܫ݁ܡܥ܂ ܟܠܗܘܢ ܢܕܪ̈ܐ ܘܟܠܗܘܢ ܐܣܪ̈ܐ ܕܐܣܪܬ ܥܠ ܢܦܫܗ݀܂ ܠܐ ܢܬܩܝܡܘܢ ‍<‍ܠܗ#3#‍>‍܂ ܘܡܪܝܐ ܢܫܒܘܩ ܠܗ݀܂ ܡܛܠ ܕܒܛܠ ܐܢܘܢ ܐܒܘܗ݀܂
30:07 ܘܐܢ ܬܗܘܐ ܠܓܒܪܐ ܘܢܕܪ̈ܝܗ݀ ܥܠܝܗ݀܂ ܐܘ ܦܘܪܫܢܐ ܕܣ̈ܦܘܬܗ݀ ܕܐܣܪܬ ܥܠ ܢܦܫܗ݀܂
30:08 ܘܢܫܡܥ ܒܥܠܗ݀ ܒܝܘܡܐ ܕܫ݁ܡܥ ܘܢܫܬܘܩ ܠܗ܂ ܢܬܩܝܡܘܢ ܟܠܗܘܢ ܢܕܪ̈ܐ܂ ܘܐܣܪ̈ܐ ܕܐܣܪܬ ܥܠ ܢܦܫܗ݀ ܢܬܩܝܡܘܢ܂
30:09 ܘܐܢ ܒܝܘܡܐ ܕܫܡܥ ܒܥܠܗ݀ ܒܛܠ ܐܢܘܢ܂ ܢܒܛܠܘܢ ܢܕܪ̈ܐ ܘܦܘܪ̈ܫܢܐ ܕܣ̈ܦܘܬܗ݀܂ ܕܐܣܪܬ ܥܠ ܢܦܫܗ݀܂ ܘܡܪܝܐ ܢܫܒܘܩ ܠܗ݀܂
30:10 ܘܢܕܪܐ ܕܐܪܡܠܬܐ ܘܕܫܒܝܩܬܐ܂ ܟܘܠ ܕܐܣ݁ܪܐ ܥܠ ܢܦܫܗ݀ ܢܬܩܝܡ ܥܠܝܗ݀܂
30:11 ܘܐܢ ܒܝܬ ܒܥܠܗ݀ ܢܕܪܬ܂ ܐܘ ܐܣܪܬ ܐܣܪܐ ܥܠ ܢܦܫܗ݀ ܒܡ̈ܘܡܬܐ܂
30:12 ܘܢܫܡܥ ܒܥܠܗ݀ ܘܢܫܬܘܩ ܠܗ ܘܠܐ ܢܒܛܠ ܐܢܘܢ܂ ܢܬܩܝܡܘܢ ܟܠܗܘܢ ܢܕܪ̈ܐ܂ ܘܟܠܗܘܢ ܐܣܪ̈ܐ ܕܐܣܪܬ ܥܠ ܢܦܫܗ݀ ܢܬܩܝܡܘܢ܂
30:13 ܘܐܢ ܡܒܛܠܘ ܢܒܛܠ ܐܢܘܢ ܒܥܠܗ݀ ܒܝܘܡܐ ܕܫܡܥ܂ ܟܠ ܡܕܡ ܕܢܦܩ ܡܢ ܣܦܘ̈ܬܗ݀ ܠܢܕܪ̈ܝܗ݀ ܘܠܐܣܪ̈ܐ \ܕܐܣܪܬ ܥܠ ܢܦܫܗ݀ /ܕܢܦܫܗ݀#3#/ ܠܐ ܢܬܩܝܡܘܢ܂ ܡܛܠ ܕܒܥܠܗ݀ ܒܛܠ ܐܢܘܢ܂ ܘܡܪܝܐ ܢܫܒܘܩ ܠܗ݀܂
30:14 ܟܠܗܘܢ ܢܕܪ̈ܐ ܘܟܠܗܝܢ ܡܘܡ̈ܝܬܐ/ܡܘ̈ܡܬܐ#3#/ ܕܐܣܪ̈ܐ ܕܡܣܓܦܝܢ/ܕܡܣ̈ܓܦܢ#3#/ ܢܦܫܐ܂ ܒܥܠܗ݀ ܢܩܝܡ ܐܢܘܢ܂ ܘܒܥܠܗ݀ ܢܒܛܠ ܐܢܘܢ܂
30:15 ܘܐܢ ܡܫܬܩ ܢܫܬܘܩ ܠܗ ܒܥܠܗ݀ ܡܢ ܝܘܡ ܠܝܘܡ܂ ܢܬܩܝܡܘܢ ܟܠܗܘܢ ܢܕܪ̈ܐ܂ \ܘܟܠܗܘܢ ܐܣܪ̈ܐ /ܘܐܣܪ̈ܐ#3#/ ܕܐܣܪܬ ܥܠ ܢܦܫܗ݀ ‍<‍ܢܬܩܝܡܘܢ#3#‍>‍܂ ܡܛܘܠ ܕܫܬܩ ܠܗ ܒܥܠܗ݀ ܒܝܘܡܐ ܕܫܡܥ܂
30:16 ܘܐܢ ܡܒܛܠܘ ܢܒܛܠ ܐܢܘܢ ܡܢ ܒܬܪ ܕܫ݁ܡܥ܂ ܢܩܒܠ ܚܛܗܗ܂
30:17 ܗܠܝܢ ܢܡܘܣ̈ܐ ܕܦܩܕ ܡܪܝܐ ܠܡܘܫܐ܂ ܒܝܬ ܓܒܪܐ ܠܐܢܬܬܗ܂ ܘܒܝܬ ܐܒܐ ܠܒܪܬܗ ܒܛܠܝܘܬܗ݀ ܒܝܬ ܐܒܘܗ݀܂

next chapter