← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62004: P Nm

Click on a word for lexical analysis
Click on a red-colored coordinate for comments and/or translations of the line

previous chapter


32:01 ܘܩܢܝܢܐ ܪܒܐ ܗܘܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܘܛܒ/ܕܛܒ#3#/ ܥܫܝܢ܂ ܘܚܙܐܘܗ݀ ܠܝܥܙܝܪ ܘܠܐܪܥܐ ܕܓܠܥܕ ܐܬܪܐ ܕܐܙ݁ܠ ܠܒܝܬ ܩܢܝܢܐ܂
32:02 ܘܐܬܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܐܡܪܘ ܠܡܘܫܐ ܘܠܐܠܝܥܙܪ ܟܗܢܐ܂ ܘܠܪ̈ܘܪܒܢܐ ܕܟܢܘܫܬܐ܂
32:03 ܥܛܪܘܬ ܘܪܝܒܘܢ ܘܝܥܙܝܪ ܘܢܡܪܐ܂ ܘܚܫܒܘܢ ܘܐܠܥܠܐ ܘܫܒܐ ܘܢܒܘ ܘܒܥܘܢ܂
32:04 ܐܪܥܐ ܕܚܪܒ ܡܪܝܐ ܩܕܡ ܒܢ̈ܝ ܐܝܣܪܝܠ܂ ܐܪܥܐ ܗܝ ܕܐܙܠܐ ܠܒܝܬ ܩܢܝܢܐ܂ ܘܠܥܒ̈ܕܝܟ ܐܝܬ ܩܢܝܢܐ܂
32:05 ܘܐܡܪܘ܂ ܐܢ ܐܫܟܚܢ ܪ̈ܚܡܐ ܩܕܡܝܟ/ܒܥܝ̈ܢܝܟ#3#/܂ ܬܬܝܗܒ ܐܪܥܐ ܗܕܐ ܠܥܒ̈ܕܝܟ ܝܘܪܬܢܐ܂ ܘܠܐ ܬܥܒܪܢ ܝܘܪܕܢܢ܂
32:06 ܘܐܡܪ ܡܘܫܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܐܚ̈ܝܟܘܢ ܢ݁ܦܩܝܢ ܠܩܪܒܐ ܘܐܢܬܘܢ ܝ݁ܬܒܝܢ ܐܢܬܘܢ ܗܪܟܐ܂
32:07 ܠܡܢܐ ܬܒ݁ܪܝܢ ܐܢܬܘܢ ܠܒܐ \ܕܒܢ̈ܝ /ܕܐܚ̈ܝܟܘܢ ܒܢ̈ܝ#3#/ ܐܝܣܪܝܠ܂ ܕܠܐ ܢܥܒܪܘܢ ܠܐܪܥܐ ܕܝܗܒ ܠܗܘܢ ܡܪܝܐ܂
32:08 ܗܟܢܐ ܥܒܕܘ ܐ̈ܒܗܝܟܘܢ ܟܕ ܫ݁ܕܪܬ ܐܢܘܢ ܡܢ ܪܩܡ ܕܓܝܐ܂ ܠܡܓܫ ܐܪܥܐ܂
32:09 ܘܣܠܩܘ ܥܕܡܐ ܠܢܚܠܐ ܕܣܓܘܠܐ܂ ܘܚܙܐܘܗ݀/ܘܓܫܘܗ݀#3#/ ܠܐܪܥܐ܂ ܘܬܒܪܘ ܠܒܐ ܕܒܢ̈ܝ ܐܝܣܪܝܠ܂ ܕܠܐ ܢܥܠܘܢ ܠܐܪܥܐ ܕܝܗܒ ܠܗܘܢ ܡܪܝܐ܂
32:10 ܘܐܬܚܡܬ ܥܠܝܗܘܢ ܪܘܓܙܗ ܕܡܪܝܐ ܒܝܘܡܐ ܗ݀ܘ܂ ܘܝܡܐ ܘܐܡܪ܂
32:11 ܕܠܐ ܢܚܙܘܢ ܓܒܪ̈ܐ ܕܣܠܩܘ ܡܢ ܡܨܪܝܢ܂ ܡܢ ܒܪ ܥܣܪ̈ܝܢ ܫܢ̈ܝܢ ܘܠܥܠ܂ ܐܪܥܐ ܕܝܡܝܬ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܡܛܠ ܕܠܐ ܫܡܠܝܘ ܒܬܪܝ܂
32:12 ܐܠܐ ܐܢ ܟܠܒ ܒܪ ܝܘܦܢܐ ܩܢܙܝܐ܂ ܘܝܫܘܥ ܒܪ ܢܘܢ ܕܫܡܠܝܘ ܒܬܪ ܡܪܝܐ܂
32:13 ܘܐܬܚܡܬ ܪܘܓܙܗ ܕܡܪܝܐ ܥܠ ܐܝܣܪܝܠ܂ ܘܐܛܥܝ ܐܢܘܢ ܒܡܕܒܪܐ ܐܪ̈ܒܥܝܢ ܫ̈ܢܝܢ܂ ܥܕܡܐ ܕܣܦܘ ܟܠܗ ܕܪܐ ܕܓܒܪ̈ܐ ܕܥܒܕܘ ܒܝܫܬܐ ܩܕܡ ܡܪܝܐ܂
32:14 ܘܗܐ ܩܡܬܘܢ ܐܦ ܐܢܬܘܢ ܝܘܡܢܐ ܚܠܦ ܐ̈ܒܗܝܟܘܢ܂ ܬܪܒܝܬܐ ܕܓܒܪ̈ܐ ܚ̈ܛܝܐ܂ ܕܬܘܣܦܘܢ ܬܘܒ ܪܘܓܙܗ ܕܡܪܝܐ ܥܠ ܐܝܣܪܝܠ܂
32:15 ܘܐܢ ܬܗܦܟܘܢ ‍<‍ܬܘܒ#3#‍>‍ ܡܢ ܡܪܝܐ܂ ܢܘܣܦ ܬܘܒ ܠܡܛܥܝܘܬܟܘܢ ܒܡܕܒܪܐ܂ ܘܡܚܒܠܝܢ ܐܢܬܘܢ ܥܠ ܗܢܐ ܟܠܗ ܥܡܐ܂
32:16 ܘܩܪܒܘ ܠܘܬܗ ܘܐܡܪܘ܂ ܛܝܪ̈ܐ ܕܥܢܐ ܢܒܢܐ ܠܩܢܝܢܢ ܗܪܟܐ܂ ܘܩܘܪ̈ܝܐ ܠܝܩܪܬܢ܂
32:17 ܘܚܢܢ ܢܙܕܝܢ/ܢܪܕܐ#3#/ ܘܢܐܙܠ ܩܕܡ ܒܢ̈ܝ ܐܝܣܪܝܠ܂ ܥܕܡܐ ܕܢܥܠ ܐܢܘܢ ܠܐܬܪܗܘܢ܂ ܘܝܩܪܬܢ ܬܬܒ ܒܩܘܪ̈ܝܐ ܥܫܝ̈ܢܬܐ܂ ܡܢ ܩܕܡ ܥܡܘܪ̈ܝܗ݀ ܕܐܪܥܐ܂
32:18 ܠܐ ܢܗܦܘܟ ܠܒ̈ܬܝܢ܂ ܥܕܡܐ ܕܢܐܪܬܘܢ ܒܢ̈ܝ ܐܝܣܪܝܠ ܐܢܫ ܝܪܬܘܬܗ܂
32:19 ܘܠܐ ܢܐܪܬ ܥܡܗܘܢ ܡܢ ܥܒܪܐ ܕܝܘܪܕܢܢ ܘܠܗܠ܂ ܡܛܠ ܕܩܒܠܢ ܝܪܬܘܬܢ ܡܢ ܥܒܪܐ ܕܝܘܪܕܢܢ ܡܢ ܡܕܢܚܐ܂
32:20 ܘܐܡܪ ܠܗܘܢ ܡܘܫܐ܂ ܐܢ ܥ݁ܒܕܝܢ ܐܢܬܘܢ ܦܬܓܡܐ ܗܢܐ܂ ܘܡܙܕܝܢܝܢ ܐܢܬܘܢ ܩܕܡ ܡܪܝܐ ܠܩܪܒܐ܂
32:21 ܘܥ݁ܒܪܝܢ ܐܢܬܘܢ ܝܘܪܕܢܢ ܟܠܟܘܢ ܟܕ ܡܙܝܢܝܢ/ܡܙܕܝܢܝܢ#3#/ ܐܢܬܘܢ ܩܕܡ ܡܪܝܐ ܠܩܪܒܐ܂ ܥܕܡܐ ܕܢܘܒܕ ܒ̈ܥܠܕܒܒܘܗܝ ܡܢ ܩܕܡܘܗܝ܂
32:22 ܘܬܬܟܒܫ ܐܪܥܐ ܩܕܡ ܡܪܝܐ܂ ܗܝܕܝܢ ܬܗܦܟܘܢ ܘܬܬܚܣܘܢ ܡܢ ܡܪܝܐ ܘܡܢ ‍<‍ܒܢ̈ܝ#3#‍>‍ ܐܝܣܪܐܝܠ܂ ܘܬܗܘܐ ܠܟܘܢ ܐܪܥܐ ܗܕܐ ܠܝܪܬܘܬܐ ܩܕܡ ܡܪܝܐ܂
32:23 ܘܐܢ ܠܐ ܥ݁ܒܕܝܢ ܐܢܬܘܢ ܗܟܢܐ܂ ܚ݁ܛܝܢ ܐܢܬܘܢ ܠܡܪܝܐ܂ ܘܕܥܘ ܕܚ̈ܛܗܝܟܘܢ ܡܕܪܟܝܢ ܠܟܘܢ܂
32:24 ܒܢܘ ܠܟܘܢ ܩܘܪ̈ܝܐ ܠܝܩܪܬܟܘܢ܂ ܘܛܝܪ̈ܐ ܠܥܢܟܘܢ܂ ܘܡܕܡ ܕܢܦܩ ܡܢ ܦܘܡܟܘܢ ܥܒܕܘ܂
32:25 ܘܐܡܪܘ ܒܢ̈ܝ ܪܘܒܝܠ ܘܒܢ̈ܝ ܓܕ ܠܡܘܫܐ܂ ܥܒ̈ܕܝܟ ܢܥܒܕܘܢ ܐܝܟ ܕܡܪܢ ܦܩܕ܂
32:26 ܝܩܪܬܢ ܘܢܫ̈ܝܢ ‍<‍ܘܒܢ̈ܝܢ#3#‍>‍ ܘܩܢܝܢܢ ܘܟܠܗ݀ ܒܥܝܪ̈ܢ܂ ܢܗܘܘܢ ܒܩܘܪ̈ܝܐ ܕܓܠܥܕ܂
32:27 ܘܥܒ̈ܕܝܟ ܢܥܒܪܘܢ ܟܕ ܡܙܝܢ̈ܝܢ ܒܚܝܠܐ ܩܕܡ ܡܪܝܐ ܠܩܪܒܐ܂ ܐܝܟ ܕܡܪܢ ܐܡܪ܂
32:28 ܘܦܩܕ ܥܠ ܟܠܗܘܢ ܡܘܫܐ ܠܐܠܝܥܙܪ ܟܗܢܐ ܘܠܝܫܘܥ ܒܪ ܢܘܢ܂ ܘܠܪ̈ܫܐ ܕܫ̈ܒܛܐ ܕܐ̈ܒܗܐ ܕܒܢ̈ܝ ܐܝܣܪܝܠ܂
32:29 ܘܐܡܪ ܠܗܘܢ ܡܘܫܐ܂ ܐܢ ܥ݁ܒܪܝܢ ܒܢ̈ܝ ܪܘܒܝܠ ܘܒܢ̈ܝ ܓܕ ܥܡܟܘܢ ܝܘܪܕܢܢ ܟܕ ܡܙܝܢܝܢ ‍<‍ܒܚܝܠܐ#3#‍>‍ ܩܕܡ ܡܪܝܐ ܠܩܪܒܐ܂ ܘܬܬܟܒܫ ܐܪܥܐ ܩܕܡܝܟܘܢ܂ ܬܬܠܘܢ ܠܗܘܢ ܐܪܥܐ ܕܓܠܥܕ ܝܘܪܬܢܐ܂
32:30 ܘܐܢ ܠܐ ܢܥܒܪܘܢ ܥܡܟܘܢ ܟܕ ܡܙܝܢܝܢ܂ ܢܐܪܬܘܢ ܥܡܟܘܢ ܒܐܪܥܐ ܕܟܢܥܢ܂
32:31 ܘܥܢܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܐܡܪܘ ܠܡܘܫܐ܂ ܐܝܟ ܕܐܡܪ ܡܪܝܐ ܠܥܒ̈ܕܝܟ ܗܟܢܐ ܢܥܒܕ܂
32:32 ܚܢܢ ܢܥܒܪ ܟܕ ܡܙܝܢܝܢܢ ܩܕܡ ܡܪܝܐ ܠܩܪܒܐ܂ ܠܐܪܥܐ ܕܟܢܥܢ܂ ܘܕܝܠܢ ܐܘܚܕܢܐ ܕܝܪܬܘܬܢ ܒܥܒܪܐ ܕܝܘܪܕܢܢ܂
32:33 ܘܝܗܒ ܠܗܘܢ ܡܘܫܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܘܠܦܠܓܗ ܕܫܒܛܐ ܕܡܢܫܐ ܒܪ ܝܘܣܦ܂ ܡܠܟܘܬܗ ܕܣܝܚܘܢ ܡܠܟܐ ܕܐܡܘܪ̈ܝܐ܂ ܘܡܠܟܘܬܗ ܕܥܘܓ ܡܠܟܐ ܕܡܬܢܝܢ܂ ܐܪܥܐ ܟܠܗ݀ ܘܩܘܪ̈ܝܗ݀ ܒܬܚ̈ܘܡܝܗ݀܂ ܘܩܘܪ̈ܝܐ ܕܐܪܥܐ ܕܚܕܝܪ̈ܢ ܠܗ݀܂
32:34 ܘܒܢܘ ܒܢ̈ܝ ܓܕ ܠܪܝܒܘܢ ܘܠܥܛܪܘܬ ܘܠܥܕܘܥܝܪ܂
32:35 ܘܠܥܛܪܘܬ ܫܘܦܢ/ܫܘܦܡ#3#/܂ ܘܠܝܥܙܝܪ ܘܠܝܒܓܗܐ/ܘܠܝܓܒܗܐ#3#/܂
32:36 ܘܠܒܝܬ ܢܡܪܐ܂ ܘܠܒܝܬ ܗܪܢ܂ ܩܘܪ̈ܝܐ ܥܫܝܢ̈ܬܐ ܘܛܝܪ̈ܐ ܕܥܢܐ܂
32:37 ܘܒܢ̈ܝ ܪܘܒܝܠ ܒܢܘ ܠܚܫܒܘܢ ܘܠܐܠܥܠܐ܂ ܘܠܩܘܪܝܬܝܡ܂
32:38 ܘܠܢܒܘ ܘܠܒܥܠܡܘܢ ܕܢܣ̈ܝܒܢ ܗ̈ܘܝ ܫܡܐ ܘܠܣܒܡܐ܂ ܘܩܪܘ ܫܡ̈ܗܝܗܝܢ ܥܠ ܫܡ̈ܗܐ ܕܩܘܪ̈ܝܐ ܕܒܢܘ܂
32:39 ܘܐܙܠܘ ܒܢ̈ܝ ܡܟܝܪ ܒܪ ܡܢܫܐ ܠܓܠܥܕ܂ ܘܟܒܫܘܗ݀ ܘܐܘܒܕܘ ܠܐܡܘܪ̈ܝܐ ܕܒܗ݀܂
32:40 ܘܝܗܒܗ݀ ܡܘܫܐ ܠܓܠܥܕ ܠܡܟܝܪ ܒܪ ܡܢܫܐ ܘܝܬܒ ܒܗ݀܂
32:41 ܘܝܐܝܪ ܒܪ ܡܢܫܐ ܐܙܠ ܘܟܒܫ ܟܦܪ̈ܘܢܝܗܝܢ܂ ܘܩܪܐ ܐܢ̈ܝܢ ܟܦܪ̈ܘܢܐ ܕܝܐܝܪ܂ ܥܕܡܐ ܠܝܘܡܢܐ܂
32:42 ܘܢܟܚ ܐܙܠ ܘܟܒܫ ܠܩܝܬ ܘܠܟܦܪ̈ܘܢܝܗ݀ ܘܩܪܗ݀ ܒܫܡܗ ܢܟܚ܂

next chapter