The Comprehensive Aramaic Lexicon

33:01	ܘܗܠܝܢ ܡܫܩ̈ܠܢܐ ܕܒܢ̈ܝ ܐܝܣܪܝܠ܂ ܕܢܦܩܘ ܡܢ ܐܪܥܐ ܕܡܨܪܝܢ ܠܚܝ̈ܠܘܬܗܘܢ ܒܐܝܕܐ ܕܡܘܫܐ ܘܕܐܗܪܘܢ܂
33:02	ܘܟܬܒ ܡܘܫܐ ܡܦܩ̈ܢܝܗܘܢ ܘܡܫܩ̈ܠܢܝܗܘܢ ܒܡܠܬ ܦܘܡܗ ܕܡܪܝܐ܂ ܘܗܠܝܢ ܡܫܩ̈ܠܢܝܗܘܢ ܘܡܦܩ̈ܢܝܗܘܢ܂
33:03	ܘܫܩܠܘ ܡܢ ܪܥܡܣܝܣ ܒܚܡܫܥܣܪܐ ܒܝܪܚܐ ܩܕܡܝܐ܂ ܡܢ ܒܬܪ ܦܨܚܐ ܢܦܩܘ ܒܢ̈ܝ ܐܝܣܪܝܠ ܡܢ ܡܨܪܝܢ ܒܐܝܕܐ ܪܡܬܐ/ܪܒܬܐ#3#/ܕܡܪܝܐ#3#/ ܠܥܝܢ ܟܠܗܘܢ ܡܨܪܝܐ܂
33:04	ܘܡܨܪ̈ܝܐ ܩ݁ܒܪܝܢ ܗܘܘ ܠܒܘܟܪ̈ܐ ܕܩܛܠ ܒܗܘܢ ܡܪܝܐ܂ ܘܒܐ̈ܠܗܝܗܘܢ ܥܒܕ ܡܪܝܐ ܕܝܢܐ܂
33:05	ܘܫܩܠܘ ܒܢ̈ܝ ܐܝܣܪܝܠ ܡܢ ܪܥܡܣܝܣ܂ ܘܫܪܘ ܒܣܟܘܬ܂
33:06	ܘܫܩܠܘ ܡܢ ܣܟܘܬ܂ ܘܫܪܘ ܒܐܬܡ ܕܒܣ̈ܘܦܝ ܡܕܒܪܐ܂
33:07	ܘܫܩܠܘ ܡܢ ܐܬܡ܂ ܘܫܪܘ ܥܠ ܦܘܡ ܚܐܪܝܬܐ ܕܩܕܡ ܒܥܠܨܦܘܢ܂ ܘܫܪܘ ܩܕܡ ܡܓܕܘܠ܂
33:08	ܘܫܩܠܘ ܡܢ ܦܘܡ ܚܐܪܝܬܐ܂ ܘܐܙܠܘ ܒܓܘ ܝܡܐ ܠܡܕܒܪܐ/ܒܡܕܒܪܐ#3#/܂ ܘܐܙܠܘ ܡܪܕܐ ܬܠܬܐ ܝܘܡ̈ܝܢ ܒܡܕܒܪܐ ܕܐܬܡ܂ ܘܫܪܘ ܒܡܘܪܬ܂
33:09	ܘܫܩܠܘ ܡܢ ܡܘܪܬ܂ ܘܐܬܘ ܠܐܠܝܡ܂ ܘܒܐܠܝܡ ܐܝܬ ܗ̈ܘܝ ܬܪ̈ܬܥܣܪܐ ܥܝ̈ܢܬܐ ܕܡ̈ܝܐ ܘܫܒܥܝܢ ܕܩ̈ܠܝܢ܂ ܘܫܪܘ ܬܡܢ ܥܠ ܡ̈ܝܐ܂
33:10	ܘܫܩܠܘ ܡܢ ܐܠܝܡ܂ ܘܫܪܘ ܥܠ ܝܕ ܝܡܐ ܕܣܘܦ܂
33:11	ܘܫܩܠܘ ܡܢ ܝܕ ܝܡܐ ܕܣܘܦ܂ ܘܫܪܘ ܒܡܕܒܪܐ ܕܣܝܢ܂
33:12	ܘܫܩܠܘ ܡܢ ܡܕܒܪܐ ܕܣܝܢ܂ ܘܫܪܘ ܒܪܦܩܐ܂
33:13	ܘܫܩܠܘ ܡܢ ܪܦܩܐ܂ ܘܫܪܘ ܒܐܠܘܫ܂
33:14	ܘܫܩܠܘ ܡܢ ܐܠܘܫ܂ ܘܫܪܘ ܒܪܦܝܕܝܢ܂ ܘܠܝܬ ܗܘܘ ܬܡܢ ܡ̈ܝܐ ܠܥܡܐ ܕܢܫܬܘܢ܂
33:15	ܘܫܩܠܘ ܡܢ ܪܦܝܕܝܢ܂ ܘܫܪܘ ܒܡܕܒܪܐ ܕܣܝܢܝ܂
33:16	ܘܫܩܠܘ ܡܢ ܡܕܒܪܐ ܕܣܝܢܝ܂ ܘܫܪܘ ܒܩܒܪ̈ܐ ܕܪ̈ܓܝ ܪܓܬܐ܂
33:17	ܘܫܩܠܘ ܡܢ ܩܒܪ̈ܐ ܕܪ̈ܓܝ ܪܓܬܐ܂ ܘܫܪܘ ܒܚܨܪܘܬ܂
33:18	ܘܫܩܠܘ ܡܢ ܚܨܪܘܬ܂ ܘܫܪܘ ܒܪܬܡܐ܂
33:19	ܘܫܩܠܘ ܡܢ ܪܬܡܐ܂ ܘܫܪܘ ܒܪܡܘܢ ܦܪܨ܂
33:20	ܘܫܩܠܘ ܡܢ ܪܡܘܢ ܦܪܨ܂ ܘܫܪܘ ܒܠܒܢܐ܂
33:21	ܘܫܩܠܘ ܡܢ ܠܒܢܐ܂ ܘܫܪܘ ܒܪܣܐ܂
33:22	ܘܫܩܠܘ ܡܢ ܪܣܐ܂ ܘܫܪܘ ܒܩܗܠܬ܂
33:23	ܘܫܩܠܘ ܡܢ ܩܗܠܬ܂ ܘܫܪܘ ܒܛܘܪܐ ܕܫܦܪ܂
33:24	ܘܫܩܠܘ ܡܢ ܛܘܪܐ ܕܫܦܪ܂ ܘܫܪܘ ܒܚܕܕܐ܂
33:25	ܘܫܩܠܘ ܡܢ ܚܕܕܐ܂ ܘܫܪܘ ܒܡܩܗܠܘܬ܂
33:26	ܘܫܩܠܘ ܡܢ ܡܩܗܠܘܬ܂ ܘܫܪܘ ܒܬܚܬ܂
33:27	ܘܫܩܠܘ ܡܢ ܬܚܬ܂ ܘܫܪܘ ܒܬܪܚ܂
33:28	ܘܫܩܠܘ ܡܢ ܬܪܚ܂ ܘܫܪܘ ܒܡܬܩܐ܂
33:29	ܘܫܩܠܘ ܡܢ ܡܬܩܐ܂ ܘܫܪܘ ܒܚܫܡܘܢܐ܂
33:30	ܘܫܩܠܘ ܡܢ ܚܫܡܘܢܐ܂ ܘܫܪܘ ܒܡܣܪܘܬ܂
33:31	ܘܫܩܠܘ ܡܢ ܡܣܪܘܬ܂ ܘܫܪܘ ܒܒܢ̈ܝ ܝܥܩܢ܂
33:32	ܘܫܩܠܘ ܡܢ ܒܢ̈ܝ ܝܥܩܢ܂ ܘܫܪܘ ܒܚܕܓܕܓܕ܂
33:33	ܘܫܩܠܘ ܡܢ ܚܕܓܕܓܕ܂ ܘܫܪܘ ܒܝܛܒܬ܂
33:34	ܘܫܩܠܘ ܡܢ ܝܛܒܬ܂ ܘܫܪܘ ܒܥܟܪܘܢܐ܂
33:35	ܘܫܩܠܘ ܡܢ ܥܟܪܘܢܐ܂ ܘܫܪܘ ܒܥܨܝܢܘܓܒܪ܂
33:36	ܘܫܩܠܘ ܡܢ ܥܨܝܢܘܓܒܪ܂ ܘܫܪܘ ܒܡܕܒܪܐ ܕܨܝܢ ܕܗܝ ܗܝ ܩܕܫ܂
33:37	ܘܫܩܠܘ ܡܢ ܩܕܫ܂ ܘܫܪܘ ܒܗܘܪ ܛܘܪܐ ܕܒܣ̈ܘܦܝ ܐܪܥܐ ܕܐܕܘܡ܂
33:38	ܘܣܠܩ ܐܗܪܘܢ ܟܗܢܐ ܠܗܘܪ ܛܘܪܐ ܒܡܠܬ ܦܘܡܗ ܕܡܪܝܐ܂ ܘܡܝܬ ܬܡܢ܂ ܒܫܢܬ ܐܪ̈ܒܥܝܢ ܕܢܦܩܘ ܒܢ̈ܝ ܐܝܣܪܝܠ ܡܢ \ܐܪܥܐ ܕܡܨܪܝܢ /ܡܨܪܝܢ#3#/܂ ܒܝܪܚܐ ܩܕܡܝܐ/ܕܚ̈ܡܫܐ#3#/ ܒܚܕ ܒܝܪܚܐ܂
33:39	ܘܐܗܪܘܢ ܒܪ ܡܐܐ ܗܘܐ ܘܥܣܪ̈ܝܢ ܘܬܠܬ ܫ̈ܢܝܢ܂ ܟܕ ܡܝܬ ܒܗܘܪ ܛܘܪܐ܂
33:40	ܘܫܡܥ ܟܢܥܢܝܐ ܡܠܟܐ ܕܓܕܪ ܕܥ݁ܡܪ/ܕܝܬܒ#3#/ ܒܬܝܡܢܐ ܒܐܪܥܐ ܕܟܢܥܢ܂ ܟܕ ܐܬܘ ܒܢ̈ܝ ܐܝܣܪܝܠ܂
33:41	ܘܫܩܠܘ ܡܢ ܗܘܪ ܛܘܪܐ܂ ܘܫܪܘ ܒܨܠܡܘܢܐ܂
33:42	ܘܫܩܠܘ ܡܢ ܨܠܡܘܢܐ܂ ܘܫܪܘ ܒܦܝܢܘܢ܂
33:43	ܘܫܩܠܘ ܡܢ ܦܝܢܘܢ܂ ܘܫܪܘ ܒܐܒܘܬ܂
33:44	ܘܫܩܠܘ ܡܢ ܐܒܘܬ܂ ܘܫܪܘ ܒܥܝܢܐ ܕܥܒܪ̈ܝܐ ܒܬܚܘܡܐ ܕܡܘܐܒ܂
33:45	ܘܫܩܠܘ ܡܢ ܥܝܢܐ ܕܥܒܪ̈ܝܐ܂ ܘܫܪܘ ܒܪܝܒܘܢ ܓܕ܂
33:46	ܘܫܩܠܘ ܡܢ ܪܝܒܘܢ ܓܕ܂ ܘܫܪܘ ܒܥܠܡܘܢ ܕܒܠܬܝܡ܂
33:47	ܘܫܩܠܘ ܡܢ ܒܥܠܡܘܢ ܕܒܠܬܝܡ܂ ܘܫܪܘ ܒܛܘܪܐ ܕܥܒܪ̈ܝܐ ܕܩܕܡ/ܩܕܡ#3#/ ܢܒܘ܂
33:48	ܘܫܩܠܘ ܡܢ ܛܘܪܐ ܕܥܒܪ̈ܝܐ ܘܫܪܘ ܒܥܪܒܘܬ ܡܘܐܒ܂ ܕܥܠ ܝܘܪܕܢܢ ܕܐܝܪܝܚܘ܂
33:49	ܘܫܪܘ ܥܠ ܝܘܪܕܢܢ ܡܢ ܒܝܬ ܐܫܝܡܘܢ܂ ܘܥܕܡܐ ܠܐܒܠ ܕܣܛܝܡ ܕܒܥܪܒܘܬ ܡܘܐܒ܂
33:50	\ܘܐܡܪ ܡܪܝܐ ܠܡܘܫܐ /ܘܡܠܠ ܡܪܝܐ ܥܡ ܡܘܫܐ#3#/ ܒܥܪܒܘܬ ܡܘܐܒ ܕܥܠ ܝܘܪܕܢܢ ܕܐܝܪܝܚܘ܂
33:51	ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܐܢܬܘܢ ܥ݁ܒܪܝܢ ܐܢܬܘܢ ܝܘܪܕܢܢ ܠܐܪܥܐ ܕܟܢܥܢ܂
33:52	ܘܬܘܒܕܘܢ ܟܠܗܘܢ ܥܡܘܪ̈ܝܗ݀ ܕܐܪܥܐ ܡܢ ܩܕܡܝܟܘܢ܂ ܘܬܘܒܕܘܢ ܟܠܗܝܢ ܣ̈ܓܕܬܗܘܢ܂ ܘܟܠܗܘܢ ܨ̈ܠܡܐ ܕܢܣܟܬܗܘܢ ܬܘܒܕܘܢ/ܬܬܒܪܘܢ#3#/܂ ܘܟܠܗܝܢ ܥ̈ܠܘܬܗܘܢ/ܥ̈ܠܠܬܗܘܢ#3#/ ܬܥܩܪܘܢ܂
33:53	ܘܬܐܪܬܘܢܗ݀ ܠܐܪܥܐ ܘܬܬܒܘܢ ܒܗ݀܂ ܡܛܠ ܕܠܟܘܢ ܝܗ݀ܒܬܗ݀ ܐܪܥܐ ‍<‍ܗܕܐ#3#‍>‍ ܠܡܐܪܬܗ݀܂
33:54	ܘܝܪܬܘ ܐܪܥܐ ܒܦܨ̈ܐ ܕܫܪ̈ܒܬܟܘܢ܂ ܠܣܓ̈ܝܐܐ ܬܣܓܘܢ ܝܪܬܘܬܐ܂ ܘܠܙܥܘܪ̈ܐ ܬܙܥܪܘܢ ܝܪܬܘܬܐ܂ ܡ݁ܢ ܕܣ݁ܠܩܐ ܠܗ ܦܨܬܐ ܠܫ̈ܒܛܐ ܕܐ̈ܒܗܝܗܘܢ ܢܐܪܬܘܢ܂

33:55	ܘܐܢ ܠܐ ܬܘܒܕܘܢ ܠܥܡܘܪ̈ܐ ܕܐܪܥܐ ܡܢ ܩܕܡܝܟܘܢ ܗ݀ܢܘܢ ܕܡܫܬܚܪܝܢ ܡܢܗܘܢ܂ ܢܗܘܘܢ ܣ̈ܟܐ ܒ̈ܥܝܢܝܟܘܢ܂ ܘܠܘܠܝ̈ܬܐ ܒܨ̈ܕܥܝܟܘܢ܂ ܘܢܥܝܩܘܢ ܠܟܘܢ ܒܐܪܥܐ ܕܥ݁ܡܪܝܢ ܐܢܬܘܢ ܒܗ݀܂

33:56	ܘܐܝܟܢܐ/ܘܕܐܝܟܢܐ#3#/ܘܐܝܟ#3#/ ܕܐܬܚܫܒܬ ܕܐܥܒܕ ܠܗܘܢ ܐܥܒܕ ܠܟܘܢ܂