← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


15:01 ܘܒܬܪ ܫܒܥ ܫ̈ܢܝܢ܂ ܥܒܕ ܫܘܒܩܢܐ܂
15:02 ܘܗܢܘ ܙܕܩܗ ܕܫܘܒܩܢܐ܂ ܢܫܒܘܩ ܟܠ ܓܒܪܐ ܡܪܐ ܚܘܒܐ ܕܚܝܒ ܠܗ ܚܒܪܗ܂ ܠܐ ܢܬܒܥ ܡܢ ܚܒܪܗ ܘܡܢ ܐܚܘܗܝ܂ ܡܛܠ ܕܐܬܩܪܝ ܫܘܒܩܢܐ ܠܡܪܝܐ܂
15:03 ܘܡܢ ܢܘܟܪܝܐ ܬܒܥ܂ ܘܡܕܡ ܕܐܝܬ ܠܟ ܠܘܬ ܐܚܘܟ ܫܒܘܩ܂
15:04 ܕܠܐ ܢܗܘܐ ܒܝܢܬܟܘܢ ܡܣܟܢܐ܂ ܡܛܠ ܕܡܒܪܟܘ ܢܒܪܟܟ ܡܪܝܐ ܐܠܗܟ܂ ܒܐܪܥܐ ܕܝ݁ܗܒ ܠܟ ܡܪܝܐ ܐܠܗܟ ܠܡܐܪܬܗ݀܂
15:05 ܘܐܢ ܬܫܡܥ ܒܩܠܗ ܕܡܪܝܐ ܐܠܗܟ܂ ܘܬܛܪ ܘܬܥܒܕ ܗܢܐ ܟܘܠܗ ܦܘܩܕܢܐ ܕܡܦܩܕ ܐܢܐ ܠܟ ܝܘܡܢܐ܂
15:06 ܢܒܪܟܟ ܡܪܝܐ ܐܠܗܟ ܐܝܟ ܕܐܡܪ ܠܟ܂ ܬܘܙܦ ܠܥܡ̈ܡܐ ܣ̈ܓܝܐܐ ܘܐܢܬ ܠܐ ܬܐܙܦ܂ ܘܬܫܬܠܛ ܒܥܡ̈ܡܐ ܣ̈ܓܝܐܐ ܘܒܟ ܠܐ ܢܫܬܠܛܘܢ܂
15:07 ܘܐܢ ܢܗܘܐ ܒܝܢܬܟܘܢ ܡܣܟܢܐ ܚܕ ܡܢ ܐ̈ܚܝܟܘܢ܂ ܒܚܕܐ ܡܢ ܩܘܪ̈ܝܟܘܢ܂ ܒܐܪܥܐ ܕܝ݁ܗܒ ܠܟ ܡܪܝܐ ܐܠܗܟ܂ ܠܐ ܬܥܫܢ ܠܒܟ܂ ܘܠܐ ܬܐܚܘܕ ܐܝܕܟ ܡܢ ܐܚܘܟ ܡܣܟܢܐ܂
15:08 ܐܠܐ ܦܬܚ ܠܗ ܐܝܕܟ ܘܐܘܙܦܝܗܝ ܡܕܡ ܕܚܣܝܪ ܠܗ܂
15:09 ܐܙܕܗܪ ܕܠܡܐ/ܕܠܐ#2#/ ܢܗܘܐ ܦܬܓܡܐ ܕܥܘܠܐ ܒܠܒܟ܂ ܘܬܐܡܪ ܕܩܪܒܬ ܫܢܬܐ ܕܫܘܒܩܢܐ ܫܢܬܐ ܕܫܒ̈ܘܥܐ܂ ܘܬܒܐܫ ܥܝܢܟ ܒܐܚܘܟ ܡܣܟܢܐ܂ ܘܠܐ ܬܬܠ ܠܗ܂ ܘܢܩܪܐ ܥܠܝܟ ܠܡܪܝܐ܂ ܘܢܗܘܐ ܥܠܝܟ ܚܛܗܐ܂
15:10 ܐܠܐ ܗܒ ܠܗ܂ ܘܠܐ ܢܒܐܫ ܠܒܟ܂ ܡܐ ܕܝ݁ܗܒ ܐܢܬ ܠܗ܂ ܕܡܛܠ ܦܬܓܡܐ ܗܢܐ ܢܒܪܟܟ ܡܪܝܐ ܐܠܗܟ ܒܟܠܗܘܢ ܥܒ݁ܕܝ̈ܟ܂ ܘܒܟܠ ܡܕܡ ܕܡܘܫܛ ܐܢܬ ܐܝܕܟ܂
15:11 ܠܐ ܓܝܪ ܓܡܪ ܡܣܟܢܐ ܡܢ ܓܘ ܐܪܥܐ܂ ܡܛܠ ܗܢܐ ܡܦܩܕ ܐܢܐ ܠܟ܂ ܘܐ݁ܡܪ ܐܢܐ ܠܟ ܕܬܦܬܚ ܐܝܕܟ ܠܐܚܘܟ ܡܣܟܢܐ܂ ܘܠܒ݁ܝܫܐ ܕܒܐܪܥܟ/ܕܥܡܟ#3#/܂
15:12 ܘܟܕ ܢܙܕܒܢ ܠܟ ܐܚܘܟ ܥܒܪܝܐ ܘܥܒܪܝܬܐ/ܐܘ ܥܒܪܝܬܐ#3#/ ܫܬ ܫ̈ܢܝܢ ܢܦܠܚܟ܂ ܘܠܫܢܬܐ ܕܫܒܥ ܫܒܘܩܝܗܝ ܒܪ ܚܐܪ̈ܐ ܡܢ ܠܘܬܟ܂
15:13 ܘܡܐ ܕܫ݁ܒܩ ܐܢܬ ܠܗ ܒܪ ܚܐܪ̈ܐ ܡܢ ܠܘܬܟ܂ ܠܐ ܬܫܒܘܩܝܘܗܝ ܣܪܝܩܐܝܬ܂
15:14 ܐܠܐ ܦܪܘܫ ܘܗܒ ܠܗ܂ ܡܢ ܥܢܟ ܘܡܢ ܬܘܪ̈ܝܟ܂ ܘܡܢ ܐܕܪܟ ܘܡܢ ܡܥܨܪܬܟ܂ ܘܡܢ ܡܕܡ ܕܝܗܒ ܠܟ ܡܪܝܐ ܐܠܗܟ ܗܒ ܠܗ܂
15:15 ܘܐܬܕܟܪ ܕܥܒܕܐ ܗܘܝܬ ܒܡܨܪܝܢ܂ ܘܦܪܩܟ ܡܪܝܐ ܐܠܗܟ܂ ܡܛܠ ܗܢܐ ܡܦܩܕ ܐܢܐ ܠܟ ܦܬܓܡܐ ܗܢܐ ܝܘܡܢܐ܂
15:16 ܘܐܢ ܢܐܡܪ ܠܟ ܕܠܐ ܢ݁ܦܩ ܐܢܐ ܡܢ ܠܘܬܟ܂ ܡܛܘܠ ܕܪܚܡ݁ܬܟ ܘܠܒܝܬܟ܂ ܘܦܩܚ ܠܝ ܥܡܟ܂
15:17 ܣܒ ܡܩܒܐ ܘܩܘܒ ܐܕܢܗ ܥܠ ܬܪܥܐ܂ ܘܢܗܘܐ ܠܟ ܥܒܕܐ ܠܥܠܡ܂ ܘܐܦ ܠܐܡܬܟ ܗܟܢܐ ܬܥܒܕ ܠܗ݀܂
15:18 ܘܠܐ ܢܬܒܐܫ ܒܥܝ̈ܢܝܟ ܡܐ/ܥܠ#3#/ ܕܫ݁ܒܩ ܐܢܬ ܠܗ ܒܪ ܚܐܪ̈ܐ ܡܢ ܠܘܬܟ܂ ܡܛܠ ܕܚܕ ܬܪ̈ܝܢ ܒܐܓܪܐ ܕܐܓܝܪܐ ܦܠܚܟ ܫܬ ܫ̈ܢܝܢ܂ ܘܢܒܪܟܟ ܡܪܝܐ ܐܠܗܟ ܒܟܠ ܡܕܡ ܕܥ݁ܒܕ ܐܢܬ܀
15:19 ܘܟܠ ܒܘܟܪܐ ܕܡܬܝܠܕ ‍<‍ܠܟ#2#‍>‍ ܒܬܘܪ̈ܝܟ ܘܒܥܢܟ ܕܟܪ̈ܐ܂ ܩܕܫ ܠܡܪܝܐ ܐܠܗܟ܂ ܠܐ ܬܦܠܘܚ ܒܒܘܟܪ̈ܐ ܕܬܘܪ̈ܝܟ܂ ܘܠܐ ܬܓܘܙ ܒܘܟܪ̈ܐ ܕܥܢܟ܂
15:20 ܐܠܐ ܩܕܡ ܡܪܝܐ ܐܠܗܟ ܐܟܘܠܝܗܝ ܕܫܢܐ ܒܫܢܐ܂ ܒܐܬܪܐ ܕܓܒܐ ܡܪܝܐ ‍<‍ܐܠܗܟ#3#‍>‍܂ ܐܢܬ ܘܒܝܬܟ܂
15:21 ܘܐܢ ܢܗܘܐ ܒܗ ܡܘܡܐ \ܘܢܬܚܓܪ ܐܘ ܢܬܥܘܪ /ܢܬܥܘܪ ܐܘ ܢܬܚܓܪ#3#/ ܐܘ ܟܠ ܡܕܡ/ܡܘܡ#3#/ ܕܣܢܐ܂ ܠܐ ܬܩܪܒܝܘܗܝ ܠܡܪܝܐ ܐܠܗܟ܂
15:22 ܐܠܐ ܒܩܘܪ̈ܝܟ ܐܟܘܠܝܗܝ ܕܛܡܐ ܘܕܕܟܐ ܐܟܚܕܐ ܐܝܟ ܛܒܝܐ ܘܐܝܟ ܐܝܠܐ ܬܐܟܠܝܘܗܝ܂
15:23 ܒܠܚܘܕ ܕܡܐ ܠܐ ܬܐܟܠܘܢ܂ ܐܠܐ ܥܠ ܐܪܥܐ ܐܫܘܕܝܗܝ ܐܝܟ ܡ̈ܝܐ܂

next chapter