The Comprehensive Aramaic Lexicon

18:01	ܠܐ ܬܗܘܐ ܠܟܗܢܐ ܘܠܠܘܝܐ ܦܠܓܘܬܐ ܘܝܪܬܘܬܐ ܒܝܢܬ ܒܢ̈ܝ ܐܝܣܪܝܠ܂ ܐܠܐ ܩܘܪ̈ܒܢܘܗܝ ܕܡܪܝܐ ܘܝܪܬܘܬܗ ܢܐܟܠܘܢ܂
18:02	ܘܝܪܬܘܬܐ ܠܐ ܬܗܘܐ ܠܗ ܒܝܢܬ/ܒܝܬ#3#/ ܐ̈ܚܘܗܝ܂ ܡܪܝܐ ܗܘ ܓܝܪ ܝܪܬܘܬܗ ܐܝܟ/ܐܝܟܢܐ#3#/ ܕܐܡܪ ܠܗ܂
18:03	ܘܗܢܐ ܢܗܘܐ ܙܕܩܗ ܕܟܗܢܐ ܡܢ ܥܡܐ ܡܢ ܢ݁ܟ̈ܣܝ ܢܟܣܬܐ܂ ܐܢ ܬܘܪܐ ܗܘ ܐܘ ܐܡܪܐ ܢܬܠ ܠܟܗܢܐ ܕܪܥܐ ܘܦܟܐ ܘܥܢܘܝܬܐ܂
18:04	ܪܝܫ ܥܒܘܪܟ ܘܚܡܪܟ ܘܡܫܚܟ܂ ܘܪܝܫ ܓܙ̈ܐ/ܓܙܪ̈ܐ#2#/ ܕܥܢܟ ܗܒ ܠܗ܂
18:05	ܡܛܠ ܕܠܗ ܓܒܐ ܡܪܝܐ ܐܠܗܟ ܡܢ ܟܠܗܘܢ ܫܒ̈ܛܝܟ ܘܢܩܘܡ ܘܢܫܡܫ ܒܫܡܗ ܕܡܪܝܐ ܐܠܗܟ܂ ܗܘ ܘܒܢ̈ܘܗܝ ܟܠܗܘܢ ܝܘܡ̈ܬܐ܂
18:06	ܘܐܢ/ܘܟܕ#3#/ ܢܐܬܐ ܠܘܝܐ ܚܕ ܡܢ ܐ̈ܚܝܟ ܡܢ ܟܠܗ ܐܝܣܪܐܝܠ ܡܢ ܐܬܪ ܕܥ݁ܡܪ܂ ܢܐܬܐ ܒܟܘܠ ܪܓܬ ܢܦܫܗ ܠܐܬܪܐ ܕܓܒܐ ܡܪܝܐ܂
18:07	ܘܢܫܡܫ ܒܫܡܗ ܕܡܪܝܐ ܐܠܗܗ܂ ܐܝܟ ܟܠܗܘܢ ܐ̈ܚܘܗܝ ܠܘ̈ܝܐ ܕܩ݁ܝܡܝܢ ܬܡܢ ܩܕܡ ܡܪܝܐ܂
18:08	ܡܢܬܐ ܫܘܝܐܝܬ ܢܐܟܠܘܢ܂ ܣܛܪ ܡܢ ܙܒܢܐ ܕܐ̈ܒܗܐ܂
18:09	ܘܡܐ ܕܥܠܬ ܠܐܪܥܐ ܕܝ݁ܗܒ ܠܟ ܡܪܝܐ ܐܠܗܟ܂ ܠܐ ܬܐܠܦ ܠܡܥܒܕ ܐܝܟ ܥܒ݁ܕܝ̈ܗܘܢ ܕܥܡ̈ܡܐ ܗ݀ܢܘܢ/ܗܠܝܢ#3#/܂

18:10	ܠܐ ܢܫܬܟܚ ܒܟ܂ ܕܡܥܒܪ ܒܪܗ ܐܘ ܒܪܬܗ ܒܢܘܪܐ܂ ܘܕܩܨܡ ܩܨܡܐ ܘܕܡܐܚܕ ܥܝܢܐ܂ ܘܕܡܢܚܫ ܘܕܚܪܫ܂

18:11	ܘܕܐ݁ܫܦ ܒܐܫܦܐ ܘܕܫ݁ܐܠ ܡܢ ܙܟܘܪ̈ܐ ܘܡܢ ܝܕܘ̈ܥܐ܂ ܘܫܐܠ ܠܡ̈ܝܬܐ܂
18:12	ܡܛܠ ܕܛܡܐ ܗܘ ܩܕܡ ܡܪܝܐ ܐܠܗܟ ܟܠ ܡ݁ܢ ܕܥ݁ܒܕ ܗܠܝܢ܂ ܘܡܛܘܠ ܛܢ̈ܦܘܬܐ ܗܠܝܢ ܡܘܒܕ ܠܗܘܢ ܡܪܝܐ ܐܠܗܟ ܡܢ ܩܕܡܝܟ܂
18:13	ܗܘܝܬ ܬܡܝܡ ܩܕܡ ܡܪܝܐ ܐܠܗܟ܂
18:14	ܡܛܠ ܕܥܡ̈ܡܐ ܗܠܝܢ ܕܝ݁ܪܬ ܐܢܬ ܠܗܘܢ܂ ܠܙܟܘܪ̈ܐ ܘܠܩ̈ܨܘܡܐ ܫ݁ܡܥܝܢ܂ ܐܢܬ ܕܝܢ ܠܐ ܗܘܐ ܗܟܢܐ ܝ݁ܗܒ ܠܟ ܡܪܝܐ ܐܠܗܟ܂
18:15	ܢܒܝܐ ܡܢ ܓܘܟ ܡܢ ܐ̈ܚܝܟ ܐܟܘܬܝ ܢܩܝܡ ܠܗ ܡܪܝܐ ܐܠܗܟ܂ ܠܗ ܗܘܝܬܘܢ ܫ݁ܡܥܝܢ܂
18:16	ܐܝܟ ܕܫܐܠܬ ܡܢ ܩܕܡ ܡܪܝܐ ܐܠܗܟ ܒܚܘܪܝܒ ܒܝܘܡܐ ܕܟܢܘܫܝܐ܂ ܘܐܡܪܬ ܕܠܐ ܐܘܣܦ ܠܡܫܡܥ ܩܠܗ ܕܡܪܝܐ ܐܠܗܝ܂ ܘܗܕܐ ܢܘܪܐ ܪܒܬܐ ܬܘܒ ܠܐ ܐܚܙܐ ܕܠܐ ܐܡܘܬ܂
18:17	ܘܐܡܪ ܠܝ ܡܪܝܐ܂ ܫܦܝܪ ܟܠ ܡܕܡ ܕܡܠܠܘ܂
18:18	ܢܒܝܐ ܐܩܝܡ ܠܗܘܢ ܡܢ ܓܘ ܐ̈ܚܝܗܘܢ ܐܟܘܬܟ܂ ܘܐܬܠ ܦܬ̈ܓܡܝ ܒܦܘܡܗ܂ ܘܢܐܡܪ ܠܗܘܢ ܟܠ ܡܕܡ ܕܐܦܩܕܝܘܗܝ܂
18:19	ܘܓܒܪܐ ܕܠܐ ܢܫܡܥ ܠܦܬ̈ܓܡܝ ܕܢܡܠܠ ܒܫܡܝ܂ ܐܢܐ ܐܬܒܥ ܡܢܗ܂
18:20	ܒܪܡ ܕܝܢ ܢܒܝܐ ‍<‍ܐܝܢܐ#3#‍>‍ ܕܢܡܪܚ ܠܡܡܠܠܘ ܡܠܬܐ ܒܫܡܝ܂ ܕܠܐ ܦܩ݁ܕܬܗ ܕܢܐܡܪ܂ ܘܕܢܡܠܠ ܒܫܡ ܐ̈ܠܗܐ ܐܚܪ̈ܢܐ܂ ܢܬܩܛܠ ܢܒܝܐ ܗ݀ܘ܂
18:21	ܘܐܢ ܬܐܡܪ ܒܠܒܟ܂ ܐܝܟܢܐ ܐܕܥܝܘܗܝ ܠܦܬܓܡܐ ܕܠܐ ܐܡܪܗ ܡܪܝܐ܂
18:22	ܡܐ ܕܡܠܠ ܢܒܝܐ ܒܫܡܗ ܕܡܪܝܐ܂ ܘܠܐ ܗܘܐ ܦܬܓܡܐ ‍<‍ܗ݀ܘ#3#‍>‍ ܘܠܐ ܐܬܐ܂ ܗ݂ܘ ܗ݀ܘ ܦܬܓܡܐ ܠܐ ܡܠܠ ܡܪܝܐ܂ ܒܡܪܚܘܬܐ ܡܠܠܗ/ܗܘ ܡܡܠܠܗ#3#/ ܢܒܝܐ܂ ܠܐ ܬܕܚܠܘܢ ܡܢܗ܀܂