← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


19:01 ܘܟܕ ܢܘܒܕ ܡܪܝܐ ܐܠܗܟ ܥܡ̈ܡܐ ܕܡܪܝܐ ܐܠܗܟ ܝ݁ܗܒ ܠܟ ܐܪܥܗܘܢ܂ ܘܬܐܪܬ ܐܢܘܢ ܘܬܬܒ ܒܩܘܪ̈ܝܗܘܢ ܘܒܒ̈ܬܝܗܘܢ܂
19:02 ܬܠܬ ܩܘܪ̈ܝܐ ܦܪܘܫ ܠܟ ܒܓܘ ܐܪܥܟ ܕܝ݁ܗܒ ܠܟ ܡܪܝܐ ܐܠܗܟ ܝܘܪܬܢܐ܂
19:03 ܛܝܒ ܐܘܪܚܐ ܘܬܠܬ ܬܚ̈ܘܡܐ ܕܐܪܥܐ ܕܡܘܪܬ ܠܟ ܡܪܝܐ ܐܠܗܟ܂ ܕܢܗܘܐ ܥ݁ܪܩ ܠܬܡܢ ܟܠ ܩܛܘܠܐ܂
19:04 ܘܗܢܘ ܙܕܩܗ ܕܩܛܘܠܐ܂ ܕܩ݁ܛܠ ܠܚܒܪܗ ܘܚܝ݁ܐ܂ ܡܐ ܕܩ݂ܛܠ ܠܚܒܪܗ ܕܠܐ ܒܨܒܝܢܗ܂ ܘܠܐ ܣ݁ܢܐ ܗܘܐ ܠܗ ܡܢ ܐܬܡܠܝ ܘܡܢ ܡܢܬܡܠܝ܂
19:05 ܘܡ݁ܢ ܕܢܥܘܠ ܥܡ ܚܒܪܗ ܠܥܒܐ ܕܩܝ̈ܣܐ ܠܡܦܣܩ ܘܢܪܝܡ ܐܝܕܗ ܒܢܪܓܐ ܠܡܦܣܩ ܩܝܣܐ܂ ܘܢܫܬܡܛ ܦܪܙܠܐ/ܢܪܓܐ#3#/ ܡܢ ܩܝܣܐ܂ ܘܢܡܚܐ ܠܚܒܪܗ ܘܢܡܘܬ܂ ܗܢܐ ܢܥܪܘܩ ܠܚܕܐ ܡܢ ܗܠܝܢ ܩܘܪ̈ܝܐ ܘܢܚܐ܂
19:06 ܕܠܐ ܟܕ ܢܪܕܘܦ ܬܒ݁ܥ ܥܝܪܬܐ ܕܕܡܐ ܒܬܪ ܩܛܘܠܐ ܒܚܡܝܡܘܬܐ ܕܠܒܗ ܘܢܕܪܟܝܘܗܝ܂ ܟܕ ܬܗܘܐ ܣܓܝܐܐ ܐܘܪܚܐ ܘܢܩܛܠܝܘܗܝ ܟܕ ܠܐ ܚܝܒ ܕܝܢܐ ܕܡܘܬܐ܂ ܠܐ ܓܝܪ ܣ݁ܢܐ ܗܘܐ ܠܗ ܡܢ ܐܬܡܠܝ ܘܡܢ ܡܢܬܡܠܝ܂
19:07 ܡܛܠ ܗܢܐ ܡܦܩܕ ܐܢܐ ܠܟ ܘܐ݁ܡܪ ܐܢܐ ܠܟ܂ ܕܬܦܪܘܫ ܠܟ ܬܠܬ ܩܘܪ̈ܝܐ܂
19:08 ܘܟܕ ܢܪܘܚ ܡܪܝܐ ܐܠܗܟ ܬܚܘܡܟ ܐܝܟ ܕܝܡܐ ܠܐ̈ܒܗܝܟ܂ ܘܢܬܠ ܠܟ ܟܠܗ݀ ܐܪܥܐ ‍<‍ܐܝܟ#3#‍>‍ ܕܝܡܐ ܠܐ̈ܒܗܝܟ܂
19:09 ܐܢ ܬܛܪ ܟܠܗܘܢ ܦܘܩ̈ܕܢܐ ܗܠܝܢ ܘܬܥܒܕ ܐܢܘܢ ܕܡܦܩܕ ܐܢܐ ܠܟ ܝܘܡܢܐ܂ ܕܬܪܚܡ ܠܡܪܝܐ ܐܠܗܟ܂ ܘܬܗܠܟ ܒܐܘܪ̈ܚܬܗ ܟܘܠܗܘܢ ܝܘܡ̈ܬܐ܂ ܬܘܣܦ ܠܟ ܬܘܒ ܬܠܬ ܩܘܪ̈ܝܐ ܥܠ ܗܠܝܢ ܬܠܬ܂
19:10 ܕܠܐ ܢܬܐܫܕ ܕܡܐ ܙܟܝܐ ܒܓܘ ܐܪܥܟ ܕܝ݁ܗܒ ܠܟ ܡܪܝܐ ܐܠܗܟ܂ ܘܢܬܚܫܒ ܥܠܝܟ ܕܡܐ ‍<‍ܙܟܝܐ#3#‍>‍܂
19:11 ܘܐܢ ܢܗܘܐ ܓܒܪܐ ܣ݁ܢܐ ܠܚܒܪܗ ܘܢܟܡܢ ܠܗ ܘܢܩܘܡ ܥܠܘܗܝ܂ ܘܢܡܚܝܘܗܝ ܘܢܡܘܬ܂ ܘܢܥܪܘܩ ܠܚܕܐ ܡܢ ܗܠܝܢ ܩܘܪ̈ܝܐ܂
19:12 ܢܫܕܪܘܢ ܣ̈ܒܐ ܕܩܪܝܬܗ܂ ܘܢܕܒܪܘܢܗ ܡܢ ܬܡܢ܂ ܘܢܫܠܡܘܢܗ ܒܝܕ ܬܒ݁ܥ ܥܝܪܬܐ ܕܕܡܐ ܘܢܩܛܠܝܘܗܝ܂
19:13 ܘܠܐ ܬܚܘܣ ܥܝܢܟ ܥܠܘܗܝ ܕܬܩܛܠܝܘܗܝ܂ ܘܥܩܒ ܕܡܐ ܙܟܝܐ ܡܢ ܐܝܣܪܝܠ ܘܢܛܐܒ ܠܟ܀܂
19:14 ܠܐ ܬܫܢܐ ܬܚܘܡܐ ܕܡܢ ܥܠܡ ܕܬܚܡܘ ܩ̈ܕܡܝܐ ܒܝܪܬܘܬܟ ܕܬܐܪܬ ܒܐܪܥܐ ܕܝ݁ܗܒ ܠܟ ܡܪܝܐ ܐܠܗܟ ܠܡܐܪܬܗ݀܂
19:15 ܠܐ ܢܩܘܡ ܣܗܕܐ ܚܕ ܥܠ ܓܒܪܐ܂ ܥܠ ܟܠ ܣܟܠܘܬܐ ܘܥܠ ܟܠ ܚܛܗܐ ܒܟܠ ܚܛܗܐ ܕܢܚܛܐ܂ ܥܠ ܦܘܡ ܬܪ̈ܝܢ ܣܗ̈ܕܝܢ ܐܘ \ܥܠ ܦܘܡ ܬܠܬܐ ܣܗ̈ܕܝܢ /ܬܠܬܐ#3#/ ܬܬܩܝܡ ܡܠܬܐ܂
19:16 ܘܐܢ ܢܩܘܡ ܣܗܕܐ ܕܓܠܐ/ܕܥܘܠܐ#3#/ ܥܠ ܓܒܪܐ ܘܢܣܗܕ ܥܠܘܗܝ ܥܘܠܐ܂
19:17 ܢܩܘܡܘܢ ܬܪ̈ܝܗܘܢ ܓܒܪܐ ܕܐܝܬ ܠܗܘܢ ܕܝܢ݂ܐ ܩܕܡ ܡܪܝܐ ܘܩܕܡ ܟܗܢܐ ܘܕܝ݁ܢܐ ܕܢܗܘܘܢ ܒܝܘܡ̈ܬܐ ܗ݀ܢܘܢ܂
19:18 ܘܢܥܩܒܘܢ ܕܝܢ݂̈ܐ ܫܦܝܪ ܘܢܚܙܘܢ ܐܢ ܣܗܕܘܬܐ ܕܓܠܬܐ ܒ݁ܥܐ ܗܘܐ ܕܢܣܗܕ ܥܠ ܐܚܘܗܝ܂
19:19 ܥܒܕܘ ܠܗ ܐܝܟ ܕܐܬܚܫܒ ܠܡܥܒܕ ܠܐܚܘܗܝ܂ ܘܒܥܪܘ ܒܝܫܬܐ ܡܢ ܒܝܢܬܟܘܢ܂
19:20 ܘܐܝܠܝܢ ܕܡܫܬܚܪܝܢ ܢܫܡܥܘܢ ܘܢܕܚܠܘܢ܂ ܘܠܐ ܢܘܣܦܘܢ ܬܘܒ ܠܡܥܒܕ/ܠܡܕܚܠ#2#/ ‍<‍ܐܝܟ#3#‍>‍ ܦܬܓܡܐ ܗܢܐ܂ ܒܝܫܐ ܒܝܢܬܟܘܢ܂
19:21 ܠܐ ܬܚܘܣ ܥܝܢܟ܂ ܐܠܐ ܢܦܫܐ ܚܠܦ ܢܦܫܐ܂ ܥܝܢܐ ܚܠܦ ܥܝܢܐ܂ ܫܢܐ ܚܠܦ ܫܢܐ܂ ܐܝܕܐ ܚܠܦ ܐܝܕܐ܂ ܪܓܠܐ ܚܠܦ ܪܓܠܐ܂

next chapter