← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


27:01 ܘܦܩܕ ܡܘܫܐ ܘܣ̈ܒܐ ܕܐܝܣܪܝܠ ܠܥܡܐ ܘܐܡܪ ܠܗܘܢ܂ ܛܪܘ ܟܠܗܘܢ ܦܘܩ̈ܕܢܐ ܕܡܦܩܕ ܐܢܐ ܠܟܘܢ ܝܘܡܢܐ܂
27:02 ܒܝܘܡܐ ܕܥ݁ܒܪܝܢ ܐܢܬܘܢ ܝܘܪܕܢܢ ܠܐܪܥܐ ܕܝ݁ܗܒ ܠܟ ܡܪܝܐ ܐܠܗܟ܂ ܐܩܝܡ ܠܟ ܟܐ̈ܦܐ ܪ̈ܘܪܒܬܐ ܘܐܟܠܫ ܐ̈ܢܝܢ ܒܟܠܫܐ܂
27:03 ܘܟܬܘܒ ܥܠܝܗܝܢ ܟܘܠܗܘܢ ܦܬ̈ܓܡܐ ܕܢܡܘܣܐ ܗܢܐ܂ ܡܐ ܕܥܒܪܬ ‍<‍ܝܘܪܕܢܢ#3#‍>‍ ܕܬܥܘܠ ܠܐܪܥܐ ܕܝ݁ܗܒ ܠܟ ܡܪܝܐ ܐܠܗܟ܂ ܐܪܥܐ ܕܡܪܕܝܐ ܚܠܒܐ ܘܕܒܫܐ܂ ܐܝܟ/ܐܝܟܢܐ#3#/ ܕܐܡܪ ܠܟ ܡܪܝܐ ܐܠܗܐ ܕܐ̈ܒܗܝܟ܂
27:04 ܘܡܐ ܕܥܒܪܬܘܢ ܝܘܪܕܢܢ܂ ܐܩܝܡ ܟܐ̈ܦܐ ܗܠܝܢ ܕܡܦܩܕ ܐܢܐ ܠܟܘܢ ܝܘܡܢܐ ܒܛܘܪܐ ܕܓܒܠ܂ ܘܐܟܠܫ ܐ̈ܢܝܢ ܒܟܠܫܐ܂
27:05 ܘܒܢܝ ܬܡܢ ܡܕܒܚܐ ܠܡܪܝܐ ܐܠܗܟ܂ ܡܕܒܚܐ ܕܟܐ̈ܦܐ܂ ܘܠܐ ܬܪܡܐ ܥܠܝܗܝܢ ܦܪܙܠܐ܂
27:06 ܐܠܐ ܒܟܐ̈ܦܐ ܫ̈ܠܡܠܡܬܐ ܒܢܝ ܡܕܒܚܗ ܕܡܪܝܐ ܐܠܗܟ܂ ܘܐܣܩ ܥܠܘܗܝ ܝܩ̈ܕܐ ܫ̈ܠܡܐ܂ \ܩܕܡ ܡܪܝܐ /ܠܡܪܝܐ#2#/ ܐܠܗܟ܂
27:07 ܘܕܒܚ ܫ̈ܠܡܐ ܘܐܟܘܠ ܬܡܢ܂ ܘܚܕܝ ܩܕܡ ܡܪܝܐ ܐܠܗܟ܂
27:08 ܘܟܬܘܒ ܥܠ ܟܐ̈ܦܐ ‍<‍ܗܠܝܢ#3#‍>‍ ܟܠܗܘܢ ܦܬ̈ܓܡܐ ܕܢܡܘܣܐ ܗܢܐ܂ ܘܦܪܫ ܐܢܘܢ ܛܒ܂
27:09 ܘܐܡܪ ܡܘܫܐ ܘܟܗ̈ܢܐ ܘܠܘ̈ܝܐ ܠܟܠܗ/ܠܟܠܗܘܢ ܒܢ̈ܝ#3#/ ܐܝܣܪܝܠ܂ ܨܘܬ ܘܫܡܥ ܐܝܣܪܝܠ܂ ܝܘܡܢܐ ܗ݀ܘܐ ܐܢܬ ܥܡܐ ܠܡܪܝܐ ܐܠܗܟ܂
27:10 ܫܡܥ ܒܩܠܗ ܕܡܪܝܐ ܐܠܗܟ܂ ‍<‍ܘܛܪ#2#‍>‍ ܘܥܒܕ/ܘܛܪܘ#3#/ ܦܘܩ̈ܕܢܘܗܝ ܘܢܡ̈ܘܣܘܗܝ ܕܡܦܩܕ ܐܢܐ ܠܟ ܝܘܡܢܐ܀܀
27:11 ܘܦܩܕ ܡܘܫܐ ܠܥܡܐ ܒܝܘܡܐ ܗ݀ܘ ܘܐܡܪ ܠܗܘܢ܂
27:12 ܗܠܝܢ ܢܩܘܡܘܢ ܥܠ ܛܘܪܐ ܕܓܪܙܝܡ ܠܡܒܪܟܘܬܗ ܠܥܡܐ ܡܐ ܕܥܒܪܬܘܢ ܝܘܪܕܢܢ܂ ܫܡܥܘܢ ܘܠܘܝ܂ ܘܝܗܘܕܐ ܘܐܝܣܟܪ܂ ܘܝܘܣܦ ܘܒܢܝܡܝܢ܂
27:13 ܘܗܠܝܢ ܢܩܘܡܘܢ ܠܡܠܛ ܒܛܘܪܐ ܕܓܒܠ܂ ܪܘܒܝܠ ܘܓܕ܂ ܘܐܫܝܪ ܘܙܒܘܠܘܢ܂ ܘܕܢ ܘܢܦܬܠܝ܂
27:14 ܘܢܥܢܘܢ ܘܢܐܡܪܘܢ ܠܟܠܗ ܥܡܐ ܕܐܝܣܪܝܠ ܒܩܠܐ ܪܡܐ܂
27:15 ܠܝܛ ܗܘ ܓܒܪܐ ܕܢܥܒܕ ܓܠܝ̈ܦܐ ܘܢܣܝ̈ܟܐ ܕܛܡܐܝܢ ܐܢܘܢ ܩܕܡ ܡܪܝܐ܂ ܥܒ݁ܕ ܐ̈ܝܕܝܐ ܕܢܓܪܐ/ܕܐܢܫܐ#2#/܂ ܘܢܣܝܡ ܒܣܬܪܐ܂ ܘܢܥܢܘܢ ܟܠܗ ܥܡܐ ܘܢܐܡܪܘܢ ܐܡܝܢ܂
27:16 ܠܝܛ ܗܘ ܡ݁ܢ ܕܢܨܚܐ ܠܐܒܘܗܝ ܘܠܐܡܗ܂ ܘܢܐܡܪ ܟܠܗ ܥܡܐ ܐܡܝܢ܂
27:17 ܠܝܛ ܗܘ ܡ݁ܢ ܕܢܫܢܐ ܬܚܘܡܐ ܕܚܒܪܗ܂ ܘܢܐܡܪ ܟܠܗ ܥܡܐ ܐܡܝܢ܂
27:18 ܠܝܛ ܗܘ ܡ݁ܢ ܕܢܛܥܐ ܥܘܝܪܐ ܒܐܘܪܚܐ܂ ܘܢܐܡܪ ܟܠܗ ܥܡܐ ܐܡܝܢ܂
27:19 ܠܝܛ ܗܘ ܟܘܠ/ܡ݁ܢ#3#/ ܕܢܨܠܐ ܕܝܢܐ ܕܥܡܘܪܐ ܘܕܝܬܡܐ ܘܕܐܪܡܠܬܐ܂ ܘܢܐܡܪ ܟܘܠܗ ܥܡܐ ܐܡܝܢ܂
27:20 ܠܝܛ ܗܘ ܟܠ ‍<‍ܡ݁ܢ#2#‍>‍ ܕܢܕܡܟ ܥܡ ܐܢܬܬ ܐܒܘܗܝ܂ ܘܢܓܠܐ ܟܢܦܐ ܕܐܒܘܗܝ܂ ܘܢܐܡܪ ܟܠܗ ܥܡܐ ܐܡܝܢ܂
27:21 ܠܝܛ ܗܘ ܟܠ ܕܢܕܡܟ ܥܡ ܟܠ ܒܥܝܪ̈ܐ܂ ܘܢܐܡܪ ܟܠܗ ܥܡܐ ܐܡܝܢ܂
27:22 ܠܝܛ ܗܘ ܟܠ ܕܢܕܡܟ ܥܡ ܚܬܗ ܒܪܬ ܐܒܘܗܝ ܐܘ ܒܪܬ ܐܡܗ܂ ܘܢܐܡܪ ܟܠܗ ܥܡܐ ܐܡܝܢ܂
27:23 ܠܝܛ ܗܘ ܟܠ ܕܢܕܡܟ ܥܡ ܚܡܬܗ܂ ܘܢܐܡܪ ܟܘܠܗ ܥܡܐ ܐܡܝܢ܂
27:24 ܠܝܛ ܗܘ ܟܘܠ ܕܢܡܚܐ ܠܚܒܪܗ ܒܣܬܪܐ܂ ܘܢܐܡܪ ܟܠܗ ܥܡܐ ܐܡܝܢ܂
27:25 ܠܝܛ ܗܘ ܟܠ ܕܢܣܒ ܫܘܚܕܐ ܠܡܩܛܠ ܢܦܫܐ ܕܕܡܐ ܙܟܝܐ܂ ܘܢܐܡܪ ܟܠܗ ܥܡܐ ܐܡܝܢ܂
27:26 ܠܝܛ ܗܘ ܟܠ ܕܠܐ ܢܩܝܡ ܥܠ ܦܬ̈ܓܡܘܗܝ ܕܢܡܘܣܐ ܗܢܐ ܘܢܥܒܕ ܐܢܘܢ܂ ܘܢܐܡܪ ܟܘܠܗ ܥܡܐ ܐܡܝܢ܂

next chapter