← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


30:01 ܘܢܗܘܐ ܕܟܕ ܢܐܬܘܢ ܥܠܝܟ ܗܠܝܢ ܟܠܗܘܢ ܦܬ̈ܓܡܐ܂ ܒܘܪ̈ܟܬܐ ܘܠܘ̈ܛܬܐ܂ ܕܝܗ݀ܒܬ ܩܕܡܝܟ܂ ܘܬܬܚܫܒ ܒܠܒܟ ܒܟܠܗܘܢ ܥܡ̈ܡܐ ܕܢܒܕܪܟ ܡܪܝܐ ܐܠܗܟ ܠܬܡܢ܂
30:02 ܘܬܬܦܢܐ ܠܘܬ ܡܪܝܐ ܐܠܗܟ܂ ܘܬܫܡܥ ܒܩܠܗ ܐܝܟ ܟܠ ܡܕܡ ܕܡܦܩܕ ܐܢܐ ܠܟ ܝܘܡܢܐ܂ ܐܢܬ ܘܒܢ̈ܝܟ ܡܢ ܟܠܗ ܠܒܟ ܘܡܢ ܟܠܗ݀ ܢܦܫܟ܂
30:03 ܢܗܦܟ ܡܪܝܐ ܐܠܗܟ ܫܒܝܬܟ ܘܢܪܚܡ ܥܠܝܟ܂ ܘܢܬܘܒ/ܘܢ݁ܗܦܟ#3#/ ܘܢܟܢܫܟ ܡܢ ܟܠܗܘܢ ܥܡ̈ܡܐ܂ ܕܒܕܪܟ ܒܗܘܢ ܡܪܝܐ ܐܠܗܟ܂
30:04 ܘܐܢ ܢܗܘܘܢ ܡܒܕܪ̈ܝܟ ܐܝܣܪܝܠ ܪ̈ܚܝܩܝܢ ܒܣܘ̈ܦܝ ܫܡܝܐ ܡܢ ܬܡܢ ܢܟܢܫܟ ܡܪܝܐ ܐܠܗܟ ܘܡܢ ܬܡܢ ܢܩܪܒܟ܂
30:05 ܘܢܝܬܝܟ ܡܪܝܐ ܐܠܗܟ܂ ܠܐܪܥܐ ܕܝܪܬܘ ܐ̈ܒܗܝܟ ܘܬܐܪܬܝܗ݀܂ ܘܢܛܐܒ ܠܟ ܘܢܣܓܝܟ ܛܒ ܡܢ ܐ̈ܒܗܝܟ܂
30:06 ܘܢܓܙܘܪ ܡܪܝܐ ܐܠܗܟ ܠܒܟ ܘܠܒܐ ܕܙܪܥܟ ܠܥܠܡ܂ ܘܬܪܚܡ ܠܡܪܝܐ ܐܠܗܟ܂ ܡܢ ܟܠܗ ܠܒܟ ܘܡܢ ܟܠܗ݀ ܢܦܫܟ܂ ܡܛܠ ܕܢܚܝܟ/ܕܚܝܚܟ#3#/܂
30:07 ܘܢܬܠ ܡܪܝܐ ܐܠܗܟ ܟܠܗܝܢ ܗܠܝܢ ܠܘ̈ܛܬܐ ܥܠ ܒ̈ܥܠܕܒܒܝܟ܂ ܘܥܠ ܣܢܐ̈ܝܟ ܕܪܕܦܘܟ܂
30:08 ܘܐܢܬ ܬܬܦܢܐ ܘܬܫܡܥ ܒܩܠܗ ܕܡܪܝܐ ܐܠܗܟ܂ ܘܬܥܒܕ ܟܠܗܘܢ ܦܘܩ̈ܕܢܘܗܝ ܕܡܦܩܕ ܐܢܐ ܠܟ ܝܘܡܢܐ܂
30:09 ܘܢܘܬܪܟ/ܘܢܘܪܬܟ#2#/ ܡܪܝܐ ܐܠܗܟ ܒܟܠܗ ܥܒ݁ܕܐ ܕܐ̈ܝܕܝܟ܂ ܒܦܐܪ̈ܐ ܕܟܪܣܟ ܘܒܝܠܕܐ ܕܒܥܝܪ̈ܟ܂ ܘܒܦܐܪ̈ܐ ܕܐܪܥܟ ܠܛܒܬܐ܂ \ܡܛܠ ܕܢܬܦܢܐ /ܗܟܢܐ ܢܬܦܢܐ#3#/ ܡܪܝܐ ܠܡܚܕܐ ܥܠܝܟܘܢ ܠܛܒܬܐ܂ ܐܝܟ ܕܚܕܝ ܥܠ ܐ̈ܒܗܝܟܘܢ܂
30:10 ܟܕ/ܐܢ#3#/ ܬܫܡܥ ܒܩܠܗ ܕܡܪܝܐ ܐܠܗܟ܂ ܘܬܛܪ ܦܘܩ̈ܕܢܘܗܝ ܘܢܡ̈ܘܣܘܗܝ ܕܟܬܝܒܝܢ ܒܟܬܒܐ ܗܢܐ܂ ܘܬܬܦܢܐ ܠܘܬ ܡܪܝܐ ܐܠܗܟ܂ ܒܟܠܗ/ܡܢ ܟܠܗ#3#/ ܠܒܟ ܘܒܟܠܗ݀/ܘܡܢ ܟܠܗ݀#3#/ ܢܦܫܟ܂
30:11 ܡܛܠ ܕܦܘܩܕܢܐ ܗܢܐ ܕܡܦܩܕ ܐܢܐ ܠܟ ܝܘܡܢܐ܂ ܠܐ ܗܘܐ ܟܣܐ ܡܢܟ܂ \ܐܦ ܠܐ /ܘܠܐ#3#/ ܗܘܐ ܪܚܝܩ܂
30:12 ܠܐ ܗܘܐ ܒܫܡܝܐ ܗܘ ܕܬܐܡܪ ܡܢܘ ܢܣܩ ܠܢ ܠܫܡܝܐ܂ ܘܢܣܒܝܘܗܝ ܠܢ ܘܢܫܡܥ ܘܢܥܒܕܝܘܗܝ܂
30:13 ܘܠܐ ܗܘܐ ܒܥܒܪܐ ܕܝܡܐ/ܕܝܘܪܕܢܢ#3#/܂ ܕܬܐܡܪ ܡ݁ܢ ܢܥܒܪ ܠܢ ܠܥܒܪܐ ܕܝܡܐ܂ ܘܢܣܒܝܘܗܝ ܠܢ ܘܢܫܡܥ ܘܢܥܒܕܝܘܗܝ܂
30:14 ܐܠܐ ܩܪܝܒ ܗܘ ܠܟ ܦܬܓܡܐ ܛܒ ܒܦܘܡܟ ܘܒܠܒܟ ܠܡܥܒܕܗ܂
30:15 ܚܙܝ ܕܝܗ݀ܒܬ ܩܕܡܝܟ ܝܘܡܢܐ܂ ܚ̈ܝܐ ܘܡܘܬܐ܂ ܘܛܒ̈ܬܐ ܘܒܝ̈ܫܬܐ܂
30:16 ܕܡܦܩܕ ܐܢܐ ܠܟ ܝܘܡܢܐ܂ ܕܬܪܚܡ ܠܡܪܝܐ ܐܠܗܟ ܘܬܗܠܟ ܒܐܘܪ̈ܚܬܗ܂ ܘܬܛܪ ܦܘܩ̈ܕܢܘܗܝ ܘܢܡ̈ܘܣܘܗܝ ܘܕܝ̈ܢܘܗܝ܂ ܘܬܚܐ ܘܬܣܓܐ ܛܒ܂ ܘܢܒܪܟܟ ܡܪܝܐ ܐܠܗܟ ܒܐܪܥܐ ܕܥ݁ܐܠ ܐܢܬ ܠܬܡܢ/ܠܗ݀#3#/ ܠܡܐܪܬܗ݀܂
30:17 ܘܐܢ ܢܣܛܐ ܠܒܟ ܘܠܐ ܬܫܡܥ܂ ܘܬܛܥܐ ܘܬܣܓܘܕ ܠܐ̈ܠܗܐ ܐܚܪ̈ܢܐ܂ ܘܬܦܠܘܚ ܐܢܘܢ܂
30:18 ܚܘܝܬܟܘܢ ܝܘܡܢܐ ܕܡܐܒܕ ܐ݁ܒܕܝܢ ܐܢܬܘܢ܂ ܘܠܐ ܬܣܓܘܢ/ܬܓܪܘܢ#3#/ ܝܘܡ̈ܬܐ ܒܐܪܥܐ ܕܥ݁ܒܪܝܢ ܐܢܬܘܢ ܝܘܪܕܢܢ܂ ܠܡܥܠ ܠܬܡܢ ܠܡܐܪܬܗ݀܂
30:19 ܣܗ݀ܕܬ ܒܟܘܢ ܝܘܡܢܐ ܫܡܝܐ ܘܐܪܥܐ܂ ܚ̈ܝܐ ܘܡܘܬܐ ܝܗ݀ܒܬ ܩܕܡܝܟ܂ ܒܘܪ̈ܟܬܐ ܘܠܘ̈ܛܬܐ܂ ܓܒܝ ܠܟ ܚ̈ܝܐ ܕܬܚܐ ܐܢܬ ܘܙܪܥܟ܂
30:20 ܟܕ ܬܪܚܡ ܠܡܪܝܐ ܐܠܗܟ ܘܬܫܡܥ ܒܩܠܗ ܘܬܬܢܩܦ ܠܗ܂ ܡܛܠ ܕܗܘܝܘ ܚܝ̈ܝܟ ܘܢܘܓܪܐ ܕܝܘܡ̈ܬܟ܂ ܕܬܬܒ ܒܐܪܥܐ ܕܝܡܐ ܡܪܝܐ ܠܐ̈ܒܗܝܟ܂ ܠܐܒܪܗܡ ܘܠܐܝܣܚܩ ܘܠܝܥܩܘܒ ܠܡܬܠ ܠܟ܀܂܀

next chapter