← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


31:01 ܘܐܙܠ ܡܘܫܐ ܘܡܠܠ \ܗܠܝܢ ܟܠܗܘܢ ܦܬ̈ܓܡܐ /ܟܠܗܘܢ ܦܬܓܡ̈ܐ ܗܠܝܢ#3#/ ܥܡ ܟܠܗ ܐܝܣܪܝܠ܂
31:02 ܘܐܡܪ ܠܗܘܢ܂ ܒܪ ܡܐܐ ܐܢܐ ܘܥܣܪ̈ܝܢ ܫ̈ܢܝܢ ܝܘܡܢܐ܂ ܘܠܐ ܡܫܟܚ ܐܢܐ ܬܘܒ ܠܡܦܩ ܘܠܡܥܠ܂ ܘܡܪܝܐ ܐܡܪ ܠܝ܂ ܕܠܐ ܬܥܒܪ ܝܘܪܕܢܢ ܗܢܐ܂
31:03 ܡܪܝܐ ܐܠܗܟ ܗܘ ܥ݁ܒܪ ܩܕܡܝܟ܂ ܘܗܘ ܢܘܒܕ ܥܡ̈ܡܐ ܗܠܝܢ ܡܢ ܩܕܡܝܟ܂ ܘܬܐܪܬ ܐܢܘܢ܂ ܝܫܘܥ ܗܘ ܥ݁ܒܪ ܩܕܡܝܟ܂ ܐܝܟ/ܐܝܟܢܐ#3#/ ܕܐܡܪ ܡܪܝܐ܂
31:04 ܘܢܥܒܕ ܠܗܘܢ ܡܪܝܐ܂ ܐܝܟ ܕܥܒܕ ܠܣܝܚܘܢ ܘܠܥܘܓ ܡ̈ܠܟܐ ܕܐܡܘܪ̈ܝܐ ܘܠܐܪܥܗܘܢ܂ ܕܐܘܒܕ ܐܢܘܢ܂
31:05 ܘܢܫܠܡ ܐܢܘܢ ܡܪܝܐ ܩܕܡܝܟܘܢ܂ ܘܥܒܕܘ ܠܗܘܢ ܐܝܟ ܟܠܗ ܦܘܩܕܢܐ ܕܦܩܕܬܟܘܢ܂
31:06 ܐܬܚܝܠܘ ܘܐܬܥܫܢܘ ܠܐ ܬܕܚܠܘܢ ܘܠܐ ܬܙܘܥܘܢ ‍<‍ܘܠܐ ܬܬܪܗܒܘܢ#3#‍>‍ ܡܢ ܩܕܡܝܗܘܢ܂ ܡܛܠ ܕܡܪܝܐ ܐܠܗܟ ܗܘ ܐ݁ܙܠ ܥܡܟ/ܩܕܡܝܟ#3#/܂ ܠܐ ܢܪܦܝܟ ܘܠܐ ܢܫܒܩܟ܀܂
31:07 ܘܩܪܐ ܡܘܫܐ ܠܝܫܘܥ ܘܐܡܪ ܠܗ ܠܥܝܢ/ܩܕܡ#3#/ ܟܠܗ ܐܝܣܪܝܠ܂ ܐܬܚܝܠ ܘܐܬܥܫܢ܂ ܡܛܠ ܕܐܢܬ ܡܥܠ ܐܢܬ ܠܗ ܠܥܡܐ ܗܢܐ܂ ܠܐܪܥܐ ܕܝܡܐ ܡܪܝܐ ܠܐ̈ܒܗܝܗܘܢ ܠܡܬܠ ܠܗܘܢ܂ ܘܐܢܬ ܬܘܪܬܝܗ݀ ܠܗܘܢ܂
31:08 ܘܡܪܝܐ ܗܘ ܐ݁ܙܠ ܩܕܡܝܟ܂ ܘܗܘ ܢܗܘܐ ܥܡܟ܂ ܠܐ ܢܪܦܝܟ ܘܠܐ ܢܫܒܩܟ܂ ܠܐ ܬܕܚܠ ܘܠܐ ܬܙܘܥ܂ ܘܠܐ ܬܬܪܗܒ܂
31:09 ܘܟܬܒ ܡܘܫܐ ܢܡܘܣܐ ܗܢܐ ܘܝܗܒܗ ܠܟܗ̈ܢܐ ܒܢ̈ܝ ܠܘܝ܂ ܕܫܩܝܠܝܢ ܩܒܘܬܐ ܕܩܝܡܗ ܕܡܪܝܐ ܘܠܟܠܗܘܢ ܣ̈ܒܐ \ܕܒܢ̈ܝ ܐܝܣܪܝܠ /ܕܐܝܣܪܝܠ#2#/܂
31:10 ܘܦܩܕ ܐܢܘܢ ܡܘܫܐ ܘܐܡܪ ܠܗܘܢ܂ ܡܢ ܒܬܪ ܫܒܥ ܫ̈ܢܝܢ܂ ܒܙܒܢܐ ܕܫܢܬܐ ܕܫܘܒܩܢܐ܂ ܒܥܕܥܐܕܐ ܕܡ̈ܛܠܠܐ܂
31:11 ܡܐ ܕܐܬܐ ܟܘܠܗ ܐܝܣܪܐܝܠ ܠܡܬܚܙܝܘ ܩܕܡ ܡܪܝܐ ܐܠܗܟ ܒܐܬܪܐ ܕܓܒܐ܂ ܩܪܝ ܢܡܘܣܐ ܗܢܐ ܩܕܡ ܟܘܠܗ ܐܝܣܪܝܠ ܒܐ̈ܕܢܝܗܘܢ܂
31:12 ܟܢܫܝܗܝ ܠܥܡܐ ܓܒܪ̈ܐ ܘܢܫ̈ܐ ܘܐܝܩܪܬܐ ܘܥܡܘܪܐ ܕܒܩܘܪ̈ܝܟ܂ ܡܛܠ ܕܢܫܡܥܘܢ ܘܢܐܠܦܘܢ܂ ܘܢܕܚܠܘܢ ܠܡܪܝܐ ܐܠܗܗܘܢ܂ ܘܢܛܪܘܢ ܘܢܥܒܕܘܢ ܟܠܗܘܢ ܦܬ̈ܓܡܘܗܝ ܕܢܡܘܣܐ ܗܢܐ܂
31:13 ܘܒܢ̈ܝܗܘܢ ܕܠܐ ܝܕܥܘ܂ ܢܫܡܥܘܢ ܘܢܐܠܦܘܢ ܠܡܕܚܠ ܡܢ ܡܪܝܐ ܐܠܗܗܘܢ ܟܠܗܘܢ ܝܘܡ̈ܬܐ ܕܚܝ̈ܝܢ ܐܢܬܘܢ ܒܐܪܥܐ ܕܥ݁ܒܪܝܢ ܐܢܬܘܢ ܝܘܪܕܢܢ ‍<‍ܠܬܡܢ#3#‍>‍ ܠܡܐܪܬܗ݀܂
31:14 ܘܐܡܪ ܡܪܝܐ ܠܡܘܫܐ܂ ܗܐ ܩܪܒܘ ܝܘܡ̈ܝܟ ܠܡܡܬ܂ ܩܪܝ ܠܝܫܘܥ ܘܩܘܡ ‍<‍ܩܕܡܝ#3#‍>‍ ܒܡܫܟܢ ܙܒܢܐ ܘܐܦܩܕܝܘܗܝ܂ ܘܐܙܠܘ ܡܘܫܐ ܘܝܫܘܥ ܘܩܡܘ ܒܡܫܟܢ ܙܒܢܐ܂
31:15 ܘܐܬܓܠܝ ܡܪܝܐ ܒܡܫܟܢ ܙܒܢܐ ܒܥܡܘܕܐ ܕܥܢܢܐ܂ ܘܩܡ ܥܡܘܕܐ ܕܥܢܢܐ ܒܬܪܥܐ ܕܡܫܟܢܐ/ܕܡܫܟܢܙܒܢܐ#2#/܂
31:16 ܘܐܡܪ ܡܪܝܐ ܠܡܘܫܐ܂ ܗܐ ܐܢܬ ܫ݁ܟܒ ܐܢܬ ܥܡ ܐ̈ܒܗܝܟ܂ ܘܩ݁ܐܡ ܥܡܐ ܗܢܐ ܘܛ݁ܥܐ ܒܬܪ ܐ̈ܠܗܐ ܢܘܟܪ̈ܝܐ ܕܐܪܥܐ܂ ܕܗܘ ܥ݁ܐܠ ܠܬܡܢ ܒܝܢܬܗܘܢ܂ ܘܫ݁ܒܩ ܠܝ ܘܡܒܛܠ ܩܝܡܝ ܕܐܩܝܡܬ ܥܡܗ܂
31:17 ܘܡܬܚܡܬ ܪܘܓܙܝ ܥܠܘܗܝ ܒܝܘܡܐ ܗ݀ܘ܂ ܘܐܫܒܘܩ ܐܢܘܢ܂ ܘܐܗܦܟ ܐ̈ܦܝ ܡܢܗܘܢ ܘܢܗܘܐ ܠܡܐܟܘܠܬܐ܂ ܘܬܡܛܝܘܗܝ ܒܝܫܬܐ ܣܓܝܐܬܐ ܘܥܩܬܐ܂ ܘܢܐܡܪ ܒܝܘܡܐ ܗ݀ܘ܂ ܡܛܘܠ ܕܠܝܬ ܐܠܗܝ ܒܓܘܝ ܐܪܥܢܝ ܗܠܝܢ ܟܠܗܝܢ ܒܝ̈ܫܬܐ܂
31:18 ܘܐܢܐ ܡܗܦܟܘ ܐܗܦܟ ܐ̈ܦܝ ܡܢܗܘܢ ܒܝܘܡܐ ܗ݀ܘ܂ ܡܛܠ/ܥܠ#3#/ ܟܘܠܗܝܢ ܒܝ̈ܫܬܐ ܕܥܒܕܘ܂ ܥܠ ܕܣܛܘ ܒܬܪ ܐ̈ܠܗܐ ܐܚܪ̈ܢܐ܂
31:19 ܡܟܝܠ ܟܬܘܒ ܠܗܘܢ ܬܫܒܘܚܬܐ ܗܕܐ ܘܐܠܦܝܗ݀ ܠܒܢ̈ܝ ܐܝܣܪܝܠ܂ ܘܣܝܡܝܗ݀ ܒܦܘܡܗܘܢ܂ ܡܛܠ ܕܬܗܘܐ ܠܝ ܬܫܒܘܚܬܐ ܗܕܐ ܠܣܗܕܘܬܐ ܒܒܢ̈ܝ ܐܝܣܪܐܝܠ܂
31:20 ܡܛܠ ܕܡܥܠ ܐܢܐ ܠܗܘܢ ܠܐܪܥܐ ܕܝܡ݁ܝܬ ܠܐ̈ܒܗܝܗܘܢ܂ ‍<‍ܐܪܥܐ#3#‍>‍ ܕܡܪܕܝܐ ܚܠܒܐ ܘܕܒܫܐ܂ ܘܐ݁ܟܠܝܢ ܘܣ݁ܒܥܝܢ ܘܡܬܦܢܩܝܢ ܘܣ݁ܛܝܢ ܒܬܪ ܐ̈ܠܗܐ ܐܚܪ̈ܢܐ ܘܦܠܚܝܢ ܠܗܘܢ܂ ܘܡܪܓܙܝܢ ܠܝ܂ ܘܡܒܛܠܝܢ ܩܝܡܝ܂
31:21 ܘܡܐ/ܘܠܡܐ#2#/ ܕܡ݁ܛܝ ܐܢܘܢ ܒܝ̈ܫܬܐ ܣ̈ܓܝܐܬܐ ܘܥܩ̈ܬܐ ܬܩܪܐ ܬܫܒܘܚܬܐ ܗܕܐ ܩܕܡܝܗܘܢ ܠܣܗܕܘܬܐ܂ ܕܠܐ ܬܬܛܥܐ ܡܢ ܦܘܡܐ ܕܙܪܥܗܘܢ܂ ܡܛܠ ܕܝ݁ܕܥ ܐܢܐ ܝܨܪܗܘܢ ܘܟܠ ܕܥ݁ܒܕܝܢ ܗܪܟܐ ܝܘܡܢܐ܂ ܥܕ ܠܐ ܐܥܠ ܐܢܘܢ ܠܐܪܥܐ ܕܝܡ݁ܝܬ ܠܐ̈ܒܗܝܗܘܢ܂
31:22 ܘܟܬܒ ܡܘܫܐ ܬܫܒܘܚܬܐ ܗܕܐ ܒܝܘܡܐ ܗ݀ܘ ܘܐܠܦܗ݀ ܠܒܢ̈ܝ ܐܝܣܪܝܠ܂
31:23 ܘܦܩܕ ܠܝܫܘܥ ܒܪܢܘܢ ܘܐܡܪ ܠܗ܂ ܐܬܚܝܠ ܘܐܬܥܫܢ܂ ܡܛܠ ܕܐܢܬ ܡܥܠ ܐܢܬ ܠܒ̈ܢܝ ܐܝܣܪܝܠ ܠܐܪܥܐ ܕܝܡ݁ܝܬ ܠܗܘܢ/ܠܐ̈ܒܗܝܗܘܢ#2#/܂ ܘܐܢܐ ܐܗܘܐ ܥܡܟ܂
31:24 ܘܟܕ ܫܠܡ ܡܘܫܐ ܠܡܟܬܒ/ܠܡܐܡܪ#2#/ ܦܬ̈ܓܡܘܗܝ ܕܢܡܘܣܐ ܗܢܐ ܥܠ ܣܦܪܐ ܥܕܡܐ ܕܫܠܡܘ܂
31:25 ܦܩܕ ܡܘܫܐ ܠܠܘ̈ܝܐ ܕܫܩܝܠܝܢ ܩܒܘܬܐ ܕܩܝܡܗ ܕܡܪܝܐ ܘܐܡܪ ܠܗܘܢ܂
31:26 ܣܒܘ ܣܦܪܐ/ܟܬܒܐ#3#/ ܗܢܐ ܕܢܡܘܣܐ܂ ܘܣܝܡܘܗܝ ܒܣܛܪܐ ܕܩܒܘܬܐ ܕܩܝܡܗ ܕܡܪܝܐ ܐܠܗܟܘܢ܂ ܘܢܗܘܐ ܠܟܘܢ ܬܡܢ ܣܗܕܐ܂
31:27 ܡܛܠ ܕܐܢܐ ܝ݁ܕܥ ܐܢܐ ܡܡܪܡܪܢܘܬܟܘܢ ܘܩܕܠܟܘܢ ܩܫܝܐ܂ ܘܗܐ ܥܕ ܐܢܐ ܚܝ ‍<‍ܐܢܐ#2#‍>‍ ܥܡܟܘܢ ܝܘܡܢܐ܂ ܡܪܡܪܬܘܢ ܠܡܪܝܐ܂ ܘܐܦ ܡܢ ܒܬܪ ܕܡ݁ܐܬ ܐܢܐ܂
31:28 ܐܬܟܢܫܘ ܠܘܬܝ \ܟܠܟܘܢ ܪ̈ܝܫܐ /ܟܠܗܘܢ ܣܒ̈ܐ#3#/ ܕܫ̈ܒܛܝܟܘܢ ܘܣܦܪ̈ܝܟܘܢ܂ \ܘܐܡܪ ܠܟܘܢ /ܘܐܡܠܠ ܩܕܡܝܟܘܢ#3#/ ܗܠܝܢ ܦܬ̈ܓܡܐ܂ ܘܐܣܗܕ ܒܟܘܢ ܫܡܝܐ ܘܐܪܥܐ܂
31:29 ܡܛܠ ܕܝ݁ܕܥ ܐܢܐ ܕܡܢ ܒܬܪ ܡܘܬܝ܂ ܡܚܒܠܘ ܡܚܒܠܝܢ ܐܢܬܘܢ܂ ܘܣ݁ܛܝܢ ܐܢܬܘܢ ܡܢ ܐܘܪܚܐ ܕܦܩܕܬܟܘܢ܂ ܘܐܪܥܐ ܠܟܘܢ ܒܝܫܬܐ ܒܚܪܬܐ ܕܝܘܡ̈ܬܐ܂ ܡܐ ܕܥܒܕܬܘܢ ܒܝܫܐ ܩܕܡ ܡܪܝܐ ܘܐܪܓܙܬܘܢܝܗܝ \ܒܥܒܕܐ ܕܐ̈ܝܕܝܟܘܢ /ܒܥܒܕ ܐ̈ܝܕܝܟܘܢ#2#/܂
31:30 ܘܐܡܪ/ܘܡܠܠ#3#/ ܡܘܫܐ ܩܕܡ ܟܠܗ݀ ܟܢܘܫܬܐ ܕܐܝܣܪܝܠ/ܕܒܢ̈ܝ ܐܝܣܪܝܠ#2#/܂ ܦܬ̈ܓܡܐ ܕܬܫܒܘܚܬܐ ܗܕܐ ܥܕܡܐ ܕܫܠܡܘ܀܂܀

next chapter