The Comprehensive Aramaic Lexicon

32:01	ܨܘܬ ܫܡܝܐ ܘܐܡܠܠ܂ ܬܫܡܥ ܐܪܥܐ ܡܐܡܪܗ ܕܦܘܡܝ܂

32:02	ܢܪܣܡ ܐܝܟ ܡܛܪܐ ܝܘܠܦܢܝ܂ ܘܢܚܘܬ ܐܝܟ ܛܠܐ ܡܐܡܪܝ܂ ܐܝܟ ܪ̈ܘܚܐ ܕܥܠ ܬܕܐܐ܂ ܘܐܝܟ ܐܪ̈ܣܝܣܐ ܕܥܠ ܥܣܒܐ܂

32:03	ܡܛܘܠ ܕܒܫܡܗ ܕܡܪܝܐ ܐܩܪܐ܂ ܗܒܘ ܪܒܘܬܐ ܠܐܠܗܢ ܬܩܝܦܐ܂
32:04	ܕܕܠܐ ܡܘܡ ‍<‍ܐܢܘܢ#3#‍>‍ ܥ̈ܒ݁ܕܘܗܝ܂ ܘܟܘܠܗܝܢ ܐܘܪ̈ܚܬܗ ܕܝܢܐ܂ ܐܠܗܐ ܗܘ ܡܗܝܡܢܐ ܘܠܐ ܗܘܐ ܥܘ݁ܠܐ܂ ܙܕܝܩܐ ‍<‍ܗܘ#3#‍>‍ ܘܬܪܝܨܐ܂
32:05	ܚܒܠܘ ܘܠܐ ܠܗ ܒܢ̈ܝܐ ܕܡܘܡܐ܂ ܕܪܐ ܡܥܩܡܐ ܘܡܦܬܠܐ܂
32:06	ܗܠܝܢ ܠܡܪܝܐ ܦܪܥܝܢ ܐܢܬܘܢ܂ ܥܡܐ ܣܟܠܐ ܘܠܐ ܗܘܐ ܚܟܝܡܐ܂ ܕܠܡܐ ܠܐ ܗܘܐ ܐܒܘܟ ܕܩܢܟ܂ ܘܗܘ ܥܒ݂ܕܟ ܘܐܬܩܢܟ܂
32:07	ܐܬܕܟܪ ܝܘܡ̈ܬܐ ܕܡܢ ܥܠܡ܂ ܘܐܣܬܟܠ/ܘܐܬܒܝܢ#3#/ ܒܫ̈ܢܝܐ ܕܕܪܕܪܝܢ܂ ܫ݁ܐܠ ܠܐܒܘܟ ܘܢܚܘܝܟ܂ ܘܠܣ̈ܒܝܟ ܘܢܐܡܪܘܢ ܠܟ܂
32:08	ܕܟܕ ܡܦܠܓ ܡܪܝܡܐ ܥܡ̈ܡܐ܂ ܘܟܕ ܡܦܪܫ ܒܢ̈ܝܢܫܐ܂ ܐܩܝܡ ܬܚܘܡܐ ܕܥܡ̈ܡܐ ܠܡܢܝܢܐ ܕܒܢ̈ܝ ܐܝܣܪܝܠ܂
32:09	ܡܛܠ ܕܦܠܓܘܬܗ ܕܡܪܝܐ ܥܡܗ܂ ܘܝܥܩܘܒ ܚܒܠܐ ܕܝܪܬܘܬܗ܂
32:10	ܐܫܟܚܗ ܒܐܪܥܐ ܕܡܕܒܪܐ܂ ܘܒܚܘܪܒܐ ܕܐܫܝܡܘܢ ܐܩܦܗ ܘܚܒܒܗ ܘܢܛܪܗ ܐܝܟ ܒܒܬܐ ܕܥܝܢܐ܂
32:11	ܐܝܟ ܢܫܪܐ ܕܛ݁ܐܣ ܥܠ ܩܢܗ܂ ܘܥܠ ܦܪ̈ܘܓܘܗܝ ܡܪܚܦ/ܡܦܪܚ#2#/ ܦ݁ܪܣ ܓܦܘ̈ܗܝ ܘܡܩܒܠ ܠܗܘܢ܂ ܘܫ݁ܩܠ ܠܗܘܢ ܥܠ ܥܘܫܢܐ ܕܐܒܪ̈ܘܗܝ܂
32:12	ܡܪܝܐ ܒܠܚܘܕܘܗܝ ܕܒܪܗ܂ ܘܠܝܬ ܗܘܐ ܥܡܗ ܐܠܗ ܢܘܟܪܝ܂
32:13	ܐܘܬܒܗ ܥܠ ܥܘܫܢܐ/ܥܘܫܢܗ݀#3#/ ܕܐܪܥܐ܂ ܘܐܘܟܠܗ ܥ̈ܠܠܬܐ ܕܚܩܠܐ܂ ܘܐܝܢܩܗ ܕܒܫܐ ܡܢ ܟܐܦܐ܂ ܘܡܫܚܐ ܡܢ ܟܐܦܐ ܕܛܪܢܐ܂
32:14	ܚܐܘܬܐ ܕܬܘܪ̈ܐ ܘܚܠܒܐ ܕܥܢܐ܂ ܥܡ ܬܪܒܐ ܕܡ̈ܦܛܡܐ ܕܟܪ̈ܐ ܒܢ̈ܝ ܕܝ̈ܨܐ ܘܓܕܝ̈ܐ܂ ܥܡ ܬܪܒܐ ܘܫܘܡܢܐ ܕܚ̈ܛܐ܂ ܘܕܡܐ ܕܥܢ̈ܒܐ ܐܫܩܝܗ ܚܡܪܐ܂
32:15	ܘܫܡܢ ܐܝܣܪܝܠ ܘܒܥܛ܂ ܫܡܢ ‍<‍ܘܥܒܝ#3#‍>‍ ܘܬܩܦ ܘܩܢܐ ܢܟ̈ܣܐ܂ ܘܛܥܐ ܠܐܠܗܐ ܕܥܒܕܗ܂ ܘܨܚܝ ܠܬܩܝܦܐ ܕܦܪܩܗ܂
32:16	ܐܛܢܗ ܒܢܘܟܪ̈ܝܐ܂ ܘܒܕܚ̈ܠܬܐ ܐܪܓܙܗ܂
32:17	ܕܒܚܘ ܠܫܐ̈ܕܐ ܕܠܐ ܗܘܘ ܐ̈ܠܗܐ܂ ܐ̈ܠܗܐ ܕܠܐ ܝܕܥܘ ܐܢܘܢ܂ ܚ̈ܕܬܐ ܐܢܘܢ ܕܗܟܝܠ ܐܬܥܒܕܘ܂ ܘܠܐ ܕܚܠܘ ܠܗܘܢ ܐ̈ܒܗܝܟܘܢ܂
32:18	ܠܬܩܝܦܐ ܕܝܠܕܟ ܛܥܝܬ܂ ܘܐܬܢܫܝܬ ܠܐܠܗܐ ܕܫܒܚܟ܂
32:19	ܘܚܙܐ ܡܪܝܐ ܘܪܓܙ܂ ܥܠ ܕܐܪܓܙܘܗܝ ܒܢ̈ܘܗܝ ܘܒܢ̈ܬܗ܂
32:20	ܘܐܡܪ ܐܦܢܐ ܐ̈ܦܝ ܡܢܗܘܢ܂ ܘܐܚܙܐ ܡܢܐ ܗ݀ܘܝܐ ܚܪܬܗܘܢ܂ ܡܛܠ ܕܕܪܐ ܐܢܘܢ ܗܦܝܟܐ܂ ܒܢ̈ܝܐ ܕܠܝܬ ܒܗܘܢ ܗܝܡܢܘܬܐ܂
32:21	ܗܢܘܢ ܐܛܢܘܢܝ ܒܠܐ ܐܠܗ܂ ܘܐܪܓܙܘܢܝ ܒܕܚ̈ܠܬܗܘܢ܂ ܘܐܦ ܐܢܐ ܐܛܢ ܐܢܘܢ ܒܠܐ ܥܡܝ܂ ܘܒܥܡܐ ܣܟܠܐ ܐܪܓܙ ܐܢܘܢ܂
32:22	ܡܛܠ ܕܢܘܪܐ ܩ݁ܕܚܐ ܒܪܘܓܙܝ܂ ܘܡܘܩܕܐ ܥܕܡܐ ܠܫܝܘܠ ܬܚܬܝܬܐ܂ ܬܐܟܘܠ ܐܪܥܐ ܘܥ̈ܠܠܬܗ݀ ܘܬܘܩܕ ܫܬܐ̈ܣܐ ܕܛܘܪ̈ܐ܂
32:23	ܐܟܢܫ ܥܠܝܗܘܢ ܒܝܫ̈ܬܐ܂ ܘܓܐܪ̈ܝ ܐܘܟܠ ܒܗܘܢ܂
32:24	ܘܢܬܛܪܦܘܢ/ܢܬܛܪܦܘܢ#3#/ ܠܟܦܢܐ ܘܢܫ̈ܬܠܡܢ ܠܗܘܢ ܪ̈ܘܚܐ ܒܝ̈ܫܬܐ܂ ܘܠܛܝܪܐ ܐܫܠܡ ܐܢܘܢ܂ ܘܚܝܘܬ ܫܢܐ ܐܓܪܐ ܒܗܘܢ܂ ܥܡ ܚܡܬܐ ܕܚ̈ܘܘܬܐ ܕܚ݁ܠܕܝܢ ܒܥܦܪܐ܂
32:25	ܡܢ ܠܒܪ ܬܓܝܙܝ ܚܪܒܐ܂ ܘܡܢ ܬܘ̈ܢܐ ܕܚܠܬܐ܂ ܘܐܦ/ܐܦ#3#/ ܓܕܘ̈ܕܐ ܘܒܬ̈ܘܠܬܐ܂ ܘܛ̈ܠܝܐ ܥܡ ܓܒܪ̈ܐ ܣ̈ܒܐ܂
32:26	ܘܐܡ݁ܪܬ ܐܝܟܐ ܐܢܘܢ܂ ܐܒܛܠ ܡܢ ܒܢ̈ܝ ܐܢܫܐ ܕܘܟܪܢܗܘܢ܂
32:27	ܐܠܘ ܠܐ ܪܘܓܙܐ ܕܒܥܠܕܒܒܐ ܕܥܫܢ܂ ܕܠܐ ܢܬܬܪܝܡܘܢ ܒ̈ܥܠܕܒܒܝܗܘܢ/ܐܠܘ̈ܨܝܗܘܢ#3#/܂ ܘܢܐܡܪܘܢ ܕܐܝܕܢ ܗܘ ܐܬܬܪܝܡܬ܂ ܘܠܐ ܗܘܐ ܡܪܝܐ ܥܒܕ ܗܠܝܢ܂
32:28	ܡܛܠ ܕܥܡܐ ܗܘ ܕܐܒܝܕܐ ܬܪܥܝܬܗ܂ ܘܠܝܬ ܒܗܘܢ ܣܘܟܠܐ܂
32:29	ܐܠܘ ܚܟܡܘ ܘܐܣܬܟܠܘ ܒܗܕܐ܂ ܘܐܬܒܝܢܘ ܒܚܪܬܗܘܢ܂
32:30	‍<‍ܐܝܟܢ#3#‍>‍ ܪܕܦ ܗܘܐ ܚܕ ܠܐܠܦܐ܂ ܘܬܪ̈ܝܢ ܡܥܪ̈ܩܝܢ ܗܘܘ ܪܒܘܬܐ܂ ܐܠܐ ܬܩܝܦܗܘܢ ܐܫܠܡ ܐܢܘܢ܂ ܘܡܪܝܐ ܚܒܫ ܐܢܘܢ܂
32:31	ܡܛܠ ܕܠܐ ܗܘܐ ܐܝܟ ܬܘܩܦܢ ܬܘܩܦܗܘܢ܂ ܘܒ̈ܥܠܕܒܒܝܢ ܕܝ݁ܢ̈ܝܢ܂
32:32	ܡܛܠ ܕܡܢ ܓܦܬܐ ܕܣܕܘܡ ܓܦܬܗܘܢ ܘܡܢ ܫܬܠܬܐ ܕܥܡܘܪܐ܂ ܥܢ̈ܒܝܗܘܢ ܥܢ̈ܒܝܢ ܡܪ̈ܝܪܢ܂ ܘܣܓܘ̈ܠܝܗܘܢ ܡܪ̈ܪܐ ܠܗܘܢ܂
32:33	ܚܡܬܐ ܕܬܢܝܢܐ ܚܡܬܗܘܢ܂ ܘܪܫܐ ܕܦܬܢܐ ܒܝܫܐ܂
32:34	ܗܐ ܓܢܝܙ/ܢܛܝܪ#3#/ ܥܡܝ ܘܚܬܝܡ ܒܐܘܨܪ̈ܐ܂
32:35	ܕܝܠܝ ܗܘ ܦܘܪܥܢܐ ܕܐܦܪܘܥ܂ ܐܢܘܢ ܒܙܒܢܐ ܕܬܡܘܛ ܪܓܠܗܘܢ܂ ܡܛܠ ܕܩܪܝܒ ܗܘ ܝܘܡܐ ܕܬܒܪܗܘܢ܂ ܘܡܣܪܗܒ ܡܕܡ ܕܥܬܝܕ ܠܗܘܢ܂
32:36	ܡܛܠ ܕܕܐ݁ܢ ܡܪܝܐ ܠܥܡܗ܂ ܘܒܥܒ̈ܕܘܗܝ ܡܬܒܝܐ܂ ܡܛܘܠ ܕܚܙܐ ܕܫܠܛܬ ܐܝܕܐ܂ ܘܠܝܬ ܕܥ݁ܕܪ ܘܕܣ݁ܡܟ܂
32:37	ܘܢܐܡܪ ܐܝܟܐ ܐܢܘܢ ܐ̈ܠܗܝܗܘܢ ܬܩܝ̈ܦܐ܂ ܗ݀ܢܘܢ ܕܬܟܝܠܝܢ ܗܘܘ ܥܠܝܗܘܢ܂
32:38	ܕܬܪܒܐ ܕܕܒܚ̈ܝܗܘܢ ܐ݁ܟܠܝܢ ܗܘܘ܂ ܘܫ݁ܬܝܢ ܗܘܘ ܚܡܪܐ ܕܢܘܩܝܗܘܢ܂ ܢܩܘܡܘܢ ܗܫܐ ܘܢܥܕܪܢܟܘܢ܂ ܘܢܗܘܘܢ ܥܠܝܟܘܢ ܡܣܬܪ̈ܢܐ܂
32:39	ܚܙܘ ܗܟܝܠ ܕܐܢܐ ܐܢܐ܂ ܘܠܝܬ ܐܠܗ ܠܒܪ ܡܢܝ܂ ܐܢܐ ܡܡܝܬ ܐܢܐ ܘܐܢܐ ܡ݁ܚܐ ܐܢܐ܂ ܐܢܐ ܡ݁ܚܐ ܐܢܐ ܘܐܢܐ ܡܐܣܐ ܐܢܐ܂ ܘܠܝܬ ܕܦ݁ܠܛ ܡܢ ܐ̈ܝܕܝ܂
32:40	ܡܛܠ ܕܐܪܝ݁ܡܬ ܥܠ ܫܡܝܐ ܐܝܕܝ܂ ܘܐܡ݁ܪܬ ܕܚܝ ܐܢܐ ܠܥܠܡ܂
32:41	ܐܠܛܘܫ ܫܢܢܗ ܕܣܝܦܝ ܐܝܟ ܒܪܩܐ܂ ܘܬܐܚܘܕ ܒܕܝܢܐ ܐܝܕܝ܂ ܐܗܦܟ ܦܘܪܥܢܐ ܠܣܢܐ̈ܝ/ܥܠ ܣܢ̈ܐܝ#2#/܂ ܘܠܒ̈ܥܠܕܒܒܝ ܐܫܠܡ܂
32:42	ܐܪܘܐ ܓܐܪ̈ܝ ܡܢ ܕܡܐ܂ ܘܣܝܦܝ ܢܐܟܘܠ ܒܣܪܐ܂ ܡܢ ܕܡܐ ܕܩ̈ܛܝܠܐ ܘܕܫ̈ܒܝܐ܂ ܘܡܢ ܪܝܫ ܬܓܐ ܕܒܥܠܕܒܒܐ܂
32:43	ܡܟܝܠ ܫܒܚܘ ܥܡ̈ܡܐ ܥܡܗ܂ ܡܛܠ ܕܕܡܐ ܕܥܒ̈ܕܘܗܝ ܡܬܦܪܥ܂ ܘܦܘܪܥܢܐ ܡܗܦܟ ܠܣܢܐ̈ܘܗܝ/ܥܠ ܣܢܐ̈ܘܗܝ#2#/܂ ܘܡܚܣܐ ܥܠ ܐܪܥܗ ܘܥܠ ܥܡܗ܀܂܀
32:44	ܘܐܬܐ ܡܘܫܐ ܘܐܡܪ/ܘܡܠܠ#3#/ ܟܠܗܘܢ ܦܬ̈ܓܡܐ ܕܬܫܒܘܚܬܐ ܗܕܐ ܩܕܡ ‍<‍ܟܠܗ݀#3#‍>‍ ܥܡܐ܂ ܗܘ ܘܝܫܘܥ ܒܪܢܘܢ܂
32:45	ܘܟܕ ܫܠܡ ܡܘܫܐ ܠܡܐܡܪ/ܠܡܡܠܠܘ#3#/ ܟܠܗܘܢ ܦܬ̈ܓܡܐ ܗܠܝܢ ܠܟܘܠܗ/ܥܡ ܒܢ̈ܝ#3#/ ܐܝܣܪܝܠ܂
32:46	ܐܡܪ ܠܗܘܢ ܣܝܡܘ ܠܒܟܘܢ ܒܟܠܗܘܢ ܦܬ̈ܓܡܐ ܗܠܝܢ ܕܡܣܗܕ ܐܢܐ ܒܟܘܢ ܝܘܡܢܐ܂ ܕܬܦܩܕܘܢ ܠܒܢ̈ܝܟܘܢ ܕܢܛܪܘܢ ܘܢܥܒܕܘܢ ܟܠܗܘܢ ܦܬ̈ܓܡܘܗܝ/ܦܘܩ̈ܕܢܘܗܝ#3#/ ܕܢܡܘܣܐ ܗܢܐ܂
32:47	ܡܛܠ ܕܠܐ ܗܘܐ ܓܝܪ ܦܬܓܡܐ ܣܪܝܩܐ ܠܟܘܢ܂ ܡܛܠ ܕܗܘܝܘ ܚܝ̈ܝܟܘܢ܂ ܘܒܦܬܓܡܐ ܗܢܐ ܬܣܓܘܢ/ܬܓܪܘܢ#3#/ ܝܘܡ̈ܬܐ ܒܐܪܥܐ ܕܥ݁ܒܪܝܢ ܐܢܬܘܢ܂ ܝܘܪܕܢܢ ܠܬܡܢ ܠܡܐܪܬܗ݀܀܀
32:48	ܘܡܠܠ ܡܪܝܐ ܥܡ ܡܘܫܐ ܒܗ ܒܝܘܡܐ ܗ݀ܘ ܘܐܡܪ ܠܗ܂
32:49	ܣܩ ܠܛܘܪܐ ܗܢܐ ܕܥܒܪ̈ܝܐ ܠܛܘܪܐ ‍<‍ܗܢܐ#3#‍>‍ ܕܢܒܘ܂ ܕܒܐܪܥܐ ܕܡܘܐܒ ܩܕܡ ܐܝܪܝܚܘ܂ ܘܚܙܝܗ݀ ܠܐܪܥܐ ܕܟܢܥܢ ܕܝ݁ܗܒ ܐܢܐ ܠܒܢ̈ܝ ܐܝܣܪܝܠ ܝܘܪܬܢܐ܂
32:50	ܘܡܘܬ ܒܛܘܪܐ ܕܣ݁ܠܩ ܐܢܬ ܠܗ/ܠܬܡܢ#3#/܂ ܘܐܬܟܢܫ/ܘܐܬܟܬܫ#2#/ ܠܘܬ ܥܡܟ܂ ܐܝܟ/ܐܝܟܢܐ#3#/ ܕܡܝܬ ܐܗܪܘܢ ܐܚܘܟ܂ ܒܗܘܪ ܛܘܪܐ܂ ܘܐܬܟܢܫ ܠܘܬ ܥܡܗ܂
32:51	ܥܠ ܕܐܥܠܝܬܘܢ ܒܝ ܒܓܘ ܒܢܝ ܐܝܣܪܝܠ܂ ܒܡ̈ܝܐ ܕܡܨܘܬܐ ܒܪܩܡ ܒܡܕܒܪܐ ܕܨܝܢ܂ ܥܠ ܕܠܐ ܩܕܫܬܘܢܢܝ ܒܓܘ ܒܢ̈ܝ ܐܝܣܪܐܝܠ܂
32:52	ܡܢ ܩܒܘܠ ܚܙܝܗ݀ ܠܐܪܥܐ ܕܝ݁ܗܒ ܐܢܐ ܠܒܢ̈ܝ ܐܝܣܪܝܠ ܘܠܬܡܢ ܠܐ ܬܥܘܠ܀