← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62005: P Dt

Click on a word for lexical analysis
Click on a red-colored coordinate for comments and/or translations of the line

previous chapter


33:01 ܘܗܕܐ ‍<‍ܗܝ#3#‍>‍ ܒܘܪܟܬܐ ܕܒܪܟ ܡܘܫܐ ܥܒܕܗ ܕܐܠܗܐ ܠܒܢ̈ܝ ܐܝܣܪܝܠ ܩܕܡ ܕܢܡܘܬ܂
33:02 ܘܐܡܪ܂ ܡܪܝܐ ܡܢ ܣܝܢܝ ܐܬܐ܂ ܘܕܢܚ ܠܢ ܡܢ ܣܥܝܪ ܘܐܬܓܠܝ ܡܢ ܛܘܪܐ ܕܦܪܢ܂ ܘܥܡܗ ܡܢ ܪ̈ܒܘܬܐ ܕܩܕܝܫ̈ܐ ܡܢ ܝܡܝܢܗ܂
33:03 ܝܗܒ ܠܗܘܢ ܘܐܦ ܐܪܚܡ ܐܢܘܢ ܠܥܡ̈ܡܐ܂ ܘܟܠܗܘܢ ܩܕܝܫ̈ܘܗܝ ܒܪܟ܂ ܘܗܢܘܢ ܡܕܪܟܝܢ ܠܪܓܠܟ܂ ܘܡܩܒܠܝܢ ܡܢ ܡܠܬܟ܂
33:04 ܢܡܘܣܐ ܐܫܠܡ ܠܢ ܡܘܫܐ܂ ܘܝܗܒܗ ܝܘܪܬܢܐ ܠܟܢܘܫܬܗ ܕܝܥܩܘܒ܂
33:05 ܘܢܗܘܐ ܒܐܝܣܪܝܠ ܡܠܟܐ ܡܐ/ܡܛܠ#3#/ ܕܐܬܟܢܫܘ ܪ̈ܝܫܐ ܕܥܡܐ ܐܟܚܕܐ܂ ܘܫ̈ܒܛܐ ܕܐܝܣܪܐܝܠ܂
33:06 ܢܚܐ ܪܘܒܝܠ ܘܠܐ ܢܡܘܬ܂ ܘܢܗܘܐ ܒܡܢܝܢܐ܂
33:07 ܘܗܕܐ ܐܡܪ ܠܝܗܘܕܐ܂ ܫܡܥ ܡܪܝܐ ܒܩܠܗ ܕܝܗܘܕܐ܂ ܘܠܥܡܗ ܐܝܬܝܗܝ܂ ܐ̈ܝܕܘܗܝ ܢܕܘܢܢ/ܢܕܘܝ̈ܢ#3#/ ܠܗ܂ ܘܥܕܘܪܐ ܡܢ ܐܠܘ̈ܨܘܗܝ ܗܘܝ ܠܗ܂
33:08 ܘܠܠܘܝ ܐܡܪ܂ ܫܘܡܠܝܟ ܘܢܘܗܪܟ ܠܓܒܪܐ ܚܣܝܐ܂ ܕܢ݁ܣܝܬܗ ܒܢܣ̈ܝܘܢܐ܂ ܘܒܚܪܬܗ ܒܡ̈ܝܐ ܕܡܨܘܬܐ܂
33:09 ܕܐܡܪ ܥܠ ܐܒܘܗܝ ܘܥܠ ܐܡܗ ܠܐ ܚ݁ܙܝܬܗ܂ ܘܠܐܚܘܗܝ ܠܐ ܐܫܬܘܕܥ܂ ܘܠܒܢ̈ܘܗܝ ܠܐ ܝܕܥ ܕܢܛܪܘ ܡܐܡܪܟ ܘܩܝܡܟ ܢܛܪܘ܂
33:10 ܢܠܦܘܢ ܕܝ̈ܢܝܟ ܠܝܥܩܘܒ܂ ܘܢܡ̈ܘܣܝܟ ܠܐܝܣܪܝܠ܂ ܢܣܝܡܘܢ ܥܛܪܐ ܒܪܘܓܙܟ܂ ܘܫܘܡܠܝܐ ܥܠ ܡܕܒܚܟ܂
33:11 ܒܪܟ ܡܪܝܐ ܚܝܠܗ܂ ܘܐܨܛܒܝ ܒܥܒ݁ܕܐ ܕܐ̈ܝܕܘܗܝ܂ ܬܒܪ ܚܨܐ ܕܣܢܐ̈ܘܗܝ܂ ܘܒ̈ܥܠܕܒܒܘܗܝ ܠܐ ܢܩܘܡܘܢ܂
33:12 ܘܠܒܢܝܡܝܢ ܐܡܪ܂ ܚܒܝܒܗ ܕܡܪܝܐ ܢܫܪܐ ܒܫܠܝܐ܂ ܘܥܠܘܗܝ ܢܪܚܦ ܟܠܗ ܝܘܡܐ܂ ܘܒܝܬ ܟܬ̈ܦܬܗ ܢܫܪܐ܂
33:13 ܘܠܝܘܣܦ ܐܡܪ܂ ܡܒܪܟܬܐ ܗܝ ܕܡܪܝܐ ܐܪܥܗ ܒܐܒܐ܂ ܡܢ ܛܠܐ ܕܫܡܝܐ ܡܢ ܠܥܠ܂ ܘܡܢ ܬܗܘܡܐ ܕܐܪܒܝܥܐ ܡܢ ܠܬܚܬ܂
33:14 ܡܢ ܐܒܐ ܕܥ̈ܠܠܬܐ ܕܫܡܫܐ܂ ܘܡܢ ܐܒܐ ܕܡܘܥܐ ܣܗܪܐ܂
33:15 ܘܡܢ ܪܝܫ ܛܘܪ̈ܝ ܡܕܢܚܐ܂ ܘܡܢ ܐܒܐ ܕܪ̈ܡܬܐ ܕܥܠܡ܂
33:16 ܘܡܢ \ܐܒܐ ܕܐܪܥܐ /ܐܪܥܐ#3#/ ܘܡܠܐܗ݀܂ ܨܒܝܢܗ ܕܡ݁ܢ ܕܫܪܐ ܒܣܢܝܐ܂ ܢܐܬܝܢ ܥܠ ܪܫܗ ܕܝܘܣܦ܂ ܘܥܠ ܪܝܫ ܟܠܝܠܐ ܕܐ̈ܚܘܗܝ܂
33:17 ܒܘܟܪ̈ܐ ܕܬܘܪ̈ܐ ܗܕܪܐ ܠܗ܂ ܘܩܪ̈ܢܬܐ ܕܪܝܡܐ ܩܪ̈ܢܬܗ܂ ܒܗܝܢ ܢܕܩܪ ܥܡ̈ܡܐ ܐܟܚܕܐ܂ ܥܕܡܐ ܠܥܒܪ̈ܝܗ݀ ܕܐܪܥܐ܂ ܗܠܝܢ ܪ̈ܒܘܬܐ ܕܐܦܪܝܡ܂ ܘܗܠܝܢ ܐ̈ܠܦܐ ܕܡܢܫܐ܂
33:18 ܘܠܙܒܠܘܢ ܐܡܪ܂ ܚܕܝ ܙܒܠܘܢ ܒܡܦܩܟ܂ ܘܐܝܣܟܪ ܒܡܫ̈ܟܢܝܟ܂
33:19 ܥܡ̈ܡܐ ܠܛܘܪܐ ܢܩܪܘܢ/ܢܥܪܘܢ#3#/܂ ܘܬܡܢ ܢܕܒܚܘܢ ܕܒܚ̈ܐ ܕܙܕܝܩܘܬܐ܂ ܡܛܠ ܕܫܦܥܐ ܕܝܡ̈ܡܐ ܢܐܢܩܘܢ܂ ܘܐ̈ܠܦܐ ܕܛܡܝܪ̈ܢ ܒܚܠܐ܂
33:20 ܘܠܓܕ ܐܡܪ܂ ܒܪܟ ܡ݁ܢ/ܗܘ#3#/ ܕܐܪܘܚ ܠܓܕ ܐܝܟ ܐܪܝܐ ܫܪܐ܂ ܘܬܒܪ ܕܪܥܐ ܥܡ ܪܝܫܐ܂
33:21 ܘܚܙܐ/ܘܩܪܐ#3#/ ܩܕܡܝܬ ܠܗ܂ ܡܛܠ ܕܬܡܢ ܛܡܝܪܐ ܦܠܓܘܬܐ/ܦܠܓܘܬܗ#3#/ ܕܡܒܕܩܢܐ܂ ܕܢ݁ܦܩ ܗܘܐ ܒܪܝܫܗ ܕܥܡܐ܂ ܙܕܝܩܘܬܗ ܕܡܪܝܐ ܥܒܕ ܘܕܝ̈ܢܘܗܝ ܥܡ ܐܝܣܪܝܠ܂
33:22 ܘܠܕܢ ܐܡܪ܂ ܕܢ ܓܘܪܝܐ ܕܐܪܝܐ ܕܝ݁ܢܩ ܡܢ ܡܬܢܝܢ܂
33:23 ܘܠܢܦܬܠܝ ܐܡܪ܂ ܢܦܬܠܝ ܣܒܥ ܨܒܝܢܐ܂ ܘܡܠ݂ܐ ܒܘܪܟܬܗ ܕܡܪܝܐ܂ ܠܡܥܪܒܐ/ܠܝܡܐ#3#/ ܘܠܬܝܡܢܐ ܢܐܪܬ܂
33:24 ܘܠܐܫܝܪ ܐܡܪ܂ ܒܪܝܟ ܡܢ ܒܢ̈ܝܐ/ܡܪܝܐ#3#/ ܐܫܝܪ܂ ܢܗܘܐ ܨܒܝܢܐ ܠܐ̈ܚܘܗܝ܂ ܘܢܨܒܥ ܒܡܫܚܐ/ܒܫܘܒܚܐ#3#/ ܪܓܠܗ܂
33:25 ܦܪܙܠܐ ܘܢܚܫܐ ܡܣܢܟ܂ ܘܐܝܟ ܝܘܡ̈ܬܟ ܥܘܫܢܟ܂
33:26 ܠܝܬ ܐܝܟ ܐܠܗܐ ܕܐܝܣܪܐܝܠ ܕܡܪܟܒܬܗ ܒܫܡܝܐ܂ ܒܥܕܪܟ ܘܒܓܐܝܘܬܗ܂ ܒܫ̈ܡܝ ܫܡܝܐ܂
33:27 ܡܥܡܪܗ ܕܐܠܗܢ܂ ܡܢ ܩܕܝܡ܂ ܘܠܬܚܬ ܙܪܥ ܥܠܡܐ܂ ܘܢܘܒܕ ܡܢ ܩܕܡܝܟ܂ ܒܥܠܕܒܒܐ ܕܐܡܪ ܐܘܒܕ܂
33:28 ܘܢܫܪܐ ܐܝܣܪܝܠ ܒܫܠܝܐ ܒܠܚܘܕܘܗܝ܂ ܡܒܘܥܗ ܕܝܥܩܘܒ ܒܐܪܥܐ ܕܥܒܘܪܐ ܘܕܚܡܪܐ ܘܕܡܫܚܐ܂ ܘܐܦ ܫܡܝܐ ܢܪܣܘܢ/ܢܪܣܡܘܢ#3#/ܢܪܒܘܢ#3#/ ܛܠܐ܂
33:29 ܛܘܒܝܟ ܐܝܣܪܝܠ ܡܢܘ ܐܟܘܬܟ܂ ܥܡܐ ܕܦܘܪܩܢܗ ܒܡܪܝܐ ܡܣܝܥ܂ ܥܕܪܟ ܐܠܗܐ ܘܠܐ ܗܘܐ ܒܣܦܣܪܐ ܫܘܒܗܪܟ܂ ܢܬܟܕܒܘܢ ܠܟ ܒ̈ܥܠܕܒܒܝܟ܂ ܘܐܢܬ ܥܠ ܩܕܠܗܘܢ ܬܕܪܘܟ܂

next chapter