← Back
The Comprehensive Aramaic Lexicon
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

01:01 ܘܡܢ ܒܬܪ ܕܡܝܬ ܡܘܫܐ ܥܒܕܗ ܕܡܪܝܐ܂ ܐܡܪ ܡܪܝܐ ܠܝܫܘܥ ܒܪ܆ܢܘܢ ܡܫܡܫܢܗ ܕܡܘܫܐ܂
01:02 ܡܘܫܐ ܥܒܕܝ ܡܝܬ܂ ܡܟܝܠ ܩܘܡ ܥܒܪ ܝܘܪܕܢܢ ܗܢܐ܂ ܐܢܬ ܘܟܠܗ ܥܡܐ ܗܢܐ܂ ܠܐܪܥܐ ܕܝ݁ܗܒ ܐܢܐ ܠܗܘܢ ܠܒܢ̈ܝ ܐܝܣܪܐܝܠ܂

01:03 ܟܠ ܐܬܪܐ ܕܬܕܪܘܟ ܒܗ ܦܣܬܐ/ܦܪܣܬܐ#3#/ ܕܪܓܠܟܘܢ ܠܟܘܢ ܢܗܘܐ܂ ܐܝܟ ܕܐܡ݁ܪܬ ܠܡܘܫܐ܂

01:04 ܡܢ ܡܕܒܪܐ ܘܛܘܪܐ ܕܠܒܢܢ ܗܢܐ܂ ܘܥܕܡܐ ܠܦܪܬ ܢܗܪܐ ܪܒܐ܂ ܘܟܠܗ݀ ܐܪܥܐ ܕܚ̈ܬܝܐ ܘܥܕܡܐ ܠܝܡܐ ܪܒܐ܂ ܒܝܬ ܡܥܪ̈ܒܝ ܫܡܫܐ ܢܗܘܐ ܬܚܘܡܟܘܢ܂
01:05 ܘܠܐ ܢܩܘܡ ܐܢܫ ܩܕܡܝܟܘܢ ܟܠܗܘܢ ܝܘܡ̈ܬܐ ܕܚܝܝ̈ܟܘܢ܂ ܘܐܝܟܢܐ ܕܗܘ݁ܝܬ ܥܡ ܡܘܫܐ ܐܗܘܐ ܐܦ ܥܡܟ܂ ܠܐ ܐܪܦܝܟ ܘܠܐ ܐܫܒܩܟ܂
01:06 ܐܬܚܝܠ ܘܐܬܥܫܢ ܛܒ܂ ܡܛܘܠ ܕܐܢܬ ܬܘܪܬܝܘܗܝ ܠܥܡܐ ܗܢܐ܂ ܐܪܥܐ ܕܐܝܡ݁ܝܬ ܠܐܒ̈ܗܝܗܘܢ ܠܡܬܠ ܠܗܘܢ܂
01:07 ܒܠܚܘܕ ܐܬܚܝܠ ܘܐܬܥܫܢ ܛܒ܂ ܠܡܛܪ ܘܠܡܥܒܕ ܟܠ ܢܡ̈ܘܣܐ ܕܦܩܕܟ ܡܘܫܐ ܥܒܕܝ܂ ܠܐ ܬܥܒܪ ܡܢܗܘܢ ܠܐ ܠܝܡܝܢܐ ܘܠܐ ܠܣܡܠܐ܂ ܡܛܠ ܕܬܨܠܚ ܒܟܠ ܕܬܗܠܟ܂
01:08 ܘܠܐ ܢܥܢܕ ܗܢܐ ܣܦܪܐ ܕܢܡܘܣܐ ܡܢ ܦܘܡܟ܂ ܐܠܐ ܗܘܝܬ/ܕܗܘܝܬ#3#/ ܪܢ݁ܐ ܒܗ ܒܠܠܝܐ ܘܒܐܝܡܡܐ܂ ܘܬܛܪ ܘܬܥܒܕ ܟܠ ܕܟܬܝܒ ܒܗ܂ ܕܬܨܠܚ/ܘܬܨܠܚ#3#/ ܘܬܟܫܪ܂
01:09 ܗܐ ܦܩ݁ܕܬܟ܂ ܐܬܚܝܠ ܘܐܬܥܫܢ܂ ܠܐ ܬܕܚܠ ܘܠܐ ܬܙܘܥ܂ ܡܛܠ ܕܥܡܟ ܗܘ ܡܪܝܐ ܐܠܗܟ܂ ܐܬܪ ܕܐ݁ܙܠ ܐܢܬ܀
01:10 ܘܦܩܕ ܝܫܘܥ ܠܫ̈ܠܝܛܢܐ ܕܥܡܐ ܘܠܣܦܪ̈ܘܗܝ ܘܐܡܪ ܠܗܘܢ܂
01:11 ܥܒܪܘ ܒܓܘ ܡܫܪܝܬܐ܂ ܘܦܩܕܘ ܠܥܡܐ܂ ܘܐܡܪܘ ܠܗܘܢ܂ ܛܝܒܘ ܠܟܘܢ ܙܘ̈ܕܐ܂ ܡܛܠ ܕܡܟܐ ܠܬܠܬܐ ܝܘܡ̈ܝܢ ܥ݁ܒܪܝܢ ܐܢܬܘܢ ܝܘܪܕܢܢ ܗܢܐ܂ ܠܡܥܠ ܠܡܐܪܬ ܐܪܥܐ ܕܡܪܝܐ ܐܠܗܟܘܢ ܝ݁ܗܒ ܠܟܘܢ ܠܡܐܪܬܗ݀܀܂
01:12 ܘܠܪܘܒܝܠ ܘܠܓܕ ܘܠܦܠܓܗ ܕܫܒܛܐ ܕܡܢܫܐ ܐܡܪ ܝܫܘܥ܂
01:13 ܐܬܕܟܪܘ ܦܬܓܡܐ ܕܦܩܕܟܘܢ ܡܘܫܐ ܥܒܕܗ ܕܡܪܝܐ ܘܐܡܪ ܠܟܘܢ܂ ܡܪܝܐ ܐܠܗܟܘܢ ܡܢܝܚ ܠܟܘܢ܂ ܘ݁ܝܗܒ ܠܟܘܢ ܐܪܥܐ ܗܕܐ܂
01:14 ܢܫܝ̈ܟܘܢ ܘܐܝܩܪܬܟܘܢ ܘܩܢܝܢܟܘܢ ܢܬܒܘܢ ܒܐܪܥܐ ܕܝܗܒ ܠܟܘܢ ܡܘܫܐ ܒܥܒܪܐ ܕܝܘܪܕܢܢ܂ ܘܐܢܬܘܢ ܥܒܪܘ ܟܕ ܡܙܝܢܝܢ ܐܢܬܘܢ ܩܕܡ ܐ̈ܚܝܟܘܢ܂ ܟܠܟܘܢ ܓܢܒܪ̈ܝ ܚܝܠܐ ܘܥܕܪܘ/ܘܥܪܕܘ#2#/ ܐܢܘܢ܂
01:15 ܥܕܡܐ ܕܢܢܝܚ ܡܪܝܐ ܠܐ̈ܚܝܟܘܢ ܐܟܘܬܟܘܢ܂ ܘܢܐܪܬܘܢ ܐܦ ܗܢܘܢ ܐܪܥܐ ܕܡܪܝܐ ܐܠܗܟܘܢ ܝ݁ܗܒ ܠܗܘܢ܂ ܘܬܗܦܟܘܢ ܠܐܪܥܐ ܕܝܪܬܘܬܟܘܢ ܘܬܐܪܬܘܢܗ݀܂ ܕܝܗܒ ܠܟܘܢ ܡܘܫܐ ܥܒܕܗ ܕܡܪܝܐ ܒܥܒܪܐ ܕܝܘܪܕܢܢ܂ \ܡܢ ܡܕܢܚ̈ܝ /ܒܡܕܢ̈ܚܝ#3#/ ܫܡܫܐ܂
01:16 ܘܥܢܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܒܢ̈ܝ ܡܢܫܐ ܘܐܡܪܘ ܠܝܫܘܥ܂ ܟܠ ‍<‍ܡܕܡ#3#‍>‍ ܕܦܩܕ ܐܢܬ ܠܢ ܢܥܒܕ܂ ܘܠܐܝܟܐ/ܘܠܟܠ ܐܬܪ#3#/ ܕܬܫܕܪܢ ܢܐܙܠ܂
01:17 ܘܐܝܟܢܐ ܕܫ݁ܡܥܝܢ ܗܘܝܢ ܠܡܘܫܐ ܗܟܢܐ ܢܫܡܥܟ܂ ܒܠܚܘܕ ܡܪܝܐ ܐܠܗܟ ܢܗܘܐ ܥܡܟ܂ ܐܝܟܢܐ ܕܗܘܐ ܥܡ ܡܘܫܐ܂
01:18 ܘܟܠ ܐܢܫ ܕܢܬܚܪܐ ܥܡܟ܂ ܘܠܐ ܢܫܡܥ ܡܠܬܟ ܠܟܠ ܡܕܡ ܕܦܩܕ ܐܢܬ ܠܗ ܢܬܩܛܠ܂ ܒܠܚܘܕ ܐܬܚܝܠ ܘܐܬܥܫܢ܀

next chapter