The Comprehensive Aramaic Lexicon

02:01	ܘܫܕܪ ܝܫܘܥ ܒܪ܆ܢܘܢ ܡܢ ܣܛܝܡ܂ ܬܪ̈ܝܢ ܓܒܪ̈ܝܢ ܕܝ݁ܕܥܝܢ ܒܐܪܥܐ܂ ܘܐܡܪ ܠܗܘܢ ܙܠܘ ܚܙܘ/ܓܘܫܘ#3#/ ܠܐܪܥܐ/ܐܪܥܐ#3#/ ܕܐܝܪܝܚܘ܂ ܘܐܙܠܘ ܘܥܠܘ ܠܘܬ ܐܢܬܬܐ ܙܢܝܬܐ ܕܫܡܗ݀ ܪܚܒ܂ ܘܒܬܘ ܬܡܢ܂
02:02	ܘܐܬܐܡܪ ܠܡܠܟܐ ܕܐܝܪܝܚܘ܂ ܕܗܐ ܓܒܪ̈ܐ ܐܬܘ ܠܗܪܟܐ ܒܠܠܝܐ ܡܢ/ܕܡܢ#3#/ ܒܢ̈ܝ ܐܝܣܪܝܠ܂ ܠܡܓܫ ܐܪܥܐ܂
02:03	ܘܫܕܪ ܡܠܟܐ ܕܐܝܪܝܚܘ ܠܘܬ ܪܚܒ ܘܐܡܪ ܠܗ݀܂ ܐܦܩܝ ‍<‍ܠܝ#3#‍>‍ ܓܒܪ̈ܐ ܕܥܠܘ ܠܘܬܟܝ ܒܠܠܝܐ܂ ܡܛܠ ܕܠܡܓܫ ܐܪܥܢ ܐܬܘ܂
02:04	ܘܕܒܪܬ ܐܢܬܬܐ ܠܬܪ̈ܝܗܘܢ ܓܒܪ̈ܐ ܘܛܫܝܬ ܐܢܘܢ܂ ܘܐܡܪܬ ܫܪܝܪܐܝܬ ܐܬܘ ܠܘܬܝ ܓܒܪ̈ܐ܂ ܘܠܐ ܝ݁ܕܥܬ ܡܢ ܐܝܡܟܐ ܐܢܘܢ܂
02:05	ܘܟܕ ܗܘܐ ܙܒܢܐ ܕܡܬܬܚܕ ܬܪܥܐ ܒܪܡܫܐ ܢܦܩܘ ܠܗܘܢ܂ ܘܠܐ ܝ݁ܕܥܬ ܠܐܝܟܐ ܐܙܠܘ܂ ܦܘܩܘ ܥܓܠ ܒܬܪܗܘܢ ܡܛܠ ܕܡܕܪܟܝܢ ܐܢܬܘܢ ܠܗܘܢ܂

02:06	ܘܗܝ ܐܣܩܬ ܐܢܘܢ ܠܐܓܪܐ܂ ܘܛܫܝܬ ܐܢܘܢ ܒܝܬ ܟܪ̈ܣܒܢܐ ܕܟܬܢܐ ܕܣܝܡܝܢ ܗܘܘ ܠܗ݀ ܥܠ ܐܓܪܐ܂

02:07	ܘܓܒܪ̈ܐ ܢܦܩܘ ܒܬܪܗܘܢ ܒܐܘܪܚܐ ܕܝܘܪܕܢܢ ܥܠ/ܕܥܠ#3#/ ܡܥܒܪܬܐ܂ ܘܬܪܥܐ ܐܚܕܘ ܡܢ ܒܬܪ ܕܢܦܩܘ ܪ̈ܕܘܦܐ ܒܬܪ ܗ݀ܢܘܢ ܓܫܘ̈ܫܐ܂
02:08	ܘܗܢܘܢ/ܘܗ݀ܢܘܢ#3#/ ܥܕܡܐ ܠܗܫܐ ܠܐ ܫܟܒܘ ܗܘܘ܂ ܘܗܝ ܣܠܩܬ ܠܘܬܗܘܢ ܠܐܓܪܐ܂
02:09	ܘܐܡܪܬ ܠܓܒܪ̈ܐ܂ ܝ݁ܕܥܬ ܕܐܫܠܡܗ݀ ܠܟܘܢ ܡܪܝܐ ܠܐܪܥܐ܂ ܘܢܦܠܬ ܕܚܠܬܟܘܢ ܥܠܝܢ܂ ܘܐܦ ܕܚܠܘ ܟܘܠܗܘܢ/ܠܗܘܢ#3#/ ܥܡܘܪ̈ܝܗ݀ ܕܐܪܥܐ ܡܢ ܩܕܡܝܟܘܢ܂
02:10	ܡܛܠ ܕܫܡܥܢ ܕܐܘܒܫ ܡܪܝܐ ܡ̈ܝܐ ܕܝܡܐ ܕܣܘܦ ܡܢ ܩܕܡܝܟܘܢ܂ ܟܕ ܢܦܩܬܘܢ ܡܢ ܡܨܪܝܢ ܘܡܕܡ ܕܥܒܕܬܘܢ ܠܬܪ̈ܝܢ ܡ̈ܠܟܐ ܕܐܡܘܪ̈ܝܐ܂ ܠܣܝܚܘܢ ܘܠܥܘܓ ܕܚܪܒܬܘܢ ܐܢܘܢ܂
02:11	ܘܟܕ ܫܡܥܢ ܙܥ ܠܒܢ܂ ܘܠܐ ܐܫܬܚܪܬ ܪܘܚܐ/ܢܦܫܐ#3#/ ܒܐܢܫ ܡܢܢ ܡܢ ܩܕܡܝܟܘܢ܂ ܡܛܘܠ ܕܡܪܝܐ ܐܠܗܟܘܢ܂ ܗܘܝܘ ܐܠܗܐ ܒܫܡܝܐ ܡܢ ܠܥܠ ܘܒܐܪܥܐ ܡܢ ܠܬܚܬ܂
02:12	ܡܟܝܠ ܐܝܡܘ ܠܝ ܒܡܪܝܐ܂ ܡܛܠ ܕܥܒ݁ܕܬ ܒܟܘܢ ܛܝܒܘܬܐ܂ ܘܥܒܕܘ ܐܦ ܐܢܬܘܢ ܒܝ ܘܒܒܝܬ ܐܒܝ ܛܝܒܘܬܐ܂ ܘܗܒܘ ܠܝ ܐܬܐ ܕܩܘܫܬܐ܂
02:13	ܕܐܚܘ ܠܝ ܘܠܐܒܝ ܘܠܐܡܝ ܘܠܐ̈ܚܝ܂ ܘܠܐ̈ܚܘܬܝ ܘܠܟܠ ܕܐܝܬ ܠܢ܂ ܘܦܨܘ ܢܦܫ̈ܬܢ ܡܢ ܡܘܬܐ܂
02:14	ܘܐܡܪܘ ܠܗ݀ ܓܒܪ̈ܐ܂ ܢܦܫ̈ܬܢ ܕܝܠܢ ܝ݁ܗܒܝܢܢ ܚܠܦܝܟܘܢ ܠܡܘܬܐ܂ ܐܠܐ ܕܝܢ ܡܚܘܝܢ ܐܢܬܘܢ ܡܠܬܐ ܗܕܐ܂ ܘܡܐ ܕܝܗܒܗ݀ ܠܢ ܡܪܝܐ ܠܐܪܥܐ ܗܕܐ ܥ݁ܒܕܝܢܢ ܥܡܟܝ ܛܝܒܘܬܐ ܘܩܘܫܬܐ܂
02:15	ܘܐܚܬܬ ܐܢܘܢ ܒܚܒܠܐ ܡܢ ܟܘܬܐ܂ ܡܛܠ ܕܒܝܬܗ݀ ܒܐܣܬܐ ܗܘܐ ܕܫܘܪܐ܂ ܘܥܠ ܫܘܪܐ ܝ݁ܬܒܐ ܗܘܬ܂
02:16	ܘܐܡܪܬ ܠܗܘܢ܂ ܒܛܘܪܐ ܛܘܪܐ ܙܠܘ܂ ܕܠܡܐ ܢܦܓܥܘܢ ܒܟܘܢ ܗ݀ܢܘܢ ܕܢܦܩܘ ܒܬܪܟܘܢ܂ ܘܐܬܛܫܘ ܬܡܢ ܬܠܬܐ ܝܘܡ̈ܝܢ ܥܕܡܐ ܕܗ݀ܦܟܝܢ܂ ܘܗܝܕܝܢ ܬܐܙܠܘܢ ܒܐܘܪܚܟܘܢ܂
02:17	ܘܐܡܪܘ ܠܗ݀ ܓܒܪ̈ܐ܂ ܡܚܣܝܢ ܚܢܢ ܡܢ ܡܘܡܬܐ ܗܕܐ ܕܐܘܡܝܬܝܢ܂
02:18	ܗܐ ܚܢܢ ܥ݁ܐܠܝܢܢ ܠܐܪܥܐ܂ ܚܘܛܐ ܕܝܢ ܕܙܚܘܪܝܬܐ ܩܛܘܪܝ ܒܟܘܬܐ ܕܐܚܬܬܝܢ ܡܢܗ݀܂ ܘܠܐܒܘܟܝ ܘܠܐܡܟܝ ܘܠܐ̈ܚܝܟܝ ‍<‍ܘܠܐܚ̈ܘܬܟܝ#3#‍>‍ ܘܠܟܠܗ ܒܝܬ ܐܒܘܟܝ ܐܥܠܝ ܠܘܬܟܝ ܠܓܘ ܒܝܬܐ܂
02:19	ܘܟܠ ܡ݁ܢ ܕܢ݁ܦܩ ܡܢ ܬܪܥܐ ܕܒܝܬܟܝ ܠܒܪ܂ ܕܡܗ ܒܪܝܫܗ ܘܐܚܢܢ ܡܦܨܝܢܢ ܡܢ ܥܝܪܬܗ܂ ܘܟܠ ܡ݁ܢ ܕܢܗܘܐ ܥܡܟܝ \ܒܓܘ ܒܝܬܐ /ܒܒܝܬܐ#3#/ ܕܡܗ ܒܪܝܫܢ܂ ܘܚܢܢ ܚܝ݁ܒܝܢܢ ܥܝܪܬܗ܂ ܐܢ ܐܢܫ ܢܗܪܝܘܗܝ܂
02:20	ܘܐܢ ܬܚܘܝܢ ܡܠܬܐ ܗܕܐ܂ ܗܘܝܢ ܡܚܣܝܢ ‍<‍ܚܢܢ#3#‍>‍ ܡܢ ܡܘܡܬܐ ‍<‍ܗܕܐ#3#‍>‍ ܕܐܘܡܝܬܝܢ܂
02:21	ܘܐܡܪܬ ܠܗܘܢ܂ ܐܝܟ ܡܠܬܟܘܢ ܗܟܢܐ ܢܗܘܐ܂ ܘܫܕܪܬ ܐܢܘܢ ܘܐܙܠܘ܂ ܘܩܛܪܬ ܚܘܛܐ ܕܙܚܘܪܝܬܐ ܒܟܘܬܐ܂
02:22	ܘܐܙܠܘ ܠܛܘܪܐ܂ ܘܐܝܬܒܘ ܬܡܢ ܬܠܬܐ ܝܘܡ̈ܝܢ܂ ܥܕܡܐ ܕܗܦܟܘ ܗ݀ܢܘܢ ܕܐܙܠܘ ܒܬܪܗܘܢ ܠܡܐܬܐ܂ ܘܒܥܘ ܐܢܘܢ ܗ݀ܢܘܢ ܕܢܦܩܘ ܒܬܪܗܘܢ ܒܟܠܗ݀ ܐܘܪܚܐ܂ ܘܟܕ ܠܐ ܐܫܟܚܘ ܐܢܘܢ܂
02:23	ܗܦܟܘ ܠܗܘܢ܂ ܘܗ݀ܢܘܢ ܬܪ̈ܝܢ ܓܫܘ̈ܫܝܢ܂ ܢܚܬܘ ܡܢ ܛܘܪܐ܂ ܘܥܒܪܘ ܘܐܙܠܘ ܠܘܬ ܝܫܘܥ ܒܪ܆ܢܘܢ܂ ܘܐܫܬܥܝܘ ܠܗ ܟܠܡܕܡ ܕܓܕܫ ܠܗܘܢ܂
02:24	ܘܐܡܪܘ ܠܗ ܠܝܫܘܥ܂ ܐܫܠܡܗ݀ ܡܪܝܐ ܒܐ̈ܝܕܝܢ ܠܟܠܗ݀ ܐܪܥܐ܂ ܘܐܦ ܕܚܠܘ ܟܠܗܘܢ ܥܡܘܪ̈ܝܗ݀ ܕܐܪܥܐ ܡܢ ܩܕܡܝܢ܂