← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

previous chapter


04:01 ܘܟܕ ܫܠܡܘ ܟܠܗ ܥܡܐ ܠܡܥܒܪ ܝܘܪܕܢܢ܂ ܐܡܪ ܡܪܝܐ ܠܝܘܫܥ܂
04:02 ܕܒܪܘ ܠܟܘܢ ܡܢ ܥܡܐ ܬܪܥܣܪ ܓܒܪ̈ܝܢ܂ ܚܕ ܚܕ ܓܒܪܐ ܡܢ ܫܒܛܐ܂
04:03 ܘܦܩܕ ܐܢܘܢ ܘܐܡܪ ܠܗܘܢ܂ ܣܒܘ ܠܟܘܢ ܡܟܐ ܡܢ ܓܘ ܝܘܪܕܢܢ܂ ܡܢ ܬܚܝܬ ܪ̈ܓܠܝܗܘܢ ܕܟܗ̈ܢܐ܂ ܛܝܒܘ ܬܪ̈ܬܥܣܪܐ ܟܐ̈ܦܝܢ ܘܐܥܒܪܘ ܐܢܝ̈ܢ ܥܡܟܘܢ܂ ܘܣܝܡܘ ܐܢܝ̈ܢ ܒܝܬ ܒܘܬܐ ܕܒ݁ܝܬܝܢ ܐܢܬܘܢ ܒܗ ܒܠܠܝܐ܂
04:04 ܘܩܪܐ ܝܫܘܥ ܠܬܪܥܣܪ ܓܒܪ̈ܝܢ܂ ܗ݀ܢܘܢ ܕܛܝܒܘ ܡܢ ܒܢ̈ܝ ܐܝܣܪܝܠ ܚܕ ܚܕ ܓܒܪܐ ܡܢ ܫܒܛܐ܂
04:05 ܘܐܡܪ ܠܗܘܢ ܝܫܘܥ܂ ܥܒܪܘ ܩܕܡ ܩܐܒܘܬܗ ܕܡܪܝܐ ܐܠܗܟܘܢ ܒܓܘ ܝܘܪܕܢܢ܂ ܘܣܝܡܘ ܓܒܪ ܟܐܦܗ ܥܠ ܟܬܦܗ ܒܡܢܝܢܐ ܕܫܒ̈ܛܐ ܕܒܢ̈ܝ ܐܝܣܪܝܠ܂
04:06 ܡܛܠ ܕܬܗܘܐ ܐܬܐ ܗܕܐ ܒܝܢܬܟܘܢ܂ ܕܟܕ/ܘܟܕ#3#/ ܢܫܐܠܘܢܟܘܢ ܒܢ̈ܝܟܘܢ ܡܢ ܡܚܪ ܘܢܐܡܪܘܢ ܠܟܘܢ܂ ܡܢܐ/ܕܡܢܐ#3#/ ܐܢܝ̈ܢ ܟܐ̈ܦܐ ܗܠܝܢ܂
04:07 ܐܡܪܘ ܠܗܘܢ܂ ܕܐܬܦܠܓܘ ܡ̈ܝܐ ܕܝܘܪܕܢܢ ܡܢ ܩܕܡ ܩܐܒܘܬܐ ܕܕܝܬܝܩܐ ܕܡܪܝܐ܂ ܟܕ ܥܒܪܢ ܒܝܘܪܕܢܢ/ܝܘܪܕܢܢ#2#/܂ ܐܬܦܠܓܘ ܡ̈ܝܐ ܕܝܘܪܕܢܢ܂ ܘܗ̈ܘܝ ܗܠܝܢ ܟܐ̈ܦܐ ܕܘܟܪܢܐ ܠܒܢ̈ܝ ܐܝܣܪܝܠ ܠܥܠܡ܂
04:08 ܘܥܒܕܘ ܗܟܢܐ ܒܢ̈ܝ ܐܝܣܪܝܠ ܐܝܟ ܕܦܩܕ ܐܢܘܢ ܝܫܘܥ܂ ܘܫܩܠܘ ܬܪ̈ܬܥܣܪܐ ܟܐ̈ܦܝܢ ܡܢ ܓܘ ܝܘܪܕܢܢ܂ ܐܝܟ ܕܐܡܪ ܡܪܝܐ ܠܝܫܘܥ܂ ܒܡܢܝܢܐ ܕܫܒ̈ܛܐ ܕܒܢ̈ܝ ܐܝܣܪܝܠ܂ ܘܐܥܒܪܘ ܐܢܝ̈ܢ ܥܡܗܘܢ ܠܒܝܬ ܒܘܬܐ܂ ܘܫܒܩܘ ܐܢܝ̈ܢ ܬܡܢ܂
04:09 ܬܪ̈ܬܥܣܪܐ ܟܐ̈ܦܝܢ ܐܩܝܡܘ܂ ܕܢܣܒܘ ‍<‍ܐܢܝܢ#3#‍>‍ ܡܢ ܓܘ ܝܘܪܕܢܢ ܡܢ ܬܚܝܬ ܪ̈ܓܠܝܗܘܢ ܕܟܗ̈ܢܐ܂ ܕܫܩܝܠܝܢ ‍<‍ܗܘܘ#2#‍>‍ ܩܐܒܘܬܐ ܕܕܝܬܝܩܐ ‍<‍ܕܡܪܝܐ#3#‍>‍܂ ܘܗ̈ܘܝ ܬܡܢ ܥܕܡܐ ܠܝܘܡܢܐ܀
04:10 ܘܟܗ̈ܢܐ ܕܫܩܝܠܝܢ ܗܘܘ ܩܐܒܘܬܐ܂ ܩ݁ܝܡܝܢ ܗܘܘ ܒܓܘ ܝܘܪܕܢܢ܂ ܥܕܡܐ ܕܫܠܡܘ ܟܠܗܘܢ܂ ܦܬ̈ܓܡܐ ܕܦܩܕ ܡܪܝܐ ܠܝܫܘܥ ܠܡܐܡܪ ܠܥܡܐ܂ ܐܝܟܢܐ ܕܦܩܕܗ ܡܘܫܐ ܠܝܫܘܥ܀ ܘܐܣܬܪܗܒܘ ܥܡܐ ܘܥܒܪܘ܂
04:11 ܘܟܕ ܥܒܪܘ ܟܘܠܗ ܥܡܐ ܡܫܡܠܝܐܝܬ܂ ܘܥܒܪܬ ܩܒܘܬܗ ܕܡܪܝܐ ܘܟܗ̈ܢܐ ܩܕܡ ܥܡܐ܂
04:12 ܘܥܒܪܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܦܠܓܗ ܕܫܒܛܐ ܕܡܢܫܐ܂ ܟܕ ܡܙܝܢܝܢ ܩܕܡ ܒܢ̈ܝ ܐܝܣܪܝܠ܂ ܐܝܟܢܐ ܕܐܡܪ ܠܗܘܢ ܡܘܫܐ܂
04:13 ܐܪܒܥܝܢ ܐ̈ܠܦܝܢ ܟܕ ܡܙܝܢܝܢ ܒܚܝܠܐ ܥܒܪܘ ܩܕܡ ܡܪܝܐ ܠܩܪܒܐ ܒܦܩܥܬܐ ܕܐܝܪܝܚܘ܂܀
04:14 ܒܗ ܒܝܘܡܐ ܗ݀ܘ܂ ܐܘܪܒ ܡܪܝܐ ܠܝܫܘܥ ܒܥܝܢ̈ܝ/ܒܝܢܝ#3#/ ܟܠܗ ܐܝܣܪܝܠ܂ ܘܕܚܠܘ ܡܢܗ ܐܝܟܢܐ ܕܕܚ݁ܠܝܢ ܗܘܘ ܡܢ ܡܘܫܐ ܟܠܗܘܢ ܝܘܡ̈ܬܐ ܕܚܝ̈ܘܗܝ܀܀
04:15 ܘܐܡܪ ܡܪܝܐ ܠܝܫܘܥ܂
04:16 ܦܩܕ ܠܟܗ̈ܢܐ ܕܫܩܝܠܝܢ ܩܐܒܘܬܐ ܕܣܗܕܘܬܐ܂ ܘܢܣܩܘܢ/ܕܢܣܩܘܢ#3#/ ܡܢ ܓܘ ܝܘܪܕܢܢ܂
04:17 ܘܦܩܕ ܝܫܘܥ ܠܟܗ̈ܢܐ ܘܐܡܪ ܠܗܘܢ܂ ܣܩܘ ܡܢ ܓܘ ܝܘܪܕܢܢ܂
04:18 ܘܟܕ ܣܠܩܘ ܗܘܘ ܟܗ̈ܢܐ ܕܫܩܝܠܝܢ ܩܒܘܬܐ ܕܕܝܬܩܐ ܕܡܪܝܐ ܡܢ ܓܘ ܝܘܪܕܢܢ܂ ܣܡܟ ܦܣ̈ܬܐ/ܦܪ̈ܣܬܐ#3#/ ܕܪ̈ܓܠܝܗܘܢ ܕܟܗ̈ܢܐ ܒܝܒܫܐ܂ ܘܗܦܟܘ ܡ̈ܝܐ ܕܝܘܪܕܢܢ ܠܕܘܟܬܗܘܢ܂ ܘܗܠܟܘ ܐܝܟ ܕܡܢ ܩܕܝܡ ܥܠ ܟܠܗܘܢ ܣܦܪ̈ܘܗܝ ܕܝܘܪܕܢܢ܂
04:19 ܘܥܡܐ ܣܠܩܘ ܡܢ ܓܘ ܝܘܪܕܢܢ ܒܥܣܪܬܐ ܒܝܪܚܐ ܩܕܡܝܐ܂ ܘܫܪܘ ܒܓܠܓܠܐ ܒܣ̈ܘܦܝ ܡܕܢܚܝܗ݀ ܕܐܝܪܝܚܘ܂
04:20 ܘܬܪ̈ܬܥܣܪܐ ܟܐ̈ܦܝܢ ܗܠܝܢ ܕܢܣܒܘ ܡܢ ܓܘ ܝܘܪܕܢܢ܂ ܐܩܝܡ ܐܢܝ̈ܢ ܝܫܘܥ ܒܓܠܓܠܐ܂
04:21 ܘܐܡܪ ‍<‍ܝܫܘܥ#3#‍>‍ ܠܒܢ̈ܝ ܐܝܣܪܝܠ܂ ܟܕ ܢܫܐܠܘܢܟܘܢ ܒܢ̈ܝܟܘܢ ܡܢ ܡܚܪ ܘܢܐܡܪܘܢ ܠܟܘܢ܂ ܡܢܐ ܐܢܝ̈ܢ ܟܐ̈ܦܐ ܗܠܝܢ܂
04:22 ܚܘܘ ܐܢܝ̈ܢ ܠܒܢ̈ܝܟܘܢ ܘܐܡܪܘ ܠܗܘܢ܂ ܕܒܝܒܫܐ ܥܒܪܘ ܒܢ̈ܝ ܐܝܣܪܝܠ ܝܘܪܕܢܢ ܗܢܐ܂
04:23 ܘܐܘܒܫ/ܕܐܘܒܫ#2#/ ܡܪܝܐ ܐܠܗܟܘܢ ܡ̈ܝܐ ܕܝܘܪܕܢܢ ‍<‍ܗܢܐ#3#‍>‍ ܡܢ ܩܕܡܝܗܘܢ܂ ܥܕܡܐ ܕܥܒܪܘ܂ ܐܝܟ ܕܥܒܕ ܡܪܝܐ ܐܠܗܟܘܢ ܠܝܡܐ ܕܣܘܦ܂ ܕܐܘܒܫܗ/ܘܐܘܒܫܘ#3#/ ܡܢ ܩܕܡܝܢ܂ ܥܕܡܐ ܕܥܒܪܢ܂
04:24 ܕܢܕܥܘܢ ܟܠܗܘܢ ܥܡ̈ܡܐ ܕܐܪܥܐ ܐܝܕܗ/ܕܐܝܕܗ#3#/ ܕܡܪܝܐ ܕܚܝܠܬܢܝܐ/ܚܝܠܬܢܝܐ#3#/ ܗܝ܂ ܘܬܕܚܠܘܢ ܠܡܪܝܐ ܐܠܗܟܘܢ ܟܠܗܘܢ ܝܘܡ̈ܬܐ܀܀

next chapter