The Comprehensive Aramaic Lexicon

05:01	ܘܟܕ ܫܡܥܘ ܟܠܗܘܢ ܡ̈ܠܟܐ ܕܐܡܘܪܝܐ ܕܒܥܒܪܐ ܕܝܘܪܕܢܢ ܕܒܡܥܪܒܐ܂ ܘܟܠܗܘܢ ܡ̈ܠܟܐ ܕܟܢܥܢ ܕܥܠ ܝܕ ܝܡܐ܂ ܕܐܘܒܫ ܡܪܝܐ ܡ̈ܝܐ ܕܝܘܪܕܢܢ ܡܢ ܩܕܡ ܒܢ̈ܝ ܐܝܣܪܝܠ ܥܕܡܐ ܕܥܒܪܘ܂ ܙܥ ܠܒܗܘܢ܂ ܘܠܐ ܐܫܬܚܪܬ ܒܗܘܢ ܢܦܫܐ ܡܢ ܩܕܡ ܒܢ̈ܝ ܐܝܣܪܝܠ܀

05:02	ܒܗ ܒܙܒܢܐ ܗ݀ܘ܂ ܐܡܪ ܡܪܝܐ ܠܝܫܘܥ܂ ܥܒܕ ܠܟ ܣܦܣܪܐ ܕܛܪܢܐ܂ ܘܗܦܘܟ ܓܙܘܪ ܐܢܘܢ ܠܒܢ̈ܝ ܐܝܣܪܝܠ ܬܢܝܢܘܬ܂

05:03	ܘܥܒܕ ܠܗ ܝܫܘܥ ܣܦܣܪܐ ܕܛܪܢܐ܂ ܘܓܙܪ ܐܢܘܢ ܠܒܢ̈ܝ ܐܝܣܪܝܠ ܬܢܝܢܘܬ ܒܪܡܬܐ/ܒܕܡܘܬܐ#3#/ ܕܥܘܪ̈ܠܐ܂
05:04	ܘܗܠܝܢ ܐܢܘܢ ܕܓܙܪ ܝܫܘܥ܂ ܠܟܠ ܝܠܕܐ ܕܥܡܐ ܕܢܦܩܘ ܡܢ ܡܨܪܝܢ ܕܟܪ̈ܐ܂ ܡܛܠ ܕܟܠܗܘܢ ܓܒܪ̈ܐ ܥ݁ܒ̈ܕܝ ܩܪܒܐ ܡܝܬܘ ܒܡܕܒܪܐ ܒܐܘܪܚܐ ܟܕ ܢܦܩܘ ܡܢ ܡܨܪܝܢ܂
05:05	ܡܛܠ ܕܓܙܝܪܝܢ/ܕܠܐ ܓܙܝܪܝܢ#3#/ ܗܘܘ ܟܠ ܥܡܐ ܕܢܦܩܘ܂ ܘܟܠ ܥܡܐ ܕܐܬܝܠܕܘ ܒܡܕܒܪܐ ܒܐܘܪܚܐ \ܟܕ ܢܦܩܘ /ܕܢܦܩܘ#3#/ ܡܢ ܡܨܪܝܢ ܠܐ ܓܙܪܘ܂
05:06	ܡܛܠ ܕܐܪܒܥܝܢ ܫܢ̈ܝܢ ܗܠܟܘ ܒܢ̈ܝ ܐܝܣܪܝܠ ܒܡܕܒܪܐ܂ ܥܕܡܐ ܕܣܦܘ ܟܠܗ ܥܡܐ ܕܓܒܪ̈ܐ ܥ݁ܒ̈ܕܝ ܩܪܒܐ܂ ܕܢܦܩܘ ܡܢ ܡܨܪܝܢ܂ ܥܠ ܕܠܐ ܫܡܥܘ ܒܩܠܗ ܕܡܪܝܐ ܐܠܗܗܘܢ܂ ܘܐܝܡܐ ܠܗܘܢ ܡܪܝܐ ܕܠܐ \ܢܚܘܐ ܐܢܘܢ /ܢܚܙܘܢ#3#/ ܐܪܥܐ ܕܐܝܡܐ ܠܐ̈ܒܗܝܗܘܢ ܠܡܬܠ ܠܗܘܢ܂ ܐܪܥܐ ܕܡܪܕܝܐ ܚܠܒܐ ܘܕܒܫܐ܂
05:07	ܘܠܒܢ̈ܝܗܘܢ ܕܗܘܘ ܡܢ ܒܬܪܗܘܢ܂ ܠܗܘܢ ܓܙܪ ܝܫܘܥ ܡܛܠ ܕܥܘܪܠܝܢ ܗܘܘ ܘܠܐ ܓܙܝܪܝܢ ܗܘܘ܂
05:08	ܘܟܕ ܓܡܪܘ ܟܠܗ ܥܡܐ ܠܡܬܓܙܪܘ/ܠܡܓܙܪܘ#3#/܂ ܐܝܬܒܘ ‍<‍ܗܘܘ#3#‍>‍ ܒܕܘܟܝ̈ܬܗܘܢ ܒܡܫܪܝܬܐ/ܒܓܘ ܡܫܪܝܬܐ#3#/ ܥܕܡܐ ܕܐܬܐܣܝܘ܀
05:09	ܘܐܡܪ ܡܪܝܐ ܠܝܫܘܥ܂ ܝܘܡܢܐ ܐܥ݁ܒܪܬ ܚܣܕܐ ܕܡܨܪ̈ܝܐ ܡܢܟܘܢ܂ ܘܩܪܐ ܫܡܗ ܕܐܬܪܐ ܗ݀ܘ ܓܠܓܠܐ ܥܕܡܐ ܠܝܘܡܢܐ܂
05:10	ܘܫܪܘ ܒܢ̈ܝ ܐܝܣܪܝܠ ܒܓܠܓܠܐ܂ ܘܥܒܕܘ ܦܨܚܐ ܒܐܪܒܥܣܪܐ ܒܝܪܚܐ ܩܕܡܝܐ ܒܪܡܫܐ ܒܦܩܥܬܐ ܕܐܝܪܝܚܘ܂
05:11	ܘܐܟܠܘ ܡܢ ܥܒܘܪܐ ܕܐܪܥܐ ܡܢ ܒܬܪ ܦܨܚܐ܂ ܦܛܝܪܐ ܘܩ̈ܠܝܬܐ ܐܟܠܘ ܒܗ ܒܝܘܡܐ ܗܢܐ܂
05:12	ܘܐܫܬܩܠ ܡܢܢܐ ܡܢ ܒܬܪ ܝܘܡܐ ܟܕ ܐܟܠܘ ܡܢ ܥܒܘܪܐ ܕܐܪܥܐ܂ ܘܠܐ ܗܘܐ ܬܘܒ ܡܢܢܐ ܠܒܢ̈ܝ ܐܝܣܪܝܠ܂ ܘܐܟܠܘ ܡܢ ܥܠܠܬܗ݀ ܕܐܪܥܐ ܕܟܢܥܢ/ܗ݀ܝ#3#/ ܒܗ݀ ܒܫܢܬܐ ܗ݀ܝ܀
05:13	ܘܟܕ ܗܘܐ ܝܫܘܥ ܒܦܩܥܬܐ ܕܐܝܪܝܚܘ܂ ܐܪܝܡ ܥܝܢ̈ܘܗܝ ܘܚܙܐ ܓܒܪܐ ܚܕ ܩ݁ܐܡ/ܕܩ݁ܐܡ#3#/ ܠܩܘܒܠܗ܂ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܐܙܠ ܝܫܘܥ ܠܘܬܗ ܘܐܡܪ ܠܗ܂ ܡܢܢ ܐܢܬ ܐܘ ܡܢ ܒ̈ܥܠܕܒܒܝܢ܂
05:14	ܐ݁ܡܪ ܠܗ܂ ܐܢܐ ܪܒ ܚܝ̈ܠܘܬܗ ܐܢܐ ܕܡܪܝܐ ܘܗܫܐ ܐܬܝ݁ܬ܂ ܘܢܦܠ ܝܫܘܥ ܥܠ ܐ̈ܦܘܗܝ ܥܠ ܐܪܥܐ ܘܣܓܕ ܘܐܡܪ܂ ܡܢܐ ܐ݁ܡܪ ܡܪܝ ܠܥܒܕܗ܂
05:15	ܘܐܡܪ ܪܒ ܚܝ̈ܠܘܬܗ ܕܡܪܝܐ ܠܝܫܘܥ܂ ܫܪܝ ܡܣ̈ܢܝܟ ܡܢ ܪ̈ܓܠܝܟ܂ ܡܛܠ ܕܕܘܟܬܐ ܕܩ݁ܐܡ ܐܢܬ ܒܗ݀ ܩܕܝܫܐ ܗܝ܂ ܘܥܒܕ ܝܫܘܥ ܗܟܢܐ܂