← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

previous chapter


06:01 ܘܐܝܪܝܚܘ ܐܚܝܕܐ ܗܘܬ ܡܢ ܩܕܡ ܒܢ̈ܝ ܐܝܣܪܝܠ܂ ܘܠܝܬ ܗܘܐ ܕܢ݁ܦܩ ܘܠܐ ܕܥ݁ܐܠ܀
06:02 ܘܐܡܪ ܡܪܝܐ ܠܝܫܘܥ܂ ܚܙܝ/ܡܐ#3#/ ܕܐܫ݁ܠܡܬ ܒܐ̈ܝܕܝܟ܂ ܠܐܝܪܝܚܘ ܘܠܡܠܟܗ݀ ܘܠܟܠܗ/ܘܠܓܢܒܪ̈ܝ#3#/ ܚܝܠܗ݀܂
06:03 ܚܘܕܪܘܗ݀ ܠܡܕܝܢܬܐ ܟܠܗܘܢ ܓܒܪ̈ܐ ܥ݁ܒ̈ܕܝ ܩܪܒܐ܂ ܘܐܬܟܪܟܘܗ݀ ܠܡܕܝܢܬܐ ܙܒܢܬܐ ܚܕܐ ܒܝܘܡܐ ܚܕ܂ ܗܟܢܐ ܥܒܕܘ ܫܬܐ ܝܘܡ̈ܝܢ܂
06:04 ܘܫܒܥܐ ܟܗ̈ܢܐ ܢܫܩܠܘܢ ܩܪ̈ܢܬܐ ܘܢܝܒܒܘܢ ܩܕܡ ܩܒܘܬܐ܂ ܘܠܝܘܡܐ ܕܫܒܥܐ ܐܬܟܪܟܘܗ݀ ܠܡܕܝܢܬܐ ܫܒܥ ܙܒܢܝ̈ܢ܂ ܘܟܗ̈ܢܐ ܢܩܪܘܢ ܒܩܪ̈ܢܬܐ܂
06:05 ܘܡܐ ܕܝܒܒܘ ܒܩܪ̈ܢܬܐ ܘܫܡܥܬܘܢ ܩܠܐ ܕܩܪܢܐ܂ ܢܩܥܘܢ ܟܠܗ ܥܡܐ ܩܥܬܐ ܪܒܬܐ܂ ܘܢܦܠ ܫܘܪܐ ܕܡܕܝܢܬܐ ܥܠ ܕܘܟܬܗ܂ ܘܢܣܩܘܢ ܥܡܐ ܐܢܫ ܠܩܘܒܠܗ܂
06:06 ܘܩܪܐ ܝܫܘܥ ܒܪ܆ܢܘܢ ܠܟܗ̈ܢܐ ܘܐܡܪ ܠܗܘܢ܂ ܫܩܘܠܘ ܩܒܘܬܐ ܕܕܝܬܩܐ ܕܡܪܝܐ܂ ܘܫܒܥܐ ܟܗ̈ܢܝܢ ܢܫܩܠܘܢ ܫܒܥ ܩܪ̈ܢܢ ܘܢܝܒܒܘܢ ܩܕܡ ܩܒܘܬܗ ܕܡܪܝܐ܂
06:07 ܘܐܡܪ ܠܥܡܐ܂ ܥܒܪܘ ܘܐܬܟܪܟܘ ܠܡܕܝܢܬܐ܂ ܘܐܝܠܝܢ ܕܡܙܝܢܝܢ ܢܥܒܪܘܢ ܩܕܡ ܩܐܒܘܬܗ ܕܡܪܝܐ܂
06:08 ܘܐܝܟ ܕܐܡܪ ܝܫܘܥ ܠܥܡܐ܂ ܫܒܥܐ ܟܗ̈ܢܝܢ ܫܩܝܠܝܢ/ܫܩܠܝܢ#3#/ ܗܘܘ ܫܒܥ ܩܪ̈ܢܢ ܘܡܝܒܒܝܢ ܗܘܘ ܩܕܡ ܩܒܘܬܗ ܕܡܪܝܐ܂ ܘܩ݁ܪܝܢ ܗܘܘ ܒܩܪ̈ܢܬܐ ܘܩܒܘܬܐ ܕܕܝܬܩܐ ܕܡܪܝܐ ܐܬܝܐ ܗܘܬ ܒܬܪܗܘܢ܂
06:09 ܘܕܡܙܝܢܝܢ ܗܘܘ܂ ܐ݁ܙܠܝܢ ܗܘܘ ܩܕܡ ܟܗ̈ܢܐ܂ ܕܩ݁ܪܝܢ ܗܘܘ ܒܩܪ̈ܢܬܐ܂ ܘܕܡܟܢܫܝܢ ܐ݁ܙܠܝܢ/ܐܬܝܢ#3#/ ܗܘܘ ܒܬܪ ܩܒܘܬܐ܂ ܘܡܗܠܟܝܢ ܗܘܘ ܘܩ݁ܪܝܢ/ܘܩܥܝܢ#3#/ ܗܘܘ ܒܩܪ̈ܢܬܐ܂
06:10 ܘܠܥܡܐ ܦܩܕ ܝܫܘܥ ܘܐܡܪ܂ ܠܐ ܬܩܥܘܢ ܘܠܐ ܬܫܡܥܘܢ ܩܠܟܘܢ܂ ܘܡܠܐ ܠܐ ܬܦܘܩ ܡܢ ܦܘܡܟܘܢ܂ ܥܕܡܐ ܠܝܘܡܐ ܕܐܡܪ ܠܟܘܢ ܕܩܥܘ܂ ܘܗܝܕܝܢ ܬܩܥܘܢ܂
06:11 ܘܐܬܟܪܟܬ ܩܒܘܬܗ ܕܡܪܝܐ ܠܡܕܝܢܬܐ ܙܒܢܬܐ ܚܕܐ܂ ܘܐܬܘ ܠܡܫܪܝܬܐ ܘܒܬܘ ܒܡܫܪܝܬܐ܂
06:12 ܘܩܕܡ ܝܫܘܥ ܒܫܦܪܐ/ܒܨܦܪܐ#3#/܂ ܘܫܩܠܘ ܟܗ̈ܢܐ ܩܒܘܬܗ ܕܡܪܝܐ܂
06:13 ܘܫܒܥܐ ܟܗ̈ܢܝܢ ܫܩܝܠܝܢ ܗܘܘ ܫܒܥ ܩܪ̈ܢܢ܂ ܘܐ݁ܙܠܝܢ ܗܘܘ ܩܕܡ ܩܒܘܬܗ ܕܡܪܝܐ܂ ܘܡܗܠܟܝܢ ܗܘܘ ܘܩ݁ܪܝܢ ‍<‍ܗܘܘ#3#‍>‍ ܒܩܪ̈ܢܬܐ܂ ܘܐܝܠܝܢ ܕܡܙܝܢܝܢ ܗܘܘ ܐ݁ܙܠܝܢ ܗܘܘ ܩܕܡܝܗܘܢ܂ ܘܕܡܟܢܫܝܢ ܗܘܘ ܐ݁ܙܠܝܢ ܗܘܘ ܒܬܪ ܩܒܘܬܗ ܕܡܪܝܐ ܘܩ݁ܪܝܢ ܒܩܪ̈ܢܬܐ܂
06:14 ܘܐܬܟܪܟܘܗ݀ ܠܡܕܝܢܬܐ ܗ݀ܝ ܒܝܘܡܐ ܕܬܪ̈ܝܢ ܙܒܢܬܐ ܚܕܐ܂ ܘܗܦܟܘ ܠܗܘܢ ܠܡܫܪܝܬܐ܂ ܗܟܢܐ ܥ݁ܒܕܝܢ ܗܘܘ ܫܬܬܝܗܘܢ ܝܘܡ̈ܬܐ܂
06:15 ܘܒܝܘܡܐ ܕܫܒܥܐ܂ ܩܕܡܘ ܒܫܦܪܐ/ܒܨܦܪܐ#3#/ ܘܐܬܟܪܟܘܗ݀ ܠܡܕܝܢܬܐ ܐܝܟ ܢܡܘܣܐ ܗܢܐ ܫܒܥ ܙܒܢܝ̈ܢ܂ ܒܠܚܘܕ ܕܝܢ ܒܗ ܒܗ݀ܘ ܝܘܡܐ ܐܬܟܪܟܘܗ݀ ܫܒܥ ܙܒܢܝ̈ܢ܂
06:16 ܘܒܙܒܢܬܐ ܗ݀ܝ ܕܫܒܥ܂ ܩܪܘ ܟܗ̈ܢܐ ܒܩܪ̈ܢܬܐ܂ ܘܐܡܪ ܝܫܘܥ ܠܥܡܐ ܩܥܘ܂ ܡܛܠ ܕܐܫܠܡܗ݀ ܠܟܘܢ ܡܪܝܐ ܠܡܕܝܢܬܐ܂
06:17 ܘܬܗܘܢ ܡܕܝܢܬܐ ܗܕܐ ܘܟܠ ܕܐܝܬ ܒܗ݀ ܚܪܡܐ ܠܡܪܝܐ܂ ܒܠܚܘܕ ܠܪܚܒ ܙܢܝܬܐ ܐܚܘ܂ ܠܗ݀ ܘܠܟܠ ܕܐܝܬ ‍<‍ܠܗ#3#‍>‍ ܥܡܗ݀ ܒܒܝܬܐ܂ ܡܛܘܠ ܕܛܫܝܬ \ܠܗ݀ܢܘܢ ܓܫܘ̈ܫܐ /ܓܫ̈ܘܫܐ ܗܢܘܢ#3#/ ܕܫܕܪܢ܀
06:18 ܐܢܬܘܢ ܕܝܢ ܗܘܝܬܘܢ ܙܗܝܪܝܢ ܡܢ ܚܪܡܐ܂ ܕܠܐ ܬܛܫܘܢ ܘܬܣܒܘܢ ܡܢ ܚܪܡܐ܂ ܘܬܥܒܕܘܢܗ݀ ܠܡܫܪܝܬܐ ܕܐܝܣܪܝܠ ܚܪܡܐ ܘܬܕܠܚܘܢܗ݀܂
06:19 ܟܠ ܣܐܡܐ ܘܕܗܒܐ ܘܡܐ̈ܢܐ ܕܢܚܫܐ ܘܕܦܪܙܠܐ ܩܕܝܫܝܢ ܐܢܘܢ ܠܡܪܝܐ܂ ܠܒܝܬ ܓܙܗ ܕܡܪܝܐ ܢܥܠܘܢ܂
06:20 ܘܩܥܐ ܥܡܐ܂ ܘܩܪܘ ܒܩܪ̈ܢܬܐ܂ ܘܟܕ ܫܡܥܘ ܥܡܐ ܩܠܐ ܕܩܪ̈ܢܬܐ܂ ܩܥܐ ‍<‍ܟܠܗ#3#‍>‍ ܥܡܐ ܩܥܬܐ ܪܒܬܐ ܕܛܒ܂ ܘܢܦܠ ܫܘܪܐ ܥܠ ܕܘܟܬܗ܂ ܘܣܠܩܘ ܥܡܐ ܠܡܕܝܢܬܐ ܐܢܫ ܠܩܘܒܠܗ܂ ܘܟܒܫܘܗ݀ ܠܡܕܝܢܬܐ܂
06:21 ܘܚܪܒܘ ܠܟܠ ܕܐܝܬ ܒܗ݀ ܡܢ ܓܒܪ̈ܐ ܘܥܕܡܐ ܠܢܫ̈ܐ܂ ܘܡܢ ܛ̈ܠܝܐ ܘܥܕܡܐ ܠܩܫܝܫ̈ܐ܂ ܘܥܕܡܐ ܠܬܘܪ̈ܐ ܘܥܕܡܐ ܠܥܢܐ܂ ܘܠܚܡܪ̈ܐ ܚܪܒܘ ܒܦܘܡܐ ܕܣܝܦܐ܂
06:22 ܘܠܬܪ̈ܝܢ ܓܒܪ̈ܝܢ ܗ݀ܢܘܢ/ܗܠܝܢ#3#/ ܕܓܫܘܗ݀ ܠܐܪܥܐ ܐܡܪ ‍<‍ܠܗܘܢ#3#‍>‍ ܝܫܘܥ܂ ܥܘܠܘ ܠܒܝܬ ܐܢܬܬܐ ܗ݀ܝ ܙܢܝܬܐ܂ ܘܐܦܩܘܗ݀ ܡܢ ܬܡܢ܂ ܠܗ݀ ܠܐܢܬܬܐ ܘܠܟܠ ܕܐܝܬ ܠܗ݀/ܥܡܗ݀#3#/ ܐܝܟܢܐ ܕܐܝܡܝܬܘܢ ܠܗ݀܂
06:23 ܘܐܙܠܘ ܓܫܘ̈ܫܐ ‍<‍ܗ݀ܢܘܢ#3#‍>‍ ܘܐܦܩܘܗ݀ ܠܪܚܒ܂ ܘܠܐܒܘܗ݀ ܘܠܐܡܗ݀ ܘܠܐ̈ܚܝܗ݀ ܘܠܟܠ ܕܐܝܬ ܠܗ݀܂ ܘܠܟܠܗ݀ ܫܪܒܬܗ݀ ܐܦܩܘ܂ ܘܐܫܪܝܘ ܐܢܘܢ ܠܒܪ ܡܢ ܡܫܪܝܬܐ ܕܐܝܣܪܝܠ܂
06:24 ܘܠܡܕܝܢܬܐ ܐܘܩܕܘܗ݀ ܒܢܘܪܐ܂ ܘܠܟܠ ܕܐܝܬ ܒܗ݀܂ ܒܠܚܘܕ ܠܕܗܒܐ ܘܠܣܐܡܐ܂ ܘܠܡܐ̈ܢܐ ܕܢܚܫܐ ܘܕܦܪܙܠܐ܂ ܐܝܬܝܘ ‍<‍ܐܢܘܢ#3#‍>‍ ܠܒܝܬ ܓܙܗ ܕܡܪܝܐ܂
06:25 ܘܠܪܚܒ ܙܢܝܬܐ ܘܠܒܝܬ ܐܒܘܗ݀ ܘܠܟܠ ܕܐܝܬ ܠܗ݀ ܐܚܝ ܝܫܘܥ܂ ܘܝܬܒܬ ܒܓܘ ܒܢ̈ܝ ܐܝܣܪܝܠ ܥܕܡܐ ܠܝܘܡܢܐ܂ ܡܛܠ ܕܛܫܝܬ ܓܫܘ̈ܫܐ ܕܫܕܪ ܝܫܘܥ ܠܡܓܫ/ܠܡܓܫܘ#3#/ ܠܐܝܪܝܚܘ܂
06:26 ܘܐܝܡܐ ܝܫܘܥ ܒܙܒܢܐ/ܒܗ ܒܝܘܡܐ#3#/ ܗ݀ܘ ܘܐܡܪ܂ ܠܝܛ ܗܘ ܓܒܪܐ ܩܕܡ ܡܪܝܐ܂ ܕܢܩܘܡ ܘܢܒܢܝܗ݀ ܠܡܕܝܢܬܐ ܗܕܐ ܐܝܪܝܚܘ܂ ܒܒܘܟܪܗ ܢܒܢܝܗ݀ ܘܒܙܥܘܪܗ ܢܩܝܡ ܬܪ̈ܥܝܗ݀܀
06:27 ܘܗܘܐ ܡܪܝܐ ܥܡ ܝܫܘܥ܂ ܘܫܡܥܗ ܐ݁ܙܠ ܗܘܐ ܒܟܠܗ݀ ܐܪܥܐ܂

next chapter