The Comprehensive Aramaic Lexicon

09:01	ܘܟܕ ܫܡܥܘ ܟܠܗܘܢ ܡ̈ܠܟܐ ܕܐܝܬ ܒܥܒܪܐ ܕܝܘܪܕܢܢ܂ ܒܛܘܪ̈ܐ ܘܒܦܩ̈ܥܬܐ܂ ܘܒܟܠܗܘܢ \ܣܦܪ̈ܘܗܝ ܕܝܡܐ /ܣܦܪ̈ܝ ܝܡܐ#3#/ ܪܒܐ ܕܠܘܩܒܠ ܠܒܢܢ܂ ܚ̈ܬܝܐ ܘܐܡܘܪ̈ܝܐ ܘܟܢ̈ܥܢܝܐ܂ ܘܦܪ̈ܙܝܐ ܘܚ̈ܘܝܐ ܘܝܒ̈ܘܣܝܐ܂
09:02	ܐܬܟܢܫܘ ܐܟܚܕܐ ܠܡܥܒܕ ܩܪܒܐ ܥܡ ܝܫܘܥ ܘܥܡ ܐܝܣܪܝܠ ܡܢ ܚܕ ܦܘܡ܂
09:03	ܘܥܡܘܪ̈ܐ ܕܓܒܥܘܢ܂ ܫܡܥܘ ܡܕܡ ܕܥܒܕ ܝܫܘܥ ܠܥܝ ܘܠܐܝܪܝܚܘ܂
09:04	ܘܥܒܕܘ ܐܦ ܗܢܘܢ ܒܥܪܝܡܘܬܐ܂ ܘܐܙܠܘ ܐܙܕܘܕܘ܂ ܘܐܪܡܝܘ ܣܩ̈ܐ ܒ̈ܠܝܐ ܥܠ ܚܡܪܗܘܢ܂ ܘܙܩ̈ܐ ܕܚܡܪܐ ܕܒ̈ܠܝܢ ܘܡܒ̈ܙܥܢ ܘܡܨܪ̈ܪܢ܂
09:05	ܘܡܣ̈ܢܐ ܕܒܠܝܝܢ܂ ܘܛܪ̈ܡܣܝܬܐ ܣܐܝܢܝܢ ܗܘܘ ܒܪ̈ܓܠܝܗܘܢ܂ ܘܢܚ̈ܬܐ ܒ̈ܠܝܐ ܠܒܝ̈ܫܝܢ ܗܘܘ܂ ܘܠܚܡܐ ܕܙܘ̈ܕܝܗܘܢ ܝܒܫܘ ܘܗܘܐ ܠܗ ܦܓܘܪܐ܂
09:06	ܘܐܬܘ ܠܘܬ ܝܫܘܥ ܠܡܫܪܝܬܐ ܠܓܠܓܠܐ܂ ܘܐܡܪܘ ܠܗ ܘܠܕܒܝܬ ܐܝܣܪܐܝܠ܂ ܡܢ ܐܬܪܐ ܪܚܝܩܐ ܐܬܝܢ܂ ܗܫܐ ܗܒܘ ܠܢ ܝܡܝܢܐ܂
09:07	ܘܐ݁ܡܪܝܢ ܕܒܝܬ ܐܝܣܪܝܠ ܠܚ̈ܘܝܐ܂ ܐܢ ܠܘܬܢ ܥ݁ܡܪܝܢ ܐܢܬܘܢ܂ ܠܡܢܐ ܗ݀ܘܝܐ ܠܟܘܢ ܝܡܝܢܐ܂
09:08	ܘܐܡܪܘ ܠܝܫܘܥ ܥܒ̈ܕܝܟ ܚܢܢ܂ ܐ݁ܡܪ ܠܗܘܢ ܝܫܘܥ ܐܝܡܟܐ ܐܢܬܘܢ܂ ܘܡܢ ܐܝܡܟܐ ܐܬܝܬܘܢ܂
09:09	ܘܐܡܪܘ ܠܗ ܡܢ ܐܪܥܐ ܡܢ ܐܬܪܐ ܕܪܚܝܩ ܛܒ ܐܬܘ ܥܒ̈ܕܝܟ܂ ܠܫܡܗ/ܠܫܡܥܗ#3#/ ܕܡܪܝܐ ܐܠܗܟ܂ ܡܛܠ ܕܫܡܥܢ ܫܡܗ܂ ܘܟܠ ܡܕܡ ܕܥܒܕ ܒܡܨܪܝܢ܂
09:10	ܘܟܠ ܕܥܒܕ ܠܬ̈ܪܝܗܘܢ ܡ̈ܠܟܐ ܕܐܡܘܪ̈ܝܐ ܕܒܥܒܪܐ ܕܝܘܪܕܢܢ܂ ܠܣܝܚܘܢ ܡܠܟܐ ܕܚܫܒܘܢ܂ ܘܠܥܘܓ ܡܠܟܐ ܕܡܬܢܝܢ ܕܝ݁ܬܒ ܗܘܐ ܒܥܣܬܪܘܬ/ܒܥܣܪܘܬ#2#/܂
09:11	ܘܐܡܪܘ ܠܢ ܩܫܝܫ̈ܝܢ ܘܟܠܗܘܢ ܥܡܘܪ̈ܝܗ݀ ܕܐܪܥܢ܂ ܣܒܘ ܥܡܟܘܢ/ܠܟܘܢ#2#/ ܙܘ̈ܕܐ ܠܐܘܪܚܐ܂ ܘܙܠܘ ܠܐܘܪܥܗܘܢ܂ ܘܐܡܪܘ ܠܗܘܢ ܕܥܒ̈ܕܝܟܘܢ ܚܢܢ܂ ܡܟܝܠ ܗܒܘ ܠܢ ܝܡܝܢܐ܂
09:12	ܘܐܡܪܘ ܠܝܫܘܥ܂ ܗܢܐ ܠܚܡܢ ܟܕ ܚܡܝܡ ܐܙܕܘܕܢܝܗܝ ܡܢ ܒ̈ܬܝܢ܂ ܒܝܘܡܐ ܕܢܦܩܢ ܠܡܐܬܐ ܠܘܬܟܘܢ܂ ܘܗܫܐ ܗܐ ܐܝܒܫ ܘܗܘܐ ‍<‍ܠܗ#3#‍>‍ ܦܓܘܪܐ܂
09:13	ܘܗܠܝܢ ܙܩ̈ܐ ܕܚܡܪܐ܂ ܡܠܝܢ ܐܢܝ̈ܢ ܟܕ ܚ̈ܕܬܢ ܘܗܐ ܐܬܒܙܥ܂ ܘܗܠܝܢ ܢܚ̈ܬܝܢ ܘܡܣ̈ܢܝܢ܂ ܟܕ ܚܕܬܝܢ ܢܣܒܢ ܐܢܘܢ ܠܢ܂ ܘܗܐ ܒܠܝܘ܂ ܡܛܠ ܕܛܒ ܣܓܝܐܐ ܗܘܬ ܐܘܪܚܐ܂
09:14	ܘܢܣܒܘ ܓܒܪ̈ܐ ܗܠܝܢ ܡܢ ܙܘ̈ܕܝܗܘܢ ܘܐܙܠܘ܂ ܘܡܢ ܦܘܡܗ ܕܡܪܝܐ ܠܐ ܫܐܠܘ܂
09:15	ܘܥܒܕ ܠܗܘܢ ܝܫܘܥ ܫܠܡܐ܂ ܘܝܗܒ ܠܗܘܢ ܝܡܝܢܐ ܠܚܝܝ̈ܗܘܢ܂ ܘܐܝܡܘ ܠܗܘܢ ܪ̈ܘܪܒܢܐ ܕܟܢܘܫܬܐ܂
09:16	ܘܡܢ ܒܬܪ ܬܠܬܐ ܝܘܡ̈ܝܢ ܡܢ ܒܬܪ ܕܝܗܒ ܠܗܘܢ ܝܡܝܢܐ܂ ܫܡܥܘ ܕܩܪܝܒܝܢ ܐܢܘܢ ܠܗܘܢ ܘܒܝܢܬܗܘܢ ܫܪܝܢ܂
09:17	ܘܫܩܠܘ ܒܢ̈ܝ ܐܝܣܪܝܠ ܘܐܬܘ ܠܩܘܪ̈ܝܗܘܢ ܒܝܘܡܐ ܕܬܠܬܐ܂ ܘܫܡ̈ܗܐ ܕܩܘܪ̈ܝܗܘܢ܂ ܓܒܥܘܢ ܘܟܦܝܪܐ ܘܥܝܪܘܬ ܘܩܘܪܝܬ ܢܥܪܝܢ܂
09:18	ܘܠܐ ܩܛܠܘ ܐܢܘܢ ܒܢ̈ܝ ܐܝܣܪܝܠ܂ ܡܛܘܠ ܕܐܝܡܘ ܠܗܘܢ ܪ̈ܘܪܒܢܐ ܕܟܢܘܫܬܐ ܒܡܪܝܐ ܐܠܗܐ ܕܐܝܣܪܝܠ܂ ܘܪܛ݁ܢܝܢ ܗܘܘ ܘܪܝ݁ܒܝܢ ܟܠܗ݀ ܟܢܘܫܬܐ ܥܠ ܪ̈ܘܪܒܢܐ܂
09:19	ܘܐ݁ܡܪܝܢ ܪ̈ܘܪܒܢܐ ܕܟܢܘܫܬܐ܂ ܚܢܢ ܐܝܡܝܢ ܠܗܘܢ ܒܡܪܝܐ ܐܠܗܐ ܕܐܝܣܪܝܠ܂ ܡܟܝܠ ܠܐ ܡܫܟܚܝܢܢ ܠܡܗܪܘ ܐܢܘܢ܂
09:20	ܗܟܢܐ ܕܝܢ ܥ݁ܒܕܝܢܢ܂ ܘܡܚܝܢܢ ܠܗܘܢ܂ ܕܠܐ ܢܗܘܐ ܥܠܝܢ ܪܘܓܙܐ܂ ܡܛܠ ܡ̈ܘܡܬܐ ܕܐܝܡܝܢ ‍<‍ܚܢܢ#3#‍>‍ ܠܗܘܢ܂

09:21	ܘܐ݁ܡܪܝܢ ܪ̈ܘܪܒܢܐ ܠܒܢ̈ܝ/ܕܒܢ̈ܝ#2#/ ܐܝܣܪܝܠ܂ ܢܐܚܘܢ ܘܢܗܘܘܢ ܠܩ݁ܛܝܢ ܩܝܣ̈ܐ ܘܡ݁ܠܝܢ ܡ̈ܝܐ ܠܟܠܗ݀ ܟܢܘܫܬܐ܂ ܘܗܘܘ ܠܩ̈ܛܝ ܩܝܣ̈ܐ ܘܡ̈ܠܝܝ ܡ̈ܝܐ \ܠܟܠܗ݀ ܟܢܘܫܬܐ /ܠܟܢܘܫܬܗ#3#/ ‍<‍ܕܡܪܝܐ ܥܕܡܐ ܠܝܘܡܢܐ#3#‍>‍ ܐܝܟܢܐ ܕܐܡܪܘ ܠܗܘܢ ܪ̈ܘܪܒܢܐ܂

09:22	ܘܩܪܐ ܐܢܘܢ ܝܫܘܥ܂ ܘܐܡܪ ܠܗܘܢ܂ ܠܡܢܐ ܢܟܠܬܘܢܢ܂ ܘܐܡܪܬܘܢ ܠܢ ܕܛܒ ܪܚܝܩܝܢܢ ܡܢܟܘܢ܂ ܘܗܐ ܠܘܬܢ ܥ݁ܡܪܝܢ ܐܢܬܘܢ܂
09:23	ܡܟܝܠ ܬܗܘܘܢ ܠܝܛܝܢ܂ ܘܠܐ ܢܥܢܕ ܡܢܟܘܢ ܓܒܪܐ ܠܩ݁ܛ ܩܝܣ̈ܐ ܘܡ݁ܠܐ ܡ̈ܝܐ ܠܒܝܬܗ ܕܐܠܗܐ/ܕܡܪܝܐ#3#/܂
09:24	ܘܥܢܘ ܘܐܡܪܘ ܠܝܫܘܥ܂ ܡܫܬܡܥܘ ܐܫܬܡܥ ܠܥܒ̈ܕܝܟ܂ ܡܕܡ ܕܦܩܕ ܡܪܝܐ ܐܠܗܟ ܠܡܘܫܐ ܥܒܕܗ ܠܡܬܠ ܠܟܘܢ ܟܠܗ݀ ܐܪܥܐ܂ ܘܠܡܘܒܕܘ ܠܟܠܗܘܢ ܥܡܘܪ̈ܝܗ݀ ܕܐܪܥܐ ܡܢ ܩܕܡܝܟܘܢ܂ ܘܕܚܠܢ ܛܒ ܡܢ ܢܦܫܢ܂ ܘܥܒܕܢ ܗܟܢܐ܂
09:25	ܗܫܐ ܗܐ ܒܐ̈ܝܕܝܟ ܚܢܢ܂ ܐܝܟܢܐ ܕܫܦܝܪ ܒܥܝܢ̈ܝܟ ܠܡܥܒܕ ܠܢ ܥܒܕ ܠܢ܂
09:26	ܘܥܒܕ ܠܗܘܢ ‍<‍ܝܫܘܥ#3#‍>‍ ܗܟܢܐ܂ ܘܦܨܝ ܐܢܘܢ ܡܢ ܐܝܕܐ ܕܐܝܣܪܝܠ/ܕܒܢ̈ܝ ܐܝܣܪܝܠ#3#/ ܘܠܐ ܩܛܠܘ ܐܢܘܢ܂
09:27	ܘܥܒܕ ܐܢܘܢ ܝܫܘܥ ܒܗ ܒܝܘܡܐ ܗ݀ܘ܂ ܠܩ̈ܛܝ ܩܝܣ̈ܐ ܘܡ̈ܠܝܝ ܡ̈ܝܐ ܠܟܢܘܫܬܐ ܘܠܡܕܒܚܗ ܕܡܪܝܐ ܥܕܡܐ ܠܝܘܡܢܐ܂ ܒܐܬܪܐ ܕܨܒ݁ܐ ܡܪܝܐ܂