← Back
The Comprehensive Aramaic Lexicon
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

previous chapter


11:01 ܘܟܕ ܫܡܥ ܢܒܝܢ ܡܠܟܐ ܕܚܨܘܪ܂ ܫܕܪ ܥܠ ܝܘܒܒ ܡܠܟܐ ܕܡܪܘܢ܂ ܘܥܠ ܡܠܟܐ ܕܫܡܪܝܢ܂ ܘܥܠ ܡܠܟܐ ܕܐܟܫܦ܂
11:02 ܘܥܠ ܡ̈ܠܟܐ ܕܠܓܪܒܝܐ/ܕܓܪܒܝܐ#3#/ܕܒܓܪܒܝܐ#3#/ ܡܢܗ ܕܒܛܘܪܐ ܘܒܬܝܡܢܐ܂ ܘܒܦܩܥܬܐ ܕܟܢܪܬ/ܕܒܟܢܪܬ#3#/ ܘܒܦܩ̈ܥܬܗ݀܂ ܘܒܢܦܬܕܘܪ ܕܡܢ ܡܥܪܒܐ܂
11:03 ܠܟܢ̈ܥܢܝܐ ܕܡܢ ܡܕܢܚܐ ܘܡܢ ܡܥܪܒܐ܂ ܘܐܡܘܪ̈ܝܐ ܘܚ̈ܝܬܝܐ܂ ܘܦܪ̈ܙܝܐ ܘܝܒ̈ܘܣܝܐ ܕܒܛܘܪܐ܂ ܘܠܚ̈ܘܝܐ ܕܬܚܝܬ ܛܘܪܐ ܕܚܪܡܘܢ ܕܒܐܪܥܐ ܕܕܘܩ̈ܐ܂
11:04 ܘܢܦܩܘ ܗܢܘܢ/ܗ݀ܢܘܢ#2#/ ܘܟܠܗܝܢ ܡܫܪ̈ܝܬܗܘܢ ܥܡܗܘܢ܂ ܣܓܝܐܝܢ ܐܝܟ ܚܠܐ ܕܥܠ ܣܦܬܗ ܕܝܡܐ܂ ܘܪ̈ܟܫܐ ܘܩܪ̈ܘܟܐ ܣܘܓܐܐ ܕܛܒ܂

11:05 ܘܐܬܘܥܕܘ ܟܠܗܘܢ ܡ̈ܠܟܐ ܗܠܝܢ ܘܫܪܘ ܐܝܟ ܚܕܐ ܥܠ ܡ̈ܝܐ ܕܡܪܘܢ܂ ܘܐܬܛܝܒܘ ܠܡܥܒܕ ܩܪܒܐ ܥܡ ܐܝܣܪܐܝܠ܂

11:06 ܘܐܡܪ ܡܪܝܐ ܠܝܫܘܥ܂ ܠܐ ܬܕܚܠ ܡܢܗܘܢ܂ ܡܛܠ ܕܡܚܪ/ܕܠܡܚܪ#2#/ ܠܥܕܢܐ ܗܢܐ ܥ݁ܒܕ ܐܢܐ ܠܗܘܢ ܠܟܠܗܘܢ ܟܕ ܚܪܝܒܝܢ ܩܕܡ ܒܢ̈ܝ ܐܝܣܪܝܠ܂ ܘܪܟܫܗܘܢ ܐܓܡܪ܂ ܘܩܪ̈ܘܟܝܗܘܢ ܐܘܩܕ ܒܢܘܪܐ܂
11:07 ܘܐܬܐ ܝܫܘܥ ܠܡ̈ܝܐ ܕܡܪܘܢ ܡܢ ܫܠܝܐ܂ ܗܘ ܘܟܠܗ ܥܡܐ ܥ݁ܒ̈ܕܝ ܩܪܒܐ܂ ܕܐܝܬ ܗܘܐ ܥܡܗ ܘܢܦܠܘ ܒܗܘܢ܂
11:08 ܘܐܫܠܡ ܐܢܘܢ ܡܪܝܐ ܒܐܝܕܐ ܕܐܝܣܪܝܠ܂ ܘܚܪܒܘ ܐܢܘܢ ܘܪܕܦܘ ܐܢܘܢ ܥܕܡܐ ܠܨܝܕܘܢ ܪܒܐ܂ ܘܥܕܡܐ ܠܒܝܬ ܟܢܫܐ ܕܡ̈ܝܐ܂ ܘܥܕܡܐ ܠܦܩܥܬܐ ܕܡܨܦܝܐ ܕܒܡܕܢܚܐ܂ ܘܚܪܒܘ ܐܢܘܢ ܘܠܐ ܫܒܩ ܡܢܗܘܢ ܣܪܝܕܐ܂
11:09 ܘܥܒܕ ܠܗܘܢ ܝܫܘܥ ܐܝܟ ܕܐܡܪ ܠܗ ܡܪܝܐ܂ ܪ̈ܟܫܗܘܢ ܓܡܪ܂ ܘܩܪ̈ܘܟܝܗܘܢ ܐܘܩܕ ܒܢܘܪܐ܀
11:10 ܘܗܦܟ ܝܫܘܥ ܒܙܒܢܐ ܗ݀ܘ܂ ܘܟܒܫ ܠܚܨܘܪ܂ ܘܠܡܠܟܗ݀ ܩܛܠ ܒܚܪܒܐ܂ ܡܛܠ ܕܡܢ ܩܕܝܡ ܚܨܘܪ ܗܘܬ ܪܝܫܗܝܢ ܕܡ̈ܠܟܘܬܐ ܗܠܝܢ܂
11:11 ܘܚܪܒ ܠܟܠ/ܟܠ#3#/ ܢܦܫ̈ܬܐ ܕܒܗ݀/ܕܐܝܬ ܒܗ݀#3#/܂ ܒܦܘܡܐ ܕܚܪܒܐ/ܕܣܝܦܐ#3#/܂ ܘܠܐ ܫܒܩ ܡܢܗܝܢ ܢܫܡܬܐ܂ ܘܠܚܨܘܪ ܐܘܩܕ ܒܢܘܪܐ܂
11:12 ܘܠܟܠܗܝܢ ܡܕܝܢ̈ܬܐ ܕܡ̈ܠܟܐ ܗܠܝܢ ܘܠܡ̈ܠܟܝܗܝܢ ܟܒܫ ܝܫܘܥ܂ ܘܚܪܒ ܐܢܘܢ ܒܦܘܡܐ ܕܚܪܒܐ܂ ܐܝܟܢܐ ܕܦܩܕܗ ܡܘܫܐ ܥܒܕܗ ܕܡܪܝܐ܂
11:13 ܘܠܟܠܗܝܢ ܩܘܪ̈ܝܐ ܕܩܝ̈ܡܢ ܥܠ ܬ̈ܠܠܐ܂ ܐܘܩܕ ܐܢܝ̈ܢ ܐܝܣܪܝܠ܂ ܘܠܚܨܘܪ ܐܘܩܕ ܝܫܘܥ܂
11:14 ܘܠܟܠܗ݀ ܒܙܬܐ ܕܡܕܝܢ̈ܬܐ ܗܠܝܢ ܘܒܥܝܪܐ܂ ܒܙܘ ܠܗܘܢ ܒܢ̈ܝ ܐܝܣܪܝܠ܂ ܘܠܟܠܗܘܢ ܒܢ̈ܝ ܐܢܫܐ ܚܪܒܘ ܒܦܘܡܐ ܕܣܝܦܐ܂ ܥܕܡܐ ܕܓܡܪܘ ܐܢܘܢ ܘܠܐ ܫܒܩܘ ܡܢܗܘܢ ܢܫܡܬܐ܂
11:15 ܐܝܟܢܐ ܕܦܩܕ ܡܪܝܐ ܠܡܘܫܐ ܥܒܕܗ܂ ܗܟܢܐ ܦܩܕܗ ܡܘܫܐ ܠܝܫܘܥ܂ ܘܗܟܢܐ ܥܒܕ ܝܫܘܥ܂ ܘܠܐ ܒܛܠ ܡܠܬܐ ܡܢ ܟܠ ܡܕܡ ܕܦܩܕ ܡܪܝܐ ܠܡܘܫܐ܂
11:16 ܘܢܣܒܗ݀ ܝܫܘܥ ܠܟܠܗ݀ ܐܪܥܐ ܗܕܐ ܕܛܘܪ̈ܐ܂ ܘܠܟܠܗ݀ ܬܝܡܢܐ ܘܠܟܠܗ \ܐܪܥܐ ܕܦܩܥܬܐ܂ ܘܠܛܘܪ̈ܐ /ܐܪܥܐ ܕܓܫܢ ܘܠܦܩܥܬܐ ܘܠܛܘܪ̈ܐ#3#/ ܟܠܗܘܢ ܘܠܦܩ̈ܥܬܗܘܢ܂
11:17 ܡܢ ܛܘܪܐ ܕܦܠܓ ܘܣ݁ܠܩ ܠܣܥܝܪ܂ ܘܥܕܡܐ ܠܓܕܓܕ ܕܦܩܥܬܐ/ܕܒܦܩܥܬܐ#3#/ ܕܠܒܢܢ ܕܬܚܝܬ ܛܘܪܐ ܕܚܪܡܘܢ܂ ܘܠܟܘܠܗܘܢ ܡܠܟܝ̈ܗܘܢ ܟܒܫ܂ ܘܩܛܠ ܐܢܘܢ ܝܫܘܥ܂
11:18 ܘܝܘܡ̈ܬܐ ܣ̈ܓܝܐܐ ܥܒܕ ܝܫܘܥ ܩܪܒܐ ܥܡ ܡ̈ܠܟܐ ܟܠܗܘܢ ܗܠܝܢ܂
11:19 ܘܠܐ ܐܫܬܚܪܬ ܩܪܝܬܐ ܕܠܐ ܐܫܬܠܡܬ/ܐܫܠܡܬ#3#/ ܠܒܢ̈ܝ ܐܝܣܪܝܠ ܘܚܪܒܘܗ݀܂ ܐܠܐ ܐܢ ܚ̈ܘܝܐ ܕܝ݁ܬܒܝܢ ܒܓܒܥܘܢ ܕܐܚܝ ܐܢܘܢ ܝܫܘܥ܂ ܘܫܒܩ ܐܢܘܢ ܝܫܘܥ ܕܢܦܠܚܘܢ ܠܐܝܣܪܝܠ ܘܠܟܠܗܝܢ ܡ̈ܠܟܘܬܐ ܗܠܝܢ ܫܒܐ ܐܢܝ̈ܢ ܝܫܘܥ ܘܚܪܒ ܐܢܝ̈ܢ܂
11:20 ܡܛܠ ܕܡܢ ܩܕܡ ܡܪܝܐ ܗܘܬ ܗܕܐ܂ ܕܢܬܚܝܠ ܠܒܗܘܢ ܕܢܦܩܘܢ/ܕܢܣܩܘܢ#2#/ ܠܩܪܒܐ ܥܠ ‍<‍ܒܢ̈ܝ#3#‍>‍ ܐܝܣܪܝܠ܂ ܡܛܠ ܕܢܚܪܒܘܢ ܐܢܘܢ܂ ܘܠܐ ܬܗܘܐ ܥܠܝܗܘܢ ܬܟܫܦܬܐ܂ ܡܛܠ ܕܐܘܒܕ ܐܢܘܢ ܐܝܟܢܐ ܕܦܩܕ ܡܪܝܐ ܠܡܘܫܐ܀
11:21 ܘܐܬܐ ܝܫܘܥ ܒܙܒܢܐ ܗ݀ܘ ܘܚܪܒ ܠܓܢܒܪ̈ܐ ܕܒܛܘܪܐ܂ ܡܢ ܚܪܡܘܢ/ܚܪܒܘܢ#2#/ ܘܡܢ ܕܒܝܪ܂ ܘܡܢ ‍<‍ܟܠܗ#3#‍>‍ ܓܒܠ܂ ܘܡܢ ܟܠܗ ܛܘܪܐ ܕܝܗܘܕܐ܂ ܘܡܢ ܟܠܗ ܛܘܪܐ ܕܐܝܣܪܝܠ܂ ܥܡ ܡܕܝܢ̈ܬܗܘܢ ܚܪܒ/ܟܒܫ#3#/ ܐܢܘܢ ܝܫܘܥ܂
11:22 ܘܠܐ ܐܫܬܚܪ ܓܒܪܐ ܒܐܪܥܐ ܕܒܢ̈ܝ ܐܝܣܪܝܠ܂ ܐܠܐ ܐܢ ܒܥܐܙܐ ܘܒܓܬ܂ ܘܒܐܫܕܘܕ ܕܐܫܬܚܪܘ܂
11:23 ܘܢܣܒܗ݀ ܝܫܘܥ ܠܟܠܗ݀ ܐܪܥܐ܂ ܐܝܟ ܕܐܡܪ ܡܪܝܐ ܠܡܘܫܐ܂ ܘܝܗܒܗ݀ ܝܫܘܥ ܝܪܬܘܬܐ/ܝܘܪܬܢܐ#3#/ ܠܐܝܣܪܝܠ ܒܦܠܓ̈ܘܬܐ ܠܫ̈ܒܛܝܗܘܢ܂ \ܘܐܪܥܐ ܐܬܬܢܝܚܬ /ܘܐܬܬܢܝܚܬ#3#/ ܡܢ ܩܪܒܐ܀

next chapter