← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

previous chapter


13:01 ܘܝܫܘܥ ܩܫ ܘܥܠ ܒܫܢ̈ܝܐ܂ ܘܐܡܪ ܠܗ ܡܪܝܐ܂ ܗܐ ܐܢܬ ܩܫܬ ܘܥܠܬ ܒܫܢ̈ܝܐ܂ ܘܐܪܥܐ ܕܐܫܬܚܪܬ ܣܓܝܐܐ ܗܝ ܛܒ ܠܡܐܪܬܗ݀܂
13:02 ܗܕܐ ‍<‍ܗܝ#3#‍>‍ ܐܪܥܐ ܕܐܫܬܚܪܬ ܒܟܘܠܗ ܓܠܝܠܐ ܕܦܠܫ̈ܬܝܐ܂ ܘܒܟܠܗ/ܘܟܠܗ#3#/ ܐܬܪܐ ܕܥܝܢܕܘܪ܂
13:03 ܡܢ ܫܝܚܘܪ ܕܩܕܡ ܡܨܪܝܢ ܘܥܕܡܐ ܠܬܚܘܡܐ ܕܥܩܪܘܢ ܕܒܓܪܒܝܐ܂ ܕܟܢ̈ܥܢܝܐ ܡܬܚܫܒܐ܂ ܘܚܡܫܐ ܛܪ̈ܘܢܝܗܘܢ ܕܦܠܫ̈ܬܝܐ܂ ܓܙ̈ܬܝܐ ܘܐܫ̈ܕܘܕܝܐ ܘܐܫ̈ܩܠܘܢܝܐ ܘܓܬ̈ܝܐ ܘܥܩܪ̈ܘܢܝܐ ܘܥ̈ܘܝܐ܂
13:04 ܕܡܢ ܬܝܡܢܐ܂ ܘܟܠܗ݀ ܐܪܥܐ ܕܟܢ̈ܥܢܝܐ ܘܡܥܪܬܐ ܕܨܝ̈ܕܢܝܐ܂ ܥܕܡܐ ܠܐܦܩ܂ ܘܥܕܡܐ ܠܬܚܘܡܐ ܕܐܡܘܪ̈ܝܐ
13:05 ܘܐܪܥܐ ܕܓܒܠ܂ ܘܟܠܗ ܠܒܢܢ ܡܢ ܡܕܢܚ̈ܝ ܫܡܫܐ܂ ܕܒܓܠܥܕ ܕܬܚܝܬ ܛܘܪܐ ܕܚܪܡܘܢ/ܚܪܡܘܢ#3#/܂ ܥܕܡܐ ܠܡܥܠܢܐ ܕܚܡܬ܂
13:06 ܟܠܗܘܢ ܥܡܘܪ̈ܐ ܕܛܘܪ̈ܐ܂ ‍<‍ܡܢ ܠܒܢܢ‍>‍ ܘܥܕܡܐ ܠܐܬܪܐ ܕܡ̈ܝܐ ܚܡܝ̈ܡܐ܂ ܘܠܟܠܗܘܢ/ܘܟܠܗܘܢ#3#/ ܨܝ̈ܕܢܝܐ ܐܢܐ ܡܪܝܐ ܐܘܒܕ ܐܢܘܢ ܡܢ ܩܕܡ ܒܢ̈ܝ ܐܝܣܪܝܠ܂ ܒܠܚܘܕ ܕܝܢ ܠܐܪܥܐ ܕܐܝܣܪܝܠ ܐܝܟܢܐ ܕܦܩ݁ܕܬܟ܂
13:07 ܦܠܓܝܗ݀ ܠܐܪܥܐ ܗܕܐ ܒܝܪ̈ܬܘܬܐ ܠܬܫܥܐ ܫܒ̈ܛܝܢ܂ ܘܠܦܠܓܗ ܕܫܒܛܐ ܕܡܢܫܐ ܥܡܗܘܢ܂
13:08 ܡܛܠ ܕܪܘܒܝܠ ܘܓܕ ܘܦܠܓܗ ܕܫܒܛܐ ܕܡܢܫܐ܂ ܩܒܠܘ ܝܪܬܘܬܗܘܢ ܕܝܗܒ ܠܗܘܢ ܡܘܫܐ ܒܥܒܪܐ ܕܝܘܪܕܢܢ ܡܢ ܡܕܢܚܐ܂ ܐܝܟܢܐ ܕܝܗܒ ܠܗܘܢ ܥܒܕܝ ܡܘܫܐ܂
13:09 ܡܢ ܥܕܘܥܝܪ ܕܥܠ ܣܦܬܐ ܕܢܚܠܐ ܕܐܪܢܘܢ܂ ܘܩܪܝܬܐ ܕܒܓܘܗ ܕܢܚܠܐ܂ ܘܟܠܗ݀ ܦܩܥܬܐ ܕܒܡܥܪܒܐ/ܕܡܥܪܒܐ#3#/܂ ܘܥܕܡܐ ܠܪܝܒܘܢ܂
13:10 ܟܠܗܝܢ ܩܘܪ̈ܝܐ ܕܣܝܚܘܢ ܡܠܟܐ ܕܐܡܘܪ̈ܝܐ ܕܐܡܠܟ ܒܚܫܒܘܢ܂ ܥܕܡܐ ܠܬܚܘܡܐ ܕܒܢ̈ܝ ܥܡܘܢ
13:11 ܘܓܠܥܕ܂ ܘܬܚܘܡܐ ܕܥܝܢܕܘܪ ܘܕܩܘܪܘܣ܂ ܘܟܠܗ ܛܘܪܐ ܕܚܪܡܘܢ܂ ܘܟܠܗ݀ ܡܬܢܝܢ ܥܕܡܐ ܠܣܠܟܐ ‍<‍ܘܠܐܪܕܥ#3#‍>‍܂
13:12 ܟܠܗ݀ ܡܠܟܘܬܗ ܕܥܘܓ ܕܒܡܬܢܝܢ܂ ܕܐܡܠܟ/ܘܐܡܠܟ#3#/ ܒܥܣܬܪܘܬ ܘܒܐܪܕܥܝ ܘܗܘ/ܘܗ݀ܘ#3#/ ܐܫܬܚܪ ܡܢ ܫܪܟܐ/ܫܪܒܬܐ#3#/ ܕܓܢܒܪ̈ܐ ܕܩܛܠ ܐܢܘܢ ܡܘܫܐ ܘܐܝܪܬܘ ܐܪܥܗܘܢ܂
13:13 ܘܠܐ ܚܪܒܘ ܒܢ̈ܝ ܐܝܣܪܝܠ ܠܥܡ̈ܡܐ ܕܥܝܢܕܘܪ ܘܕܩܘܪܘܣ܂ ܘܐܝܬܒܘ ܥܝܢ̈ܕܘܪܝܐ ܘܩܘܪ̈ܘܣܝܐ ܒܓܘ ܒܢ̈ܝ ܐܝܣܪܝܠ ܥܕܡܐ ܠܝܘܡܢܐ܂
13:14 ܒܠܚܘܕ ܠܫܒܛܐ ܕܠܘܝ ܠܐ ܝܗܒ ܦܠܓܘܬܐ܂ ܡܛܘܠ ܕܩܘܪ̈ܒܢܘܗܝ ܕܡܪܝܐ ܐܠܗܐ ܕܐܝܣܪܝܠ ܗܢܘܢ ܐܢܘܢ ܝܪܬܘܬܗܘܢ ܐܝܟܢܐ ܕܐܡܪ ܠܗܘܢ ܡܘܫܐ܂
13:15 ܘܝܗܒ ܡܘܫܐ ܠܫܒܛܐ ܕܪܘܒܝܠ ܠܫܪ̈ܒܬܗܘܢ܂
13:16 ܘܗܘܐ ܬܚܘܡܗܘܢ ܡܢ ܥܕܘܥܝܪ ܕܥܠ ܓܢܒ ܣܦܬܗ ܕܢܚܠܐ ܕܐܪܢܘܢ܂ ܘܩܪܝܬܐ \ܕܒܓܘ ܢܚܠܐ /ܕܒܓܘܗ ܕܢܚܠܐ#3#/܂ ܘܟܠܗ݀ ܦܩܥܬܐ܂ ܥܕܡܐ ܠܪܝܒܐ܂
13:17 ܘܚܫܒܘܢ܂ ܘܟܠܗܝܢ ܩܘܪ̈ܝܐ ܕܐܝܬ ܒܦܩܥܬܐ܂ ܘܪܝܒܘܢ܂ ܘܡܬܒܥܠ܂ ܘܒܝܬ ܒܢ̈ܝ ܥܡܘܢ܂
13:18 ܘܝܗܨ ܘܩܪܡܘܬ ܘܥܢܬ܂
13:19 ܘܩܘܪܝܬܝܡ ܘܫܡܡܐ ܘܝܨܪܬ܂ ܘܣܥܝܪ ܕܒܛܘܪܐ ܕܒܥܘܡܩܐ܂
13:20 ܘܒܝܬ ܦܥܘܪ܂ ܘܥܣܬܪܘܬ ܘܦܣܓܐ ܘܒܝܬ ܐܚܫܡܘܬ܂
13:21 ܘܟܠܗܝܢ ܩܘܪ̈ܝܐ ܕܒܦܩܥܬܐ/ܕܦܩܥܬܐ#3#/܂ ܘܟܘܠܗ݀ ܡܠܟܘܬܗ ܕܣܝܚܘܢ ܡܠܟܐ ܕܐܡܘܪ̈ܝܐ ܕܐܡܠܟ ܒܚܫܒܘܢ܂ ܕܩܛܠܗ ܡܘܫܐ ܘܒ̈ܢܝ ܐܝܣܪܐܝܠ ܒܡܕܝܢ ܠܗ ܘܠܪ̈ܘܪܒܢܘܗܝ܂ ܠܐܘܝ ܘܠܪܩܡ ܘܠܨܘܪ ܘܠܚܘܪ ܘܠܪܒܥ܂ ܚܡܫܐ ܗܠܝܢ ܫ̈ܠܝܛܘܗܝ/ܫܠܝܛܢܘ̈ܗܝ#3#/ ܕܣܝܚܘܢ ܕܥ݁ܡܪܝܢ ܒܐܪܥܐ܂
13:22 ܘܠܒܠܥܡ ܒܪ ܒܥܘܪ ܩܨܘܡܐ܂ ܩܛܠܘܗܝ ܒܢ̈ܝ ܐܝܣܪܝܠ ܒܚܪܒܐ ܥܡ ܩ̈ܛܝܠܝܗܘܢ/ܩ̈ܛܠܝܗܘܢ#3#/܂
13:23 ܘܗܘܐ ܬܚܘܡܐ ܕܒ̈ܢܝ ܪܘܒܝܠ ܝܘܪܕܢܢ܂ ܗܕܐ ܗܝ ܝܪܬܘܬܐ ܕܒ̈ܢܝ ܪܘܒܝܠ ܠܫܪ̈ܒܬܗܘܢ܂ ܩܘܪ̈ܝܐ ܘܐܓܘܪ̈ܣܝܗܝܢ܂
13:24 ܘܝܗܒ ܡܘܫܐ ܠܫܒܛܐ ܕܓܕ ܠܒܢ̈ܘܗܝ ܕܓܕ ܠܫܪ̈ܒܬܗܘܢ܂
13:25 ܘܗܘܐ ܬܚܘܡܗܘܢ ܝܥܙܝܪ܂ ܘܟܠܗܝܢ ܩܘܪ̈ܝܐ ܕܓܠܥܕ ܘܦܠܓܗ݀ ܕܐܪܥܐ ܕܒ̈ܢܝ ܥܡܘܢ܂ ܥܕܡܐ ܠܥܕܘܥܝܪ ܕܐܝܬ ܩܕܡ ܪܒܬ܂
13:26 ܘܡܢ ܚܫܒܘܢ ܘܥܕܡܐ ܠܪܡܬ ܡܨܦܝܐ ܘܒܛܢܝܢ܂ ܘܡܢ ܡܚܢܝܡ ܘܥܕܡܐ ܠܬܚܘܡܐ ܕܕܒܝܪ܂
13:27 ܘܒܥܘܡܩܐ/ܘܥܘܡܩܐ#3#/ ܘܒܝܬ ܐܬܝܡ ܘܒܝܬ ܢܡܪܐ܂ ܘܣܟܘܬ ܘܓܪܒܝܐ ܘܫܪܟܐ ܕܡܠܟܘܬܗ ܕܣܝܚܘܢ ܡܠܟܐ ܕܚܫܒܘܢ܂ ܘܬܚ̈ܘܡܝܗܘܢ ܥܕܡܐ ܠܝܘܪܕܢܢ܂ ܘܥܕܡܐ ܠܣܘܦܐ ܕܝܡܐ ܕܟܢܪܬ܂ ܘܥܕܡܐ ܠܥܒܪܐ ܕܝܘܪܕܢܢ ܕܒܡܕܢܚܐ܂
13:28 ܗܕܐ ܗܝ ܝܪܬܘܬܐ ܕܒ̈ܢܝ ܓܕ ܠܫܪ̈ܒܬܗܘܢ܂ ܩܘܪ̈ܝܐ ܘܐܓܘܪ̈ܣܝܗܝܢ܂
13:29 ܘܝܗܒ ܡܘܫܐ ܠܦܠܓܘܬ ܫܒܛܐ ܕܡܢܫܐ܂ ܘܗܘܬ ܦܠܓܘܬܗܘܢ ܕܒܢ̈ܝ ܡܢܫܐ ܠܫܪ̈ܒܬܗܘܢ܂
13:30 ܘܗܘܐ ܬܚܘܡܗܘܢ ܡܢ ܡܚܢܝܡ ܘܟܠܗ݀ ܡܬܢܝܢ ܘܟܠܗ݀ ܡܠܟܘܬܗ ܕܥܘܓ ܡܠܟܐ ܕܡܬܢܝܢ܂ ܘܟܠܗܘܢ ܟܦܪ̈ܘܢܐ ܕܝܐܝܪ/ܕܢܐܝܪ#2#/ ܕܒܡܬܢܝܢ܂ ܫܬܝܢ ܩܘܪ̈ܝܐ܂
13:31 ܘܦܠܓܗ݀ ܕܓܠܥܕ܂ ܘܕܥܣܬܪܘܬ ܘܕܐܪܕܥܝ ܩܘܪ̈ܝܐ ܕܡܠܟܘܬܗ ܕܥܘܓ ܕܒܡܬܢܝܢ܂ ܗܠܝܢ ܩܘܪ̈ܝܐ ܘܟܦܪ̈ܘܢܝܗܝܢ ܝܗܒ ܡܘܫܐ ܠܒܢ̈ܘܗܝ ܕܡܟܝܪ܂ ܒܪ ܡܢܫܐ ܠܦܠܓܐ ܕܒ̈ܢܝ ܡܟܝܪ ܠܫܪ̈ܒܬܗܘܢ܂
13:32 ܠܗܠܝܢ ܬܪ̈ܝܢ ܫܒ̈ܛܝܢ ܘܠܦܠܓܘܬ ܫܒܛܐ ܐܘܪܬ ܡܘܫܐ ܒܦܩܥܬܐ ܕܡܘܐܒ ܡܢ ܥܒܪܐ ܕܝܘܪܕܢܢ ܡܢ ܡܕܢܚܐ܀
13:33 ܘܠܫܒܛܐ ܕܠܘܝ ܠܐ ܝܗܒ ܡܘܫܐ ܝܪܬܘܬܐ܂ ܡܛܠ ܕܡܪܝܐ ܗܘ ܐܠܗܐ ܕܐܝܣܪܝܠ ܝܪܬܘܬܗܘܢ ܐܝܟܢܐ ܕܐܡܪ ܠܗܘܢ܂

next chapter