The Comprehensive Aramaic Lexicon

14:01	ܘܗܠܝܢ ܕܐܝܪܬܘ ܒܢ̈ܝ ܐܝܣܪܝܠ ܒܐܪܥܐ ܕܟܢܥܢ܂ ܕܐܘܪܬ ܐܢܘܢ ܐܠܝܥܙܪ ܟܗܢܐ ܘܝܫܘܥ ܒܪ܆ܢܘܢ܂ ܘܪ̈ܫܐ ܕܐ̈ܒܗܬܐ ܕܫܒ̈ܛܐ ܕܐܝܣܪܝܠ
14:02	ܒܡܢܬܐ ܕܝܪܬܘܬܗܘܢ܂ ܐܝܟܢܐ ܕܦܩܕ ܡܪܝܐ ܒܐܝܕܐ ܕܡܘܫܐ܂ ܠܡܬܠ ܠܬܫܥܐ ܫܒ̈ܛܝܢ ܘܠܦܠܓܘܬ ܫܒܛܐ ‍<‍ܕܡܢܫܐ#3#‍>‍܂
14:03	ܡܛܠ ܕܝܗܒ ܡܘܫܐ ܝܪܬܘܬܐ ܠܬܪ̈ܝܢ ܫܒ̈ܛܝܢ ܘܠܦܠܓܘܬ ܫܒܛܐ ܒܥܒܪܐ ܕܝܘܪܕܢܢ܂ ܘܠܠܘ̈ܝܐ ܠܐ ܝܗܒ ܝܪܬܘܬܐ ܒܝܢܬܗܘܢ܂
14:04	ܡܛܠ ܕܗܘܘ ܒܢ̈ܝ ܝܘܣܦ ܬܪ̈ܝܢ ܫܒ̈ܛܝܢ܂ ܡܢܫܐ ܘܐܦܪܝܡ܂ ܘܠܐ ܝܗܒ ܦܠܓܘܬܐ ܠܠܘ̈ܝܐ ܒܐܪܥܐ܂ ܐܠܐ ܐܢ ܩܘܪ̈ܝܐ ܠܡܥܡܪ ܒܗܝܢ܂ ܘܐܓܘܪ̈ܣܐ ܠܒܥܝܪܗܘܢ ܘܠܩܢܝܢܗܘܢ܂
14:05	ܐܝܟܢܐ ܕܦܩܕ ܡܪܝܐ ܠܡܘܫܐ܂ ܗܟܢܐ ܥܒܕܘ ܒܢ̈ܝ ܐܝܣܪܝܠ ܘܦܠܓܘܗ݀ ܠܐܪܥܐ܂
14:06	ܘܩܪܒܘ ܒܢ̈ܝ ܝܗܘܕܐ ܠܘܬ ܝܫܘܥ ܒܓܠܓܠܐ܂ ܘܐܡܪ ܟܠܒ ܒܪ ܝܘܦܢܐ ܩܢܙܝܐ ܠܝܫܘܥ܂ ܐܢܬ ܝ݁ܕܥ ܐܢܬ ܦܬܓܡܐ ܕܡܠܠ ܡܪܝܐ ܥܡ ܡܘܫܐ ܥܒܕܗ܂ ܥܠ ܨܒܘܬܝ ܘܥܠ ܨܒܘܬܟ ܒܪܩܡ ܕܓܝܐ܂
14:07	ܟܕ ܒܪ ܐܪܒܥܝܢ ܗܘ݁ܝܬ ܫܢ̈ܝܢ ܗܝܕܝܢ܂ ܟܕ ܫܕܪܢܝ ܡܘܫܐ ܥܒܕܗ ܕܐܠܗܐ ܡܢ ܪܩܡ ܕܓܝܐ ܠܡܓܫܗ݀ ܠܐܪܥܐ܂ ܘܐܬܝܒ݁ܬܗ ܦܬܓܡܐ ܐܝܟ ܕܐܝܬ ܗܘܐ ܒܠܒܝ܂
14:08	ܘܐ̈ܚܝܢ ܐܝܠܝܢ ܕܣܠܩܘ ܗܘܘ ܥܡܢ ܐܙܝܥܘܗܝ ܠܒܗ ܕܥܡܐ܂ ܘܐܢܐ ܫ݁ܡܠܝܬ ܒܬܪ ܡܪܝܐ ܐܠܗܝ܂
14:09	ܘܐܝܡܐ ܡܘܫܐ ܒܗ ܒܙܒܢܐ ܗ݀ܘ܂ ܘܐܡܪ ܕܐܪܥܐ/ܐܪܥܐ#2#/ ܕܕܪܟܬ ܒܗ݀ ܪܓܠܟ܂ ܠܟ ܬܗܘܐ ܝܪܬܘܬܐ ܘܠܒܢ̈ܝܟ ܠܥܠܡ܂ ܡܛܠ ܕܫܡܠܝܬ ܒܬܪ ܡܪܝܐ ܐܠܗܐ܂
14:10	ܘܗܫܐ ܗܐ ܐܢܝܚ ܠܢ ܡܪܝܐ/ܐܠܗܐ#3#/ ܐܝܟܢܐ/ܐܝܟ#3#/ ܕܐܡܪ܂ ܗܐ ܐܪܒܥܝܢ ܘܚܡܫ ܫܢ̈ܝܢ ܗܐ ܡܢ ܕܐܡܪ ܡܪܝܐ ܡܠܬܐ ܗܕܐ ܠܡܘܫܐ܂ ܕܢܗܠܟ ܠܐܝܣܪܝܠ/ܐܝܣܪܝܠ#3#/ ܒܡܕܒܪܐ܂ ܘܗܫܐ ܐܢܐ ܝܘܡܢܐ ܒܪ ܬܡܢܐܝܢ ܐܢܐ ܘܚܡܫ ܫܢ̈ܝܢ܂

14:11	ܘܥܕܡܐ ܠܗܫܐ ܚܝܠܐ ܐܝܬ ܒܝ܂ ܐܝܟ ܕܒܝܘܡܐ ܗ݀ܘ ܕܫܕܪܢܝ ܡܘܫܐ܂ ܚܝܠܝ ܕܗܝܕܝܢ ܘܕܗܫܐ ܫܘܐ ܗܘ ܠܩܪܒܐ܂ ܘܠܡܦܩ ܘܠܡܥܠ܂

14:12	ܗܫܐ ܗܒ ܠܝ ܛܘܪܐ ܗܢܐ ܕܐܡܪ ܡܪܝܐ ܒܗ ܒܝܘܡܐ ܗ݀ܘ܂ ܘܐܢܬ ܫܡܥܬ ܒܗ ܒܝܘܡܐ ܗ݀ܘ ܕܓܢܒܪ̈ܐ ܐܝܬ ܬܡܢ܂ ܘܡܕܝܢ̈ܬܐ ܪ̈ܘܪܒܢ ܐܢܝ̈ܢ ܘܚܣ̈ܝܢܢ܂ ܟܒܪ ܢܗܘܐ ܡܪܝܐ ܥܡܝ܂ ܘܐܚܪܘܒ ܐܢܘܢ ܐܝܟ ܕܐܡܪ ܡܪܝܐ܂
14:13	ܘܒܪܟܗ ܝܫܘܥ ܠܟܠܒ ܒܪ ܝܘܦܢܐ ܘܝܗܒ ܠܗ ܠܚܒܪܘܢ ܟܪܟܐ ܝܪܬܘܬܐ܂
14:14	ܡܛܠ ܗܢܐ ܗܘܐ ܚܒܪܘܢ ܟܪܟܐ ܝܪܬܘܬܐ܂ ܠܟܠܒ ܒܪ ܝܘܦܢܐ ܩܢܙܝܐ ‍<‍ܝܪܬܘܬܐ#3#‍>‍ ܥܕܡܐ ܠܝܘܡܢܐ܂ ܡܛܠ ܕܫܡܠܝ ܒܬܪ ܡܪܝܐ ܐܠܗܐ ܕܐܝܣܪܝܠ܂
14:15	ܘܫܡܗ݀ ܕܚܒܪܘܢ ܟܪܟܐ ܡܢ ܩܕܝܡ/ܩܪܝܡ#2#/܂ ܩܘܪܝܬ ܐܪܒܥ ܕܐ̈ܢܫܐ ܓܢܒܪ̈ܐ܂ ܘܐܪܥܐ ܐܬܬܢܝܚܬ ܡܢ ܩܪܒܐ܂