← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62006: P Jos

Click on a word for lexical analysis
Click on a red-colored coordinate for comments and/or translations of the line

previous chapter


17:01 ܘܗܘܬ ܓܠܥܕ ܡܢܬܐ ܕܫܒܛܐ ܕܡܢܫܐ܂ ܡܛܠ ܕܗܘܝܘ ܗܘܐ ܒܘܟܪܗ ܕܝܘܣܦ܂ ܘܠܡܟܝܪ ܒܘܟܪܗ ܕܡܢܫܐ ܐܒܘܗܝ ܕܓܠܥܕ܂ ܡܛܠ ܕܗܘ ܗܘܐ ܒܘܟܪܐ܂ ܓܒܪܐ ܩܪܒܬܢܐ܂ ܘܗܘܬ ܕܝܠܗ ܓܠܥܕ ܘܡܬܢܝܢ܂
17:02 ܘܗܘܬ ܕܒ̈ܢܝ ܡܢܫܐ ܕܐܫܬܚܪܘ ܠܫܪ̈ܒܬܗܘܢ܂ ܘܠܒܢ̈ܝ ܐܒܝܥܙܪ ܘܠܒܢ̈ܝ ܚܠܩ܂ ܘܠܒܢ̈ܝ ܢܫܪܐܝܠ ܘܠܒܢ̈ܝ ܫܘܦܡ ܘܠܒܢ̈ܝ ܚܦܪ ܘܠܒܢ̈ܝ ܫܡܝܕܥ܂ ܗܠܝܢ ܒܢ̈ܘܗܝ ܕܡܢܫܐ܂ ܒܪ ܝܘܣܦ ܕܟܪ̈ܐ ܠܫܪ̈ܒܬܗܘܢ܂
17:03 ܘܠܨܠܦܚܕ ܒܪ ܚܦܪ ܒܪ ܓܠܥܕ ܒܪ ܡܟܝܪ ܒܪ ܡܢܫܐ ܠܐ ܗܘܘ ܠܗ ܒܢ̈ܝܐ ܐܠܐ ܐܢ ܒܢ̈ܬܐ܂ ܘܗܠܝܢ ܫܡ̈ܗܐ ܕܒܢ̈ܬܗ ܡܚܠܐ ܘܝܥܐ ܘܚܓܠܐ ܘܡܠܟܐ ܘܬܪܨܐ܂
17:04 ܘܩܪܒ ܩܕܡ ܐܠܝܥܙܪ ܟܗܢܐ܂ ܘܩܕܡ ܝܫܘܥ ܒܪ܆ܢܘܢ܂ ܘܩܕܡ ܪ̈ܘܪܒܢܐ ܕܐܝܣܪܝܠ ܘܐܡܪ̈ܢ܂ ܡܪܝܐ ܦܩܕ ܠܡܘܫܐ ܕܢܬܠ ܠܢ ܝܪܬܘܬܐ ܒܝܢܬ/ܒܝܬ#3#/ ܐܚ̈ܝܢ܂ ܘܝܗܒ ܠܢ ܥܠ ܡܠܬ ܦܘܡܗ ܕܡܪܝܐ܂ ܒܝܢܬ ܐܚ̈ܐ ܕܐܒܘܢ܂ ܘܗܫܐ ܗܒ ܠܢ ܝܪܬܘܬܐ ܒܝܢܬ ܐܚ̈ܐ ܕܐ̈ܒܗܝܢ܂ ܘܝܗܒ ܠܗܝܢ ܝܫܘܥ ܝܪܬܘܬܐ ܘܦܠܓܘܬܐ ܒܝܢܬ ܐܚ̈ܐ ܕܐܒܘܗܝܢ܂
17:05 ܘܢܦܠܘ ܚܒ̈ܠܘܗܝ ܕܡܢܫܐ ܥܣܪܐ ܠܒܪ ܡܢ ܐܪܥܐ ܕܓܠܥܕ ܘܕܡܬܢܝܢ܂ ܕܐܝܬ ܒܥܒܪܐ ܕܝܘܪܕܢܢ܂
17:06 ܡܛܠ ܕܒܢ̈ܬܗ ܕܡܢܫܐ ܝܪܬ ܝܪܬܘܬܐ ܥܡ ܐܚܝ̈ܗܝܢ܂ ܘܐܪܥܐ ܕܓܠܥܕ ܗܘܬ ܠܒܢ̈ܘܗܝ ܕܡܢܫܐ ܕܐܫܬܚܪܘ܂
17:07 ܘܗܘܐ/ܘܗܢܐ#3#/ ܬܚܘܡܐ ܕܒ̈ܢܝ ܡܢܫܐ ܡܢ ܬܚܘܡܐ ܕܡܥܟܬ܂ ܕܐܝܬ ܥܠ ܝܡܝܢܐ ܕܝ̈ܬܒܝ ܥܝܢ ܬܦܘܚ܂
17:08 ܘܗܘܬ ܐܪܥܗܘܢ ܒܬܦܘܚ/ܬܦܘܚ#3#/ ܘܦܬܚ܂ ܘܗܘܐ ܬܚܘܡܐ ܠܒܢ̈ܝ ܡܢܫܐ ܒܪ ܝܘܣܦ ܘܠܒܝܬ ܒ̈ܢܝ ܐܦܪܝܡ܂
17:09 ܘܢ݁ܚܬ ܬܚܘܡܗܘܢ ܠܢܚܠܐ ܕܝܡܐ ܡܢ ܬܝܡܢܐ ܕܢܚܠܐ ܕܩܘܪ̈ܝܐ ܗܠܝܢ ܕܐܦܪܝܡ܂ ܠܒܝܬ ܩܘܪ̈ܝܐ ܕܡܢܫܐ܂ ܘܬܚܘܡܐ ܕܡܢܫܐ ܡܢ ܓܪܒܝܐ ܕܢܚܠܐ܂ ܘܗܘܘ ܡܦܩ̈ܢܘܗܝ ܠܡܥܪܒܐ܂
17:10 ܘܬܝܡܢܐ ܠܐܦܪܝܡ ܘܓܪܒܝܐ ܠܡܢܫܐ܂ ܘܝܡܐ ܬܚܘܡܗܘܢ܂ ܘܒܐܫܝܪ ܦܓܥܝܢ ܡܢ ܓܪܒܝܐ܂ ܘܒܐܝܣܟܪ ܡܢ ܡܕܢܚܐ܂
17:11 ܘܗܘܬ ܕܡܢܫܐ ܠܩܘܒܠܗ ܕܐܝܣܟܪ܂ ܒܝܬ ܝܫܢ ܘܟܦܪ̈ܘܢܝܗ݀܂ ܘܢܒܠܥܡ ܘܟܦܪ̈ܘܢܝܗ݀ ܘܥܝܢ ܕܘܪ ܘܟܦܪ̈ܘܢܝܗ݀܂ ܘܬܥܢܟ ܘܟܦܪ̈ܘܢܝܗ݀܂ ܘܡܓܕܘ ܘܟܦܪ̈ܘܢܝܗ݀܂ ܬܠܬ ܙܘ̈ܝܢ܂
17:12 ܘܠܐ ܚܪܒܘ ܒܢ̈ܝ ܐܝܣܪܐܝܠ ܠܩܘܪ̈ܝܐ ܗܠܝܢ܂ ܡܛܠ ܕܐܛܦܝܣܘ ܟܢ̈ܥܢܝܐ ܠܡܬܒ ܒܩܘܪ̈ܝܐ ܗܠܝܢ܂
17:13 ܘܟܕ ܥܫܢܘ ܒܢ̈ܝ ܐܝܣܪܐܝܠ܂ ܟܒܫܘ ܐܢܘܢ ܠܟܢ̈ܥܢܝܐ ܒܡܕܐܬܐ܂ ܘܡܚܪܒ ܠܐ ܚܪܒܘ ܐܢܘܢ܂
17:14 ܘܐܡܪܘ ܒܢ̈ܝ ܝܘܣܦ ܠܝܫܘܥ܂ ܠܡܢܐ ܝܗܒܬ ܠܢ ܝܪܬܘܬܐ ܡܢܬܐ ܚܕܐ ܘܚܒܠܐ ܚܕ܂ ܘܚܢܢ ܥܡܐ ܚܢܢ ܣܓܝܐܐ܂ ܥܕܡܐ ܗܘ ܠܗܪܟܐ ܒܪܟܢ ܡܪܝܐ܂
17:15 ܐ݁ܡܪ ܠܗܘܢ ܝܫܘܥ܂ ܐܢ ܥܡܐ ܐܢܬܘܢ ܣܓܝܐܐ܂ ܣܩܘ ܠܟܘܢ ܠܓܒܐ ܕܛܘܪܐ܂ ܘܓܒܘ ܠܟܘܢ ܬܡܢ ܒܐܪܥܐ ܕܦܪ̈ܙܝܐ ܘܕܓܢܒܪ̈ܐ܂ ܡܛܠ ܕܐܠܝܨ ܗܘ ܠܟܘܢ ܛܘܪܐ ܕܐܦܪܝܡ܂
17:16 ܘܐܡܪܘ ܒܢ̈ܝ ܝܘܣܦ܂ ܠܐ ܣ݁ܦܩ ܠܢ ܛܘܪܐ ܘܡܕܝܢ̈ܬܐ ܕܦܪ̈ܙܝܐ܂ ܡܛܠ ܕܟܢ̈ܥܢܝܐ ܝ݁ܬܒܝܢ ܒܐܪܥܐ ܕܥܘܡܩܐ܂ ܘܒܒܝܬ ܝܫܢ/ܘܒܝܬ ܝܫܢ#3#/ ܘܒܟܦܪ̈ܘܢܝܗ݀܂ ܘܒܥܘܡܩܐ ܕܐܝܙܪܥܝܠ܂
17:17 ܘܐܡܪ ܝܫܘܥ ܠܒܝܬ ܝܘܣܦ܂ ܠܒܢ̈ܝ ܐܦܪܝܡ ܘܡܢܫܐ܂ ܥܡܐ ܣܓܝܐܐ ܐܢܬܘܢ܂ ܘܚܝܠܐ ܪܒܐ ܐܝܬ ܠܟܘܢ܂ ܐܠܐ ܣܦܩܐ ܠܟܘܢ ܡܢܬܐ ܚܕܐ܂
17:18 ܓܒܘ ܠܟܘܢ ܛܘܪܐ ܘܣ݁ܦܩ ܠܟܘܢ܂ ܘܓܒ̈ܘܗܝ ܕܛܘܪܐ ܢܗܘܘܢ ܠܟܘܢ ܡܦܩ̈ܢܘܗܝ܂ ܘܚܪܘܒܘ ܠܟܢ̈ܥܢܝܐ ܘܠܦܪ̈ܙܝܐ܂ ܡܛܠ ܕܡܪ̈ܟܒܬܐ ܪ̈ܘܪܒܬܐ ܕܥܫܝ̈ܢܢ ܕܦܪܙܠܐ ܐܝܬ ܠܗܘܢ܂ ܘܥܫܝܢܝܢ ܐܢܘܢ܂

next chapter