The Comprehensive Aramaic Lexicon

18:01	ܘܐܬܟܢܫܘ ܟܠܗ݀ ܟܢܘܫܬܐ ܕܒܢ̈ܝ ܐܝܣܪܝܠ ܠܫܝܠܘ܂ ܘܐܫܪܝܘ ܬܡܢ ܡܫܟܢܙܒܢܐ ܘܐܪܥܐ ܐܬܟܒܫܬ ܩܕܡܝܗܘܢ܂
18:02	ܘܐܫܬܚܪܘ ܡܢ ܒܢ̈ܝ ܐܝܣܪܝܠ ܕܠܐ ܦܠܓܘ ܝܪܬܘܬܗܘܢ܂ ܫܒ̈ܛܐ ܫܒܥܐ܂

18:03	ܘܐܡܪ ܝܫܘܥ ܠܒܢ̈ܝ ܐܝܣܪܝܠ܂ ܥܕܡܐ ܠܐܡܬܝ ܡܬܪܦܝܢ ܐܢܬܘܢ ܠܡܥܠ ܠܡܐܪܬ ܐܪܥܐ ܕܝܗܒ ܠܟܘܢ ܡܪܝܐ \ܐܠܗܐ ܕܐ̈ܒܗܝܟܘܢ /ܐܠܗܟܘܢ#3#/܂

18:04	ܓܒܘ ܠܟܘܢ ܬܠܬܐ ܬܠܬܐ ܓܒܪ̈ܝܢ ܡܢ ܫܒܛܐ܂ ܘܐܫܕܪ ܐܢܘܢ ܘܢܩܘܡܘܢ ܘܢܗܠܟܘܢ ܒܐܪܥܐ܂ ܘܢܟܬܒܘܢܗ݀ ܠܦܘܬ ܝܪܬܘܬܗܘܢ܂ ܘܢܐܬܘܢ ܠܘܬܝ܂
18:05	ܘܢܦܠܓܘܢܗ݀ ܠܐܪܥܐ ܠܫܒܥ ܦ̈ܠܓܘܢ܂ ܘܝܗܘܕܐ ܢܩܘܡ ܥܠ ܬܚܘܡܗ ܡܢ ܬܝܡܢܐ܂ ܘܕܒܝܬ ܝܘܣܦ ܢܩܘܡܘܢ ܥܠ ܬܚܘܡܗܘܢ ܡܢ ܓܪܒܝܐ܂
18:06	ܘܐܢܬܘܢ ܟܘܬܒܘܗ݀ ܠܐܪܥܐ ܠܫܒܥ ܦ̈ܠܓܘܢ܂ ܘܐܝܬܐܘܗ݀ ܠܘܬܝ ܠܗܪܟܐ܂ ܘܐܚܘܝܟܘܢ ܡܢܬܐ ܕܓܒܝܐ ܩܕܡ ܡܪܝܐ ܐܠܗܢ܂
18:07	ܡܛܠ ܕܠܝܬ ܦܠܓܘܬܐ ܠܠܘ̈ܝܐ ܒܝܢܬܟܘܢ܂ ܡܛܠ ܕܟܗܢܘܬܗ ܗܘ/ܗܝ#3#/ ܕܡܪܝܐ ܝܪܬܘܬܗܘܢ܂ ܓܕ ܘܪܘܒܝܠ \ܘܦܠܓܘܬ ܫܒܛܐ /ܘܦܠܓܗ ܕܫܒܛܐ#3#/ ܕܡܢܫܐ܂ ܩܒܠܘ ܝܪܬܘܬܗܘܢ ܒܥܒܪܐ ܕܝܘܪܕܢܢ ܡܢ ܡܕܢܚܐ܂ ܕܝܗܒ ܠܗܘܢ ܡܘܫܐ ܥܒܕܗ ܕܡܪܝܐ܂
18:08	ܘܩܡܘ ܓܒܪ̈ܐ ܘܐܙܠܘ܂ ܘܦܩܕ ܝܫܘܥ ܠܗ݀ܢܘܢ܂ ܕܐܙܠܘ ܠܡܟܬܒܗ݀ ܠܐܪܥܐ ܘܐܡܪ ܠܗܘܢ܂ ܙܠܘ ܗܠܟܘ ܒܐܪܥܐ ܘܟܘܬܒܘܗ݀܂ ܘܬܘ ܠܘܬܝ ܠܗܪܟܐ܂ ܘܐܪܡܐ ܠܟܘܢ ܡܢ̈ܘܬܐ ܩܕܡ ܡܪܝܐ ܒܫܝܠܘ܂
18:09	ܘܐܙܠܘ ܓܒܪ̈ܐ ܘܥܒܪܘ ܒܐܪܥܐ܂ ܘܟܬܒܘ ܐܢܝ̈ܢ ܠܩܘܪ̈ܝܐ ܫܒܥ ܦ̈ܠܓܘܢ ܥܠ ܡܓܠܬܐ܂ ܘܐܬܘ ܠܘܬ ܝܫܘܥ ܠܫܝܠܘ ܡܕܝܢܬܐ܂
18:10	ܘܐܪܡܝ ܠܗܘܢ ܦܨ̈ܐ ܒܫܝܠܘ ܩܕܡ ܡܪܝܐ܂ ܘܦܠܓܗ݀ ܬܡܢ ܝܫܘܥ ܠܐܪܥܐ ܠܒܢ̈ܝ ܐܝܣܪܝܠ ܒܦܠܓܘ̈ܬܐ/ܠܫܒ̈ܛܝܗܘܢ#3#/܂
18:11	ܘܣܠܩܬ ܦܨܬܐ ܕܫܒܛܐ ܕܒܢ̈ܝ ܒܢܝܡܝܢ ܠܫܪ̈ܒܬܗܘܢ܂ ܘܢܦܩ ܬܚܘܡܐ ܕܝܪܬܘܬܗܘܢ ܠܒܝܬ ܒܢ̈ܝ ܝܗܘܕܐ ܘܠܒܝܬ ܒܢ̈ܝ ܝܘܣܦ܂
18:12	ܘܗܘܐ ܬܚܘܡܗܘܢ ܠܣܛܪܐ ܕܓܪܒܝܐ ܡܢ ܝܘܪܕܢܢ܂ ܘܣ݁ܠܩ ܬܚܘܡܐ ܠܣܛܪܐ ܕܐܝܪܝܚܘ܂ ܡܢ ܓܪܒܝܐ܂ ܘܣ݁ܠܩ ܒܛܘܪܐ ܠܡܥܪܒܐ܂ ܘܗ݀ܘܝܢ ܡܦܩ̈ܢܘܗܝ ܠܡܕܒܪܐ ܕܒܝܬ ܐܘܢ܂
18:13	ܘܥ݁ܒܪ ܡܢ ܬܡܢ ܬܚܘܡܐ ܠܠܘܙ܂ ܥܠ ܣܛܪܐ ܕܠܘܙ ܡܢ ܬܝܡܢܐ ܗܝ/ܕܗܝ#3#/ ܗܝ ܒܝܬ ܐܝܠ܂ ܘܢ݁ܚܬ ܬܚܘܡܐ ܠܥܛܪܘܬ ܐܕܪ܂ ܥܠ ܛܘܪܐ ܕܡܢ ܬܝܡܢܐ ܕܒܝܬ ܚܘܪܢ ܬܚܬܝܬܐ܂
18:14	ܘܚ݁ܐܪ ܬܚܘܡܐ ܠܣܛܪܐ ܕܝܡܐ ܡܢ ܬܝܡܢܐ܂ ܡܢ ܛܘܪܐ ܕܠܐ̈ܦܝ ܒܝܬ ܚܘܪܢ ܒܬܝܡܢܐ܂ ܘܗ݀ܘܝܢ ܡܦܩ̈ܢܘܗܝ ܥܠ ܩܘܪܝܬ ܒܥܠ܂ ܕܗܝ ܗܝ ܩܘܪܝܬ ܢܥܪܝܢ ܡܕܝܢܬܐ ܕܒܢ̈ܝ/ܕܒܝܬ#3#/ ܝܗܘܕܐ܂ ܗܢܐ ܗܘ ܣܛܪܐ ܕܝܡܐ܂
18:15	ܘܣܛܪܐ ܕܬܝܡܢܐ ܡܢ ܣܘܦܐ ܕܩܘܪܝܬ ܢܥܪܝܢ܂ ܘܢ݁ܦܩ ܬܚܘܡܐ ܠܝܡܐ܂ ܘܢ݁ܦܩ ܠܡܒܘܥܐ ܕܡ̈ܝܐ ܕܢܦܬܠܝ܂
18:16	ܘܢ݁ܚܬ ܬܚܘܡܐ \ܥܠ ܣܘܦܗ /ܠܣܘܦܗ#2# /ܥܠ ܣܛܪܐ#3#/ ܕܛܘܪܐ܂ ܠܐ̈ܦܝ/ܕܠܐ̈ܦܝ#3#/ ܢܚܠܐ ܕܒܪ܆ܗܢܘܡ܂ ܕܐܝܬ ܒܥܘܡܩܐ ܕܓܢܒܪ̈ܐ ܕܡܢ/ܡܢ#3#/ ܓܪܒܝܐ܂ ܘܢ݁ܚܬ ܬܚܘܡܐ ܕܒܪ܆ܗܢܘܡ܂ ܥܠ ܣܛܪܐ ܕܝܒ̈ܘܣܝܐ ܡܢ ܬܝܡܢܐ܂ ܘܢ݁ܚܬ ܠܥܝܢ ܕܘܓܠ܂
18:17	ܘܚ݁ܐܪ ܡܢ ܓܪܒܝܐ ܘܢ݁ܦܩ ܠܡܒܘܥܐ ܕܫܡܫ܂ ܘܢ݁ܦܩ ܥܠ ܓܠܝܠܐ ܕܠܘܩܒܠ ܡܣܩܢܐ ܕܪܡܝܢ܂ ܘܢ݁ܚܬ ܠܠܒܢ/ܠܠܒܢܢ#2#/ ܘܠܒܗܢ ܕܒܪܗ ܕܪܘܒܝܠ܂
18:18	ܘܥ݁ܒܪ ܥܠ ܣܛܪܐ ܕܠܘܩܒܠ ܦܩܥܬܐ ܡܢ ܓܪܒܝܐ܂ ܘܢ݁ܚܬ ܠܦܩܥܬܐ܂
18:19	ܘܥ݁ܒܪ ܬܚܘܡܐ ܥܠ ܣܛܪܐ ܕܒܝܬ ܚܓܠܐ ܡܢ/ܕܡܢ#1##2#/ ܓܪܒܝܐ܂ ܘܗ݀ܘܝܢ ܡܦܩ̈ܢܘܗܝ ܕܬܚܘܡܐ܂ ܥܠ ܠܫܢܐ ܕܝܡܐ ܕܡܠܚܐ ܡܢ ܓܪܒܝܐ܂ ܘܥܠ ܣܦܪ̈ܘܗܝ ܕܝܘܪܕܢܢ ܡܢ ܬܝܡܢܐ܂ ܗܢܐ ܗܘ ܬܚܘܡܐ ܕܬܝܡܢܐ܂
18:20	ܘܕܝܘܪܕܢܢ ܒܬܚ̈ܘܡܘܗܝ ܠܣܛܪܐ ܕܡܕܢܚܐ܂ ܗܕܐ ܗܝ ܝܪܬܘܬܐ ‍<‍ܕܫܒܛܐ#1##2#‍>‍ ܕܒܢ̈ܝ ܒܢܝܡܝܢ܂ ܒܬܚ̈ܘܡܝܗ݀ ܟܕ ܚ݁ܕܪܐ ܠܫܪ̈ܒܬܗܘܢ܂
18:21	ܘܗܘ̈ܝ ܩܘܪ̈ܝܐ ܕܫܒܛܐ ܕܒܢ̈ܝ ܒܢܝܡܝܢ ܠܫܪ̈ܒܬܗܘܢ܂ ܐܝܪܝܚܘ ܘܙܒܝܬ܂ ܘܚܓܠܐ ܘܥܡܩ܂ ܘܩܨܨ/ܘܩܨܝܢ#2#/
18:22	ܘܒܝܬ ܥܪܒܐ܂ ܘܨܡܪܝܡ ܘܒܝܬ ܐܝܠ܂
18:23	ܘܥܘܝܢ ܘܦܪܐ܂ ܘܥܘܦܪܐ܂
18:24	ܘܟܦܪ ܥܘܡܩܐ܂ ܘܥܦܠܝ ܘܓܒܥ܂ ܩܘܪ̈ܝܐ ܐܪ̈ܒܥܣܪܐ ܘܐܓܘܪ̈ܣܝܗܝܢ܂
18:25	ܘܓܒܥܘܢ ܘܪܡܬܐ܂ ܘܒܪܘ
18:26	ܘܡܨܦܐ܂ ܘܟܦܝܪܐ ܘܡܨܐ܂
18:27	ܘܪܩܡ ܘܪܦܐܝܠ ܘܬܪܐܠܐ܂
18:28	ܘܨܠܥ ܘܓܒܝܪܐ/ܕܓܢܒܪ̈ܐ#3#/܂ ܘܝܒܘܣ ܕܗܝ ܗܝ ܐܘܪܫܠܡ܂ ܘܓܒܥܬ ܘܩܘܪܝܬܝܡ܂ ܩܘܪ̈ܝܐ ܐܪ̈ܒܥܣܪܐ ܘܐܓܘܪ̈ܣܝܗܝܢ܂ ܗܕܐ ܗܝ ܝܪܬܘܬܐ ܕܫܒܛܐ ܕܒܢ̈ܝ ܒܢܝܡܝܢ ܠܫܪ̈ܒܬܗܘܢ܂